ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ (MS Dhoni) ನೋ ಲುಕ್ ರನೌಟ್ ಮೂಲಕ ವಿಕೆಟ್ ಕೀಪಿಂಗ್ನಲ್ಲಿ ಹೊಸ ಭಾಷ್ಯ ಬರೆದಿದ್ದರು. ಈ ಕೈಚಳಕವೇ ಇದೀಗ ಹಲವು ವಿಕೆಟ್ ಕೀಪರ್ಗಳ ಪ್ರಮುಖ ಅಸ್ತ್ರವಾಗಿ ಮಾರ್ಪಟ್ಟಿದೆ. ಇದಕ್ಕೆ ಸಾಕ್ಷಿಯೇ ಇಂಟರ್ನ್ಯಾಷನಲ್ ಟಿ20 ಲೀಗ್ನಲ್ಲಿ (ILT20) ಇಂಗ್ಲೆಂಡ್ ಆಟಗಾರ ಸ್ಯಾಮ್ ಬಿಲ್ಲಿಂಗ್ಸ್ (Sam Billings) ಮಾಡಿರುವ ರನೌಟ್. ಯುಎಇನಲ್ಲಿ ನಡೆಯುತ್ತಿರುವ ಈ ಟಿ20 ಲೀಗ್ನಲ್ಲಿ ಶಾರ್ಜಾ ವಾರಿಯರ್ಸ್ ಹಾಗೂ ಡೆಸರ್ಟ್ ವೈಪರ್ಸ್ ತಂಡಗಳು ಮುಖಾಮುಖಿಯಾಗಿತ್ತು. ಮೊದಲು ಬ್ಯಾಟ್ ಮಾಡಿದ ವೈಪರ್ಸ್ ತಂಡವು ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 148 ರನ್ಗಳಿಸಲಷ್ಟೇ ಶಕ್ತರಾಗಿದ್ದರು.
ಇತ್ತ ಸುಲಭ ಗುರಿ ಪಡೆದ ಶಾರ್ಜಾ ವಾರಿಯರ್ಸ್ ಉತ್ತಮ ಆರಂಭ ಪಡೆದಿರಲಿಲ್ಲ. ಇದಾಗ್ಯೂ ಮಧ್ಯಮ ಕ್ರಮಾಂಕದಲ್ಲಿ ಮಾರ್ಕಸ್ ಸ್ಟೋಯಿನಿಸ್ ಹಾಗೂ ಆ್ಯಡಂ ಹೋಸ್ ಉತ್ತಮ ಜೊತೆಯಾಟವಾಡುವ ಮೂಲಕ ತಂಡವನ್ನು ಗೆಲುವಿನತ್ತ ಮುನ್ನಡೆಸಿದ್ದರು. ಆದರೆ ಇವರಿಬ್ಬರ ನಿರ್ಗಮನದೊಂದಿಗೆ ಡೆಸರ್ಟ್ ವೈಪರ್ಸ್ ಬೌಲರ್ಗಳು ಮೇಲುಗೈ ಸಾಧಿಸಿದರು.
ಆದರೆ ಈ ಹಂತದಲ್ಲಿ ಕಣಕ್ಕಿಳಿದ ವೈಪರ್ಸ್ ತಂಡದ ನಾಯಕ ಜೋಯ್ ಡೆನ್ಲಿ ಪಂದ್ಯದ ಗತಿಯನ್ನೇ ಬದಲಿಸುವ ನಿರೀಕ್ಷೆಯಲ್ಲಿದ್ದರು. ಆದರೆ ವಿಕೆಟ್ ಕೀಪರ್ ಸ್ಯಾಮ್ಸ್ ಬಿಲ್ಲಿಂಗ್ಸ್ ಅಂತಹ ಅವಕಾಶವನ್ನೇ ನೀಡಿರಲಿಲ್ಲ. 50 ರನ್ಗೆ 3 ವಿಕೆಟ್ ಕಳೆದುಕೊಂಡಿದ್ದಾಗಿ ಜೋಯ್ ಡೆನ್ಲಿ ಕ್ರೀಸ್ಗೆ ಆಗಮಿಸಿದ್ದರು. ಅದರಂತೆ 10ನೇ ಓವರ್ನ 3ನೇ ಎಸೆವನ್ನು ಫ್ರಂಟ್ ಫೂಟ್ನಲ್ಲಿ ಮುಂದೆ ಬಂದು ಇಂಗ್ಲೆಂಡ್ ಆಟಗಾರ ರಕ್ಷಣಾತ್ಮಕ ಆಡಿದರು. ಅತ್ತ ಸ್ಕ್ವೇರ್ನತ್ತ ಚೆಂಡು ಸಾಗುತ್ತಿರುವುದನ್ನು ಗಮನಿಸಿದ ವಿಕೆಟ್ ಕೀಪರ್ ಸ್ಯಾಮ್ ಬಿಲ್ಲಿಂಗ್ಸ್ ಜಕ್ಕನೆ ಜಿಗಿದು ಹಿಡಿದರು. ಅಷ್ಟೇ ಅಲ್ಲದೆ ಕ್ಷಣಾರ್ಧದಲ್ಲೇ ಹಿಮ್ಮುಖವಾಗಿ ನೇರವಾಗಿ ವಿಕೆಟ್ಗೆ ಎಸೆದರು.
ಇತ್ತ ಬೇಲ್ಸ್ ಎಗರುತ್ತಿದ್ದಂತೆ ಲೆಗ್ ಅಂಪೈರ್ ಮೂರನೇ ಅಂಪೈರ್ಗೆ ಮನವಿ ಸಲ್ಲಿಸಿದರು. ವಿಡಿಯೋ ಪರಿಶೀಲನೆ ವೇಳೆ ಜೋಯ್ ಡೆನ್ಲಿ ಅವರ ಬ್ಯಾಟ್ ಹೊರಗಿತ್ತು. ವಿಕೆಟ್ ಕೀಪರ್ ನೋಡದಿರುವುದನ್ನು ನಿರ್ಲಕ್ಷಿಸಿದ್ದ ಡೆನ್ಲಿ ಸ್ಯಾಮ್ಸ್ ಬಿಲ್ಲಿಂಗ್ಸ್ ಅವರ ನೋ ಲುಕ್ ಥ್ರೋಗೆ ರನೌಟ್ ಆಗಿದ್ದರು.
Sam Billings that is ridiculous
— England’s Barmy Army (@TheBarmyArmy) February 1, 2023
ಇದೀಗ ಸ್ಯಾಮ್ಸ್ ಬಿಲ್ಲಿಂಗ್ಸ್ ಅವರ ಈ ಕೈಚಳಕದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಹಲವರು ಬಿಲ್ಲಿಂಗ್ ಧೋನಿಯನ್ನು ನೆನಪಿಸಿದರು ಎಂದು ಕಮೆಂಟಿಸಿದ್ದಾರೆ. ಏಕೆಂದರೆ ಮಹೇಂದ್ರ ಸಿಂಗ್ ಧೋನಿ ಹಲವು ಬಾರಿ ನೋ ಲುಕ್ ರನೌಟ್ ಮಾಡಿ ಬ್ಯಾಟ್ಸ್ಮನ್ಗಳಿಗೆ ಪೆವಿಲಿಯನ್ ಹಾದಿ ತೋರಿಸಿದ್ದರು. ಇದೀಗ ಇದೇ ಮಾದರಿಯಲ್ಲಿ ರನೌಟ್ ಮಾಡುವ ಮೂಲಕ ಬಿಲ್ಲಿಂಗ್ ಮಿಂಚಿದ್ದಾರೆ.
ಇನ್ನು ಈ ಪಂದ್ಯದಲ್ಲಿ 149 ರನ್ಗಳ ಸುಲಭ ಟಾರ್ಗೆಟ್ ಬೆನ್ನತ್ತಿದ ಶಾರ್ಜಾ ವಾರಿಯರ್ಸ್ ತಂಡವು 8 ವಿಕೆಟ್ ನಷ್ಟಕ್ಕೆ 126 ರನ್ಗಳಿಸಲಷ್ಟೇ ಶಕ್ತರಾದರು. ಇದರೊಂದಿಗೆ ಡೆಸರ್ಟ್ ವೈಪರ್ಸ್ ತಂಡವು 22 ರನ್ಗಳ ಜಯ ಸಾಧಿಸಿತು.