ಅನೇಕ ಬಾರಿ ಸರ್ಕಾರಿ ದಾಖಲೆಗಳನ್ನು ತಯಾರಿಸಲು ಜನರು ಹೆಣಗಾಡುತ್ತಾರೆ. ಆದರೆ, ಮಧ್ಯಪ್ರದೇಶ ಚಿಂದ್ವಾರದಲ್ಲಿ 3 ತಿಂಗಳ ಪುಟ್ಟ ಹೆಣ್ಣು ಮಗುವಿನ ಕುಟುಂಬವು 33 ಸರ್ಕಾರಿ ದಾಖಲೆಗಳನ್ನು ಸಿದ್ಧಪಡಿಸುವ ಮೂಲಕ ವಿಶ್ವ ದಾಖಲೆ ಪುಟದಲ್ಲಿ ತನ್ನ ಹೆಸರನ್ನು ನೋಂದಾಯಿಸಿದೆ.
ಛಿಂದ್ವಾರಾ (ಮಧ್ಯಪ್ರದೇಶ): ಮೂರು ತಿಂಗಳ ಹಿಂದೆ ಮಧ್ಯಪ್ರದೇಶದ ಛಿಂದ್‌ವಾರದ ಚಂದಂಗಾವ್‌ನಲ್ಲಿರುವ ಅಂಚೆ ಇಲಾಖೆಯಲ್ಲಿ ಕೆಲಸ ಮಾಡುತ್ತಿದ್ದ ಕೇಸರಿ ನಂದನ್ ಸೂರ್ಯವಂಶಿ ಎಂಬುವವರ ಮನೆಯಲ್ಲಿ ಹೆಣ್ಣು ಮಗು ಜನಿಸಿತ್ತು. ಮಗಳ ಜನನವು ಸ್ಮರಣೀಯವಾಗಿಸಲು ಏನಾದರೂ ಮಾಡಬೇಕು ಎಂದು ಕುಟುಂಬಸ್ಥರು ಯೋಚಿಸಿದ್ದರು.
ಇದಾದ ಬಳಿಕ ಯಾವುದೋ ಸುದ್ದಿ ವಾಹಿನಿಯಲ್ಲಿ ವಿಶ್ವ ದಾಖಲೆಗೆ ಸಂಬಂಧಿಸಿದ ಸುದ್ದಿ ಕೇಳಿದ್ದರು. ಆಮೇಲೆ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಗೆ ಅರ್ಜಿ ಹಾಕಿದ್ದರು. ವರ್ಲ್ಡ್ ಬುಕ್ ಆಫ್ ರೆಕಾರ್ಡ್ನಲ್ಲಿ ಈಗಾಗಲೇ ಕಿರಿಯ ಮಗುವಿನ 28 ದಾಖಲೆಗಳನ್ನು ಹೊಂದಿರುವ ದಾಖಲೆ ಇದೆ ಎಂಬುದನ್ನು ತಿಳಿದುಕೊಂಡಿದ್ದಾರೆ. ಇಲ್ಲಿರುವ ಈ ದಾಖಲೆಯನ್ನು ಮುರಿಯಲು ಯೋಚಿಸಿದ್ದರು. ವಿಶ್ವ ದಾಖಲೆಗಾಗಿ ತಮ್ಮ ಹೆಣ್ಣು ಮಗುವಿನ ದಾಖಲೆಗಳ ತಯಾರಿಕೆಯನ್ನು ಆರಂಭ ಮಾಡಿದ್ದಾರೆ. 72 ದಿನ ತುಂಬುದರೊಳಗೆ ಮಗಳಿಗೆ ಸಂಬಂಧಿಸಿದಂತೆ 31 ದಾಖಲೆಗಳನ್ನು ಸಿದ್ಧಪಡಿಸಿದ್ದಾರೆ. ಪ್ರಸ್ತುತ ಈ ಪುಟ್ಟ ಬಾಲಕಿ ಶರಣ್ಯಾ ಸೂರ್ಯವಂಶಿ ಅವರ ಹೆಸರನ್ನು ವರ್ಲ್ಡ್ ಬುಕ್ ಆಫ್ ರೆಕಾರ್ಡ್ನಲ್ಲಿ ದಾಖಲಿಸಲಾಗಿದೆ.
ದಾಖಲೆ ಮಾಡುವ ಆಲೋಚನೆ ಬಂದಿದ್ದು ಹೀಗೆ: ಶರಣ್ಯ ಸೂರ್ಯವಂಶಿ ಅವರ ತಾತ ಗೋಪಾಲ್ ಸೂರ್ಯವಂಶಿ, ತಂದೆ ಕೇಸರಿ ಸೂರ್ಯವಂಶಿ ಮತ್ತು ತಾಯಿ ಪ್ರಿಯಾಂಕಾ ಸೂರ್ಯವಂಶಿ, ಮೂವರೂ ಅಂಚೆ ಇಲಾಖೆಯಲ್ಲಿ ಉದ್ಯೋಗಿಗಳು. ”ಖಾತೆ ತೆರೆಯಲು ಮತ್ತು ಇತರ ಉದ್ದೇಶಗಳಿಗಾಗಿ ಹೆಚ್ಚಿನ ಜನರು ತಮ್ಮ ಬಳಿಗೆ ಬರುತ್ತಾರೆ. ಆದರೆ, ಆ ಜನರು ಯಾವಾಗಲೂ ದಾಖಲೆಗಳ ಕೊರತೆಯಿಂದ ಕಷ್ಟಪಡುತ್ತಾರೆ” ಎಂದು ಶರಣ್ಯ ಅವರ ಕುಟುಂಬ ಸದಸ್ಯರು ಹೇಳುತ್ತಾರೆ. ಅವರು ತಮ್ಮ ಮಗಳಿಗೆ ಸಂಬಂಧಪಟ್ಟ ದಾಖಲೆಗಳನ್ನು ಸಿದ್ಧಪಡಿಸಲು ಯೋಚಿಸಿದ್ದರು. ಆ ದಾಖಲೆಗಳ ಬಗ್ಗೆ ಜನರಿಗೆ ಅರಿವು ಮೂಡಿಸಲು ಮತ್ತು ಅವರು ನಿಗದಿತ ಸಮಯದೊಳಗೆ ದಾಖಲೆಗಳನ್ನು ಪೂರ್ಣಗೊಳಿಸಬೇಕು ಎಂದು ಅವರು ತಿಳಿಸುತ್ತಾರೆ.
ಜನರಲ್ಲಿ ಜಾಗೃತಿ ಮೂಡಿಸಿದ ಕುಟುಂಬ: ”ಇಂದಿನ ದಿನಗಳಲ್ಲಿ ದಾಖಲೆಗಳನ್ನು ಮಾಡುವುದು ಸುಲಭವಾಗಿದೆ, ಆನ್‌ಲೈನ್ ಮತ್ತು ಆಫ್‌ಲೈನ್ ದಾಖಲೆಗಳನ್ನು ತಯಾರಿಸಲಾಗುತ್ತದೆ. ಇದರಿಂದ ಜನರು ಸರ್ಕಾರದ ಯೋಜನೆಗಳ ಪ್ರಯೋಜನಗಳನ್ನು ಪಡೆಯಬಹುದು” ಎಂದು ಕುಟುಂಬ ಸದಸ್ಯರು ಹೇಳುತ್ತಾರೆ. ಈ ಉದ್ದೇಶದಿಂದ 72 ದಿನಗಳಲ್ಲಿ ತಮ್ಮ ಮಗಳಿಗಾಗಿ 31 ದಾಖಲೆಗಳನ್ನು ಸಿದ್ಧಪಡಿಸಿ ಜನರಲ್ಲಿ ಜಾಗೃತಿ ಮೂಡಿಸಿದ್ದಾರೆ.
3 ತಿಂಗಳ ಮಗಳ 33 ದಾಖಲೆಗಳು ಸಿದ್ಧ: ಶರಣ್ಯ ಸೂರ್ಯವಂಶಿ ಅವರ ತಾಯಿ ಪ್ರಿಯಾಂಕಾ ಸೂರ್ಯವಂಶಿ ಮಾತನಾಡಿ, ”ನನ್ನ ಮಗಳಿಗೆ ಅಕ್ಟೋಬರ್ 8 ರಂದು 3 ತಿಂಗಳು ತುಂಬಿದೆ. ನಾವು ಅವಳ 33 ದಾಖಲೆಗಳನ್ನು ಸಿದ್ಧಪಡಿಸಿದ್ದೇವೆ. ಈ ದಾಖಲೆಗಳಲ್ಲಿ ಪಾಸ್‌ಪೋರ್ಟ್, ಸಾಮಾನ್ಯ ಐಡಿ, ಆಧಾರ್ ಸೇರಿವೆ. ಕಾರ್ಡ್, ವ್ಯಾಕ್ಸಿನೇಷನ್ ಕಾರ್ಡ್, ಲಾಡ್ಲಿ ಲಕ್ಷ್ಮಿ ಪ್ರಮಾಣಪತ್ರ, ಜಾತಿ ಪ್ರಮಾಣಪತ್ರ, ಸ್ಥಳೀಯ ಪ್ರಮಾಣಪತ್ರ, ರಾಷ್ಟ್ರೀಯ ಆರೋಗ್ಯ ಕಾರ್ಡ್, ಸುಕನ್ಯಾ ಸಮೃದ್ಧಿ ಖಾತೆ, ಮಹಿಳಾ ಸಮ್ಮಾನ್ ಉಳಿತಾಯ ಕಾರ್ಡ್, ರಾಷ್ಟ್ರೀಯ ಉಳಿತಾಯ ಕಾರ್ಡ್, ಕಿಸಾನ್ ವಿಕಾಸ್ ಪತ್ರ, ಪೋಸ್ಟ್ ಆಫೀಸ್ ಉಳಿತಾಯ ಖಾತೆ, ಭವಿಷ್ಯ ನಿಧಿ ಖಾತೆ, ಪಿಎನ್ಬಿ ಎಟಿಎಂ ಕಾರ್ಡ್ನಂತಹ ಒಟ್ಟು 33 ದಾಖಲೆಗಳನ್ನು ಸಿದ್ಧಪಡಿಸಲಾಗಿದೆ. ಜೊತೆಗೆ ಸರ್ಕಾರಿ ದಾಖಲೆಗಳನ್ನು ಸಿದ್ಧಪಡಿಸುವ ಪ್ರಕ್ರಿಯೆ ನಡೆಯುತ್ತಿದೆ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
WhatsApp Group : https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharechat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1