RRB Assistant Loco Pilot Recruitment 2025 Notification: ರೈಲ್ವೆ ನೇಮಕಾತಿ ಮಂಡಳಿಯು ಎಎಲ್ಪಿ ಹುದ್ದೆಗಳ ಸಂಖ್ಯೆ ಹೆಚ್ಚಿಸಿದೆ. ಹಾಗೂ ಈ ಹುದ್ದೆಗಳಿಗೆ ಆನ್ಲೈನ್ ಅರ್ಜಿ ಹಾಕಲು ಪರಿಷ್ಕೃತ ದಿನಾಂಕಗಳನ್ನು ಪ್ರಕಟ ಮಾಡಿದೆ. ಐಟಿಐ ಶಿಕ್ಷಣವನ್ನು ವಿವಿಧ ಟ್ರೇಡ್ನಲ್ಲಿ ಓದಿರುವವರು ಈ ಹುದ್ದೆಗೆ ಅರ್ಜಿ ಹಾಕಬಹುದು. ಹೆಚ್ಚಿನ ವಿವರ ಇಲ್ಲಿ ತಿಳಿದು, ಅರ್ಜಿ ಹಾಕಿರಿ.
- ಆರ್ಆರ್ಬಿ ಎಎಲ್ಪಿ ಹುದ್ದೆ ಸಂಖ್ಯೆ ಹೆಚ್ಚಳ.
- ಅರ್ಜಿ ಸಲ್ಲಿಸಲು ಪರಿಷ್ಕೃತ ವೇಳಾಪಟ್ಟಿ ಪ್ರಕಟ.
- ಹುದ್ದೆಗಳ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ.
ಭಾರತೀಯ ರೈಲ್ವೆ ಇಲಾಖೆಯು 2025ನೇ ಸಾಲಿನ ಸಹಾಯಕ ಲೋಕೋ ಪೈಲಟ್ ಹುದ್ದೆಗಳ ನೇಮಕಾತಿ’ಗೆ ಸಂಬಂಧ ಅಧಿಕೃತ ಡೀಟೇಲ್ಡ್ ಅಧಿಸೂಚನೆಯನ್ನು ಇಂದು ಬಿಡುಗಡೆ ಮಾಡಿದೆ. ಶಾರ್ಟ್ ನೋಟಿಫಿಕೇಶನ್ನಲ್ಲಿ ಈ ಹುದ್ದೆಗಳ ಸಂಖ್ಯೆ 9900 ಎಂದು ತಿಳಿಸಲಾಗಿತ್ತು. ಈಗ ಡೀಟೇಲ್ಡ್ ನೋಟಿಫಿಕೇಶನ್ನಲ್ಲಿ ಈ ಸಂಖ್ಯೆ ಹೆಚ್ಚಾಗಿದ್ದು ಒಟ್ಟು ಹುದ್ದೆಗಳ ಸಂಖ್ಯೆ 9970 ಇದೆ. ಅಲ್ಲದೇ ಈ ಹಿಂದೆ ಏಪ್ರಿಲ್ 10 ರಿಂದ ಅರ್ಜಿ ಸ್ವಿಕಾರ ಮಾಡಲಾಗುವುದು ಎಂದು ಹೇಳಿದ್ದ ಆರ್ಆರ್ಬಿ, ಡೀಟೇಲ್ಡ್ ನೋಟಿಫಿಕೇಶನ್ನಲ್ಲಿ ಏಪ್ರಿಲ್ 12 ರಿಂದ ಅರ್ಜಿ ಸ್ವೀಕಾರ ಮಾಡಲಾಗುವುದು, ಮೇ 11 ರವರೆಗೆ ಅರ್ಜಿಗೆ ಅವಕಾಶ ನೀಡಲಾಗುವುದು ಎಂದು ಹೇಳಿದೆ. ಜಸ್ಟ್ ಎಸ್ಎಸ್ಎಲ್ಸಿ ಜತೆಗೆ ಐಟಿಐ ಪಾಸಾದವರು ಅರ್ಜಿ ಸಲ್ಲಿಸಬಹುದಾದ ಈ ಹುದ್ದೆಗಳ ಕುರಿತು ಸವಿವರ ಮಾಹಿತಿಗಳನ್ನು ಕೆಳಗಿನಂತೆ ತಿಳಿದು, ಕೇಂದ್ರ ಸರ್ಕಾರಿ ಉದ್ಯೋಗ ಆಸಕ್ತರು ಅರ್ಜಿ ಸಲ್ಲಿಸಿ
| ನೇಮಕಾತಿ ಪ್ರಾಧಿಕಾರ : ಭಾರತೀಯ ರೈಲ್ವೆ ಇಲಾಖೆ |
| ಹುದ್ದೆ ಹೆಸರು : ಅಸಿಸ್ಟಂಟ್ ಲೋಕೋ ಪೈಲಟ್ |
| ಹುದ್ದೆಗಳ ಸಂಖ್ಯೆ : 9,970 |
| ಕರ್ನಾಟಕದಲ್ಲಿ ಹುದ್ದೆಗಳ ಸಂಖ್ಯೆ: ಶೀಘ್ರದಲ್ಲೇ ತಿಳಿಸಲಾಗುವುದು |
| ಪೇ ಲೆವೆಲ್ : 7ನೇ ಸಿಪಿಸಿ’ಯ ಪ್ರಕಾರ ವೇತನ ಹಂತ 2 |
| ಬೇಸಿಕ್ ಪೇ: ರೂ.19900. |
| ವಯಸ್ಸು : ದಿನಾಂಕ 01-01-2025 ರಂತೆ 18 ರಿಂದ 30 ವರ್ಷ ವಯೋಮಾನದೊಳಗಿರಬೇಕು. |
| ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಆರಂಭಿಕ ದಿನಾಂಕ: 12-04-2025 |
| ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಕೊನೆ ದಿನಾಂಕ : 11-05-2025 ರ ರಾತ್ರಿ 23-59 ಗಂಟೆವರೆಗೆ. |
| ವಿದ್ಯಾರ್ಹತೆ: ಎಸ್ಎಸ್ಎಲ್ಸಿ ಜತೆಗೆ ಐಟಿಐ ಪಾಸ್. |
| ಅಪ್ಲಿಕೇಶನ್ ಶುಲ್ಕ ಪಾವತಿಗೆ ಕೊನೆ ದಿನಾಂಕ | 13-05-2025 ರ ರಾತ್ರಿ 23-59 ಗಂಟೆವರೆಗೆ. |
| ಅಪ್ಲಿಕೇಶನ್ ತಿದ್ದುಪಡಿಗೆ ವಿಂಡೋ ಓಪನ್ ದಿನಾಂಕ | 14-05-2025 ರಿಂದ 23-05-2025 |
ಅರ್ಜಿ ಸಲ್ಲಿಸುವವರಿಗೆ ಪ್ರಮುಖ ಸೂಚನೆಗಳು
- ಆಧಾರ್ ಅನ್ನು ಪರಿಶೀಲಿಸದ ಅರ್ಜಿಗಳಿಗೆ ನೇಮಕಾತಿ ಪ್ರಕ್ರಿಯೆಯ ಪ್ರತಿ ಹಂತದಲ್ಲೂ ವಿಶೇಷ ವಿವರವಾದ ಪರಿಶೀಲನೆಯಿಂದಾಗಿ ಆಗುವ ಅನಾನುಕೂಲತೆ ಮತ್ತು ಹೆಚ್ಚುವರಿ ವಿಳಂಬವನ್ನು ತಪ್ಪಿಸಲು, ಆನ್ಲೈನ್ ಅರ್ಜಿಯನ್ನು ಭರ್ತಿ ಮಾಡುವಾಗ, ಅಭ್ಯರ್ಥಿಗಳು ಆಧಾರ್ ಅನ್ನು ಬಳಸಿ ತಮ್ಮ ಪ್ರಾಥಮಿಕ ವಿವರಗಳನ್ನು ಪರಿಶೀಲಿಸಲು ನಿಖರವಾಗಿ ಸೂಚಿಸಲಾಗಿದೆ.
- ಆಧಾರ್ ಪರಿಶೀಲನೆಯನ್ನು ಯಶಸ್ವಿಗೊಳಿಸಲು ಆಧಾರ್ನಲ್ಲಿನ ಹೆಸರು ಮತ್ತು ಜನ್ಮ ದಿನಾಂಕವನ್ನು ಹತ್ತನೇ ತರಗತಿಯ ಪ್ರಮಾಣ ಪತ್ರದಲ್ಲಿ ಲಭ್ಯವಿರುವ ಪೂರ್ಣ ಹೆಸರು ಮತ್ತು ಜನ್ಮ ದಿನಾಂಕದೊಂದಿಗೆ 100% ತಾಳೆಯಾಗಿಸಲು, ಆಧಾರನ್ನು ನವೀಕರಿಸಬೇಕು.
- ಅದೇ ರೀತಿ, ಆನ್ಲೈನ್ ಅರ್ಜಿಯನ್ನು ಭರ್ತಿ ಮಾಡುವ ಮೊದಲು ಆಧಾರ್ ಅನ್ನು ಇತ್ತೀಚಿನ ಫೋಟೋ ಮತ್ತು ಇತ್ತೀಚಿನ ಬಯೋಮೆಟ್ರಿಕ್ಸ್ನೊಂದಿಗೆ (ಬೆರಳಚ್ಚು ಮತ್ತು ಐರಿಸ್) ನವೀಕರಿಸಬೇಕಾಗುತ್ತದೆ.
- ಈ ಅಧಿಸೂಚನೆಯು ಸಂಪೂರ್ಣವಾಗಿ ಸೂಚಕ ಸ್ವರೂಪದ್ದಾಗಿದೆ. ಪೂರ್ಣ ವಿವರಗಳಿಗಾಗಿ, ಅರ್ಜಿದಾರರು ಆನ್ಲೈನ್ ಅರ್ಜಿಯನ್ನು ಭರ್ತಿ ಮಾಡುವ ಮೊದಲು ವಿವರವಾದ ಸಿಇಎನ್ ಸಂ. 01/2025 (ಎಎಲ್ಪಿ) ಅನ್ನು ಸಂಪೂರ್ಣವಾಗಿ ಪರಿಶೀಲಿಸಲು ಸೂಚಿಸಲಾಗಿದೆ.
ಅರ್ಜಿ ಸಲ್ಲಿಸಲು ಬೇಕಾದ ದಾಖಲೆಗಳು, ಮಾಹಿತಿಗಳು
- ಆಧಾರ್ ಕಾರ್ಡ್
- ಎಸ್ಎಸ್ಎಲ್ಸಿ ಅಂಕಪಟ್ಟಿ, ಜನ್ಮ ದಿನಾಂಕ ದಾಖಲೆ
- ಐಟಿಐ ಶಿಕ್ಷಣ ದಾಖಲೆ
- ಜಾತಿ ಪ್ರಮಾಣಪತ್ರ
- ಇಮೇಲ್ ವಿಳಾಸ
- ಮೊಬೈಲ್ ನಂಬರ್
- ಸಹಿ ಸ್ಕ್ಯಾನ್ ಕಾಪಿ
- ಪಾಸ್ಪೋರ್ಟ್ ಅಳತೆ ಭಾವಚಿತ್ರ ಸ್ಕ್ಯಾನ್ ಕಾಪಿ
- ಬೇಸಿಕ್ ಹಾಗೂ ವೈಯಕ್ತಿಕ ಸವಿವರಗಳು
ಆನ್ಲೈನ್ ಅರ್ಜಿ ಹಾಕುವ ವಿಧಾನ
– ಏಪ್ರಿಲ್ 12 ರಂದು ಈ ಹುದ್ದೆಗಳಿಗೆ ಅರ್ಜಿಯ ಡೈರೆಕ್ಟ್ ಲಿಂಕ್ ಅನ್ನು ಆರ್ಆರ್ಬಿ ವೆಬ್ಸೈಟ್ನಲ್ಲಿ ನೀಡಲಾಗುವುದು.
– ಆರ್ಆರ್ಬಿ ವೆಬ್ಸೈಟ್ https://www.rrbbnc.gov.in/ ಗೆ ಭೇಟಿ ನೀಡಿ.
– ಮುಖಪುಟದಲ್ಲಿ CEN 01/2025 – Click Here To Apply ‘ ಎಂದಿರುವ ಲಿಂಕ್ ಕ್ಲಿಕ್ ಮಾಡಿ.
– ಆರ್ಆರ್ಬಿ ನೇಮಕಾತಿ ಅರ್ಜಿಯ ವೆಬ್ಪೇಜ್ ಪೋರ್ಟಲ್ ತೆರೆಯುತ್ತದೆ.
– ‘Apply’ ಎಂದಿರುವಲ್ಲಿ ಕ್ಲಿಕ್ ಮಾಡಿ. 2 ಆಯ್ಕೆಗಳು ಪ್ರದರ್ಶಿತವಾಗುತ್ತವೆ.
– ‘Create An Account’ ಆಯ್ಕೆ ಮಾಡಿ ಕ್ಲಿಕ್ ಮಾಡಿ.
– ನಂತರ ಆನ್ಲೈನ್ ರಿಜಿಸ್ಟ್ರೇಷನ್ ವೆಬ್ಪೇಜ್ ತೆರೆಯುತ್ತದೆ. ಬೇಸಿಕ್ ಡೀಟೇಲ್ಸ್ ನೀಡಿ ರಿಜಿಸ್ಟರ್ ಮಾಡಿಕೊಳ್ಳಿ.
– ರಿಜಿಸ್ಟರ್ ನಂಬರ್, ಜನ್ಮ ದಿನಾಂಕ ಮಾಹಿತಿ ನೀಡಿ ಮತ್ತೆ ಲಾಗಿನ್ ಆಗಿ.
– ಈ ಹಂತದಲ್ಲಿ ಅರ್ಜಿಗೆ ಕೇಳಲಾದ ಮಾಹಿತಿಗಳನ್ನು, ವೈಯಕ್ತಿಕ ವಿವರಗಳನ್ನು ಟೈಪಿಸಿ, ಅರ್ಜಿ ಪೂರ್ಣಗೊಳಿಸಿ.
– ಅರ್ಜಿ ಸಬ್ಮಿಟ್ ಮಾಡುವ ಮುನ್ನ ನೀಡಿದ ಮಾಹಿತಿಗಳನ್ನು ಸರಿಯಾಗಿವೆಯೇ ಎಂದು ಪರಿಶೀಲಿಸಿಕೊಳ್ಳಿ.
ಹಿಂದೆಯೇ ಆರ್ಆರ್ಬಿ ವೆಬ್ಸೈಟ್ನಲ್ಲಿ ರಿಜಿಸ್ಟ್ರೇಷನ್ ಪಡೆದಿದ್ದಲ್ಲಿ ‘Already Have An Account’ ಎಂದಿರುವಲ್ಲಿ ಕ್ಲಿಕ್ ಮಾಡಿ, ಲಾಗಿನ್ ಆಗುವ ಮೂಲಕ ಹುದ್ದೆ ಆಯ್ಕೆ ಮಾಡಿ ಅರ್ಜಿ ಸಲ್ಲಿಸಿ.
ಸಾಮಾನ್ಯ ಕೆಟಗರಿ, ಆರ್ಥಿಕವಾಗಿ ಹಿಂದುಳಿದವರು, ಇತರೆ ಹಿಂದುಳಿದ ಕೆಟಗರಿ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕ ರೂ.500.
ಇತರೆ ಕೆಟಗರಿ ಅಭ್ಯರ್ಥಿಗಳಿಗೆ ಶುಲ್ಕ ರೂ.250.
Vijayakarnataka
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
WhatsApp Group:https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharehat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1