Sports

World Record: ಬರೋಬ್ಬರಿ 324 ರನ್​: ಟಿ20 ಕ್ರಿಕೆಟ್​ನಲ್ಲಿ ಹೊಸ ವಿಶ್ವ ದಾಖಲೆ

May 24, 2023
samagrasuddi

ಇಂಗ್ಲೆಂಡ್​ನಲ್ಲಿ ನಡೆದ ಟಿ20 ಚಾಂಪಿಯನ್​ಶಿಪ್ ಲೀಗ್​ನಲ್ಲಿ ಬರೋಬ್ಬರಿ 324 ರನ್ ಬಾರಿಸುವ ಮೂಲಕ ಸಸೆಕ್ಸ್ ತಂಡವು ಹೊಸ ಇತಿಹಾಸ ನಿರ್ಮಿಸಿದೆ. ಮಿಡ್ಲ್​ಸೆಕ್ಸ್ 2ನೇ ಇಲೆವೆನ್​ ವಿರುದ್ಧ ನಡೆದ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸಸೆಕ್ಸ್ 2ನೇ ಇಲೆವೆನ್ ತಂಡವು ಸ್ಪೋಟಕ ಬ್ಯಾಟಿಂಗ್ ನಡೆಸಿತು. ಎದುರಾಳಿ ಬೌಲರ್​ಗಳ ವಿರುದ್ಧ ಅಬ್ಬರಿಸಿದ ನಾಯಕ ರವಿ ಬೋಪರಾ ಕೇವಲ 12 ಭರ್ಜರಿ ಸಿಕ್ಸ್ ಹಾಗೂ 14 ಫೋರ್ ಸಿಡಿಸಿದರು. ಈ ಸಿಡಿಲಬ್ಬರದ ಬ್ಯಾಟಿಂಗ್ ಪರಿಣಾಮ ಬೋಪಾರ ಬ್ಯಾಟ್​ನಿಂದ ಕೇವಲ 49 ಎಸೆತಗಳಲ್ಲಿ 144 ರನ್ ಮೂಡಿಬಂತು. ಮತ್ತೊಂದೆಡೆ ಟಾಮ್ ಅಲ್ಸೋಪ್ 27 ಎಸೆತಗಳಲ್ಲಿ 55 ರನ್ ಚಚ್ಚಿದರು. ಪರಿಣಾಮ 20 ಓವರ್​ಗಳ ಮುಕ್ತಾಯಕ್ಕೆ 7 ವಿಕೆಟ್ ಕಳೆದುಕೊಂಡು ಸಸೆಕ್ಸ್ ತಂಡವು 324 ರನ್ ಪೇರಿಸಿತು.325 ರನ್​ಗಳ ಬೃಹತ್ ಗುರಿಯನ್ನು ಬೆನ್ನತ್ತಿದ ಮಿಡ್ಲ್​ಸೆಕ್ಸ್ ತಂಡವು ಕೇವಲ 130 ರನ್‌ಗಳಿಗೆ ಆಲೌಟ್​ ಆದರು. ಇದರೊಂದಿಗೆ ಸಸೆಕ್ಸ್ ತಂಡವು 192 ರನ್​ಗಳ ಬೃಹತ್ ಅಂತರದಿಂದ ಜಯ ಸಾಧಿಸಿದೆ.ಇದರೊಂದಿಗೆ ಇಂಗ್ಲೆಂಡ್ ಕೌಂಟಿ ಟಿ20 ಕ್ರಿಕೆಟ್​ನಲ್ಲಿ 300+ ರನ್​ಗಳಿಸಿದ ಮೊದಲ ತಂಡ ಎಂಬ ಹೆಗ್ಗಳಿಕೆಗೆ ಸಸೆಕ್ಸ್ ಸೆಕೆಂಡ್ ಇಲೆವೆನ್ ಪಾತ್ರವಾಗಿದೆ. ಅಲ್ಲದೆ ಟಿ20 ಕ್ರಿಕೆಟ್​ನಲ್ಲಿ 300 ರನ್​ಗಳ ಹೊಸ ವಿಶ್ವ ದಾಖಲೆ ಕೂಡ ನಿರ್ಮಾಣವಾಗಿರುವುದು ವಿಶೇಷ.

source https://tv9kannada.com/photo-gallery/cricket-photos/ravi-bopara-hits-144-as-sussex-races-to-324-in-second-in-t20-kannada-news-zp-585987.html

Leave a Reply

Your email address will not be published. Required fields are marked *