Sports

IND vs AUS Day 5 Weather Forecast: ಭಾರತದ ಗೆಲುವಿಗೆ ಬೇಕು 280 ರನ್ಸ್: ರಣರೋಚಕ ಫೈನಲ್ ದಿನಕ್ಕೆ ಮಳೆಯ ಕಾಟ ಇದೆಯೇ?

June 11, 2023
samagrasuddi

ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್ ಪಂದ್ಯ ರೋಚಕತೆ ಸೃಷ್ಟಿಸಿದೆ. ಇಂದು ಕೊನೆಯ ದಿನವಾಗಿದ್ದು ಭಾರತದ ಗೆಲುವಿಗೆ 280 ರನ್​ಗಳು ಬೇಕಾಗಿದೆ. ಅತ್ತ ಆಸೀಸ್ ಗೆಲುವಿಗೆ ರೋಹಿತ್ ಪಡೆಯ 7 ವಿಕೆಟ್ ಕೀಳಬೇಕು.ಹೀಗೆ ತುದಿಗಾಲಿನಲ್ಲಿ ನಿಲ್ಲಿಸಿರುವ ಈ ಪಂದ್ಯದ ಕೊನೆಯ ದಿನಕ್ಕೆ ಮಳೆಯ ಕಾಟ ಇದೆಯೇ?. ಕೆನ್ನಿಂಗ್ಟನ್​ನ ಓವಲ್ ಮೈದಾನದ ಹವಾಮಾನ ವರದಿ ಏನಿದೆ ಎಂಬುದನ್ನು ನೋಡೋಣ.ಭಾನುವಾರದಂದು ಅಂತಿಮ ದಿನ ಜೋರಾಗಿ ಮಳೆ ಸುರಿಯಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಲಂಡನ್‌ನ ಅಕ್ಯುವೆದರ್‌ನ ಪ್ರಕಾರ, ಸ್ಥಳೀಯ ಕಾಲಮಾನ ಬೆಳಿಗ್ಗೆ 9 ಗಂಟೆಗೆ ಶೇ. 61 ರಷ್ಟು ಮಳೆಯಾಗುವ ಸಾಧ್ಯತೆಗಳಿವೆ. ಅದು 10 ಗಂಟೆ ಹೊತ್ತಿಗೆ ಶೇ. 49 ರಷ್ಟು ಮಳೆ ಇರಲಿದೆ ಎಂದು ಹೇಳಿದೆ.3 ಗಂಟೆ ಹೊತ್ತಿಗೆ ಕೂಡ ಮಳೆ ಸುರಿಯಲಿದೆ. ಸಂಜೆ ಮಳೆಯ ಪ್ರಮಾಣ ಕಡಿಮಡ ಆಗಲಿದ್ದು ಶೇ. 2 ರಷ್ಟು ಇರಲಿದೆಯಂತೆ. ಒಂದುವೇಳೆ ಫೈನಲ್‌ ದಿನಕ್ಕೆ ಮಳೆ ಅಡ್ಡಿಪಡಿಸಿದರೆ ಕಳೆದ ವರ್ಷದ ಆವೃತ್ತಿಯಂತೆ, ಮಳೆ ಬಂದ ಸಮಯವನ್ನು ಸರಿದೂಗಿಸಲು ಮೀಸಲು ದಿನವನ್ನು ಇರಿಸಲಾಗಿದೆ.ದ್ವಿತೀಯ ಇನ್ನಿಂಗ್ಸ್​ನಲ್ಲಿ ಆಸೀಸ್ 270 ರನ್​ಗೆ ಡಿಕ್ಲೇರ್ ಘೋಷಿಸಿ 444 ರನ್​ಗಳ ಟಾರ್ಗೆಟ್ ನೀಡಿತು. ಸದ್ಯ ಗುರಿ ಬೆನ್ನಟ್ಟಿರುವ ಟೀಮ್ ಇಂಡಿಯಾ ನಾಲ್ಕನೇ ದಿನದಾಟದ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 164 ರನ್ ಗಳಿಸಿದೆ.ಭಾರತದ ಗೆಲುವಿಗೆ ಇನ್ನೂ 280 ರನ್​ಗಳ ಅವಶ್ಯಕತೆಯಿದ್ದು, 90 ಓವರ್​ಗಳು ನೀಡಲಾಗಿದೆ. ವಿರಾಟ್ ಕೊಹ್ಲಿ (ಅಜೇಯ 44) ಹಾಗೂ ಅಜಿಂಕ್ಯ ರಹಾನೆ (ಅಜೇಯ 20) ಕ್ರೀಸ್​ನಲ್ಲಿದ್ದಾರೆ.

source https://tv9kannada.com/photo-gallery/cricket-photos/wtc-final-2023-india-vs-australia-day-5-weather-report-high-chances-of-rain-playing-spoilsport-on-sunday-vb-598689.html

Leave a Reply

Your email address will not be published. Required fields are marked *