Vaishakh Purnima 2024: ವೈಶಾಖ ಮಾಸದ ಪೂರ್ಣಿಮಾ ತಿಥಿಯನ್ನು ಬುದ್ಧ ಪೂರ್ಣಿಮಾ ಎಂದೂ ಕರೆಯಲಾಗುತ್ತದೆ. 2024 ರ ಬುದ್ಧ ಅಥವಾ ವೈಶಾಖ ಪೂರ್ಣಿಮಾವನ್ನು ಯಾವ ಶುಭ ಮುಹೂರ್ತದಲ್ಲಿ ಆಚರಿಸಲಾಗುತ್ತದೆ.? ಬುದ್ಧ ಪೂರ್ಣಿಮಾ ಪೂಜೆ ವಿಧಾನ, ಮಹತ್ವ ಮತ್ತು ಇನ್ನಿತರ ವಿಚಾರಗಳಿವು..
ಬುದ್ಧ ಪೂರ್ಣಿಮಾವು ಭಗವಾನ್ ಬುದ್ಧನ ಜನ್ಮ ದಿನವನ್ನು ನೆನೆಯುವಂತೆ ಮಾಡುವ ಒಂದು ಮಂಗಳಕರ ದಿನವಾಗಿದೆ. ಬುದ್ಧ ಪೂರ್ಣಿಮಾವನ್ನು ವೈಶಾಖ ಪೂರ್ಣಿಮಾವೆಂದೂ ಕರೆಯಲಾಗುತ್ತದೆ. 2024 ರ ಬುದ್ಧ ಪೂರ್ಣಿಮಾವನ್ನು ಮೇ 23 ರಂದು ಗುರುವಾರ ಆಚರಿಸಲಾಗುತ್ತದೆ. ಈ ಪೂರ್ಣಿಮಾ ದಿನದಂದು ಭಗವಾನ್ ಬುದ್ಧನು ಜನಿಸಿದನು ಎಂದು ಹೇಳಲಾಗುತ್ತದೆ. ಬುದ್ಧ ಪೂರ್ಣಿಮಾ ಅಥವಾ ವೈಶಾಖ ಪೂರ್ಣಿಮಾ 2024ರ ಕುರಿತು ಒಂದಿಷ್ಟು ಮಾಹಿತಿ ಹೀಗಿದೆ..
ಬುದ್ಧ ಪೂರ್ಣಿಮಾ 2024 ರಶುಭ ಮುಹೂರ್ತ
– ಪೂರ್ಣಿಮಾ ತಿಥಿ ಆರಂಭ: 2024 ರ ಮೇ 22 ರಂದು ಸಂಜೆ 6:47ರಿಂದ
– ಪೂರ್ಣಿಮಾ ತಿಥಿ ಮುಕ್ತಾಯ: 2024ರ ಮೇ 23 ರಂದು ಸಂಜೆ 7:22 ರವರೆಗೆ
– ಸ್ನಾನ ಮತ್ತು ದಾನಗಳಿಗೆ ಶುಭ ಸಮಯ: 2024 ರ ಮೇ 23 ರಂದು ಬೆಳಿಗ್ಗೆ 4:04 ರಿಂದ 5:26 ರವರೆಗೆ
– ಭಗವಾನ್ ವಿಷ್ಣುವಿನ ಆರಾಧನೆಗೆ ಶುಭ ಸಮಯ: 2024 ರ ಬೆಳಗ್ಗೆ 10:35 ರಿಂದ ಮಧ್ಯಾಹ್ನ 12:18 ರವರೆಗೆ.
ಬುದ್ಧ ಪೂರ್ಣಿಮಾವನ್ನೇಕೆ ಆಚರಿಸಲಾಗುತ್ತದೆ.?
ಬುದ್ಧ ಪೂರ್ಣಿಮೆಯನ್ನು ಭಗವಾನ್ ಬುದ್ಧನ ಜನ್ಮ, ಸತ್ಯದ ಜ್ಞಾನ ಮತ್ತು ಮಹಾಪರಿನಿರ್ವಾಣ ಎಂದು ಪರಿಗಣಿಸಲಾಗಿದೆ. ಬುದ್ಧ ಪೂರ್ಣಿಮೆಯು ಬುದ್ಧನ ಜೀವನಕ್ಕೆ ಸಂಬಂಧಿಸಿಲ್ಲ, ಆದರೆ ಈ ಪೂರ್ಣಿಮಾ ದಿನಾಂಕದಂದು, ಕಾಡಿನಲ್ಲಿ ಅಲೆದಾಡುವ ಮತ್ತು ಕಠಿಣ ತಪಸ್ಸು ಮಾಡಿದ ನಂತರ, ಬುದ್ಧನು ಬೋಧಗಯಾದಲ್ಲಿನ ಬೋಧಿ ವೃಕ್ಷದ ಕೆಳಗೆ ಸತ್ಯದ ಜ್ಞಾನವನ್ನು ಪಡೆದನು ಎನ್ನುವ ಕಾರಣಕ್ಕಾಗಿ ಆಚರಿಸಲಾಗುತ್ತದೆ. ವೈಶಾಖ ಪೂರ್ಣಿಮೆಯ ದಿನದಂದು ಅವರ ಮಹಾಪರಿನಿರ್ವಾಣವು ಕುಶಿನಗರದಲ್ಲಿ ನಡೆಯಿತು. ಗೌತಮ ಬುದ್ಧರು ಸತ್ಯ ಮತ್ತು ಅಹಿಂಸೆಯ ಮಾರ್ಗವನ್ನು ಅನುಸರಿಸಲು ಜನರನ್ನು ಪ್ರೇರೇಪಿಸಿದವರು. ಬುದ್ಧ ಪೂರ್ಣಿಮೆಯಂದು, ಭಗವಾನ್ ಬುದ್ಧನ ಅನುಯಾಯಿಗಳು ಅವರ ಬೋಧನೆಗಳನ್ನು ಆಲಿಸುತ್ತಾರೆ ಮತ್ತು ಅವರು ತೋರಿಸಿದ ಮಾರ್ಗವನ್ನು ಅನುಸರಿಸುವುದಾಗಿ ಪ್ರತಿಜ್ಞೆಯನ್ನು ತೆಗೆದುಕೊಳ್ಳುತ್ತಾರೆ.
ವೈಶಾಖ ಪೂರ್ಣಿಮಾ ಪೂಜೆ ವಿಧಾನ
– ಈ ದಿನ ನದಿಯಲ್ಲಿ ಪುಣ್ಯಸ್ನಾನ ಮಾಡಿದರೆ ಪಾಪ ಪರಿಹಾರವಾಗುತ್ತದೆ ಎಂಬ ನಂಬಿಕೆ ಇದೆ.
– ಭಗವಾನ್ ವಿಷ್ಣುವಿಗೆ ಸಹ ಪ್ರಾರ್ಥನೆಗಳನ್ನು ಸಲ್ಲಿಸಲಾಗುತ್ತದೆ.
– ವೈಶಾಖ ಪೂರ್ಣಿಮಾ ದಿನದಂದು, ಭಕ್ತರು ಹೆಚ್ಚಾಗಿ ಹಗಲಿನಲ್ಲಿ ಮಾತ್ರ ಉಪವಾಸವನ್ನು ಆಚರಿಸುತ್ತಾರೆ.
– ಅಲ್ಲದೇ, ಕೆಲವರು ತಮ್ಮ ಮನೆಗಳಲ್ಲಿ ಅಥವಾ ದೇವಾಲಯಗಳಲ್ಲಿ ಸತ್ಯನಾರಾಯಣ ಕಥೆಯನ್ನು ಆಯೋಜಿಸುತ್ತಾರೆ. ವಿಷ್ಣು ಪೂಜೆಯ ಸಮಯದಲ್ಲಿ ಅವರು ವಿಷ್ಣುವನ್ನು ಪೂಜಿಸುತ್ತಾರೆ ಮತ್ತು ಸತ್ಯನಾರಾಯಣ ಕಥೆಯನ್ನು ಕೇಳುತ್ತಾರೆ. ಈ ದಿನ ಭಕ್ತರು ಸತ್ಯನಾರಾಯಣ ದೇವರಿಗೆ ವಿಶೇಷ ಭೋಗವನ್ನು ಅರ್ಪಿಸುತ್ತಾರೆ.
– ರಾತ್ರಿ ಚಂದ್ರನಿಗೆ ಅರ್ಘ್ಯವನ್ನು ಅರ್ಪಿಸುವ ಮೂಲಕ ಉಪವಾಸ ವ್ರತವನ್ನು ಕೈಬಿಡುತ್ತಾರೆ.
– ಈ ದಿನದಂದು ಅಗತ್ಯವಿರುವವರಿಗೆ ದಾನ ಮಾಡುವುದನ್ನು ಲಾಭದಾಯಕವೆಂದು ಪರಿಗಣಿಸಲಾಗುತ್ತದೆ.
ಬುದ್ಧ ಪೂರ್ಣಿಮಾ ಮಹತ್ವ
ಹಿಂದೂ ಧರ್ಮಗ್ರಂಥಗಳ ಪ್ರಕಾರ, ಬುದ್ಧ ಪೂರ್ಣಿಮೆಗೆ ಹೆಚ್ಚಿನ ಧಾರ್ಮಿಕ ಮಹತ್ವವಿದೆ. ಈ ದಿನವನ್ನು ಗೌತಮ ಬುದ್ಧನು ಜನಿಸಿದ ಅತ್ಯಂತ ಮಂಗಳಕರ ದಿನವೆಂದು ಪರಿಗಣಿಸಲಾಗಿದೆ. 2024 ರ ಬುದ್ಧ ಪೂರ್ಣಿಮಾವು ಭಗವಾನ್ ಬುದ್ಧನ 2586 ನೇ ಜನ್ಮದಿನವಾಗಿದೆ. ಗೌತಮ ಬುದ್ಧನ ಅನುಯಾಯಿಗಳು ಈ ದಿನವನ್ನು ಅತ್ಯಂತ ವೈಭವದಿಂದ ಆಚರಿಸುತ್ತಾರೆ. ಬುದ್ಧನನ್ನು ವಿಷ್ಣುವಿನ ಅವತಾರ ಎನ್ನುವ ನಂಬಿಕೆಯಿದೆ. ಈ ಹಬ್ಬವು ಗೌತಮ ಬುದ್ಧನ ಜನನ, ಜ್ಞಾನೋದಯ ಮತ್ತು ಮರಣವನ್ನು ಸೂಚಿಸುತ್ತದೆ ಮತ್ತು ದೇಶದಾದ್ಯಂತ ಬೌದ್ಧ ಸಮುದಾಯದಿಂದ ಆಚರಿಸಲಾಗುತ್ತದೆ.
ಭಗವಾನ್ ಬುದ್ಧನು ಬೋಧಗಯಾದಲ್ಲಿ ಬೋಧಿ ವೃಕ್ಷದ ಕೆಳಗೆ ಕುಳಿತು, ಸಾರನಾಥದಲ್ಲಿ ಧರ್ಮದ ಬಗ್ಗೆ ಬೋಧಿಸಿದರು ಮತ್ತು ಅವರು ತಮ್ಮ ದೇಹವನ್ನು ಖುಷಿನಗರದಲ್ಲಿ ತ್ಯಜಿಸಿದರು. ಆದ್ದರಿಂದ ಈ ಮೂರು ಸ್ಥಳಗಳನ್ನು ಭಗವಾನ್ ಬುದ್ಧನ ಶಿಷ್ಯರಿಗೆ ಪ್ರಮುಖ ಯಾತ್ರಾ ಸ್ಥಳವೆಂದು ಪರಿಗಣಿಸಲಾಗಿದೆ. ಅನೇಕ ಭಕ್ತರು ಮತ್ತು ಬುದ್ಧನ ಅನುಯಾಯಿಗಳು ಭಗವಾನ್ ಬುದ್ಧನ ಆಶೀರ್ವಾದವನ್ನು ಪಡೆಯಲು ಬೋಧಗಯಾಕ್ಕೆ ಭೇಟಿ ನೀಡುತ್ತಾರೆ.
ಬುದ್ಧ ಪೂರ್ಣಿಮಾ ಇತಿಹಾಸ
ಪ್ರಾಚೀನ ಗ್ರಂಥಗಳ ಪ್ರಕಾರ, ಭಗವಾನ್ ಬುದ್ಧನು ರಾಜಕುಮಾರ ಸಿದ್ಧಾರ್ಥನಾಗಿ ಜನಿಸಿದನು, ಅವನು ಯಾವಾಗಲೂ ಐಷಾರಾಮಿ ಮತ್ತು ಭೌತಿಕ ಸಂತೋಷಗಳಿಂದ ತನ್ನ ಜೀವನವನ್ನು ಸಾಗಿಸುತ್ತಿದ್ದನು. ಅವನ ತಂದೆ ಶುದ್ಧೋದನನು ಶಾಕ್ಯ ಕುಲದ ಮುಖ್ಯಸ್ಥನಾಗಿದ್ದ ಮತ್ತು ಅವನ ತಾಯಿ ಕೋಲಿಯನ್ ರಾಜಕುಮಾರಿ. ಒಮ್ಮೆ, ಅವನು ಒಬ್ಬ ಮುದುಕ, ಅಸ್ವಸ್ಥ ಮತ್ತು ಶವವನ್ನು ನೋಡಿದನು. ಒಬ್ಬ ಮನುಷ್ಯನ ದುಃಖದ ಹಿಂದಿನ ಕಾರಣಗಳನ್ನು ಹುಡುಕುವ ಪ್ರಚೋದನೆಯನ್ನು ಅವರು ಇದರಿಂದ ಪಡೆದುಕೊಂಡರು. ನಂತರ ಅವರು ಉತ್ತರಗಳನ್ನು ಪಡೆಯುವ ಹುಡುಕಾಟದಲ್ಲಿ 29 ನೇ ವಯಸ್ಸಿನಲ್ಲಿ ತನ್ನ ಮನೆಯನ್ನು ತೊರೆದು ಆಲದ ಮರದ ಕೆಳಗೆ ಕುಳಿತು ಜ್ಞಾನೋದಯವನ್ನು ಪಡೆಯಲು ಪ್ರಯತ್ನಿಸಿದರು. ಆಳವಾದ ಧ್ಯಾನದ ನಂತರ ಅವರು ತಮ್ಮ 35ನೇ ವಯಸ್ಸಿನಲ್ಲಿ ಜ್ಞಾನೋದಯವನ್ನು ಪಡೆದುಕೊಂಡು ಮಹಾತ್ಮ ಬುದ್ಧ ಎಂದು ಕರೆಸಿಕೊಂಡರು. ಈ ಜ್ಞಾನದಿಂದ ಅವರು ಸಾಕಷ್ಟು ಬೋಧನೆಗಳನ್ನು ನೀಡಿದ್ದರು.
ವೈಶಾಖ ಅಥವಾ ಬುದ್ಧ ಪೂರ್ಣಿಮಾ ಪೂಜೆ ವಿಧಾನ
– ಮೊದಲನೆಯದಾಗಿ, ಸ್ನಾನ ಇತ್ಯಾದಿಗಳ ಬಳಿಕ ಮನೆಯ ದೇವರ ಕೋಣೆಯನ್ನು ಸ್ವಚ್ಛಗೊಳಿಸಿ.
– ಈಗ ವಿಷ್ಣುವಿನ ವಿಗ್ರಹದ ಮುಂದೆ ತುಪ್ಪದ ದೀಪವನ್ನು ಹಚ್ಚಿ.
– ಎಳ್ಳು ಮತ್ತು ಸಕ್ಕರೆಯನ್ನು ಸಹ ಇರಿಸಿ.
– ಇದರ ನಂತರ, ಎಳ್ಳಿನ ಎಣ್ಣೆಯಿಂದ ಭಗವಾನ್ ವಿಷ್ಣುವಿನ ಆರತಿಯನ್ನು ಮಾಡಿ.
– ಈ ದಿನ ಬೋಧಿ ವೃಕ್ಷವನ್ನು ಪೂಜಿಸಲಾಗುತ್ತದೆ.
– ಬೋಧಿ ವೃಕ್ಷದ ಬೇರುಗಳಿಗೆ ಹಾಲನ್ನು ಅರ್ಪಿಸಿ.
– ಪೂಜೆಯ ನಂತರ, ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ದಾನ ಮಾಡಿ.
– ಈ ದಿನ ದಾನ ಮಾಡುವುದರಿಂದ ಗೋದಾನ ಮಾಡಿದಷ್ಟು ಪುಣ್ಯ ಸಿಗುತ್ತದೆ ಎನ್ನುವ ನಂಬಿಕೆಯಿದೆ.