General knowledge: ಅಂತಾರಾಷ್ಟ್ರೀಯ ಪ್ರವಾಸ ಬಹುತೇಕ ಜನರ ಕನಸು. ಆದರೆ, ವಿಮಾನದ ಟಿಕೆಟ್‌ ದರಗಳು ಅನೇಕ ಬಾರಿ ಸಾಮಾನ್ಯ ಪ್ರಯಾಣಿಕರಿಗೆ ತುಂಬಾ ದುಬಾರಿಯಾಗುತ್ತವೆ. ವಿಶೇಷವಾಗಿ ವಿಮಾನದ ದರಗಳಿಗೆ ನಿಗದಿತ ಮಾನದಂಡಗಳಿಲ್ಲದೇ ಇರುವುದರಿಂದ ದರ ಏರಿಳಿತ ಹೆಚ್ಚಾಗುತ್ತದೆ. ಇದರ ಪರಿಣಾಮವಾಗಿ ವಿದೇಶ ಪ್ರವಾಸದ ಬಜೆಟ್‌ನ ಮೇಲೂ ಒತ್ತಡ ಉಂಟಾಗುವುದು ಸಹಜ.
ಆದರೆ, ನೆರೆಯ ದೇಶಗಳಿಗೆ ಪ್ರಯಾಣಿಸಲು ವಿಮಾನವಷ್ಟೇ ಏಕೈಕ ಆಯ್ಕೆ ಅಲ್ಲ. ಭಾರತೀಯ ರೈಲ್ವೆ (Indian Railways) ಪ್ರಪಂಚದಲ್ಲೇ ನಾಲ್ಕನೇ ಅತಿದೊಡ್ಡ ರೈಲು ಜಾಲವನ್ನು ಹೊಂದಿದ್ದು, ದೇಶವನ್ನು ನೆರೆಯ ರಾಷ್ಟ್ರಗಳೊಂದಿಗೆ ರೈಲು ಮಾರ್ಗಗಳ ಮೂಲಕ ಸಂಪರ್ಕಿಸಿದೆ. ಭಾರತದಲ್ಲೇ ಒಟ್ಟು 7 ಅಂತಾರಾಷ್ಟ್ರೀಯ ರೈಲು ನಿಲ್ದಾಣಗಳು ಇವೆ. ಇವುಗಳಿಂದ ನೆರೆಯ ರಾಷ್ಟ್ರಗಳಾದ ಬಾಂಗ್ಲಾದೇಶ, ನೇಪಾಳ ಮತ್ತು ಪಾಕಿಸ್ಥಾನಕ್ಕೆ ಪ್ರಯಾಣ ಮಾಡಬಹುದಾಗಿದೆ.
ಆ 7 ಅಂತಾರಾಷ್ಟ್ರೀಯ ರೈಲು ನಿಲ್ದಾಣಗಳು
- ಹಲ್ಡಿಬರಿ ರೈಲು ನಿಲ್ದಾಣ (ಪಶ್ಚಿಮ ಬಂಗಾಳ) – ಇಲ್ಲಿಿಂದ ಬಾಂಗ್ಲಾದೇಶಕ್ಕೆ ಪ್ರಯಾಣ ಮಾಡಬಹುದು.
- ಪೆಟ್ರಾಪೋಲ್ ರೈಲು ನಿಲ್ದಾಣ (ಪಶ್ಚಿಮ ಬಂಗಾಳ, ಪರಗಣ ಜಿಲ್ಲೆ) – ಬಾಂಗ್ಲಾದೇಶಕ್ಕೆ ನೇರ ಸಂಪರ್ಕ.
- ಸಿಂಗಾಬಾದ್ ರೈಲು ನಿಲ್ದಾಣ (ಪಶ್ಚಿಮ ಬಂಗಾಳ, ಮಾಲ್ಡಾ ಜಿಲ್ಲೆ) – ಬಾಂಗ್ಲಾದೇಶ ಪ್ರವಾಸಕ್ಕೆ ಬಳಸಲಾಗುತ್ತದೆ.
- ರಾಧಿಕಾಪುರ ರೈಲು ನಿಲ್ದಾಣ (ಪಶ್ಚಿಮ ಬಂಗಾಳ) – ಬಾಂಗ್ಲಾದೇಶಕ್ಕೆ ನೇರ ರೈಲು ಸೇವೆ.
- ಜಯನಗರ ರೈಲು ನಿಲ್ದಾಣ (ಬಿಹಾರ, ಮಧುಬನಿ ಜಿಲ್ಲೆ) – ನೇಪಾಳಕ್ಕೆ ಪ್ರಯಾಣ ಮಾಡಲು ಸೌಲಭ್ಯ.
- ಜೋಗ್ಬಾನಿ ರೈಲು ನಿಲ್ದಾಣ (ಬಿಹಾರ) – ಇದರಿಂದಲೂ ನೇಪಾಳಕ್ಕೆ ಹೋಗಬಹುದು.
- ಅಟ್ಟಾರಿ ರೈಲು ನಿಲ್ದಾಣ (ಪಂಜಾಬ್) – ಇಲ್ಲಿಂದ ಪಾಕಿಸ್ಥಾನಕ್ಕೆ ಪ್ರಯಾಣ ಸಾಧ್ಯ.
ಪಾಕಿಸ್ತಾನ ರೈಲು ಸೇವೆ ಸ್ಥಗಿತ
ಭಾರತ–ಪಾಕಿಸ್ಥಾನ ನಡುವಿನ ಪ್ರಸಿದ್ಧ ಸಂಜೋತಾ ಎಕ್ಸ್‌ಪ್ರೆಸ್‌ (Samjhauta Express) ರೈಲು, ಪಂಜಾಬ್‌ನ ಅಟ್ಟಾರಿ ನಿಲ್ದಾಣದಿಂದ ಸಂಚರಿಸುತ್ತಿತ್ತು. ಆದರೆ, 2019ರಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ 370ನೇ ವಿಧಿಯನ್ನು ರದ್ದುಪಡಿಸಿದ ನಂತರ ಈ ಸೇವೆಯನ್ನು ಸ್ಥಗಿತಗೊಳಿಸಲಾಯಿತು.
ಕೊನೆಗೆ…
ವಿದೇಶ ಪ್ರಯಾಣವನ್ನು ಕೇವಲ ವಿಮಾನಗಳಿಗಷ್ಟೇ ಸೀಮಿತಗೊಳಿಸಬೇಕಿಲ್ಲ. ನೆರೆಯ ರಾಷ್ಟ್ರಗಳಿಗೆ ರೈಲು ಪ್ರಯಾಣವು ಖರ್ಚು ಕಡಿಮೆ, ಸುಲಭ ಹಾಗೂ ಆರ್ಥಿಕವಾಗಿರುತ್ತದೆ. ಮುಂದಿನ ದಿನಗಳಲ್ಲಿ ಇಂತಹ ರೈಲು ಸಂಪರ್ಕಗಳು ಇನ್ನಷ್ಟು ರಾಷ್ಟ್ರಗಳಿಗೆ ವಿಸ್ತರಿಸಿದರೆ, ಸಾಮಾನ್ಯ ಜನತೆಗೆ ಅಂತಾರಾಷ್ಟ್ರೀಯ ಪ್ರವಾಸ ಸುಲಭವಾಗುವುದು ಖಚಿತ.
Views: 26