ಕರ್ನಾಟಕ ಸ್ಟೇಟ್ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ (ಕೆಎಸ್‌ಸಿಎ) ವತಿಯಿಂದ ಧಾರವಾಡ ವಲಯದ ಬಾಲಕರ 19 ವರ್ಷದೊಳಗಿನವರ ಕ್ರಿಕೆಟ್ ತಂಡದ ಆಯ್ಕೆ ಟ್ರಯಲ್ಸ್ ನಡೆಸಲಾಗುತ್ತಿದೆ.
ಹುಬ್ಬಳ್ಳಿ: ಕ್ರಿಕೆಟ್ ಪ್ರೇಮಿಗಳೇ ಗಮನಿಸಿ, ಒಂದೊಳ್ಳೆ ಅವಕಾಶವೊಂದು ನಿಮಗೆಂದೇ ಕಾಯುತ್ತಿದೆ. ಈ ಕುರಿತು ಮಾಹಿತಿ ಇಲ್ಲಿದೆ. ಹುಬ್ಬಳ್ಳಿ ರಾಜ್ ನಗರದಲ್ಲಿರೋ ಕೆಎಸ್‌ಸಿಎ ಕ್ರೀಡಾಂಗಣದಲ್ಲಿ ಕ್ರಿಕೆಟ್ ತಂಡದ ಆಯ್ಕೆ ಪ್ರಕ್ರಿಯೆ ನಡೆಯಲಿದೆ. ಕರ್ನಾಟಕ ಸ್ಟೇಟ್ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ (ಕೆಎಸ್‌ಸಿಎ) ವತಿಯಿಂದ ಧಾರವಾಡ ವಲಯದ ಬಾಲಕರ 19 ವರ್ಷದೊಳಗಿನವರ ಕ್ರಿಕೆಟ್ ತಂಡದ ಆಯ್ಕೆ ಟ್ರಯಲ್ಸ್ ನಡೆಸಲಾಗುತ್ತಿದೆ. ಜುಲೈ 15, 2024 ರಂದು ಸೋಮವಾರ ರಾಜನಗರದ ಕೆಎಸ್‌ಸಿಎ ಕ್ರೀಡಾಂಗಣದಲ್ಲಿ ಆಯ್ಕೆ ಪ್ರಕ್ರಿಯೆ ನಡೆಸಲಾಗುತ್ತಿದೆ.
ಕೆಎಸ್‌ಸಿಎ ಧಾರವಾಡ ವಲಯ ಕಚೇರಿಯ ಪ್ರಕಟಣೆಯ ಪ್ರಕಾರ, ಆಯ್ಕೆಗೆ ಹಾಜರಾಗಲು ಬಯಸುವ ಆಟಗಾರರು ಕ್ರಿಕೆಟ್ ಉಡುಪಿನಲ್ಲಿ (ಬಿಳಿಯ) ಜುಲೈ 15 ರ ಬೆಳಗ್ಗೆ 8 ಗಂಟೆಗೆ ಸ್ಥಳದಲ್ಲಿ ಹಾಜರಿರಬೇಕಿದೆ.
19 ವರ್ಷದೊಳಗಿನವರ ವಯೋಮಿತಿಯ ಕಟ್ಆಫ್ ದಿನಾಂಕ ಹೀಗಿದೆ
1-09-2005 ಮತ್ತು 31-08-2008 ರ ನಡುವೆ ಜನಿಸಿದ ಆಟಗಾರರು ಆಯ್ಕೆ ಟ್ರಯಲ್ಸ್‌ಗೆ ಹಾಜರಾಗಲು ಅರ್ಹರಾಗಿರುತ್ತಾರೆ. 16 ವರ್ಷದೊಳಗಿನ ಆಟಗಾರರನ್ನು ಆಯ್ಕೆ ಟ್ರಯಲ್ಸ್‌ಗೆ ಹಾಜರಾಗಲು ಅನುಮತಿಸುವುದಿಲ್ಲ ಎಂದು ಕೆಎಸ್‌ಸಿಎ ಮಾಹಿತಿ ನೀಡಿದೆ.
ಈ ದಾಖಲೆಗಳನ್ನು ಕಡ್ಡಾಯವಾಗಿ ತನ್ನಿ
ಎಲ್ಲಾ ಆಟಗಾರರು ವಯಸ್ಸು ಮತ್ತು ವಿಳಾಸದ ಪುರಾವೆಯಾಗಿ ಮೂಲ ಡಿಜಿಟಲ್ ಜನನ ಪ್ರಮಾಣಪತ್ರ, SSLC ಮಾರ್ಕ್ಸ್ ಕಾರ್ಡ್, ಪಾಸ್‌ಪೋರ್ಟ್ ಅಥವಾ ಆಧಾರ್ ಕಾರ್ಡ್ ಅನ್ನು ಹಾಜರುಪಡಿಸಬೇಕು. ಯಾವುದೇ ಜೆರಾಕ್ಸ್ ಪ್ರತಿಗಳನ್ನು ಮನರಂಜನೆ ಮಾಡಲಾಗುವುದಿಲ್ಲ.
ಹೀಗಿರುವವರು ಮಾತ್ರ ಹಾಜರಾಗಲು ಅರ್ಹತೆ
ಧಾರವಾಡ ವಲಯದ ಆಟಗಾರರು ಮಾತ್ರ ಟ್ರಯಲ್ಸ್‌ಗೆ ಹಾಜರಾಗಲು ಅರ್ಹರಾಗಿರುತ್ತಾರೆ. ಹುಬ್ಬಳ್ಳಿ ಮತ್ತು ಬೆಳಗಾವಿಯಲ್ಲಿ ನೋಂದಣಿಗೆ ಅವಕಾಶ ನೀಡಲಾಗುತ್ತದೆ.
ಎಲ್ಲಿಗೆ ಯಾವ ಸಮಯಕ್ಕೆ ಬರಬೇಕು?
ಆಸಕ್ತ ಆಟಗಾರರು ಕೆಎಸ್‌ಸಿಎ ಧಾರವಾಡ ವಲಯ ಕಚೇರಿ, ಶಿರಡಿ ನಗರ ರಸ್ತೆ, ರಾಜನಗರ, ಹುಬ್ಬಳ್ಳಿ ಅಥವಾ ಕೆಎಸ್‌ಸಿಎ ಬೆಳಗಾವಿ ಕಚೇರಿ ರಾಮತೀರ್ಥ ನಗರ ಬೆಳಗಾವಿಯಲ್ಲಿ 11ನೇ ಜುಲೈ 2024 ರೊಳಗೆ ಮಧ್ಯಾಹ್ನ 2 ರಿಂದ ಸಂಜೆ 5ರವರೆಗೆ ತಮ್ಮ ಹೆಸರನ್ನು ನೋಂದಣಿ ಮಾಡಿಕೊಳ್ಳಬಹುದಾಗಿದೆ ಎಂದು ಕರ್ನಾಟಕ ಸ್ಟೇಟ್ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ (ಕೆಎಸ್‌ಸಿಎ) ಮಾಹಿತಿ ನೀಡಿದೆ.
ಹೆಚ್ಚಿನ ವಿವರಗಳಿಗಾಗಿ ಸಂಪರ್ಕ ಸಂಖ್ಯೆ
ಹೆಚ್ಚಿನ ಮಾಹಿತಿ ಮತ್ತು ವಿವರಗಳಿಗಾಗಿ ದೂರವಾಣಿ ಸಂಖ್ಯೆ : 0836-2354372, 0836-2970108 ಸಂಪರ್ಕಿಸಬಹುದಾಗಿದೆ.