ಇಂದಿನ ಪಂಚಾಂಗ (22 ಫೆಬ್ರವರಿ)
- ಸಂವತ್ಸರ ಹಾಗೂ ಶಕೆ: ಶಾಲಿವಾಹನ ಶಕೆ 1948, ವಿಶ್ವಾವಸು ಸಂವತ್ಸರ.
- ಆಯನ ಹಾಗೂ ಋತು: ಉತ್ತರಾಯಣ, ಶಿಶಿರ ಋತು.
- ಮಾಸ, ಪಕ್ಷ ಹಾಗೂ ತಿಥಿ: ಫಾಲ್ಗುಣ ಮಾಸ, ಶುಕ್ಲ ಪಕ್ಷ, ಪಂಚಮೀ ತಿಥಿ.
- ನಕ್ಷತ್ರ, ಯೋಗ ಹಾಗೂ ಕರಣ: ಅಶ್ವಿನಿ ನಕ್ಷತ್ರ, ಶುಕ್ಲ ಯೋಗ, ಬಾಲವ ಕರಣ.
- ದಿನದ ವಿಶೇಷತೆ: ಒತ್ತಾಯದ ಕೆಲಸಗಳಲ್ಲಿ ನಿರಾಸಕ್ತಿ ಮೂಡಬಹುದು. ಸ್ಥಿರಾಸ್ತಿ ಖರೀದಿ ಹಾಗೂ ಸ್ಥಾನ ಬದಲಾವಣೆಯ ಬಗ್ಗೆ ಒಲವು ಹೆಚ್ಚಾಗಲಿದೆ. ಕಷ್ಟದಲ್ಲಿರುವವರಿಗೆ ನೆರವಾಗುವ ಗುಣ ಇಂದು ಎದ್ದು ಕಾಣಲಿದೆ.
ಸೂರ್ಯೋದಯ ಹಾಗೂ ಸೂರ್ಯಾಸ್ತ: ಬೆಳಗ್ಗೆ 06:46 ಕ್ಕೆ ಸೂರ್ಯೋದಯ, ಸಂಜೆ 06:29 ಕ್ಕೆ ಸೂರ್ಯಾಸ್ತ. ಶುಭಾಶುಭ ಸಮಯಗಳು:
- ರಾಹುಕಾಲ: ಸಂಜೆ 17:02 ರಿಂದ 18:30 ರವರೆಗೆ.
- ಯಮಗಂಡ ಕಾಲ: ಮಧ್ಯಾಹ್ನ 12:38 ರಿಂದ 14:06 ರವರೆಗೆ.
- ಗುಳಿಕ ಕಾಲ: ಮಧ್ಯಾಹ್ನ 15:34 ರಿಂದ ಸಂಜೆ 17:02 ರವರೆಗೆ.
ದ್ವಾದಶ ರಾಶಿಗಳ ಇಂದಿನ ಭವಿಷ್ಯ
ಮೇಷ ರಾಶಿ ನಿಮ್ಮ ಮೇಲಿರುವ ಇತರರ ನಂಬಿಕೆಯನ್ನು ಕಾಪಾಡಿಕೊಳ್ಳುವುದು ಅತಿ ಮುಖ್ಯ. ವ್ಯಕ್ತಿಗಳಿಗಿಂತ ಅವರ ವ್ಯಕ್ತಿತ್ವವನ್ನು ಅಳೆಯಿರಿ. ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸೂಕ್ತ ಮಾರ್ಗದರ್ಶಕರು ಸಿಗಲಿದ್ದಾರೆ. ಆತ್ಮವಿಶ್ವಾಸ ಕೊಂಚ ತಗ್ಗಬಹುದು. ಆಡುವ ಮಾತುಗಳು ಸುಳ್ಳಿನಂತೆ ಭಾಸವಾಗದಂತೆ ಎಚ್ಚರವಹಿಸಿ.
ವೃಷಭ ರಾಶಿ ದೂರ ಪ್ರಯಾಣ ಮಾಡುವಾಗ ಎಚ್ಚರಿಕೆ ಇರಲಿ, ಅಡೆತಡೆಗಳು ಎದುರಾಗಬಹುದು. ಅಂದುಕೊಂಡ ಕೆಲಸಗಳು ಸುಲಭವಾಗಿ ಕೈಗೂಡುವುದಿಲ್ಲ. ಮಕ್ಕಳೊಂದಿಗೆ ಸಮಯ ಕಳೆಯುವ ಮೂಲಕ ಮಾನಸಿಕ ನೆಮ್ಮದಿ ಕಂಡುಕೊಳ್ಳುವಿರಿ. ಅನಗತ್ಯ ವಾಗ್ವಾದಗಳಿಗೆ ಇಳಿದು ನಿಮ್ಮ ಹಾಗೂ ಇತರರ ಅಮೂಲ್ಯ ಸಮಯವನ್ನು ಹಾಳು ಮಾಡದಿರಿ.
ಮಿಥುನ ರಾಶಿ ನಿಮ್ಮ ಯಶಸ್ಸಿನ ಗುಟ್ಟನ್ನು ಗೌಪ್ಯವಾಗಿಡಿ. ಕೌಟುಂಬಿಕ ವಾತಾವರಣವು ಹರ್ಷದಿಂದ ಕೂಡಿರಲಿದ್ದು, ಬಂಧು ಮಿತ್ರರ ಬೆಂಬಲ ಸಿಗಲಿದೆ. ವೃತ್ತಿ ಕ್ಷೇತ್ರದಲ್ಲಿ ನಿಮ್ಮ ಪ್ರಾಮಾಣಿಕತೆಗೆ ಮೆಚ್ಚುಗೆ ವ್ಯಕ್ತವಾಗುತ್ತದೆ. ದುರಭ್ಯಾಸಗಳಿಂದ ದೂರವಿರುವುದು ಒಳಿತು. ಪ್ರೇಮಿಗಳ ನಡುವೆ ಉತ್ತಮ ಬಾಂಧವ್ಯ ಬೆಳೆಯಲಿದೆ.
ಕರ್ಕಾಟಕ ರಾಶಿ ಮಾಡಿದ ತಪ್ಪುಗಳನ್ನು ಒಪ್ಪಿಕೊಳ್ಳಲು ಹಿಂಜರಿಕೆ ಬೇಡ. ಬೆಲೆಬಾಳುವ ವಸ್ತುಗಳನ್ನು ಖರೀದಿಸುವಾಗ ಎಚ್ಚರಿಕೆ ಇರಲಿ, ವಂಚನೆಗೊಳಗಾಗುವ ಸಾಧ್ಯತೆಗಳಿವೆ. ವಾಹನ ಅಥವಾ ವ್ಯಾಪಾರ ಉದ್ಯಮಗಳಲ್ಲಿ ಉತ್ತಮ ಲಾಭ ನಿರೀಕ್ಷಿಸಬಹುದು. ಆತುರದ ನಿರ್ಧಾರಗಳು ಬೇಡ, ಉಪಕಾರ ಸ್ಮರಣೆ ಬೆಳೆಸಿಕೊಳ್ಳಿ.
ಸಿಂಹ ರಾಶಿ ಕೌಟುಂಬಿಕ ವಿಚಾರಗಳ ಬಗ್ಗೆ ಅತಿಯಾಗಿ ಚಿಂತಿಸಿ ಆರೋಗ್ಯ ಕೆಡಿಸಿಕೊಳ್ಳದಿರಿ. ಆರ್ಥಿಕ ಶಿಸ್ತು ಪಾಲಿಸಿ, ದುಂದುವೆಚ್ಚ ಬೇಡ. ಕಷ್ಟದ ಸಮಯದಲ್ಲಿ ಸಂಗಾತಿಯ ಬೆಂಬಲ ದೊರೆಯಲಿದೆ. ಹೊಸ ವ್ಯವಹಾರಗಳಿಗೆ ಕೈ ಹಾಕುವಾಗ ಆಪ್ತರ ಸಲಹೆ ಪಡೆಯುವುದು ಉತ್ತಮ. ಉದ್ಯೋಗದಲ್ಲಿ ಹೊಸ ಜವಾಬ್ದಾರಿಗಳು ಹೆಗಲೇರಲಿವೆ.
ಕನ್ಯಾ ರಾಶಿ ನಿಮ್ಮ ಬಹುದಿನದ ಆಸೆಗಳು ಹಾಗೂ ಮಹತ್ವಾಕಾಂಕ್ಷೆಗಳು ಈಡೇರುವ ಸಮಯವಿದು. ಹೊಸ ಉದ್ಯೋಗದತ್ತ ಒಲವು ಹೆಚ್ಚಾಗಲಿದೆ. ಮಕ್ಕಳಿಂದ ಕೊಂಚ ದೂರವಿರಬೇಕಾದ ಪರಿಸ್ಥಿತಿ ಎದುರಾಗಿ ಬೇಸರ ತರಿಸಬಹುದು. ತಾಯಿಯ ಪ್ರೀತಿ ಹಾಗೂ ವಾತ್ಸಲ್ಯ ನೆಮ್ಮದಿ ನೀಡಲಿದೆ. ಸಂಗಾತಿಯೊಂದಿಗೆ ಮುಕ್ತವಾಗಿ ಮಾತನಾಡಿ.
ತುಲಾ ರಾಶಿ ವ್ಯಾಪಾರವನ್ನು ವಿಸ್ತರಿಸುವ ಮಹತ್ವದ ನಿರ್ಧಾರ ತೆಗೆದುಕೊಳ್ಳುವಿರಿ. ವಾಹನ ಚಾಲನೆ ಮಾಡುವಾಗ, ವಿಶೇಷವಾಗಿ ದ್ವಿಚಕ್ರ ವಾಹನ ಸವಾರರು ಎಚ್ಚರಿಕೆ ವಹಿಸಿ. ಹಳೆಯ ಕಹಿ ನೆನಪುಗಳನ್ನು ಮರೆತು ಮುನ್ನಡೆಯಿರಿ. ಉತ್ತಮ ಆರೋಗ್ಯ ಹಾಗೂ ಮಾನಸಿಕ ನೆಮ್ಮದಿ ಇರಲಿದೆ. ನಿಮ್ಮ ಉದಾರ ಗುಣವನ್ನು ಇತರರು ದುರುಪಯೋಗ ಪಡಿಸಿಕೊಳ್ಳದಂತೆ ನೋಡಿಕೊಳ್ಳಿ.
ವೃಶ್ಚಿಕ ರಾಶಿ ಶುಭ ಕಾರ್ಯಗಳಲ್ಲಿ ಭಾಗಿಯಾಗುವ ಅವಕಾಶ ಒದಗಿಬರಲಿದೆ. ಸ್ನೇಹಿತರ ಕೆಲವು ಮಾತುಗಳು ನಿಮ್ಮ ಮನಸ್ಸಿಗೆ ನೋವು ತರಿಸಬಹುದು. ಹಣಕಾಸಿನ ವಿಚಾರವಾಗಿ ತಂದೆಯೊಂದಿಗೆ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳು ಮೂಡಬಹುದು. ಸಜ್ಜನರ ಒಡನಾಟ ಲಭ್ಯ. ಅರ್ಹರಿಗೆ ದಾನ ಮಾಡುವುದರಿಂದ ಮನಸ್ಸಿಗೆ ತೃಪ್ತಿ ಸಿಗಲಿದೆ.
ಧನು ರಾಶಿ ಹಣ ಹೂಡಿಕೆ ಮಾಡುವಾಗ ಬುದ್ಧಿವಂತಿಕೆ ಹಾಗೂ ಎಚ್ಚರಿಕೆ ಅಗತ್ಯ. ಪೂರ್ವಿಕರ ಆಸ್ತಿ ವಿಚಾರದಲ್ಲಿ ಸಣ್ಣ ಮನಸ್ತಾಪಗಳು ಎದುರಾಗಬಹುದು. ದಿಢೀರ್ ಬದಲಾವಣೆಗಳನ್ನು ಕಂಡು ಹತಾಶರಾಗುವ ಅಗತ್ಯವಿಲ್ಲ. ಬಹುಪಾಲು ಸಮಯ ಮನೆಗೆಲಸಗಳಲ್ಲಿಯೇ ಕಳೆದುಹೋಗಲಿದೆ. ಸ್ವಂತ ವಾಹನ ಖರೀದಿಸುವ ಯೋಜನೆ ರೂಪಿಸುವಿರಿ.
ಮಕರ ರಾಶಿ ಇತರರೊಂದಿಗೆ ಬೆರೆಯುವಾಗ ಅತಿಯಾದ ಅಹಂಕಾರದ ವರ್ತನೆ ಬೇಡ. ಸಂಗಾತಿಯೊಂದಿಗಿನ ಸಣ್ಣಪುಟ್ಟ ಕಲಹಗಳು ಇಡೀ ದಿನದ ನೆಮ್ಮದಿ ಕೆಡಿಸಬಹುದು. ಹಣಕಾಸಿನ ಭದ್ರತೆಯ ಬಗ್ಗೆ ಗಮನ ಹರಿಸಿ. ಭವಿಷ್ಯದ ಬಗೆಗಿನ ಗೊಂದಲಗಳು ಕಾಡಬಹುದು. ಆಪತ್ಕಾಲಕ್ಕೆಂದು ಕೂಡಿಟ್ಟ ಹಣವನ್ನು ಇಂದು ಖರ್ಚು ಮಾಡಬೇಕಾದ ಪರಿಸ್ಥಿತಿ ಬರಬಹುದು.
ಕುಂಭ ರಾಶಿ ವೃತ್ತಿ ರಂಗದಲ್ಲಿ ನಿಮ್ಮ ಕಾರ್ಯಕ್ಷಮತೆ ಹೆಚ್ಚಾಗಲಿದ್ದು, ಯಶಸ್ಸು ಗಳಿಸುವಿರಿ. ಆರೋಗ್ಯದ ಕಡೆಗೆ ಹೆಚ್ಚಿನ ಗಮನ ಹರಿಸುವುದು ಒಳಿತು, ಶತ್ರುಬಾಧೆಯ ಬಗ್ಗೆಯೂ ಎಚ್ಚರವಿರಲಿ. ಮನೆಯಲ್ಲಿ ಸ್ನೇಹಿತರೊಡನೆ ಬೆರೆಯುವ ಅವಕಾಶವಿದೆ. ಕಚೇರಿಯ ಕೆಲಸ ಹಾಗೂ ಒತ್ತಡಗಳನ್ನು ಮನೆಗೆ ತರುವುದು ಬೇಡ. ಜೀವನಶೈಲಿಯಲ್ಲಿ ಸಕಾರಾತ್ಮಕ ಬದಲಾವಣೆ ತನ್ನಿ.
ಮೀನ ರಾಶಿ ರಿಯಲ್ ಎಸ್ಟೇಟ್ ಅಥವಾ ಭೂಮಿಗೆ ಸಂಬಂಧಿಸಿದ ವ್ಯವಹಾರಗಳಲ್ಲಿ ಉತ್ತಮ ಲಾಭ ಸಿಗಲಿದೆ. ಧಾರ್ಮಿಕ ಕಾರ್ಯಗಳಿಗಾಗಿ ಹಣ ಖರ್ಚು ಮಾಡುವಿರಿ, ಇದರಿಂದ ಮಾನಸಿಕ ಶಾಂತಿ ದೊರೆಯಲಿದೆ. ಅತಿಯಾದ ಭೋಜನದಿಂದ ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆ ಇದೆ. ತಾಯಿಯ ಕಡೆಯ ಸಂಬಂಧಿಕರಿಂದ ಉತ್ತಮ ಬೆಂಬಲ ಹಾಗೂ ಸಹಕಾರ ಸಿಗಲಿದೆ.