ಇಂದು ಶುಕ್ರವಾರ, ಶಾಲಿವಾಹನ ಶಕವರ್ಷ 1948ರ ಮಾಘ ಮಾಸದ ಕೃಷ್ಣ ಪಕ್ಷದ ಏಕಾದಶಿ. ಇಂದಿನ ಗ್ರಹಗತಿಗಳು ದ್ವಾದಶ ರಾಶಿಗಳ ಮೇಲೆ ಮಿಶ್ರ ಫಲವನ್ನು ಬೀರಲಿವೆ. ಕೆಲವರಿಗೆ ಶತ್ರುಗಳ ಚಿಂತೆ ಕಾಡಿದರೆ, ಇನ್ನು ಕೆಲವರಿಗೆ ಆರೋಗ್ಯದಲ್ಲಿ ಚೇತರಿಕೆ ಮತ್ತು ಉದ್ಯಮದಲ್ಲಿ ನೆರವು ಸಿಗಲಿದೆ. ಬನ್ನಿ, ಇಂದಿನ ದೈನಂದಿನ ರಾಶಿ ಭವಿಷ್ಯವನ್ನು (Daily Horoscope) ವಿವರವಾಗಿ ತಿಳಿಯೋಣ.
ಇಂದಿನ ಪಂಚಾಂಗ (13-02-2026):
- ಸಂವತ್ಸರ: ವಿಶ್ವಾವಸು, ಉತ್ತರಾಯಣ
- ಋತು: ಶಿಶಿರ
- ಮಾಸ: ಮಾಘ, ಪಕ್ಷ: ಕೃಷ್ಣ
- ತಿಥಿ: ಏಕಾದಶೀ
- ನಕ್ಷತ್ರ: ಉತ್ತರಾಷಾಢ
- ಯೋಗ: ವ್ಯಾಘಾತ, ಕರಣ: ಭದ್ರ
- ಸೂರ್ಯೋದಯ: ಬೆಳಿಗ್ಗೆ 06:50, ಸೂರ್ಯಾಸ್ತ: ಸಂಜೆ 06:27
- ರಾಹುಕಾಲ: 11:12 – 12:39
- ಯಮಗಂಡ ಕಾಲ: 06:50 – 15:33
- ಗುಳಿಕ ಕಾಲ: 17:00 – 09:44
ಮೇಷ ರಾಶಿ: ವೃತ್ತಿ ಜೀವನದಲ್ಲಿ ಸಣ್ಣಪುಟ್ಟ ಗೊಂದಲಗಳು ಎದುರಾಗಬಹುದು, ಇದು ನಿಮ್ಮ ಮನಃಶಾಂತಿಯನ್ನು ಕದಡಬಹುದು. ಕೆಲವೊಮ್ಮೆ ಗೆಲ್ಲಲು ಒಂದು ಹೆಜ್ಜೆ ಹಿಂದಿಡುವುದು ಅನಿವಾರ್ಯವಾಗಬಹುದು. ನಿಮ್ಮ ಸುತ್ತಲಿರುವ ಹಿತಶತ್ರುಗಳ ಬಗ್ಗೆ ಎಚ್ಚರವಿರಲಿ. ಹೊಸ ಯೋಜನೆಗಳ ಉಸ್ತುವಾರಿ ನಿಮಗೆ ಸಿಗುವ ಸಾಧ್ಯತೆಯಿದೆ. ವೈವಾಹಿಕ ಜೀವನ ಸುಖಮಯವಾಗಿರಲಿದೆ. ಹಳೆಯ ಅಭ್ಯಾಸಗಳನ್ನು ಬಿಡಲು ಕಷ್ಟಪಡುವಿರಿ.
ವೃಷಭ ರಾಶಿ: ನಿಮ್ಮ ಬದಲಾದ ವರ್ತನೆ ಆಪ್ತರಿಗೆ ಇಷ್ಟವಾಗದಿರಬಹುದು. ವ್ಯಾಪಾರ ಅಥವಾ ವ್ಯವಹಾರದಲ್ಲಿ ಮೂರನೇ ವ್ಯಕ್ತಿಯ ಹಸ್ತಕ್ಷೇಪವನ್ನು ನೀವು ಸಹಿಸುವುದಿಲ್ಲ. ಸಮಯದ ನಿರ್ವಹಣೆ ಇಂದು ಸವಾಲಾಗಬಹುದು. ಸಂಬಂಧಿಕರನ್ನೇ ಪಾಲುದಾರರನ್ನಾಗಿ ಮಾಡಿಕೊಳ್ಳುವ ಯೋಚನೆ ಬರುವುದು. ಶತ್ರುಗಳು ಹೂಡುವ ತಂತ್ರಗಳು ಅಂತಿಮವಾಗಿ ನಿಮಗೆ ಲಾಭದಾಯಕವಾಗಿ ಪರಿಣಮಿಸಲಿವೆ.
ಮಿಥುನ ರಾಶಿ: ಇಂದು ನಿಮ್ಮ ಸ್ವಾಭಿಮಾನಕ್ಕೆ ಧಕ್ಕೆ ಬರುವ ಪ್ರಸಂಗಗಳು ಎದುರಾಗಬಹುದು. ದೈಹಿಕವಾಗಿ ಹೆಚ್ಚು ಕೆಲಸ ಮಾಡುವುದರಿಂದ ಆಯಾಸ ಉಂಟಾಗಬಹುದು. ಸಮಾಜದಲ್ಲಿ ಹೆಸರು ಮಾಡಬೇಕೆಂಬ ತುಡಿತ ಹೆಚ್ಚಿರುತ್ತದೆ. ಭಾವೋದ್ವೇಗಕ್ಕೆ ಒಳಗಾಗಬೇಡಿ. ಸಂಗಾತಿಯ ಜೊತೆಗಿನ ಅಭಿಪ್ರಾಯ ಭೇದ ಮನಸ್ಸಿಗೆ ಬೇಸರ ತರಿಸಬಹುದು. ಸಮಯಕ್ಕೆ ಸರಿಯಾಗಿ ಕೆಲಸ ಮುಗಿಸುವುದು ಕಷ್ಟವಾಗಲಿದೆ.
ಕರ್ಕಾಟಕ ರಾಶಿ: ದಾಖಲೆ ಪತ್ರಗಳ ಕೆಲಸಕ್ಕಾಗಿ ಅಲೆದಾಟ ನಡೆಸಬೇಕಾಗಬಹುದು. ವಿದ್ಯಾರ್ಥಿಗಳಿಗೆ ಹಿರಿಯರ ಮಾರ್ಗದರ್ಶನ ಅಗತ್ಯವಿದೆ. ತುರ್ತು ಆರ್ಥಿಕ ಅವಶ್ಯಕತೆ ಎದುರಾದಾಗ ಹಣ ಹೊಂದಿಸುವುದು ಸವಾಲಾಗಬಹುದು. ಫಲಿತಾಂಶದ ನಿರೀಕ್ಷೆಯು ಆತಂಕವನ್ನು ಹೆಚ್ಚಿಸಬಹುದು. ಕಷ್ಟಕಾಲದಲ್ಲಿ ಸಣ್ಣ ಸಹಾಯವೂ ದೊಡ್ಡದಾಗಿ ಕಾಣುವುದು. ಸಂಬಂಧಿಕರ ಭೇಟಿ ಅಷ್ಟೊಂದು ತೃಪ್ತಿಕರವೆನಿಸದು.
ಸಿಂಹ ರಾಶಿ: ಮಕ್ಕಳ ಕಡೆಯಿಂದ ಆರ್ಥಿಕ ನೆರವು ಸಿಗುವ ಸಾಧ್ಯತೆಯಿದೆ. ಕೆಟ್ಟ ಅಭ್ಯಾಸಗಳಿಂದ ದೂರವಿರಿ, ಇಲ್ಲದಿದ್ದರೆ ತೊಂದರೆ ಕಟ್ಟಿಟ್ಟ ಬುತ್ತಿ. ವಾಸಸ್ಥಳ ಬದಲಾವಣೆಯ ಯೋಚನೆ ಬರಬಹುದು. ಸ್ಪರ್ಧಾತ್ಮಕ ವಿಷಯಗಳಲ್ಲಿ ಹಿನ್ನಡೆಯಾಗುವ ಸಂಭವವಿದೆ. ದೀರ್ಘಕಾಲದ ನ್ಯಾಯಾಲಯದ ವ್ಯಾಜ್ಯವೊಂದು ಬಗೆಹರಿಯಲಿದ್ದು, ಮನಸ್ಸಿಗೆ ನೆಮ್ಮದಿ ಸಿಗಲಿದೆ. ಯಾರನ್ನೂ ನೋಡಿ ಅಸೂಯೆ ಪಡುವುದು ಬೇಡ.
ಕನ್ಯಾ ರಾಶಿ: ನಿಮ್ಮ ಸಾಧನೆಯನ್ನು ಸಮಾಜ ಗುರುತಿಸಲಿ ಎಂಬ ಹಂಬಲವಿರುತ್ತದೆ. ನಿಮ್ಮ ಜ್ಞಾನವನ್ನು ಇತರರೊಂದಿಗೆ ಹಂಚಿಕೊಳ್ಳುವಿರಿ. ನಿಮ್ಮ ಮೇಲೆ ಬಂದ ಸುಳ್ಳು ಆರೋಪಗಳನ್ನು ಜಾಣ್ಮೆಯಿಂದ ಎದುರಿಸುವಿರಿ. ಹೊಸ ವಸ್ತುಗಳನ್ನು ಖರೀದಿಸುವಾಗ ಎಚ್ಚರವಿರಲಿ, ಮೋಸ ಹೋಗುವ ಸಾಧ್ಯತೆ ಇದೆ. ಪ್ರೀತಿ ಪಾತ್ರರ ಜೊತೆ ಸೌಹಾರ್ದಯುತವಾಗಿ ವರ್ತಿಸುವಿರಿ. ಇಷ್ಟವಿಲ್ಲದ ಕೆಲಸವನ್ನು ಅನಿವಾರ್ಯವಾಗಿ ಮಾಡಬೇಕಾಗಬಹುದು.
ತುಲಾ ರಾಶಿ: ದೈವಿಕ ಕಾರ್ಯಗಳಲ್ಲಿ ಆಸಕ್ತಿ ಹೆಚ್ಚಲಿದೆ. ಭೂಮಿ ಅಥವಾ ಆಸ್ತಿ ಸಂಬಂಧಿತ ವ್ಯವಹಾರಗಳಿಂದ ಲಾಭದ ನಿರೀಕ್ಷೆಯಿದೆ. ಮಕ್ಕಳ ನಡವಳಿಕೆ ನಿಮಗೆ ಬೇಸರ ತರಿಸಬಹುದು. ಸಾಮಾಜಿಕ ಕೆಲಸಗಳಲ್ಲಿ ತೊಡಗಿಕೊಳ್ಳುವ ಮೂಲಕ ನೋವನ್ನು ಮರೆಯುವಿರಿ. ಎಷ್ಟೇ ಕಷ್ಟವಿದ್ದರೂ ಹೊರಗೆ ತೋರಿಸಿಕೊಳ್ಳದೆ ಮೌನವಾಗಿರುವಿರಿ. ಯಾವುದೇ ನಿರ್ಧಾರ ತೆಗೆದುಕೊಳ್ಳುವ ಮುನ್ನ ಒಮ್ಮೆ ಯೋಚಿಸಿ.
ವೃಶ್ಚಿಕ ರಾಶಿ: ಮನಸ್ಸಿಗೆ ಇಷ್ಟವಿಲ್ಲದ ಜಾಗಕ್ಕೆ ಹೋಗಲು ನೀವು ಇಷ್ಟಪಡುವುದಿಲ್ಲ. ನಿಮ್ಮ ಕೆಲಸದ ಉತ್ಸಾಹ ಇತರರಿಗೆ ಮಾದರಿಯಾಗಲಿದೆ. ದೇವರ ಮೇಲಿನ ನಂಬಿಕೆ ನಿಮಗೆ ಧೈರ್ಯ ತುಂಬಲಿದೆ. ಅಜಾಗರೂಕತೆಯಿಂದ ಉತ್ತಮ ಅವಕಾಶಗಳನ್ನು ಕಳೆದುಕೊಳ್ಳುವ ಭೀತಿ ಇದೆ. ಹಳೆಯ ಸಾಲ ಮರುಪಾವತಿಯಾಗುವ ಲಕ್ಷಣಗಳಿವೆ. ವಾದ ಮಾಡುವುದನ್ನು ಬಿಟ್ಟು ಎಲ್ಲರೊಂದಿಗೆ ಬೆರೆಯಿರಿ. ದೈಹಿಕ ಶ್ರಮದ ಕೆಲಸ ಮಾಡುವವರಿಗೆ ಆದಾಯ ಹೆಚ್ಚಲಿದೆ.
ಧನು ರಾಶಿ: ಕಠಿಣ ಪರಿಸ್ಥಿತಿಗಳನ್ನು ಹೇಗೆ ನಿಭಾಯಿಸಬೇಕೆಂಬ ಕಲೆಯನ್ನು ಕರಗತ ಮಾಡಿಕೊಳ್ಳುವಿರಿ. ಯೋಗ್ಯವಾದ ಉದ್ಯೋಗಕ್ಕಾಗಿ ಅಲೆದಾಟ ಮುಂದುವರಿಯಬಹುದು. ತಂದೆಯವರ ಕೆಲವು ವ್ಯವಹಾರಗಳು ನಿಮಗೆ ಇಷ್ಟವಾಗದಿರಬಹುದು. ಮಕ್ಕಳ ಭವಿಷ್ಯಕ್ಕಾಗಿ ಹಣ ಉಳಿತಾಯ ಮಾಡುವ ಯೋಜನೆ ಹಾಕುವಿರಿ. ಸಾಲಗಾರರ ಕಾಟ ಇಂದು ಇರುವುದಿಲ್ಲ, ಹಾಗಾಗಿ ನೆಮ್ಮದಿಯಿಂದ ಇರಬಹುದು.
ಮಕರ ರಾಶಿ: ದಾಂಪತ್ಯ ಜೀವನದಲ್ಲಿ ಸಣ್ಣಪುಟ್ಟ ಏರಿಳಿತಗಳು ಕಂಡುಬರಬಹುದು. ಬೇರೆಡೆಯ ಕೋಪವನ್ನು ಸಂಗಾತಿಯ ಮೇಲೆ ತೋರಿಸಬೇಡಿ. ಕೆಲಸದಲ್ಲಿ ಅಡೆತಡೆಗಳು ಎದುರಾದರೆ ತಾತ್ಕಾಲಿಕವಾಗಿ ಅದನ್ನು ಮುಂದೂಡುವುದು ಒಳಿತು. ಮನೆ ಕೆಲಸಗಳು ಮಂದಗತಿಯಲ್ಲಿ ಸಾಗಲಿವೆ. ಪ್ರೀತಿಪಾತ್ರರ ಮಾತುಗಳಿಗೆ ಬೆಲೆ ಕೊಡಿ. ಅಹಂಕಾರ ಪ್ರದರ್ಶನ ಮಾಡಿದರೆ ಅವಮಾನ ಎದುರಿಸಬೇಕಾಗಬಹುದು.
ಕುಂಭ ರಾಶಿ: ಪ್ರೇಮ ಜೀವನದಲ್ಲಿ ಕಹಿ ಅನುಭವವಾಗಬಹುದು ಅಥವಾ ಅನಿಶ್ಚಿತತೆ ಕಾಡಬಹುದು. ಕೆಟ್ಟ ಸುದ್ದಿಯೊಂದು ಮನಸ್ಸನ್ನು ಖಿನ್ನತೆಗೆ ದೂಡಬಹುದು. ಅತಿಯಾದ ಆತ್ಮವಿಶ್ವಾಸದಿಂದ ಕೆಲವು ಬೆಲೆಬಾಳುವ ವಸ್ತುಗಳನ್ನು ಕಳೆದುಕೊಳ್ಳುವಿರಿ. ಗುರಿ ತಲುಪಲು ಛಲದಿಂದ ಮುನ್ನುಗ್ಗುವಿರಿ. ಉದ್ಯೋಗಕ್ಕೆ ಸಂಬಂಧಿಸಿದ ವಿಷಯಗಳಲ್ಲಿ ಬಂಧುಗಳ ಸಹಕಾರ ದೊರೆಯಲಿದೆ. ತಾಳ್ಮೆ ಮತ್ತು ದೂರದೃಷ್ಟಿ ಲಾಭ ತಂದುಕೊಡಲಿದೆ.
ಮೀನ ರಾಶಿ: ಗೆಲುವಿಗಾಗಿ ಕಠಿಣ ಪರಿಶ್ರಮ ಅಗತ್ಯವಿದೆ. ಇಂದು ನೀವು ಆಡುವ ಮಾತುಗಳೇ ನಿಮ್ಮ ವ್ಯಕ್ತಿತ್ವವನ್ನು ನಿರ್ಧರಿಸುತ್ತವೆ. ವಾಹನ ಸೌಕರ್ಯ ಒದಗಿಬರಲಿದೆ. ಭದ್ರತಾ ವಿಭಾಗದಲ್ಲಿ ಕೆಲಸ ಮಾಡುವವರಿಗೆ ಒತ್ತಡ ಹೆಚ್ಚಿರಬಹುದು. ಹಣ ಉಳಿತಾಯ ಮಾಡಲು ಹೊಸ ಮಾರ್ಗಗಳನ್ನು ಕಂಡುಕೊಳ್ಳುವಿರಿ. ಸರಳ ಜೀವನಶೈಲಿಯನ್ನು ರೂಢಿಸಿಕೊಳ್ಳುವಿರಿ.
