ವಿರಾಟ್ ಕೊಹ್ಲಿ (51) ಮತ್ತು ಕೃನಾಲ್ ಪಾಂಡ್ಯ (81) ಅರ್ಧಶತಕಗಳ ನೆರವಿನಿಂದ ಆರ್ಸಿಬಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 6 ವಿಕೆಟ್ಗಳ ಜಯ ಸಾಧಿಸಿದೆ. ಡೆಲ್ಲಿ 162 ರನ್‌ಗಳಿಸಿತ್ತು, ಆರ್ಸಿಬಿ 163 ರನ್ಗಳ ಗುರಿ ತಲುಪಿತು.
ಬೌಲರ್ಗಳ ಅಮೋಘ ಪ್ರದರ್ಶನ ಹಾಗೂ ವಿರಾಟ್ ಕೊಹ್ಲಿ- ಕೃನಾಲ್ ಪಾಂಡ್ಯ ಸಿಡಿಸಿದ ಅರ್ಧಶತಕಗಳ ನೆರವಿನಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 6 ವಿಕೆಟ್ಗಳ ಸುಲಭ ಜಯ ಸಾಧಿಸಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ಭುವನೇಶ್ವರ್ ಕುಮಾರ್, ಹ್ಯಾಜಲ್ವುಡ್ ಬೌಲಿಂಗ್ ದಾಳಿಗೆ ಸಿಲುಕಿ ಕೇವಲ 162 ರನ್ಗಳ ಸಾಧಾರಣ ಮೊತ್ತಗಳಿಸಿತ್ತು. 163 ರನ್ಗಳ ಗುರಿಯನ್ನ ಬೆನ್ನಟ್ಟಿದ ಆರ್ಸಿಬಿ ಕೇವಲ 23ಕ್ಕೆ3 ವಿಕೆಟ್ ಕಳೆದುಕೊಂಡರೂ, ಚೇಸಿಂಗ್ ಮಾಸ್ಟರ್ ವಿರಾಟ್ ಕೊಹ್ಲಿ (51) ಹಾಗೂ ಕೃನಾಲ್ ಪಾಂಡ್ಯ (73) ಅಜೇಯ ಅರ್ಧಶತಕಗಳ ನೆರವಿನಿಂದ ಇನ್ನೂ 9 ಎಸೆತಗಳು ಇರುವಂತೆಯೇ ಗೆಲುವು ಸಾಧಿಸಿತು.
163ರನ್ಗಳ ಸಾಧಾರಣ ಮೊತ್ತವನ್ನ ಚೇಸಿಂಗ್ ಮಾಡಲು ಹೊರ ಆರ್ಸಿಬಿ ಆರಂಭ ತೀರ ಕೆಟ್ಟದಾಗಿತ್ತು. ಇಂದೇ ಪದಾರ್ಪಣೆ ಮಾಡಿದ್ದ ಜಾಕೋಬ್ ಬೆಥೆಲ್ 6 ಎಸೆತಗಳಲ್ಲಿ ತಲಾ 1 ಬೌಂಡರಿ, ಸಿಕ್ಸರ್ ಸಹಿತ ಕೇವಲ 12 ರನ್ಗಳಿಸಿ ಔಟ್ ಆದರು. ಇಂಪ್ಯಾಕ್ಟ್ ಸಬ್ ಆಗಿ ಬಂದ ದೇವದತ್ ಪಡಿಕ್ಕಲ್ 2 ಎಸೆತಗಳನ್ನಾಡಿ ಡಕ್ ಔಟ್ ಆದರು. ಈ ಇಬ್ಬರು ಅಕ್ಷರ್ ಪಟೇಲ್ ಎಸೆದ ಇನ್ನಿಂಗ್ಸ್ನ 3ನೇ ಓವರ್ನಲ್ಲಿ ಔಟ್ ಆದರು. ನಂತರ ಬಂದ ನಾಯಕ ರಜತ್ ಪಾಟೀದಾರ್(6) 4ನೇ ಓವರ್ನಲ್ಲಿ ಕೊಹ್ಲಿ ಮಾಡಿದ ಎಡವಟ್ಟಿಗೆ ರನ್ಔಟ್ ಆದರು. ಮುಕೇಶ್ ಕುಮಾರ್ ಬೌಲಿಂಗ್ನಲ್ಲಿ ಮಿಡ್ ವಿಕೆಟ್ನತ್ತ ಚೆಂಡನ್ನ ಬಾರಿಸಿದ್ದರು. ಇಬ್ಬರು ಸಿಂಗಲ್ ತೆಗೆದುಕೊಳ್ಳಲು ಮುಂದಾದರು, ಆದರೆ ಕೊಹ್ಲಿ ಒಂದೆರಡು ಹೆಜ್ಜೆ ಹಾಕಿ ನಂತರ ಪಾಟೀದಾರ್ಗೆ ವಾಪಸ್ ಆಗಲು ಸೂಚಿಸಿದರು. ಆದರೆ ಪಾಟೀದಾರ್ ವಾಪಸ್ ತೆರಳುವಷ್ಟರಲ್ಲಿ ಕನ್ನಡಿಗ ಕರುಣ್ ನಾಯರ್ ಡೈರೆಕ್ಟ್ ಹಿಟ್ ಮೂಲಕ ಸ್ಟಂಪ್ ಎಗರಿಸಿದರು.
4 ಓವರ್ಗಳಲ್ಲಿ ಕೇವಲ 23 ರನ್ಗಳಿಗೆ ಆರ್ಸಿಬಿ ಪ್ರಮುಖ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೀಡಾಗಿತ್ತು. ಗೆಲುವು ಕೈತಪ್ಪಿತೇನೋ ಎನ್ನುವ ಭೀತಿ ಆರ್ಸಿಬಿ ಪಾಳಯದಲ್ಲಿ ಮೂಡಿತ್ತು. ಅದರೆ ಚೇಸಿಂಗ್ ಮಾಸ್ಟರ್ ಹಾಗೂ 5ನೇ ಕ್ರಮಾಂಕಕ್ಕೆ ಬಡ್ತಿ ಪಡೆದು ಬಂದ ಕೃನಾಲ್ ಪಾಂಡ್ಯ ಎಲ್ಲರ ಲೆಕ್ಕಾಚಾರವನ್ನು ಉಲ್ಟಾಪಲ್ಟಾ ಮಾಡಿದರು. ಅವಕಾಶ ಸಿಕ್ಕಾಗ ಬೌಂಡರಿ, ಸಿಕ್ಸರ್, ಇಲ್ಲದಿದ್ದಾಗ ಸಿಂಗಲ್, 2 ರನ್ ತೆಗೆಯುತ್ತಾ ಅದ್ಭುತ ಜೊತೆಯಾಟ ನಡೆಸಿದ ಈ ಜೋಡಿ 4ನೇ ವಿಕೆಟ್ಗೆ 84 ಎಸೆತಗಳಲ್ಲಿ 119ರನ್ಗಳ ಜೊತೆಯಾಟ ನಡೆಸಿದರು. ವಿರಾಟ್ 47 ಎಸೆತಗಳಲ್ಲಿ 4 ಬೌಂಡರಿಗಳ ಸಹಿತ 51 ರನ್ಗಳಿಸಿ ಗೆಲುವಿಗೆ 18 ರನ್ಗಳ ಅಗತ್ಯವಿದ್ದಾಗ ಚಮೀರಾ ಬೌಲಿಂಗ್ನಲ್ಲಿ ದೊಡ್ಡ ಹೊಡೆತಕ್ಕೆ ಕೈ ಹಾಕಿ ಸ್ಟಾರ್ಕ್ಗೆ ಕ್ಯಾಚ್ ನೀಡಿ ಔಟ್ ಆದರು.
ಆದರೆ 6ನೇ ಕ್ರಮಾಂಕದಲ್ಲಿ ಬಂದ ಟಿಮ್ ಡೇವಿಡ್ ಗೆಲುವಿಗೆ ಬೇಕಿದ್ದ 18 ರನ್ಗಳನ್ನ 19ನೇ ಓವರ್ನ ಮೊದಲ 3 ಎಸೆತಗಳಲ್ಲಿ ಮುಗಿಸಿದರು. ಮುಕೇಶ್ ಕುಮಾರ್ ಎಸೆದ 19ನೇ ಓವರ್ನಲ್ಲಿ ಮೊದಲ 3 ಎಸೆತಗಳಲ್ಲಿ (ಒಂದು ನೋಬಾಲ್) 4 ಬೌಂಡರಿ, 1 ಸಿಕ್ಸರ್ ಸಿಡಿಸಿ ತಂಡವನ್ನ ಗೆಲುವಿನ ಗಡಿ ದಾಟಿಸಿದರು. ಟಿಮ್ ಡೇವಿಟ್ 5 ಎಸೆತಗಳಲ್ಲಿ ಅಜೇಯ 19 ರನ್ಗಳಿಸಿದರೆ, ಮ್ಯಾಚ್ ವಿನ್ನಿಂಗ್ ಆಟವಾಡಿದ ಕೃನಾಲ್ ಪಾಂಡ್ಯ 47 ಎಸೆತಗಳಲ್ಲಿ 5 ಬೌಂಡರಿ, 4 ಸಿಕ್ಸರ್ಗಳ ಸಹಿತ ಅಜೇಯ 73 ರನ್ ಸಿಡಿಸಿದರು.
ಡೆಲ್ಲಿ ಕ್ಯಾಪಿಟಲ್ಸ್ ಅಕ್ಷರ್ ಪಟೇಲ್ 19ಕ್ಕೆ2, ದುಷ್ಮಂತ ಚಮೀರಾ 24ಕ್ಕೆ1 ವಿಕೆಟ್ ಪಡೆದರು.
ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ನಿರೀಕ್ಷಿತ ಬ್ಯಾಟಿಂಗ್ ಪ್ರದರ್ಶನ ತೋರುವಲ್ಲಿ ವಿಫಲರಾದರು. ಕೆಎಲ್ ರಾಹುಲ್ 39 ಎಸೆತಗಳಲ್ಲಿ 3 ಬೌಂಡರಿಗಳ ಸಹಿತ 41ರನ್ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಅಭಿಷೇಕ್ ಪೊರೆಲ್ 11 ಎಸೆತಗಲ್ಲಿ ತಲಾ 2 ಬೌಂಡರಿ, 2 ಸಿಕ್ಸರ್ ಸಹಿತ 28 ರನ್ಗಳಿಸಿದರೆ, ಟ್ರಿಸ್ಟಾನ್ ಸ್ಟಬ್ಸ್ 18 ಎಸೆತಗಳಲ್ಲಿ 5 ಬೌಂಡರಿ, 1 ಸಿಕ್ಸರ್ ಸಹಿತ 34 ರನ್ಗಳಿಸಿದರು.
ಆರ್ಸಿಬಿ ಈ ಗೆಲುವಿನೊಂದಿಗೆ 7ನೇ ಗೆಲುವಿನೊಂದಿಗೆ 14 ಅಂಕ ಪಡೆದು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು. ಆರ್ಸಿಬಿ ಮುಂದಿನ ಪಂದ್ಯದಲ್ಲಿ ಸಿಎಸ್ಕೆ ತಂಡವನ್ನು ಮೇ 3ರಂದು ಚಿನ್ನಸ್ವಾಮಿಯಲ್ಲಿ ಎದುರಿಸಲಿದೆ.
Source : News18 Kannada
Views: 12