ಹೊಸದಿಲ್ಲಿ: ದೇಶದ ಮೊಬೈಲ್ ಬಳಕೆ ದಾರರರು ಸಿಮ್ ಅಥವಾ ಇಂಟರ್‌ನೆಟ್ ಸಂಪರ್ಕ ಇಲ್ಲದೆಯೇ ಟಿ.ವಿ ವಾಹಿನಿಗಳ ನೇರ ಪ್ರಸಾರವನ್ನು ನೋಡುವ ಅವಕಾಶ ಶೀಘ್ರ ಲಭ್ಯವಾಗಲಿದೆ. ಈ ಸೌಲಭ್ಯಕ್ಕೆ ಅವಕಾಶ ಕಲ್ಪಿಸುವ ತಂತ್ರಜ್ಞಾನ ‘ಡೈರೆಕ್ಟ್ ಟು ಮೊಬೈಲ್’ನ(ಡಿ2ಎಂ) ಪ್ರಾಯೋಗಿಕ ಪರೀಕ್ಷೆಗಳು ಬೆಂಗಳೂರು ಸೇರಿದಂತೆ ದೇಶದ 19 ನಗರಗಳಲ್ಲಿ ನಡೆಯಲಿದೆ.

ಈ ಬಗ್ಗೆ ದಿಲ್ಲಿಯಲ್ಲಿ ನಡೆದ ಬ್ರಾಡ್ ಕಾಸ್ಟಿಂಗ್ ಶೃಂಗಸಭೆಯಲ್ಲಿ ಕೇಂದ್ರ ಮಾಹಿತಿ ಹಾಗೂ ಪ್ರಸಾರ ಇಲಾಖೆ ಕಾರ್ಯದರ್ಶಿ ಅಪೂರ್ವ ಚಂದ್ರ ಈ ಮಾಹಿತಿ ನೀಡಿದ್ದಾರೆ.

“ಡೈರೆಕ್ಟ್ ಟು ಮೊಬೈಲ್ ಬಳಸಿ 470-582 ಮೆಗಾಹರ್ಟ್ಸ್ ತರಂಗಾಂತರ ತಂತ್ರಜ್ಞಾನದ ಮೂಲಕ ನೇರವಾಗಿ ವಿಡಿಯೊ ವೀಕ್ಷಣೆ ಮಾಡಬಹುದು. ದೇಶದ ಡಿಜಿಟಲ್ ಕ್ರಾಂತಿಯ ಭಾಗವಾಗಿ ಡೈರೆಕ್ಟ್ ಟು ಮೊಬೈಲ್ ತಂತ್ರಜ್ಞಾನ ಶೀಘ್ರವೇ ಜನರಿಗೆ ಲಭಿಸಲಿದೆ,” ಎಂದು ಅಪೂರ್ವ ಚಂದ್ರ ಹೇಳಿದ್ದಾರೆ.

ಕಾನ್ಸುರದ ಐಐಟಿ ಹಾಗೂ ಸಂಖ್ಯಾ ಲ್ಯಾಬ್ ಅಭಿವೃದ್ಧಿಪಡಿಸಿರುವ ಡಿ2ಎಂ ತಂತ್ರಜ್ಞಾನದ ಪ್ರಾಯೋಗಿಕ ಪರೀಕ್ಷೆಯು ಕರ್ನಾಟಕದ ರಾಜಧಾನಿ ಬೆಂಗಳೂರು, ದಿಲ್ಲಿಯ ಕರ್ತವ್ಯಪಥ ಮತ್ತು ನೊಯ್ದಾದಲ್ಲಿ ನಡೆಸಲಾಗಿದೆ.

ವಿಶ್ವದಲ್ಲೇ ಮೊದಲನೆಯದು ಡಿ2ಎಂ ತಂತ್ರಜ್ಞಾನ

8 ಬೆಂಗಳೂರು ಸೇರಿದಂತೆ 19 ನಗರಗಳಲ್ಲಿ ಶೀಘ್ರ ಪ್ರಾಯೋಗಿಕವಾಗಿ ಜಾರಿ.

ದೇಶೀಯವಾಗಿಯೇ ಅಭಿವೃದ್ಧಿ ಪಡಿಸಿರುವ ತಂತ್ರಜ್ಞಾನ ಡಿ2ಎಂ

ಡೈರೆಕ್ಟ್ ಟು ಮೊಬೈಲ್ ಉದ್ದೇಶವೇನು? ಈ ತಂತ್ರಜ್ಞಾನದಿಂದ ಡಿಜಿಟಲ್ ವ್ಯವಸ್ಥೆ ಮತ್ತಷ್ಟು ವಿಸ್ತಾರಗೊಳ್ಳಲಿದ್ದು, 8-9 ಕೋಟಿ ಜನರಿಗೆ ಡಿ2ಎಂ ತಂತ್ರಜ್ಞಾನದ ನೆರವು ಸಿಗಲಿದೆ. ಡೇಟಾ ಬಳಕೆ ಪ್ರಮಾಣ ಕಡಿತಗೊಳ್ಳಲಿದೆ. ಅಲ್ಲದೆ ನೆಟ್ವರ್ಕ್ ಸಂಪರ್ಕ ಸುಧಾರಣೆ, ದೇಶಾದ್ಯಂತ ತುರ್ತು ಎಚ್ಚರಿಕೆ ಸಂದೇಶ ರವಾನೆ ವ್ಯವಸ್ಥೆ ಸ್ಥಾಪನೆಗೂ ಡಿ2ಎಂ ಅನುಕೂಲವಾಗಲಿದೆ.

ಆರಂಭದಲ್ಲೇ ವಿರೋಧ:

ಕಾರ್ಯಕ್ರಮಗಳನ್ನು ಸೆಲ್ಯುಲಾರ್ ಸಂಪರ್ಕದ ನೆರವು ಇಲ್ಲದೆಯೇ ನೇರವಾಗಿ ಮೊಬೈಲ್ ಫೋನ್ಗಳಲ್ಲಿ ಪ್ರಸಾರ ಮಾಡುವ ಕೇಂದ್ರ ಸರಕಾರದ ಈ ಕ್ರಾಂತಿಕಾರಕ ಪ್ರಸ್ತಾವನೆಗೆ ಟೆಲಿಕಾಂ ಆಪರೇಟರ್‌ಳು, ಸ್ಮಾರ್ಟ್‌ಫೋನ್ ಕಂಪನಿಗಳು ಹಾಗೂ ಚಿಪ್ ತಯಾರಕ ಸಂಸ್ಥೆಗಳು ಅಪಸ್ವರ ಎತ್ತಿವೆ.

ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 

WhatsApp Group: https://chat.whatsapp.com/KnDIfiBURQ9G5sLEJLqshk

Facebook page: https://www.facebook.com/samagrasudii

Sharechat: https://sharehat.com/profile/edu514826335?d=n

Twitter: https://twitter.com/SuddiSamagra

Threads: https://www.threads.net/@samagrasuddi.co.in

Instagram: https://www.instagram.com/samagrasuddi.co.in/

Telegram: https://t.me/+E1ubNzdguQ5jN2Y1