Sports

ವಿಕೆಟ್ ಮುರಿದ ಪ್ರಕರಣದಲ್ಲಿ ಬಿಸಿಸಿಐಗೆ ಎಷ್ಟು ಲಕ್ಷ ನಷ್ಟವಾಯ್ತು ಗೊತ್ತಾ? ಅಂಥಾದ್ದೇನಿರುತ್ತೆ ವಿಕೆಟ್​​​ನಲ್ಲಿ? ಈ ಹಿಂದೆ ಮುರಿದುಬಿದ್ದ ವಿಕೆಟ್​​​​ಗಳತ್ತ ಒಂದು ನೋಟ!

April 24, 2023
samagrasuddi

ಮೊನ್ನೆ ಐಪಿಎಲ್ ಮ್ಯಾಚ್​​ನಲ್ಲಿ ಪಂಜಾಬ್​ ತಂಡದ ವೇಗಿ ಅರ್ಷದೀಪ್ ಸಿಂಗ್​ ಕೊನೆಯ ಓವರ್​​ನಲ್ಲಿ ಅದ್ಭುತವಾದ ಕನಸಿನ ಬೌಲಿಂಗ್ ಮಾಡಿದರು. ಸತತವಾಗಿ 2 ಬಾಲ್​ಗಳಲ್ಲಿ ಎರಡು ಬಾರಿ ಮಿಡ್ಲ್​​ ವಿಕೆಟ್​ ಅನ್ನು ಮುರಿದರು. ಇಂದಿನ ಕ್ರಿಕೆಟ್​​​ನಲ್ಲಿ ಯಾವ ಪಂದ್ಯದಲ್ಲಿ ಏನು ಬೇಕಾದರೂ ಆಗಬಹುದಾದರೂ ಸದ್ಯಕ್ಕೆ ಅರ್ಷದೀಪ್ ಅವರ ಈ ಸಾಧನೆಯನ್ನು ’ಮುರಿಯುವುದು’ ಕಷ್ಟಸಾಧ್ಯವೇ ಸರಿ. ಯಾವುದೇ ಬೌಲರ್​​ಗಾಗಲಿ ವಿಕೆಟ್​ ಕೀಳುವುದೇ ಗುರಿಯಾಗಿರುತ್ತದೆ. ಆದರೂ ಹೀಗೆ ವಿಕೆಟ್​ ಮುರಿಯುವ ಸಾಹಸದ ಸಾಧನೆ ಮಹತ್ತರದ್ದಾಗಿರುತ್ತದೆ. ಈ ಹಿಂದೆ ಅಂದರೆ ಆಧುನಿಕ ಡಿಜಿಟಲ್​ ತಂತ್ರಜ್ಞಾನವು ಕ್ರಿಕೆಟ್​​ ಮೈದಾನದಲ್ಲಿ ಪಾದಾರ್ಪಣೆ ಮಾಡುವುದಕ್ಕೂ ಮೊದಲು ವಿಕೆಟ್​ ಮುರಿಯುವ ಪ್ರಸಂಗಗಳು ಘಟಿಸಿವೆಯಾದರೂ ಅದು ಅಷ್ಟೊಂದು ನಷ್ಟದ ಬಾಬತ್ತು ಎನಿಸುತ್ತಿರಲಿಲ್ಲ. ವಿಕೆಟ್ ಎಂಬುದು ಕೇವಲ ಮರದ ತುಂಡಾಗಿತ್ತು ಅಷ್ಟೇ. ಆದರೆ ಅದು ತುಂಬಾ ಗಟ್ಟಿಯಾಗಿರುತ್ತಿತ್ತು. ವಿಕೆಟ್​ ಮುರಿಯುವುದು ಅಷ್ಟು ಸುಲಭದ ಮಾತಾಗಿರಲಿಲ್ಲ. ಕರಾರುವಕ್ಕಾಗಿ ಅತಿ ವೇಗದಿಂದ ಎಸೆದ ಬಾಲ್​ ಅಷ್ಟೇ ವಿಕೆಟ್​ ಅನ್ನುನ ಮುರಿಯುವ ಸಾಧ್ಯತೆಯಿತ್ತು. ಅದು ವೇಗದ ಬೌಲರ್​​ಗಳಿಗೆ ಮಾತ್ರವೇ ಸಾಧ್ಯವಾಗುತ್ತಿತ್ತು. ಅದರಲ್ಲೂ ಮಾಲ್ಕಂ ಮರ್ಷಲ್​​ ಅಂತಹಾ ದೈತ್ಯರಿಗೆ ಮಾತ್ರವೇ ಸಾಧ್ಯವಾಗುತ್ತಿತ್ತು. ಅದೂ ಮಾರ್ಷಲ್​​ ಎಸೆಯುತ್ತಿದ್ದ 140-150 ಕಿ ಮೀ ವೇಗದ ಬಿರುಗಾಳಿ ಬಾಲ್​​ಗಳು ಮಾತ್ರವೇ ವಿಕೆಟ್​​ ಅನ್ನು ಚಿಂದಿ ಮಾಡಲು ಸಾಧ್ಯವಾಗುತ್ತಿತ್ತು. ಕ್ರಿಕೆಟ್​ ಪ್ರೇಮಿಗಳಿಗೆ ಅದು ನಿಜಕ್ಕೂ ಹಬ್ಬದ ವಾತಾವರಣ ಸೃಷ್ಟಿಸುತ್ತಿತ್ತು. ಆದರೆ ಈಗ ಕಾಲ ಬದಲಾದಂತೆ ಡಿಜಿಟಲ್​ ಯುಗ ಆರಂಭವಾಗುತ್ತಿದ್ದಂತೆ ವಿಕೆಟ್​​ ಎಂಬುದು ಬರೀ ವಿಕೆಟ್​ ಆಗಿಲ್ಲ. ಮರದ ಮಾತೇ ಇಲ್ಲ ಅಲ್ಲಿ! ಬರೀ ಫೈಬರ್​ ಮತ್ತು ದುಬಾರಿ ವಿದ್ಯುನ್ಮಾನ ಸಲಕರಣೆಗಳು ಅಲ್ಲಿ ಮನೆ ಮಾಡಿವೆ. ಕ್ರಿಕೆಟ್​ ಪ್ರೇಮಿಗಳು ಕ್ರಿಕೆಟ್ ಆಟದಿಂದ ದೂರವಾಗುವ ಕಾಲ ಬಂದಿದ್ದಾಗ, ಕಾಲಕ್ಕೆ ತಕ್ಕಂತೆ ​ಅವರನ್ನು ಮತ್ತೆ ಕ್ರಿಕೆಟ್ ನತ್ತ ಸೆಳೆಯುವುದು ಅನಿವಾರ್ಯವಾಗಿತ್ತು. ಅದಕ್ಕೆ ಸಾಥ್​​ ಕೊಟ್ಟಿದ್ದು ಇಂದಿನ ಡಿಜಿಲಟ್​ ತಂತ್ರಜ್ಞಾನ. ಇದರಿಂದ ಕ್ರಿಕೆಟ್​​​ ​ಪ್ರೇಮಿಗಳನ್ನು ಸೂಜಿಗಲ್ಲಿನಂತೆ ತನ್ನತ್ತ ಸೆಳೆದಿಟ್ಟುಕೊಳ್ಳುವಲ್ಲಿ ಕ್ರಿಕೆಟ್​ ಆಯೋಜಕರು ಯಶಸ್ವಿಯಾಗಿದ್ದಾರೆ. ಇನ್ನು ಮುಂದುವರಿದು ಹೇಳುವುದಾದರೆ ಅಂದಿನ ವಿಕೆಟ್​​ಗಳು ಹೆಚ್ಚೇನೂ ದುಬಾರಿಯಾಗಿರಲಿಲ್ಲ. ಕಾಸಿಗೊಂದು ಕೊಸರಿಗೆ ನಾಲ್ಕು ಎಂಬಂತೆ ಸಿಗುತ್ತಿದ್ದವು. ಅಬ್ಬಬ್ಬಾ ಅಂದರೆ ಮರದ ತುಂಡುಗಳು ನಿಖಾಲಿಯಾಗುತ್ತಿದ್ದವು ಅಷ್ಟೆ. ಆದರೆ ಇಂದಿನ ಪರಿಸ್ಥಿತಿ ಹಾಗಿಲ್ಲ. ಇದು ದುಬಾರಿ ದುನಿಯಾ. ಪ್ರತಿಯೊಂದಕ್ಕೂ ಹಣ ತೆರಲೇಬೇಕು. ಹಾಗಾಗಿ ಇಂದಿನ ವಿಕೆಟ್​​​ಗಳು ದುಬಾರಿಯಾಗತೊಡಗಿವೆ. ಎಲ್ಇಡಿ ಮತ್ತು ಮೈಕ್ರೋಫೋನ್​​ ಗ್ಯಾಜೆಟ್​​​​ಗಳನ್ನು ಮೂರೂ ವಿಕೆಟ್​​​ನಲ್ಲಿ ಅಡಗಿಸಿಡಲಾಗುತ್ತದೆ. ಇವುಗಳ ಬೆಲೆಯೇ ಅಂದಾಜು 60 ಲಕ್ಷ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಅದಕ್ಕೇ ಅರ್ಷದೀಪ್ ಸಿಂಗ್ ಎಸೆದ ಕೊನೆಯ ಓವರ್​​ ದುಬಾರಿಯದ್ದಾಗಿದೆ. ಇದರಲ್ಲಿ ವಿಶೇಷ ಏನೆಂದರೆ ಕೇವಲ ಒಂದು ವಿಕೆಟ್​ ಹೋಯ್ತು ಎಂದು ಅದೊಂದನ್ನು ರಿಪ್ಲೇಸ್​ ಮಾಡಿದರೆ ಆಗದು. ಇಡೀ ಮೂರು ವಿಕೆಟ್​ ಮತ್ತು ಅದರ ಜೊತೆಗೆ ಎರಡು ಬೇಲ್ಸ್​ ಅನ್ನೂ ಹೊಸದಾಗಿ ಹಾಕಬೇಕು. ಅದರಿಂದ ಇಂತಹ ವಿಕೆಟ್​ ಮುರಿಯುವ ಅನಾಹುತಗಳು ಇನ್ನೂ ಹೆಚ್ಚು ದುಬಾರಿ ಎನಿಸುತ್ತವೆ. ಇನ್ನು ದಕ್ಷಿಣ ಆಫ್ರಿಕಾದ ಫೈರ್​​ ಗನ್ 35 ವರ್ಷದ ಡೇಲ್​ ವಿಲಿಯಂ ಸ್ಟೇಯ್ನ್ (Dale Steyn)​​ ​156 ಕಿ ಮೀ ವೇಗದಲ್ಲಿ ಚೆಂಡನ್ನು ಎಸೆಯುತ್ತಿದ್ದು ಏಕ ದಿನ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್​​ನ ಮತ್ತೊಬ್ಬ ವೇಗದ ಬೌಲರ್ (Mitchell McClenaghan)​ ಬ್ಯಾಟಿಂಗ್​ ಮಾಡುತ್ತಿದ್ದಾಗ ಆತನ ವಿಕೆಟ್​ ಅನ್ನು ಛಿದ್ರಗೊಳಿಸಿದ್ದ. ಆ ದೃಶ್ಯ ನಿಜಕ್ಕೂ ನಯನಮನೋಹರವಾಗಿತ್ತು. ಇನ್ನು, ವಿಕೆಟ್​ ಕಳೆದುಕೊಂಡ ನ್ಯೂಜಿಲ್ಯಾಂಡ್​​ನ ಆ ವೇಗದ ಬೌಲರ್ ಗೂ ಸಹ ತಾನೂ ಇಂತಹ ಡ್ರೀಮ್​ ಬಾಲ್​ ಎಸೆಯಬೇಕು ಎಂಬ ಕನಸು ಮನೆಮಾಡಿರಲೂ ಸಾಕು. ಇನ್ನು ಭಾರತದ ವೇಗಿ ಉಮೇಶ್​ ಯಾದವ್​ ದಕ್ಷಿಣ ಆಫ್ರಿಕಾದ ​ಕೇಯ್ಲ್​​ ಅಬೋಟ್​​ (Kyle Abbott) ವಿಕೆಟ್​​ ಅನ್ನು ಎರಡು ತುಂಡು ಮಾಡಿದ್ದರು. ಉಮೇಶ್​ ಯಾದವ್ ಎಸೆದ ಯಾರ್ಕರ್​​ ಬಾಲ್​​ಗೆ ಕೇಯ್ಲ್​ ಲೆಗ್​​ ಸ್ಟಿಕ್​​ ಮುರಿದಿತ್ತು. ಹಾಗೆಯೇ ಶೋಯೆಬ್​ ಅಖ್ತರ್​​ ಗೊತ್ತಲ್ಲಾ. ನಮ್ಮ ದಾಯಾದಿ ದೈತ್ಯ ಬೌಲರ್​​. ಆ ರಾವಲ್ಪಿಂಡಿ ಎಕ್ಸ್​​ಪ್ರೆಸ್​​ ಎಸೆದ 162 ಕಿಮೀ ವೇಗದ ಬಾಲ್​ಗೆ ನ್ಯೂಜಿಲ್ಯಾಂಡ್​​ನ ಆಂಡ್ರೆ ಅಡಮ್ಸ್​​ ಆಫ್​ ಸ್ಟಂಪ್​​ ಚಿಂದಿಯಾಗಿತ್ತು.

source https://tv9kannada.com/photo-gallery/very-expensive-leds-and-microphone-wired-stumps-broken-by-arshdeep-singh-in-ipl-previous-occasions-when-wickets-shattered-by-pacers-sas-au4-562492.html

Views: 0

Leave a Reply

Your email address will not be published. Required fields are marked *