ನಾವು ದಿನ ನಿತ್ಯ ಬಳಸುವ ಆಹಾರ ಪದಾರ್ಥಗಳು ಫ್ರೇಶ್ ಆಗಿರಲೆಂದು ಪ್ರತಿಯೊಬ್ಬರೂ ಬಯಸುತ್ತಾರೆ. ಹಾಗಾಗಿಯೇ, ಇವುಗಳ ತಾಜಾತನವನ್ನು ಕಾಪಾಡಿಕೊಳ್ಳಲು ಅವುಗಳನ್ನು ಫ್ರಿಡ್ಜ್‌ನಲ್ಲಿ ಸಂಗ್ರಹಿಸಲಾಗುತ್ತದೆ. ಆದರೆ, ಕೆಲವು ಆಹಾರ ಪದಾರ್ಥಗಳು ಫ್ರಿಡ್ಜ್‌ನಲ್ಲಿಟ್ಟರೆ ಹಾಳಾಗುತ್ತವೆ ಎಂದು ನಿಮಗೆ ತಿಳಿದಿದೆಯೇ?
Things Never Keep In Fridge: ಸಾಧ್ಯವಾದಷ್ಟು ಕಾಲ ಹಣ್ಣುಗಳು, ತರಕಾರಿಗಳನ್ನು ತಾಜಾವಾಗಿಡಲು ಅವುಗಳನ್ನು ರೆಫ್ರಿಜರೇಟರ್‌ನಲ್ಲಿ ಸಂಗ್ರಹಿಸಲಾಗುತ್ತದೆ. ಆದರೆ, ಕೆಲವು ಹಣ್ಣು-ತರಕಾರಿಗಳು ಫ್ರಿಡ್ಜ್‌ನ ತಂಪಾದ ತಾಪಮಾನ ಮತ್ತು ತೇವಾಂಶಕ್ಕೆ ಹಾಳಾಗುತ್ತವೆ. ಹಾಗಾಗಿ, ಆ ಆಹಾರಗಳನ್ನು ಫ್ರಿಡ್ಜ್‌ನಲ್ಲಿ ಸಂಗ್ರಹಿಸಬಾರದು ಎಂದು ಹೇಳಲಾಗುತ್ತದೆ.
ಫ್ರಿಡ್ಜ್‌ನಲ್ಲಿಟ್ಟರೆ ಹಾಳಾಗುವಂತಹ ಕೆಲವು ಹಣ್ಣು, ತರಕಾರಿಗಳು ಯಾವುದು ಎಂದು ನೋಡುವುದಾದರೆ…
ಟೊಮ್ಯಾಟೋ:
ಟೊಮ್ಯಾಟೋವನ್ನು ಫ್ರಿಡ್ಜ್‌ನ ಒಳಗೆ ಇಡುವುದರಿಂದ ತ್ವರಿತವಾಗಿ ಹಾಳಾಗುತ್ತವೆ. ಟೊಮ್ಯಾಟೋವನ್ನು ಶೈತ್ಯೀಕರಣಗೊಳಿಸುವುದರ್ಫಿಂದ ಅವು ಪರಿಮಳ ಕಳೆದುಕೊಳ್ಳಬಹುದು. ಫ್ರಿಡ್ಜ್‌ನ ಒಳಗಿನ ತಂಪಾದ, ಆರ್ದ್ರ ವಾತಾವರಣವು ಟೊಮಾಟೊಗಳ ರುಚಿಯನ್ನು ಕೆಡಿಸುವುದರ ಜೊತೆಗೆ ಇದು ಆರೋಗ್ಯಕ್ಕೂ ಹಾನಿಕಾರಕವಾಗಿದೆ.
ಈರುಳ್ಳಿ:
ಈರುಳ್ಳಿಯನ್ನು ಯಾವಾಗಲೂ ಕೋಣೆಯ ಉಷ್ಣಾಂಶದಲ್ಲಿ ಶೇಖರಿಸಿಡಿದಾಗ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ. ಏಕೆಂದರೆ, ಈರುಳ್ಳಿ ಹೆಚ್ಚಿನ ತೇವಾಂಶವನ್ನು ಹೊಂದಿರುತ್ತದೆ. ಇವುಗಳನ್ನು ಫ್ರಿಡ್ಜ್‌ನಲ್ಲಿ ಅಥವಾ ಗಾಳಿಯಾಡದ ಕಂಟೇನರ್‌ನಲ್ಲಿ ಸಂಗ್ರಹಿಸುವುದರಿಂದ ಇವು ಬೇಗನೆ ಕೊಳೆಯುತ್ತವೆ.
ಆಲೂಗಡ್ಡೆ:
ಆಲೂಗಡ್ಡೆಯನ್ನು ರೆಫ್ರಿಜರೇಟರ್‌ನಲ್ಲಿ ಸಂಗ್ರಹಿಸುವುದರಿಂದ ಇದು ಪಿಷ್ಟವನ್ನು ಸಕ್ಕರೆಯಾಗಿ ಪರಿವರ್ತಿಸುತ್ತದೆ. ಇದರಿಂದಾಗಿ ಆಲೂಗಡ್ಡೆ ರುಚಿ, ವಿನ್ಯಾಸ ಎರಡರ ಮೇಲೂ ಪರಿಣಾಮ ಬೀರಬಹುದು.
ಬೆಳ್ಳುಳ್ಳಿ:
ಈರುಳ್ಳಿಯಂತೆ ಬೆಳ್ಳುಳ್ಳಿಯೂ ಸಹ ಶುಷ್ಕ ಮತ್ತು ತಂಪಾದ ವಾತಾವರಣಕ್ಕೆ ಆದ್ಯತೆ ನೀಡುತ್ತದೆ. ಬೆಳ್ಳುಳ್ಳಿಯನ್ನು ಫ್ರಿಡ್ಜ್‌ನಲ್ಲಿ ಸಂಗ್ರಹಿಸುವುದರಿಂದ ಅದು ಬೇಗೆ ಮೊಳಕೆಯೊಡಿಯುತ್ತದೆ.
ಬ್ರೆಡ್:
ರೆಫ್ರಿಜರೇಟರ್ ಬ್ರೆಡ್ ಅನ್ನು ಅಚ್ಚೊತ್ತದಂತೆ ಮಾಡಲು ಸಹಾಯ ಮಾಡುತ್ತದೆ ಎಂದು ಹೇಳಲಾಗಿದೆ. ಫ್ರಿಡ್ಜ್‌ನ ಆರ್ದ್ರತೆಯು ಬ್ರೆಡ್‌ನಿಂದ ತೇವಾಂಶವನ್ನು ಹೊರತೆಗೆಯುತ್ತದೆ. ಮಾತ್ರವಲ್ಲದೆ, ಇದು ಮೃದುತ್ವವನ್ನು ಕೂಡ ಕಳೆದುಕೊಳ್ಳುತ್ತದೆ.
ಸೂಚನೆ: ಇಲ್ಲಿ ನೀಡಲಾದ ಎಲ್ಲಾ ಮಾಹಿತಿಯು ಕೆಲವು ಸಂಶೋಧನೆ ಹಾಗೂ ಸಾಮಾನ್ಯ ಮಾಹಿತಿಗಳನ್ನು ಆಧರಿಸಿದೆ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.
ಸಮಗ್ರ ಸುದ್ದಿಗಳಿಗಾಗಿ WhatsApp Group ಸೇರಿ: https://chat.whatsapp.com/KnDIfiBURQ9G5sLEJLqshk
ನಮ್ಮ Facebook page: https://www.facebook.com/samagrasudii
Source : https://zeenews.india.com/kannada/lifestyle/never-keep-these-five-foods-in-the-fridge-160131