ನಗು ಮುಖದ ಆಗಸವನ್ನು ನೀವು ಎಂದಾದರೂ ನೋಡಿದ್ದೀರಾ? ಆ ದಿನ ನಿಮ್ಮನ್ನು 'ಸ್ಮೈಲಿ ಫೇಸ್'ದೊಂದಿಗೆ ಸ್ವಾಗತಿಸಲಿದೆ ಬಾನಂಗಳ! -

Smiley Face in Sky: ಕೆಲವೇ ದಿನಗಳಲ್ಲಿ ಶುಕ್ರ, ಶನಿ ಮತ್ತು ಚಂದ್ರ ಒಟ್ಟಾಗಿ ಆಗಸದಲ್ಲಿ ನಗು ಮುಖದ ಕಲರವನ್ನು ರೂಪಿಸಲಿದ್ದಾರೆ. ಈ ಖಗೋಳ ವಿಸ್ಮಯ ಯಾವಾಗ ಸಂಭವಿಸುತ್ತದೆ ಎಂಬ ಇತ್ಯಾದಿ ವಿವರ ಇಲ್ಲಿದೆ..

Smiley Face in The Sky: ನೀವು ಎಂದಾದರೂ ಆಕಾಶ ನಗುವುದನ್ನು ನೋಡಿದ್ದೀರಾ?.. ಅರೇ!! ಆಕಾಶ ನಗುವುದಂದ್ರೇನು?.. ಇದು ಎಂದಾದರೂ ಸಂಭವಿಸುತ್ತದೆಯೇ?.. ಹೌದು! ಇನ್ನು ಕೆಲವೇ ದಿನಗಳಲ್ಲಿ ಆಕಾಶವು ತನ್ನ ಎರಡು ಕಣ್ಣುಗಳಿಂದ ನಿಮ್ಮನ್ನು ನೋಡಿ ನಗುತ್ತಾ ಸ್ವಾಗತಿಸಲಿದೆ. ಈ ಖಗೋಳ ವಿಸ್ಮಯ ಯಾವಾಗ ಸಂಭವಿಸುತ್ತೆ ಎಂಬುದರ ವಿಸ್ತೃತ ವಿವರ ಇಲ್ಲಿದೆ..

ನಾವು ಹಲವಾರು ನಗುತ್ತಿರುವ ಮುಖಗಳನ್ನು ಹೊಂದಿರುವ ಎಮೋಜಿಗಳನ್ನು ನೋಡಿದ್ದೇವೆ. ನಾವು ಹೆಚ್ಚಾಗಿ ಸ್ಮಾರ್ಟ್‌ಫೋನ್‌ಗಳಲ್ಲಿ ಸಂದೇಶಗಳಿಗಾಗಿ ಈ ಎಮೋಜಿಗಳನ್ನು ಬಳಸುತ್ತೇವೆ. ಮೆಸೇಜ್ನಲ್ಲಿ ನಾವು ನಮ್ಮ ಸಂತೋಷದ ಭಾವನೆಗಳನ್ನು ನಗುವ ಎಮೋಜಿಗಳ ರೂಪದಲ್ಲಿ ವ್ಯಕ್ತಪಡಿಸುತ್ತೇವೆ. ಕಾರ್ಟೂನ್ ಚಾನಲ್‌ಗಳಲ್ಲಿಯೂ ಇದೇ ರೀತಿಯ ಎಮೋಜಿಗಳು ಕಂಡುಬರುತ್ತವೆ. ಅದರಲ್ಲಿ ಚಂದ್ರ, ಸೂರ್ಯ ಮತ್ತು ಆಕಾಶವನ್ನು ನಗುತ್ತಿರುವಂತೆ ತೋರಿಸಲಾಗುತ್ತದೆ.

ಈಗ, ಅದೇ ರೀತಿಯ ಅನುಭವವನ್ನು ನೀಡುವ ಒಂದು ಅದ್ಭುತ ದೃಶ್ಯವು ಆಕಾಶದಲ್ಲಿ ತೆರೆದುಕೊಳ್ಳಲಿದೆ. ಅದು ತ್ರಿವಳಿ ಸಂಯೋಗ. ಆ ಸಮಯದಲ್ಲಿ ಶುಕ್ರ, ಶನಿ ಮತ್ತು ತೆಳುವಾದ ಅರ್ಧಚಂದ್ರ ಸ್ಕಿಮಿಟರ್ ಆಗಿ ಬದಲಾಗುತ್ತಾ ಆಕಾಶದಲ್ಲಿ ಪರಸ್ಪರ ಹತ್ತಿರ ಬಂದು ತ್ರಿಕೋನದಂತೆ ಗೋಚರಿಸುತ್ತದೆ. ಆ ನೋಟವು ನಗುತ್ತಿರುವ ಆಕಾಶದಷ್ಟು ಸುಂದರವಾಗಿ ಗೋಚರಿಸುತ್ತದೆ.

ತ್ರಿವಳಿ ಸಂಯೋಗ ಎಂದರೇನು? ಭೂಮಿಯ ಮೇಲಿನ ಒಂದೇ ಬಿಂದುವಿನಿಂದ ಆಕಾಶದಲ್ಲಿ ಮೂರು ವಸ್ತುಗಳು ಪರಸ್ಪರ ಹತ್ತಿರದಲ್ಲಿ ಕಾಣಿಸಿಕೊಂಡಾಗ ತ್ರಿವಳಿ ಸಂಯೋಗವಾಗುತ್ತದೆ. ಈ ನಿಕಟ ಜೋಡಣೆಯು ಕಕ್ಷೆಗಳ ರಚನೆಯಾಗಿದೆ. ಇದು ಭೂಮಿಯ ಮೇಲಿನ ನಮ್ಮ ಸ್ಥಾನದಿಂದ ಸೃಷ್ಟಿಯಾದ ಒಂದು ಆಪ್ಟಿಕಲ್ ಭ್ರಮೆಯಾಗಿದೆ. ಇದರಲ್ಲಿರುವ ಗ್ರಹಗಳು ಅಂದ್ರೆ ಚಂದ್ರನು ಮತ್ತು ಯಾವುದೇ ಗ್ರಹಗಳು ಬಾಹ್ಯಾಕಾಶದಲ್ಲಿ ಪರಸ್ಪರ ಹತ್ತಿರದಲ್ಲಿ ಇರುವುದಿಲ್ಲ. ಆದರೆ ಅವುಗಳ ಕಕ್ಷೆಗಳು ಸೇರುತ್ತವೆ. ಆದ್ದರಿಂದ ಅವುಗಳು ನಮ್ಮ ದೃಷ್ಟಿಕೋನದಿಂದ ಪರಸ್ಪರ ಹತ್ತಿರದಲ್ಲಿ ಕಾಣುತ್ತವೆ ಎಂಬುದು ಗಮನಿಸಬೇಕಾದ ಅಂಶ.

ಈಗ 2025 ಏಪ್ರಿಲ್ 25 ರಂದು ಶುಕ್ರ, ಶನಿ ಮತ್ತು ಚಂದ್ರರು ಪರಸ್ಪರ ಹತ್ತಿರ ಇರುವುದಿಲ್ಲ. ಆದರೆ ಅವುಗಳ ಕಕ್ಷೆಗಳು ಸೇರುವುದರಿಂದ ಅವು ನಮಗೆ ತ್ರಿಕೋನ ‘ಸ್ಮೈಲಿ ಫೇಸ್’ದಂತೆ ಕಾಣುತ್ತವೆ. ಆ ಸಮಯವನ್ನು ನಾವು ‘ಮಾರ್ನಿಂಗ್ ಸ್ಟಾರ್’ ಎಂದು ಕರೆಯಲ್ಪಡುವ ಪ್ರಕಾಶಮಾನವಾದ ಬಿಳಿ ಗ್ರಹವಾದ ಶುಕ್ರವು ಆಕಾಶದ ತುದಿಯಲ್ಲಿರುತ್ತದೆ, ಮಂದವಾಗಿ ಕಾಣುವ ಶನಿ ಗ್ರಹವು ಎಡಭಾಗದಲ್ಲಿ ಸ್ವಲ್ಪ ಕೆಳಗೆ ಹೊಳೆಯುತ್ತದೆ. ಅರ್ಧಚಂದ್ರ ಈ ಎರಡರ ಕೆಳಭಾಗದಲ್ಲಿ ಕಾಣಿಸುತ್ತದೆ. ಇದರ ಪ್ರಕಾಶಮಾನವಾದ ಅಂಚು ನಗುವಿನಂತೆ ಸ್ವಲ್ಪ ವಕ್ರವಾಗಿದೆ. ಈ ಖಗೋಳ ವಿಸ್ಮಯ ಆಕಾಶವನ್ನು ನಗುತ್ತಿರುವಂತೆ ಮತ್ತು ಮನರಂಜನೆ ನೀಡುವಂತೆ ಕಂಗೊಳಿಸುತ್ತದೆ.

ಸಂಭವಿಸುವುದು ಯಾವಾಗ? ಈ ಅದ್ಭುತ ದೃಶ್ಯದ ಅತ್ಯುತ್ತಮ ನೋಟವೆಂದರೆ ಸೂರ್ಯೋದಯಕ್ಕೂ ಮೊದಲು.. ಸ್ಥಳೀಯ ಸಮಯ ಬೆಳಗ್ಗೆ 5:30 ರ ಸುಮಾರಿಗೆ ಈ ಖಗೋಳ ವಿಸ್ಮಯ ಸಂಭವಿಸುತ್ತದೆ. ಈ ಸಮಯದಲ್ಲಿ ಪ್ರಕಾಶಮಾನವಾದ ಗ್ರಹಗಳು ಮತ್ತು ಅರ್ಧಚಂದ್ರ ಸರಿಯಾಗಿ ಗಮನಿಸುವಷ್ಟು ಕತ್ತಲೆಯಿರುತ್ತದೆ. ಆದರೂ ನಾವು ಈ ಅತ್ಯುತ್ತಮ ನೋಟವನ್ನು ಬಹಳ ಕಡಿಮೆ ಸಮಯದವರೆಗೆ ಮಾತ್ರ ನೋಡಬಹುದು. ಏಕೆಂದರೆ ಈ ಪವಾಡ ಕಂಡ ಸ್ವಲ್ಪ ಸಮಯದ ನಂತರ ಸೂರ್ಯ ಉದಯಿಸುತ್ತಾನೆ. ಆಗ ನಾವು ಈ ದೃಶ್ಯವನ್ನು ಸೂರ್ಯನ ಬೆಳಕಿನಲ್ಲಿ ನೋಡಲು ಸಾಧ್ಯವಾಗುವುದಿಲ್ಲ.

ಈ ವಿಸ್ಮಯ ನೋಡುವುದು ಹೇಗೆ? ಈ ತ್ರಿವಳಿ ಸಂಯೋಗವನ್ನು ನೋಡಲು ವೀಕ್ಷಕರಿಗೆ ಪೂರ್ವಕ್ಕೆ ಅಡೆತಡೆಯಿಲ್ಲದ ಹಾರಿಜನ್ ಅಗತ್ಯವಿದೆ. ಇದರರ್ಥ ನೀವು ಯಾವುದೇ ಅಡೆತಡೆಗಳಿಲ್ಲದೆ ಪೂರ್ವಕ್ಕೆ ಎದುರಾಗಿರುವ ಎತ್ತರದ ಕಟ್ಟಡದಿಂದ ನೋಡಿದರೆ ಸ್ಮೈಲಿ ಚಂದ್ರನು ಗೋಚರಿಸುತ್ತದೆ. ಆಗ ನಾವು ನಮ್ಮ ಬರೀ ಕಣ್ಣುಗಳಿಂದ ಶುಕ್ರ, ಶನಿ ಮತ್ತು ಚಂದ್ರನನ್ನು ನೋಡಬಹುದು. ಇನ್ನು ನಿಮ್ಮ ಬಳಿ ಬೈನಾಕ್ಯುಲರ್ ಅಥವಾ ಸಣ್ಣ ದೂರದರ್ಶಕವಿದ್ದರೆ ಈ ದೃಶ್ಯವನ್ನು ಇನ್ನೂ ಚೆನ್ನಾಗಿ ವೀಕ್ಷಿಸಬಹುದಾಗಿದೆ.

Source : ETV Bharat

ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು

WhatsApp Group:https://chat.whatsapp.com/KnDIfiBURQ9G5sLEJLqshk

Facebook page: https://www.facebook.com/samagrasudii

Sharechat: https://sharehat.com/profile/edu514826335?d=n

Twitter: https://twitter.com/SuddiSamagra

Threads: https://www.threads.net/@samagrasuddi.co.in

Instagram: https://www.instagram.com/samagrasuddi.co.in/

Telegram: https://t.me/+E1ubNzdguQ5jN2Y1