Silent Killer Ajinomoto: ನಿಯಮಿತವಾಗಿ ಅಜಿನೊಮೊಟೊ ಒಳಗೊಂಡಿರುವ ಆಹಾರ ಸೇವಿಸಿದರೆ ಅದು ಮೈಗ್ರೇನ್ ಉಂಟುಮಾಡಬಹುದು. ಈ ರೋಗವು ಅರ್ಧ ತಲೆಯಲ್ಲಿ ಸೌಮ್ಯ ನೋವನ್ನು ಹೊಂದಿರುತ್ತದೆ. MSG ಅತಿಯಾದ ಸೇವನೆಯು ಸ್ಥೂಲಕಾಯತೆ ಹೆಚ್ಚಿಸುವ ಅಪಾಯವನ್ನುಂಟು ಮಾಡುತ್ತದೆ.
- ಫಾಸ್ಟ್‌ಫುಡ್‌ನಲ್ಲಿ ಬಳಸುವ ಅಜಿನೊಮೊಟೊ ಸೈಲೆಂಟ್ ಕಿಲ್ಲರ್!
- ಒಮ್ಮೆ ಸೇವಿಸಿದ್ರೆ ಸಾಕು ಮತ್ತೆ ಮತ್ತೆ ಸೇವಿಸಬೇಕು ಅನ್ನಿಸುತ್ತದೆ
- ನಿಯಮಿತವಾಗಿ ಇದನ್ನು ಸೇವಿಸಿದ್ರೆ ನಿಮ್ಮ ಪ್ರಾಣಕ್ಕೆ ಸಂಚಕಾರ
ಸೈಲೆಂಟ್ ಕಿಲ್ಲರ್ ʼಅಜಿನೊಮೊಟೊʼ!Silent Killer Ajinomoto: ನೀವು ಬಾಯಿ ಚಪ್ಪರಿಸಿ ತಿನ್ನುವ ಫಾಸ್ಟ್‌ಫುಡ್‌ನಲ್ಲಿ ಬಳಸುವ ಅಜಿನೊಮೊಟೊ ಸೈಲೆಂಟ್ ಕಿಲ್ಲರ್. ಕೃತಕ ರುಚಿಯ ಹೆಚ್ಚಿಸಲು ಬಳಸುವ ಇದನ್ನು ಒಮ್ಮೆ ಸೇವಿಸಿದ್ರೆ ಸಾಕು ಮತ್ತೆ ಮತ್ತೆ ಸೇವಿಸಬೇಕು ಅನ್ನೋ ಆಸೆಯಾಗುತ್ತದೆ. ಈ ಸೈಲೆಂಟ್ ಕಿಲ್ಲರ್‌ನ ರಾಸಾಯನಿಕ ಹೆಸರು ಮೊನೊ ಸೋಡಿಯಂ ಗ್ಲುಟಮೇಟ್ (MSG)! ಫಾಸ್ಟ್‌ಫುಡ್‌ನಲ್ಲಿ ಬಳಸುವ ಇದನ್ನು ಸೇವಿಸಬೇಕಾದರೆ ತುಂಬಾ ಎಚ್ಚರಿಕೆ ವಹಿಸಬೇಕು. ಇಲ್ಲದಿದ್ರೆ ನಿಮ್ಮ ಪ್ರಾಣಕ್ಕೆ ಸಂಚಕಾರ ಎದುರಾಗುತ್ತದೆ. ಈ ಅಜಿನೊಮೊಟೊ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ…
ಅಜಿನೊಮೊಟೊ ಕಂಪನಿಯ ಮುಖ್ಯ ಕಚೇರಿ ಟೋಕಿಯೋದ ಚೋವೊದಲ್ಲಿದೆ! ಇದು 26 ದೇಶಗಳಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದನ್ನು ಹೆಚ್ಚಾಗಿ ಚೈನೀಸ್ ಆಹಾರಗಳಲ್ಲಿ ಬಳಸಲಾಗುತ್ತದೆ. ರುಚಿಯನ್ನು ಹೆಚ್ಚಿಸಲು ಆಹಾರವನ್ನು ಮಾಡಲಾಗುತ್ತದೆ. ಮೊದಲು ನಾವು ಹೆಚ್ಚಾಗಿ ಮನೆಯಲ್ಲಿ ತಯಾರಿಸಿದ ಆಹಾರ ಸೇವಿಸುತ್ತಿದ್ದೆವು. ಆದರೆ ಇದೀಗ ಜನರು ಚಿಪ್ಸ್, ಪಿಜ್ಜಾ ಮತ್ತು ಮ್ಯಾಗಿಯಂತಹ ಆಹಾರವನ್ನು ಹೆಚ್ಚಾಗಿ ಸೇವಿಸಲು ಇಷ್ಟಪಡುತ್ತಾರೆ. ಅಜಿನೊಮೊಟೊವನ್ನು ಸೋಯಾ ಸಾಸ್, ಟೊಮೆಟೊ ಸಾಸ್, ಸಂರಕ್ಷಿತ ಮೀನುಗಳಂತಹ ಅನೇಕ ಪೂರ್ವಸಿದ್ಧ ತ್ವರಿತ ಆಹಾರ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ.
ಅಜಿನೊಮೊಟೊ ಬಹುರಾಷ್ಟ್ರೀಯ ಆಹಾರ ಮತ್ತು ಜೈವಿಕ ತಂತ್ರಜ್ಞಾನ ಕಂಪನಿಯನ್ನು ಮೊದಲು 1909ರಲ್ಲಿ ಜಪಾನಿನ ಜೀವರಸಾಯನಶಾಸ್ತ್ರಜ್ಞ ಕಿಕುನೇ ಇಕೆಡಾ ಕಂಡುಹಿಡಿದರು. ಇದರ ಆಹ್ಲಾದಕರ ರುಚಿಯನ್ನು ಗುರುತಿಸಲಾಗುತ್ತದೆ. ಬಳಿಕ ಇದನ್ನು ಅನೇಕ ಜಪಾನ್ ಸೂಪ್‌ಗಳಲ್ಲಿ ಬಳಸಲಾಗುತ್ತದೆ. ಇದು ಉಪ್ಪಿನಂತೆ ಸ್ವಲ್ಪ ರುಚಿ ಹೊಂದಿದ್ದು, ಹೊಳೆಯುವ ಚಿಕ್ಕ ಸ್ಫಟಿಕದಂತೆ ತೋರುತ್ತಿದೆ. ಇದರಲ್ಲಿ ಅಮೈನೋ ಆಮ್ಲವು ನೈಸರ್ಗಿಕವಾಗಿ ಕಂಡುಬರುತ್ತದೆ. ಇಂದು ಪ್ರಪಂಚದ ಪ್ರತಿಯೊಂದು ಅಡುಗೆಯ ಊಟದಲ್ಲಿ ರುಚಿಯನ್ನು ಹೆಚ್ಚಿಸಲು ಇದನ್ನು ಬಳಸಲಾಗುತ್ತದೆ.
MSG ಬಳಕೆಯನ್ನು ಸುರಕ್ಷಿತವೆಂದು ಪರಿಗಣಿಸಲಾಗಿದೆ. ಮೊದ ಮೊದಲು ಚೈನೀಸ್ ಅಡುಗೆಮನೆಯಲ್ಲಿ ಬಳಸಲಾಗುತ್ತಿದ್ದ ಇದು ನಿಧಾನವಾಗಿ ನಮ್ಮ ಅಡುಗೆ ಮನೆಯಲ್ಲೂ ಸ್ಥಾನ ಪಡೆದುಕೊಂಡಿದೆ. ನಿಮ್ಮ ಸಮಯ ಉಳಿಸಲು ಕೇವಲ 2 ನಿಮಿಷಗಳಲ್ಲಿ ನೂಡಲ್ಸ್ ತಯಾರಿಸಿ ಎಂದು ಹೇಳುವ ಜಾಹೀರಾತನ್ನು ನೀವು ನೋಡಿರುತ್ತೀರಿ. ಆ ನೂಡಲ್ಸ್‌ನಲ್ಲಿಯೂ MSG ಇರುತ್ತದೆ. ಇದು ನಮ್ಮ ದೇಹವನ್ನು ನಿಧಾನವಾಗಿ ಹಾನಿ ಮಾಡುವ ಹೆಚ್ಚಿನ ಆಹಾರಗಳಲ್ಲಿ ಕಂಡುಬರುತ್ತದೆ. ಒಮ್ಮೆ ಅಜಿನೊಮೊಟೊದ ಆಹಾರ ಸೇವಿಸಿದ್ರೆ ಅದು ಚಟವಾಗುತ್ತದಂತೆ. ಆ ಆಹಾರವನ್ನು ನಿಯಮಿತವಾಗಿ ತಿನ್ನಲು ನೀವು ಹಂಬಲಿಸುತ್ತಿರಂತೆ.
ಅಜಿನೊಮೊಟೊ ಸೇವನೆಯು ದೇಹದಲ್ಲಿ ಇನ್ಸುಲಿನ್ ಪ್ರಮಾಣವನ್ನು ಹೆಚ್ಚಿಸುತ್ತದೆ. ಯಾವಾಗ ನೀವು MSG ಪದಾರ್ಥಗಳನ್ನು ಸೇವಿಸಿದಾಗ ರಕ್ತದಲ್ಲಿನ ಗ್ಲುಟಮೇಟ್ ಮಟ್ಟವು ಹೆಚ್ಚಾಗುತ್ತದೆ. ಏಕೆಂದರೆ ಇದು ದೇಹದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. MSGಗೆ ನೀವು ಸೈಲೆಂಟ್ ಕಿಲ್ಲರ್ ಎಂದೂ ಕರೆಯಬಹುದು. ಇದು ಕಣ್ಣಿನ ರೆಟಿನಾವನ್ನು ಹಾನಿಗೊಳಿಸುತ್ತದೆ. ಇಲ್ಲದೆ ಥೈರಾಯ್ಡ್ ಮತ್ತು ಕ್ಯಾನ್ಸರ್ ರೋಗಲಕ್ಷಣಗಳನ್ನು ಉಂಟುಮಾಡಬಹುದು.
ಅಜಿನೊಮೊಟೊ ಒಳಗೊಂಡಿರುವ ಆಹಾರವನ್ನು ನಿಯಮಿತವಾಗಿ ಸೇವಿಸಿದರೆ ಅದು ಮೈಗ್ರೇನ್ ಉಂಟುಮಾಡಬಹುದು. ಈ ರೋಗವು ಅರ್ಧ ತಲೆಯಲ್ಲಿ ಸೌಮ್ಯವಾದ ನೋವನ್ನು ಹೊಂದಿರುತ್ತದೆ. MSG ಅತಿಯಾದ ಸೇವನೆಯು ಸ್ಥೂಲಕಾಯತೆಯನ್ನು ಹೆಚ್ಚಿಸುವ ಅಪಾಯವನ್ನುಂಟು ಮಾಡುತ್ತದೆ. ನಮ್ಮ ದೇಹದಲ್ಲಿರುವ ಲೆಪ್ಟಿನ್ ಹಾರ್ಮೋನ್, ಆಹಾರದ ಅತಿಯಾದ ಸೇವನೆಯನ್ನು ತಡೆಯಲು ನಮ್ಮ ಮೆದುಳಿಗೆ ಸಂಕೇತವನ್ನು ನೀಡುತ್ತದೆ. ಅಜಿನೊಮೊಟೊ ಸೇವನೆಯು ಇದರ ಮೇಲೆ ಪರಿಣಾಮ ಬೀರಬಹುದು. ಹೀಗಾಗಿ ಆರೋಗ್ಯದ ದೃಷ್ಟಿಯಿಂದ ಅಜಿನೊಮೊಟೊ ಆಹಾರದಿಂದ ದೂರವಿರುವುದು ಉತ್ತಮ.