FREE SPACE SCIENCE PROGRAM BY ISRO : ಯುವ ವಿಜ್ಞಾನಿಗಳನ್ನು ರೂಪಿಸುವ ಹಾಗೂ ಮಕ್ಕಳಲ್ಲಿ ಬ್ರಹ್ಮಾಂಡ, ಬಾಹ್ಯಾಕಾಶದಲ್ಲಿನ ಆಸಕ್ತಿಗೆ ಅತ್ಯುತ್ತಮ ವೇದಿಕೆಯನ್ನು ಇಸ್ರೋ ಕಲ್ಪಿಸಿದೆ.
ರಾಜಮಹೇಂದ್ರವರ್ಮಾ (ಆಂಧ್ರ ಪ್ರದೇಶ) : ಯುವ ವಿಜ್ಞಾನಿಗಳನ್ನು ಸಂಶೋಧನೆ ಮತ್ತು ಖಗೋಳ ಅಧ್ಯಯನದಲ್ಲಿ ಪ್ರೇರೇಪಿಸುವ ಉದ್ದೇಶದಿಂದ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ವಿಶೇಷ ಕಾರ್ಯಕ್ರಮವನ್ನು ಆಯೋಜಿಸಿದೆ. ವಿಜ್ಞಾನ ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿರುವ ದೇಶದಲ್ಲಿ 9ನೇ ತರಗತಿ ಕಲಿಯುತ್ತಿರುವ ವಿದ್ಯಾರ್ಥಿಗಳು ಈ ಯುವ ವಿಜ್ಞಾನ ಕಾರ್ಯಕ್ರಮದಲ್ಲಿ (ಯುವಿಕಾ-25) ಭಾಗವಹಿಸಬಹುದಾಗಿದೆ. ಇಸ್ರೋ ಕೇಂದ್ರದಲ್ಲಿ 14 ದಿನಗಳ ಕಾಲ ಕಲಿಕೆಗೆ ಅವಕಾಶ ಲಭ್ಯವಾಗುವ ಈ ವಾರ್ಷಿಕ ಕಾರ್ಯಕ್ರಮದಲ್ಲಿ ಆಯ್ದ ವಿದ್ಯಾರ್ಥಿಗಳಿಗೆ ಅವಕಾಶವಿದೆ. ಈ ಕುರಿತ ಮಾಹಿತಿ ಇಲ್ಲಿದೆ.
ಯುವಿಕಾ : ಭಾರತ ಖಗೋಳ ಸಂಶೋಧನೆಯಲ್ಲಿ ಗಮನಾರ್ಹ ಸಾಧನೆ ಮಾಡಿದ್ದು, 100ಕ್ಕೂ ಹೆಚ್ಚು ಪ್ರಯೋಗಗಳನ್ನು ಮಾಡಿ, ಪ್ರಮುಖ ಬಾಹ್ಯಾಕಾಶ ಸಂಸ್ಥೆಗಳೊಂದಿಗೆ ಸ್ಪರ್ಧೆ ಮಾಡುತ್ತಿದೆ. ಈ ಯುವಿಕಾ ಮೂಲಕ ಇಸ್ರೋ ವಿದ್ಯಾರ್ಥಿಗಳಲ್ಲಿರುವ ಅದಮ್ಯ ಕುತೂಹಲವನ್ನು ಹೊರಗೆ ತರುವ ಪ್ರಯತ್ನ ನಡೆಸಲಿದೆ. ಅಲ್ಲದೇ ಅವರಿಗೆ ಬಾಹ್ಯಾಕಾಶ ತಂತ್ರಜ್ಞಾನದಲ್ಲಿನ ಇತ್ತೀಚಿನ ಆವಿಷ್ಕಾರಗಳಿಗೆ ತೆರೆದುಕೊಳ್ಳಲು ಅವಕಾಶ ನೀಡಲಿದೆ. ಇದರಲ್ಲಿ ಭಾಗಿಯಾಗುವ ಆಸಕ್ತಿ ನಿಮಗಿದ್ದಲ್ಲಿ, ನೀವು ಕೂಡ ಇದಕ್ಕೆ ನೋಂದಣಿ ಮಾಡಬಹುದಾಗಿದ್ದು, ಈ ಕುರಿತು ಪ್ರಮುಖಾಂಶಗಳಿಲ್ಲಿವೆ.
ಪ್ರಮುಖ ದಿನಾಂಕ ಮತ್ತು ಆಯ್ಕೆ ಪ್ರಕ್ರಿಯೆ :
- ಅರ್ಜಿ ಸಲ್ಲಿಕೆ : www.isro.gov.in
- ಅರ್ಜಿ ಸಲ್ಲಿಕೆಗೆ ಕಡೆಯ ದಿನಾಂಕ ಮಾರ್ಚ್ 23
- ಆಯ್ಕೆ ಪಟ್ಟಿ : ಏಪ್ರಿಲ್ 7
- ಕಾರ್ಯಕ್ರಮದ ಅವಧಿ : ಮೇ 19ರಿಂದ 30
- ಅಂತಿಮ ಪ್ರಶಸ್ತಿ : ಮೇ 31
ಎಲ್ಲಿ ನಡೆಯುತ್ತದೆ ಈ ಕಾರ್ಯಕ್ರಮ : ದೇಶದಲ್ಲಿರುವ ಏಳು ಇಸ್ರೋ ಕೇಂದ್ರಗಳಲ್ಲಿ ಈ ಕಾರ್ಯಕ್ರಮ ನಡೆಯಲಿದೆ.
- ಡೆಹ್ರಾಡೂನ್ (ಉತ್ತರಾಖಂಡ್)
- ತಿರುವನಂತಪುರಂ (ಕೇರಳ)
- ಸುಲ್ಲುರ್ಪೇಟ್ (ಆಂಧ್ರಪ್ರದೇಶ)
- ಬೆಂಗಳೂರು (ಕರ್ನಾಟಕ)
- ಅಹಮದಾಬಾದ್ (ಗುಜರಾತ್)
- ಹೈದರಾಬಾದ್ (ತೆಲಂಗಾಣ)
- ಶಿಲ್ಲಾಂಗ್ (ಮೇಘಾಲಯ)
ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳ ಚಟುವಟಿಕೆ :
- ಇಸ್ರೋ ವಿಜ್ಞಾನಿಗಳೊಂದಿಗೆ ಮಾತುಕತೆ
- ಬಾಹ್ಯಾಕಾಶ ಸಂಶೋಧನಾ ಕೇಂದ್ರಗಳಿಗೆ ಭೇಟಿ
- ಬಾಹ್ಯಾಕಾಶ ವಿಜ್ಞಾನದಲ್ಲಿ ಕಲಿಕೆಗೆ ಅವಕಾಶ
- ಗ್ರಹಗಳ ವ್ಯವಸ್ಥೆ ಮತ್ತು ರಾಕೆಟ್ ಕುರಿತು ಒಳನೋಟ
- ಪ್ರವಾಸ, ಆಹಾರ ಮತ್ತು ವಸತಿ ಸೌಕರ್ಯ ಸಂಪೂರ್ಣ ಉಚಿತ
ಅರ್ಜಿ ಸಲ್ಲಿಸಲು ಯಾರು ಅರ್ಹರು?
ವಯೋಮಿತಿ : ಖಾಸಗಿ ಅಥವಾ ಸರ್ಕಾರಿ ಶಾಲೆಯಲ್ಲಿ ಓದುತ್ತಿರುವ 9ನೇ ತರಗತಿ ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಬಹುದಾಗಿದೆ.
ಆಯ್ಕೆ ಮಾನದಂಡ :
- 8ನೇ ತರಗತಿಯಲ್ಲಿ ಶೇ. 80ರಷ್ಟು ಅಂಕ ಗಳಿಸಿರಬೇಕು.
- ಬಾಹ್ಯಾಕಾಶ/ವಿಜ್ಞಾನ ಕ್ಲಬ್ನಲ್ಲಿ ಭಾಗಿಯಾಗುವಿಕೆ – ಶೇ. 5ರಷ್ಟು
- ಜಿಲ್ಲಾ ಮಟ್ಟದಿಂದ ಅಂತಾರಾಷ್ಟ್ರೀಯ ಮಟ್ಟದವರೆಗೆ ಪ್ರಬಂಧ/ ಭಾಷಣದಲ್ಲಿ ಸಾಧನೆ – ಶೇ. 10ರಷ್ಟು
- ಎನ್ಸಿಸಿ, ಸ್ಕೌಟ್ ಮತ್ತು ಗೈಡ್ ಸದಸ್ಯರಾಗಿದ್ದರೆ ಶೇ. 5ರಷ್ಟು
- ಗ್ರಾಮೀಣ ಪ್ರದೇಶದ ಅಭ್ಯರ್ಥಿಗಳಿಗೆ ಶೇ. 20ರಷ್ಟು
ಯುವ ವಿಜ್ಞಾನಿಗಳನ್ನು ರೂಪಿಸುವ ನಿಟ್ಟಿನಲ್ಲಿ ಇದೊಂದು ಅದ್ಭುತ ಅವಕಾಶವಾಗಿದ್ದು, ಇದು ವಿದ್ಯಾರ್ಥಿಗಳನ್ನು ತಮ್ಮ ಕನಸಿನ ಹತ್ತಿರಕ್ಕೆ ಕರೆದೊಯ್ಯುವ ಮತ್ತು ಬ್ರಹ್ಮಾಂಡದ ಕುರಿತು ಅವರ ಕೌತುಕ ನೀಗಿಸುವ ಅತ್ಯುತ್ತಮ ಅವಕಾಶವಾಗಿದೆ.