Sports

IPL 2023: ರೋಹಿತ್ ಆಟಕ್ಕೆ ನಂ.1 ಪಟ್ಟ ಕಳೆದುಕೊಂಡ ಧವನ್; ಕುಸಿದ ಕಿಂಗ್ ಕೊಹ್ಲಿ

April 17, 2023
samagrasuddi

ಐಪಿಎಲ್​ನ 22ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ 5 ವಿಕೆಟ್ ಗಳ ಜಯ ಸಾಧಿಸಿದೆ. ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದಿದ್ದ ರೋಹಿತ್ 13 ಎಸೆತಗಳಲ್ಲಿ 1 ಬೌಂಡರಿ ಹಾಗೂ 2 ಸಿಕ್ಸರ್ ನೆರವಿನಿಂದ 20 ರನ್ ಬಾರಿಸಿದರು. ಇದರೊಂದಿಗೆ ವಿಶೇಷ ದಾಖಲೆ ಕೂಡ ಬರೆದರು.ಕೆಕೆಆರ್ ವಿರುದ್ಧ 20 ರನ್ ಕಲೆಹಾಕಿದ ರೋಹಿತ್ ಐಪಿಎಲ್​ನಲ್ಲಿ ಒಂದೇ ತಂಡದ ವಿರುದ್ಧ ಅತಿ ಹೆಚ್ಚು ರನ್ ಬಾರಿಸಿದ ಆಟಗಾರ ಎಂಬ ದಾಖಲೆ ಬರೆದರು. ಹಿಟ್​ಮ್ಯಾನ್ ಐಪಿಎಲ್​ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ವಿರುದ್ಧ 1033 ರನ್ ಬಾರಿಸಿದ್ದು, ಇದು ದಾಖಲೆಯಾಗಿದೆ.ಕೆಕೆಆರ್ ವಿರುದ್ಧ ರೋಹಿತ್ ಶರ್ಮಾ ನಾಲ್ಕು ಶತಕಗಳನ್ನು ಬಾರಿಸಿದ್ದು, 51.65 ಸರಾಸರಿ ಮತ್ತು 133.59 ಸ್ಟ್ರೈಕ್ ರೇಟ್​ನಲ್ಲಿ 1033 ರನ್ ಕಲೆಹಾಕಿದ್ದಾರೆ.ಈ ಹಿಂದೆ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 1029 ರನ್ ಬಾರಿಸಿದ್ದ ಶಿಖರ್ ಧವನ್ ಈ ದಾಖಲೆಯನ್ನು ತಮ್ಮ ಖಾತೆಗೆ ಹಾಕಿಕೊಂಡಿದ್ದರು. ಹಾಗಿದ್ದರೆ ಈ ಇಬ್ಬರ ಬಳಿಕ ಈ ದಾಖಲೆ ಬರೆದಿರುವ ಇಬ್ಬರು ಆಟಗಾರರತ್ತ ಗಮನಹರಿಸುವುದಾದರೆ.ಸದ್ಯ ಡೆಲ್ಲಿ ತಂಡದ ನಾಯಕತ್ವವಹಿಸಿಕೊಂಡಿರುವ ಡೇವಿಡ್ ವಾರ್ನರ್, ಕೆಕೆಆರ್ ವಿರುದ್ಧ 1018 ರನ್ ಗಳಿಸಿದ್ದು, ಮೂರನೇ ಸ್ಥಾನದಲ್ಲಿದ್ದರೆ, ಪಂಜಾಬ್ ಕಿಂಗ್ಸ್ ವಿರುದ್ಧ 1005 ಬಾರಿಸಿ, 4ನೇ ಸ್ಥಾನವನ್ನು ಅವರೇ ಉಳಿಸಿಕೊಂಡಿದ್ದಾರೆ.ಇನ್ನು ಐದನೇ ಸ್ಥಾನದಲ್ಲಿ ಆರ್​ಸಿಬಿ ಮಾಜಿ ನಾಯಕ ವಿರಾಟ್ ಕೊಹ್ಲಿ ಇದ್ದು, ಕಿಂಗ್ ಕೊಹ್ಲಿ ಚೆನ್ನೈ ವಿರುದ್ಧ 979 ರನ್ ಕಲೆ ಹಾಕಿದ್ದಾರೆ.

source https://tv9kannada.com/photo-gallery/cricket-photos/ipl-2023-rohit-sharma-surpasses-shikhar-dhawans-record-to-become-the-leading-run-scorer-against-a-single-franchise-psr-au14-557934.html

Leave a Reply

Your email address will not be published. Required fields are marked *