ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ ರಿಲಯನ್ಸ್ ಜಿಯೋ ಬಳಕೆದಾರರಿಗೆ ಭರ್ಜರಿ ಸುದ್ದಿ ನೀಡಿದ್ದಾರೆ. ಜಿಯೋ ಬಳಕೆದಾರರು 100GB ಕ್ಲೌಡ್ ಸ್ಟೋರೇಜ್ ಅನ್ನು ಉಚಿತವಾಗಿ ಪಡೆಯುತ್ತಿದ್ದಾರೆ ಎಂದು ಘೋಷಿಸಲಾಗಿದೆ. ಜಿಯೋ ಎಐ ಕ್ಲೌಡ್ ಹೆಸರಿನ ಈ ಸೇವೆಯನ್ನು ಮುಖೇಶ್ ಅಂಬಾನಿ ಘೋಷಿಸಿದ್ದಾರೆ.
Jio AI ಕ್ಲೌಡ್ ವೆಲ್ಕಮ್ ಆಫರ್‌ನ ಭಾಗವಾಗಿ, Jio ಬಳಕೆದಾರರು 100 GB ವರೆಗೆ ಉಚಿತ ಕ್ಲೌಡ್ ಸಂಗ್ರಹಣೆಯನ್ನು ಪಡೆಯಬಹುದು. ಜಿಯೋ ಬಳಕೆದಾರರು ತಮ್ಮ ಫೋಟೋಗಳು, ವೀಡಿಯೊಗಳು, ಡಾಕ್ಯುಮೆಂಟ್‌ಗಳು ಮತ್ತು ಇತರ ಫೈಲ್‌ಗಳನ್ನು ಉಚಿತವಾಗಿ ಸಂಗ್ರಹಿಸಬಹುದು.
ದೀಪಾವಳಿಯಿಂದ ಈ ಸೇವೆ ಲಭ್ಯ!
ಹೆಚ್ಚಿನ ಸಂಗ್ರಹಣೆಯನ್ನು ಬಯಸುವವರಿಗೆ ಕೈಗೆಟುಕುವ ಬೆಲೆಯಲ್ಲಿ ಶೇಖರಣಾ ಆಯ್ಕೆಗಳು ಲಭ್ಯವಿರುತ್ತವೆ ಎಂದು ಮುಕೇಶ್ ಅಂಬಾನಿ ಘೋಷಿಸಿದರು. ದೀಪಾವಳಿಯಿಂದ ಈ ಸೇವೆ ಲಭ್ಯವಾಗಲಿದೆ ಎಂದು ಘೋಷಿಸಲಾಗಿದೆ.
“AI-ಕ್ಲೌಡ್ ವೆಲ್ಕಮ್ ಆಫರ್ ಅನ್ನು ಘೋಷಿಸಲು Jio ಸಂತೋಷವಾಗಿದೆ. ಜಿಯೋ ಬಳಕೆದಾರರು ತಮ್ಮ ಎಲ್ಲಾ ಫೋಟೋಗಳು, ವೀಡಿಯೊಗಳು, ಡಾಕ್ಯುಮೆಂಟ್‌ಗಳು, ಇತರ ಡಿಜಿಟಲ್ ವಿಷಯ, ಡೇಟಾವನ್ನು ಸುರಕ್ಷಿತವಾಗಿ ಸಂಗ್ರಹಿಸಲು ಮತ್ತು ಪ್ರವೇಶಿಸಲು 100 GB ವರೆಗೆ ಉಚಿತ ಕ್ಲೌಡ್ ಸಂಗ್ರಹಣೆಯನ್ನು ಪಡೆಯುತ್ತಾರೆ ಎಂದು ಮುಕೇಶ್ ಅಂಬಾನಿ ಹೇಳಿದರು.
AI ಕ್ಲೌಡ್ ವೆಲ್ಕಮ್ ಆಫರ್!
ಈ ವರ್ಷ ದೀಪಾವಳಿಯಿಂದ Jio AI-ಕ್ಲೌಡ್ ವೆಲ್ಕಮ್ ಆಫರ್ ಅನ್ನು ಪ್ರಾರಂಭಿಸಲು ನಾವು ಯೋಜಿಸುತ್ತಿದ್ದೇವೆ. ಕ್ಲೌಡ್ ಡೇಟಾ ಸಂಗ್ರಹಣೆ, ಡೇಟಾ-ಚಾಲಿತ AI ಸೇವೆಗಳು ಎಲ್ಲರಿಗೂ ಪ್ರವೇಶಿಸಬಹುದಾದ ಶಕ್ತಿಯುತ, ಕೈಗೆಟುಕುವ ಪರಿಹಾರವನ್ನು ತರುತ್ತಿವೆ ಎಂದು ಮುಕೇಶ್ ಅಂಬಾನಿ ಹೇಳಿದರು.
ಜಿಯೋದ ಕೊಡುಗೆಗೆ ಹೋಲಿಸಿದರೆ, ಗೂಗಲ್‌ನ 100GB ಸಂಗ್ರಹದ ಬೆಲೆ ರೂ. 130 ಶುಲ್ಕ ವಿಧಿಸಲಾಗುತ್ತದೆ. ಆಪಲ್ 50 ಜಿಬಿಗೆ 75 ಮತ್ತು 200 ಜಿಬಿಗೆ 200 ರೂ. 219 ಶುಲ್ಕಗಳು ಕಟ್ಟಬೇಕು. ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ 47 ನೇ ವಾರ್ಷಿಕ ಸಾಮಾನ್ಯ ಸಭೆಯ ಹಿನ್ನೆಲೆಯಲ್ಲಿ ಮುಖೇಶ್ ಅಂಬಾನಿ ಈ ಘೋಷಣೆ ಮಾಡಿದ್ದಾರೆ. ಇದಲ್ಲದೇ ಕೃತಕ ಬುದ್ಧಿಮತ್ತೆಗೆ ಸಂಬಂಧಿಸಿದಂತೆ ಮುಖೇಶ್ ಅಂಬಾನಿ ಹಲವು ಘೋಷಣೆಗಳನ್ನು ಮಾಡಿದ್ದಾರೆ.
ಷೇರುದಾರರಿಗೆ 1:1 ಬೋನಸ್ ಷೇರು!
ಭಾರತದ ಅತ್ಯಮೂಲ್ಯ ಕಂಪನಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL) ಸೆಪ್ಟೆಂಬರ್ 5 ರಂದು ತನ್ನ ಮಂಡಳಿಯ ಸಭೆಯಲ್ಲಿ ಷೇರುದಾರರಿಗೆ ಗುಡ್ ನ್ಯೂಸ್ ನೀಡಿದೆ. ಹೌದು ರಿಲಯನ್ಸ್ ಷೇರು ಹೊಂದಿರುವವರಿಗಂತೂ ಇದು ಬಂಪರ್‌ ನ್ಯೂಸ್. 1:1 ಬೋನಸ್ ಷೇರು ನೀಡುವುದಾಗಿ ಮುಕೇಶ್ ಅಂಬಾನಿ ಘೋಷಿಸಿದ್ದಾರೆ. ಹಾಗಂದ್ರೆ ಯಾರ ಬಳಿ ಈಗಾಗಲೇ ರಿಲಯನ್ಸ್ ಷೇರು ಇದ್ಯೋ ಅಂಥವರಿಗೆ ಒಂದಕ್ಕೆ ಒಂದರಂತೆ ಬೋನಸ್ ಷೇರುಗಳು ಸಿಗಲಿವೆ.
“ರಿಲಯನ್ಸ್ ಬೆಳೆದಾಗ, ನಾವು ನಮ್ಮ ಷೇರುದಾರರಿಗೆ ಉತ್ತಮ ಪ್ರತಿಫಲವನ್ನು ನೀಡುತ್ತೇವೆ. ನಮ್ಮ ಷೇರುದಾರರು ಉತ್ತಮ ಪ್ರತಿಫಲವನ್ನು ಪಡೆದಾಗ, ರಿಲಯನ್ಸ್ ವೇಗವಾಗಿ ಬೆಳೆಯುತ್ತದೆ. ಹೆಚ್ಚಿನ ಮೌಲ್ಯವನ್ನು ಸೃಷ್ಟಿಸುತ್ತದೆ. ನಿಮ್ಮ ಕಂಪನಿಯು ಶಾಶ್ವತ ಪ್ರಗತಿಯ ಭರವಸೆಯಾಗಿದೆ ಎಂದು ಅಧ್ಯಕ್ಷ ಮುಖೇಶ್ ಅಂಬಾನಿ ಎಜಿಎಂನಲ್ಲಿ ಹೇಳಿದರು.