ಚಿತ್ರದುರ್ಗ ಆ. 01: ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತು (ರಿ.), ಮೈಸೂರು ಇಲ್ಲಿಗೆ ಕೆ.ಎಂ. ವೀರೇಶ್‍ರವರನ್ನು ‘ಉಪಾಧ್ಯಕ್ಷ’ರನ್ನಾಗಿ ನೇಮಕ ಮಾಡಲಾಗಿದೆ ಎಂದು ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷರಾದ ಡಾ. ಸಿ. ಸೋಮಶೇಖರ ತಿಳಿಸಿದ್ದಾರೆ.
ವರದಿ ಮತ್ತು ಫೋಟೋ ಕೃಪೆ ಸುರೇಶ್ ಪಟ್ಟಣ್, ಮೊ : 98862 95817
ತಮ್ಮ ಸಾರ್ವಜನಿಕ ಸೇವೆ ಹಾಗೂ ಶರಣ ಸಾಹಿತ್ಯದ ಬಗ್ಗೆ ತಮಗಿರುವ ಆಸಕ್ತಿ ಹಾಗೂ ಸಂಘಟನಾ ಸಾಮರ್ಥವನ್ನು ಪರಿಗಣಿಸಿ ತಮ್ಮನ್ನು ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ನಿಯಮಾವಳಿ 13(ಅ) – ಇದರ ಮೇರೆಗೆ ಪರಿಷತ್ತಿನ ಗೌರವಾಧ್ಯಕ್ಷರ ಜೊತೆಗೆ ಸಮಾಲೋಚಿಸಿ, ಅವರ ಒಪ್ಪಿಗೆ ಪಡೆದು ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ‘ಉಪಾಧ್ಯಕ್ಷ’ರನ್ನಾಗಿ ನೇಮಕ ಮಾಡಲಾಗಿದೆ. ಈ
ಆದೇಶವು ತಾವು ಅಧಿಕಾರ ವಹಿಸಿಕೊಂಡ ದಿನದಿಂದ ಜಾರಿಗೆ ಬರುತ್ತದೆ.ಮುಂದಿನ ಆದೇಶದವರೆವಿಗೂ ತಾವು ಅವರು ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ‘ಉಪಾಧ್ಯಕ್ಷ’ ಜವಾಬ್ದಾರಿಯನ್ನು ವಹಿಸಿಕೊಂಡು ಕಾರ್ಯನಿರ್ವಹಿಸಬೇಕಾಗಿ ಕೋರಲಾಗಿದೆ ಎಂದು ಆದೇಶ
ಪತ್ರದಲ್ಲಿ ತಿಳಿಸಿದ್ದಾರೆ
