Sports

MLC 2023: ಮಜರ ಲಗ ಟರನಗ ಮಬ ಇಡಯನಸ ಫರಚಸ ತಡ ಪರಕಟ

June 18, 2023
samagrasuddi

MLC 2023: ಅಮೆರಿಕದಲ್ಲಿ ನಡೆಯಲಿರುವ ಹೊಸ ಟಿ20 ಲೀಗ್​ "ಮೇಜರ್ ಲೀಗ್​ ಕ್ರಿಕೆಟ್" ಟೂರ್ನಿಗಾಗಿ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯು MI ನ್ಯೂಯಾರ್ಕ್​ ತಂಡವನ್ನು ಪ್ರಕಟಿಸಿದೆ.ವಿಶೇಷ ಎಂದರೆ ಐಪಿಎಲ್​ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡಿದ್ದ ಬಹುತೇಕ ಆಟಗಾರರನ್ನೇ ಎಂಐ ನ್ಯೂಯಾರ್ಕ್ ತಂಡಕ್ಕೆ ಆಯ್ಕೆ ಮಾಡಲಾಗಿದೆ. ಅದರಂತೆ MI ನ್ಯೂಯಾರ್ಕ್ ತಂಡಕ್ಕೆ ಆಯ್ಕೆಯಾದ ವಿದೇಶಿ ಆಟಗಾರರ ಪಟ್ಟಿ ಈ ಕೆಳಗಿನಂತಿದೆ...ಜೇಸನ್ ಬೆಹ್ರೆಂಡಾರ್ಫ್: ಪ್ರಸ್ತುತ ಮುಂಬೈ ಇಂಡಿಯನ್ಸ್ ತಂಡದಲ್ಲಿರುವ ಆಸ್ಟ್ರೇಲಿಯಾದ ವೇಗದ ಬೌಲರ್ ಜೇಸನ್ ಬೆಹ್ರೆಂಡಾರ್ಫ್ MI ನ್ಯೂಯಾರ್ಕ್ ಪರ ಕಣಕ್ಕಿಳಿಯಲಿದ್ದಾರೆ.ಡೆವಾಲ್ಡ್ ಬ್ರೆವಿಸ್: ಮುಂಬೈ ಇಂಡಿಯನ್ಸ್ ತಂಡದ ಯುವ ಆಟಗಾರ ಸೌತ್ ಆಫ್ರಿಕಾ ಡೆವಾಲ್ಡ್ ಬ್ರೆವಿಸ್ ಕೂಡ ಎಂಐ ನ್ಯೂಯಾರ್ಕ್​ ಪರ ಆಡಲಿದ್ದಾರೆ.ಟಿಮ್ ಡೇವಿಡ್: ಮುಂಬೈ ಇಂಡಿಯನ್ಸ್ ತಂಡದ ಹೊಡಿಬಡಿ ದಾಂಡಿಗ ಟಿಮ್ ಡೇವಿಡ್ ಕೂಡ ಎಂಐ ನ್ಯೂಯಾರ್ಕ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.ರಶೀದ್ ಖಾನ್: ಸೌತ್ ಆಫ್ರಿಕಾ ಟಿ20 ಲೀಗ್​ನಲ್ಲಿ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯ ಎಂಐ ಕೇಪ್​ಟೌನ್ ತಂಡದ ಆಟಗಾರನಾಗಿರುವ ರಶೀದ್ ಖಾನ್, ಇದೀಗ ಎಂಐ ನ್ಯೂಯಾರ್ಕ್ ಪರ ಕಣಕ್ಕಿಳಿಯಲಿದ್ದಾರೆ.ನಿಕೋಲಸ್ ಪೂರನ್: ಮುಂಬೈ ಇಂಡಿಯನ್ಸ್ ತಂಡದ ಮಾಜಿ ಆಟಗಾರ ನಿಕೋಲಸ್ ಪೂರನ್ ಈ ಬಾರಿ ಎಂಐ ನ್ಯೂಯಾರ್ಕ್ ಪರ ಆಡಲಿರುವುದು ವಿಶೇಷ.ಕಗಿಸೊ ರಬಾಡ: ಸೌತ್ ಆಫ್ರಿಕಾ ಟಿ20 ಲೀಗ್​ನಲ್ಲಿ ಎಂಐ ಕೇಪ್​ಟೌನ್ ಪರ ಆಡಿರುವ ಕಗಿಸೊ ರಬಾಡ ಅವರನ್ನು ಎಂಐ ನ್ಯೂಯಾರ್ಕ್ ತಂಡಕ್ಕೂ ಆಯ್ಕೆ ಮಾಡಲಾಗಿದೆ.ಡೇವಿಡ್ ವೀಸ: ಐಪಿಎಲ್​ನಲ್ಲಿ ಕೆಕೆಆರ್ ಪರ ಕಣಕ್ಕಿಳಿದಿರುವ ನಮೀಬಿಯಾ ತಂಡದ ಹಿರಿಯ ಆಟಗಾರ ಡೇವಿಡ್ ವೀಸ ಅವರು ಕೂಡ ಎಂಐ ನ್ಯೂಯಾರ್ಕ್ ತಂಡದಲ್ಲಿ ಕಾಣಿಸಿಕೊಂಡಿದ್ದಾರೆ.ಕೀರನ್ ಪೊಲಾರ್ಡ್​: ಮುಂಬೈ ಇಂಡಿಯನ್ಸ್ ತಂಡದ ಬ್ಯಾಟಿಂಗ್ ಕೋಚ್ ಕೀರನ್ ಪೊಲಾರ್ಡ್ ಇದೀಗ ಎಂಐ ನ್ಯೂಯಾರ್ಕ್​ ಪರ ಆಟಗಾರನಾಗಿ ಕಣಕ್ಕಿಳಿಯುತ್ತಿರುವುದು ವಿಶೇಷ. ಎಂಐ ನ್ಯೂಯಾರ್ಕ್​ ತಂಡದ ದೇಶೀಯ (ಯುಎಸ್​ಎ) ಆಟಗಾರರು: ಎಹ್ಸಾನ್ ಆದಿಲ್, ಹಮ್ಮದ್ ಅಜಮ್, ಸಾಯಿದೀಪ್ ಗಣೇಶ್, ಶಯಾನ್ ಜಹಾಂಗೀರ್, ನೋಥುಶ್ ಕೆಂಜಿಗೆ, ಸರ್ಬ್ಜೀತ್ ಲಡ್ಡಾ, ಮೊನಾಂಕ್ ಪಟೇಲ್, ಕೈಲ್ ಫಿಲಿಪ್, ಸ್ಟೀವನ್ ಟೇಲರ್.ಮೇಜರ್ ಲೀಗ್ ಕ್ರಿಕೆಟ್ ಟೂರ್ನಿಯು ಜುಲೈ 13 ರಿಂದ ಶುರುವಾಗಲಿದ್ದು, ಈ ಟೂರ್ನಿಯಲ್ಲಿ ಒಟ್ಟು 6 ತಂಡಗಳು ಸೆಣಸಲಿದೆ. ವಿಶೇಷ ಎಂದರೆ ಈ ಆರು ತಂಡಗಳಲ್ಲಿ 4 ತಂಡಗಳನ್ನು ಐಪಿಎಲ್ ಫ್ರಾಂಚೈಸಿಗಳು ಖರೀದಿಸಿರುವುದು ವಿಶೇಷ. ಅದರಂತೆ ಚೆನ್ನೈ ಸೂಪರ್ ಕಿಂಗ್ಸ್ (ಟೆಕ್ಸಾಸ್ ಸೂಪರ್ ಕಿಂಗ್ಸ್), ಮುಂಬೈ ಇಂಡಿಯನ್ಸ್ (MI ನ್ಯೂಯಾರ್ಕ್), ಕೋಲ್ಕತ್ತಾ ನೈಟ್ ರೈಡರ್ಸ್ (ಲಾಸ್ ಏಂಜಲೀಸ್ ನೈಟ್ ರೈಡರ್ಸ್), ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ (ಸಿಯಾಟಲ್ ಓರ್ಕಾಸ್) ಫ್ರಾಂಚೈಸಿಗಳ 4 ತಂಡಗಳು ಹೊಸ ಲೀಗ್​ನಲ್ಲಿ ಕಣಕ್ಕಿಳಿಯಲಿದೆ.

source https://tv9kannada.com/photo-gallery/cricket-photos/mlc-2023-mumbai-indians-new-york-squad-for-mlc-kannada-news-zp-603456.html

Views: 0

Leave a Reply

Your email address will not be published. Required fields are marked *