ಪ್ಯಾರಾ ಏಷ್ಯನ್ ಗೇಮ್ಸ್: ಜಾವಲಿನ್ ಥ್ರೋನಲ್ಲಿ ಭಾರತಕ್ಕೆ ಚಿನ್ನದ ಗರಿ.. ಮುಂದುವರಿದ ಪದಕಗಳ ಬೇಟೆ

ಪ್ಯಾರಾ ಏಷ್ಯನ್ ಗೇಮ್ಸ್ನ ಜಾವಲೀನ್ ಥ್ರೋನಲ್ಲಿ ಭಾರತ ಚಿನ್ನದ ಪದಕ ಗೆದ್ದುಕೊಂಡಿದೆ.

ಹ್ಯಾಂಗ್ಝೌ: ಚೀನಾದ ಹ್ಯಾಂಗ್ಝೌನಲ್ಲಿ ನಡೆಯುತ್ತಿರುವ ಪ್ಯಾರಾ ಏಷ್ಯನ್ ಗೇಮ್ಸ್ನ ಮೂರನೇ ದಿನ ಜಾವಲಿನ್ ಥ್ರೋನಲ್ಲಿ ಭಾರತ ಚಿನ್ನದ ಪದಕ ಗೆದ್ದಿದೆ. ಪುರುಷರ ಎಫ್37 ಈವೆಂಟ್ನಲ್ಲಿ ಭಾರತದ ಹ್ಯಾನಿ 55.97 ಮೀಟರ್‌ ದೂರ ಭರ್ಜಿ ಎಸೆಯುವ ಮೂಲಕ ಹಿಂದಿನ 46.28 ಮೀಟರ್‌ಗಳ ಪ್ಯಾರಾ ಏಷ್ಯನ್ ಗೇಮ್ಸ್ ದಾಖಲೆಯನ್ನು ಮುರಿದಿದ್ದಾರೆ.

ಇವರ ಹೊರತಾಗಿ ಭಾರತ್ ಬಾಬಿ ಕೂಡ ಇದೇ ಸ್ಪರ್ಧೆಯಲ್ಲಿ 42.23 ಮೀಟರ್‌ಗಳೊಂದಿಗೆ ಆರನೇ ಸ್ಥಾನ ಪಡೆದಿದ್ದಾರೆ.

ಇದಕ್ಕೂ ಮೊದಲು ಸುಮಿತ್ ಆಂಟಿಲ್ ಮತ್ತು ಪುಷ್ಪೇಂದ್ರ ಸಿಂಗ್ ಅವರು ಪುರುಷರ ಎಫ್ 64 ಜಾವೆಲಿನ್ ಥ್ರೋ ಈವೆಂಟ್‌ನಲ್ಲಿ ಕ್ರಮವಾಗಿ ಚಿನ್ನ ಮತ್ತು ಕಂಚಿನ ಪದಕಗಳನ್ನು ಜಯಿಸಿದ್ದಾರೆ. ಆಂಟಿಲ್ 73.29 ಮೀಟರ್ ದೂರ ಭರ್ಜಿ ಎಸೆಯುವ ಮೂಲಕ ತಮ್ಮದೇ ಆದ ವಿಶ್ವ ದಾಖಲೆಯನ್ನು ಮುರಿದರು. ಮೊದಲ ಥ್ರೋನಲ್ಲಿ 66.22 ಮೀ ಎಸೆಯುವುದರೊಂದಿಗೆ ಪ್ರಾರಂಭಿಸಿದ ಅವರು ಎರಡನೇ ಪ್ರಯತ್ನದಲ್ಲಿ 70.48 ಮೀಟರ್‌ ಮತ್ತು ಅಂತಿಮವಾಗಿ ಮೂರನೇ ಪ್ರಯತ್ನದಲ್ಲಿ 73.29 ಮೀ ದೂರ ಭರ್ಜಿ ಎಸೆದು ತಮ್ಮದೆ ಆದ ದಾಖಲೆ ಮುರಿದು ಚಿನ್ನದ ಪದಕವನ್ನು ಗೆದ್ದರು.

ಟೇಬಲ್ ಟೆನಿಸ್ನಲ್ಲಿ ಕಂಚು: ಪುರುಷರ ಟೇಬಲ್ ಟೆನಿಸ್ ಸಿಂಗಲ್ಸ್ ವಿಭಾಗದಲ್ಲಿ ಸಂದೀಪ್ ಡಾಂಗಿ ಅದ್ಭುತ ಪ್ರದರ್ಶನ ತೋರಿ ಕಂಚಿನ ಪದಕವನ್ನು ಗೆದ್ದಿದ್ದಾರೆ. ಮತ್ತೊಂದೆಡೆ ಬ್ಯಾಡ್ಮಿಂಟನ್ ಮಿಶ್ರ ಡಬಲ್ಸ್ SL3-SU5ನಲ್ಲಿ ತುಳಸಿಮತಿ ಮುರುಗೇಶನ್ ಜೋಡಿ ಕಂಚಿನ ಪದಕವನ್ನು ಗೆದ್ದಿದ್ದಾರೆ.

ಡಿಸ್ಕಸ್ ಥ್ರೋನಲ್ಲಿ ಭಾರತಕ್ಕೆ ಬೆಳ್ಳಿ: ಮಹಿಳೆಯರ ಡಿಸ್ಕಸ್ ಥ್ರೋ-F54/55 ಈವೆಂಟ್‌ನಲ್ಲಿ ಭಾರತದ ನಾರಿ ಪೂಜಾ ಅವರು 18.17 ಎಸೆತದೊಂದಿಗೆ ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿದ್ದಾರೆ.

ಆರ್ಚರಿಯಲ್ಲಿ ಕಂಚು: ಮಹಿಳೆಯರ ಆರ್ಚರಿ ಡಬಲ್ಸ್ ಕಾಂಪೌಂಡ್ ಈವೆಂಟ್ನಲ್ಲಿ ಭಾರತದ ಪ್ಯಾರಾ ಆರ್ಚರ್ಸ್ ಶೀತಲ್ ದೇವಿ ಮತ್ತು ಸರಿತಾ ಸುರಕ್ಷಿತ ಬೆಳ್ಳಿ ಪದಕ ಗೆದ್ದಿದ್ದಾರೆ. ಆದರೆ, ಫೈನಲ್ನಲ್ಲಿ ಚೀನಾ ವಿರುದ್ಧ 152 – 150 ಅಂತರದಿಂದ ಭಾರತ ಸೋಲನುಭವಿಸಿತು. ಇದಕ್ಕೂ ಮುನ್ನ ಪುರುಷರ ಡಬಲ್ಸ್ ರಿಕರ್ವ್ನಲ್ಲಿ ಆರ್ಚರಿ ಹರ್ವಿಂದರ್ ಸಿಂಗ್ ಮತ್ತು ಸಾಹಿಲ್ ಜೋಡಿ ಕಂಚಿನ ಪದಕವನ್ನು ಗೆದ್ದಿದ್ದಾರೆ.

ಬ್ಯಾಡ್ಮಿಂಟನ್ನಲ್ಲಿ ಕಂಚು: ಮಹಿಳೆಯರ ಬ್ಯಾಡ್ಮಿಂಟನ್ ಸಿಂಗಲ್ಸ್ -ಎಸ್ಎಲ್-3 ಈವೆಂಟ್ನಲ್ಲಿ ಪ್ಯಾರಾ ಬ್ಯಾಡ್ಮಿಂಟನ್ ಮಾನ್ಸಿ ಜೋಶಿ ಕಂಚಿನ ಪದಕಕ್ಕೆ ಮುತ್ತಿಕ್ಕಿದ್ದಾರೆ.

200 ಮೀ ಓಟದ ಸ್ಪರ್ಧೆಯಲ್ಲಿ ಕಂಚು: ಪುರುಷರ 200 ಮೀಟರ್ ಓಟದಲ್ಲಿ ಭಾರತದ ಅಥ್ಲೀಟಿ ನಾರಾಯಣ ಠಾಕೂರ್ 29.83 ಸೆಕೆಂಡ್ನಲ್ಲಿ ಗುರಿಯನ್ನು ತಲುಪುವ ಮೂಲಕ ಕಂಚಿನ ಪದಕಕ್ಕೆ ಕೊರಳೊಡ್ಡಿದ್ದಾರೆ.

ಇದರೊಂದಿಗೆ ಭಾರತ ಪ್ಯಾರಾ ಏಷ್ಯನ್ ಗೇಮ್ಸ್ 2023ರ ಪದಕಗಳ ಸಂಖ್ಯೆಯು 43 ಆಗಿದೆ. ಇದರಲ್ಲಿ 11 ಚಿನ್ನ, 14 ಬೆಳ್ಳಿ ಮತ್ತು 18 ಕಂಚು ಸೇರಿವೆ. ಅಂಕಪಟ್ಟಿಯಲ್ಲಿ ಭಾರತದ 5ನೇ ಸ್ಥಾನದಲ್ಲಿದೆ.

Source : https://m.dailyhunt.in/news/india/kannada/etvbhar9348944527258-epaper-etvbhkn/pyaara+eshyan+gems+jaavalin+thronalli+bhaaratakke+chinnadha+gari+munduvaridha+padakagala+bete-newsid-n550382286?listname=newspaperLanding&topic=homenews&index=12&topicIndex=0&mode=pwa&action=click

ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು

WhatsApp Group : https://chat.whatsapp.com/KnDIfiBURQ9G5sLEJLqshk

Facebook page: https://www.facebook.com/samagrasudii

Sharechat: https://sharechat.com/profile/edu514826335?d=n

Twitter: https://twitter.com/SuddiSamagra

Threads: https://www.threads.net/@samagrasuddi.co.in

Instagram: https://www.instagram.com/samagrasuddi.co.in/

Telegram: https://t.me/+E1ubNzdguQ5jN2Y1