ಬೆಲೆ ಏರಿಕೆಯಿಂದ ಬಡವಾಯ್ತು ಜನಸಾಮಾನ್ಯನ‌ ಜೀವನ

ಜನ ಸಾಮಾನ್ಯರಿಗೆ ಬೆಲೆ ಏರಿಕೆ ಬಿಸಿ. ಒಂದೆಡೆ ವಿದ್ಯುತ್ ಶಾಕ್, ಇನ್ನೊಂದೆಡೆ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದಾಗಿ ಜನ ಸಾಮಾನ್ಯರ ಜೇಬಿಗೆ ಕತ್ತರಿ ಬೀಳುತ್ತಿದ್ದರೆ, ಮತ್ತೊಂದೆಡೆ ತರಕಾರಿ ಅಂಗಡಿಗೆ ಹೋದ್ರು ಶಾಕ್ , ದಿನಸಿ ಅಂಗಡಿಗೆ ಹೋದ್ರು ಶಾಕ್! ತಲೆ ಕೆಟ್ಟು ಎಣ್ಣೆ ಅಂಗಡಿಗೆ ಹೋದ್ರು ದರ ಏರಿಕೆಯಿಂದ ತಲೆ ಗಿರ್ಗಿಟ್ಲೆ ಹೊಡೆಯೋದು ಪಕ್ಕಾ!

Price Hike: ರಾಜ್ಯದಲ್ಲಿ ನೂತನ ಸರ್ಕಾರ ಅಧಿಕಾರಕ್ಕೆ ಬಂದ ಬಳಿಕ ಕಾಂಗ್ರೆಸ್ ಸರ್ಕಾರದಿಂದ ನೀಡಲಾಗುತ್ತಿರುವ “ಪಂಚ ಗ್ಯಾರೆಂಟಿ”ಗಳ ಖುಷಿ ಬೆನ್ನಲ್ಲೆ ಜನ ಸಾಮಾನ್ಯರಿಗೆ ದರ ಏರಿಕೆ ಶಾಕ್ ಉಂಟಾಗಿದೆ. ಒಂದೆಡೆ ವಿದ್ಯುತ್ ಶಾಕ್, ಇನ್ನೊಂದೆಡೆ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದಾಗಿ ಜನ ಸಾಮಾನ್ಯರ ಜೇಬಿಗೆ ಕತ್ತರಿ ಬೀಳುತ್ತಿದ್ದರೆ, ಮತ್ತೊಂದೆಡೆ ತರಕಾರಿ ಅಂಗಡಿಗೆ ಹೋದ್ರು ಶಾಕ್ , ದಿನಸಿ ಅಂಗಡಿಗೆ ಹೋದ್ರು ಶಾಕ್! ತಲೆ ಕೆಟ್ಟು ಎಣ್ಣೆ ಅಂಗಡಿಗೆ ಹೋದ್ರು ದರ ಏರಿಕೆಯಿಂದ ತಲೆ ಗಿರ್ಗಿಟ್ಲೆ ಹೊಡೆಯೋದು ಪಕ್ಕಾ ಆಗಿದೆ. 

ಹೌದು, ದಿನೇ ದಿನೇ ಅಗತ್ಯ ವಸ್ತುಗಳ ಬೆಲೆ ಗಗನಕ್ಕೇರುತ್ತಿದ್ದು ಜನಸಾಮಾನ್ಯರು ಈಗಾಗಲೇ ಪೆಟ್ರೋಲ್, ವಿದ್ಯುತ್ ದರಗಳ ಏರಿಕೆಯಿಂದ ಬಸವಳಿದಿದ್ದ ಸಾಮಾನ್ಯರಿಗೆ ಗಗನಾಮುಖಿ ಆಗುತ್ತಿರುವ ತರಕಾರಿ, ದಿನಸಿ ಬೆಲೆಗಳು ಮತ್ತಷ್ಟು ಹೊರೆಯಾಗಿವೆ. ಅಷ್ಟಕ್ಕೂ ರಾಜ್ಯದಲ್ಲಿ ದಿನಸಿ ಸೊಪ್ಪು-ತರಕಾರಿಗಳ ಬೆಲೆ ಏರಿಕೆಗೆ ಕಾಣವಾದರೂ ಏನು ಎಂದು ನೋಡುವುದಾದರೆ… 

ರಾಜ್ಯದಲ್ಲಿ ಸೃಷ್ಟಿಯಾಗಲಿದಿಯಾ ಆಹಾರ ವಸ್ತುಗಳ ಅಭಾವ!
ಸೊಪ್ಪು ತರಕಾರಿಗಳಿಗೆ ಮಳೆ ಸಮಸ್ಯೆ ಕಾರಣ ಎನ್ನಬಹುದು. ಆದರೂ, ಬೇಳೆ ಕಾಳುಗಳ ಅಭಾವಕ್ಕೆ ಕಾರಣವೇನು….? ಮಳೆ ಅಭಾವ ಒಂದೇ ಕಾರಣಕ್ಕೆ ಪರಿಸ್ಥಿತಿ ಕೈ ಮೀರುತ್ತಿದೀಯಾ…? ಅಥವಾ ರಾಜ್ಯದಲ್ಲಿ ಕೃತಕ ಅಭಾವ ಸೃಷ್ಟಿ ಮಾಡಲಾಗ್ತಿದೀಯಾ…?
ಈ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿರುವ ವ್ಯಾಪಾರಿಗಳು ಕೃತಕ ಅಭಾವ ಸೃಷ್ಠಿ ಬಗ್ಗೆ ಸಂದೇಹ ವ್ಯಕ್ತಪಡಿಸುತ್ತಿದ್ದಾರೆ. 

ಈಗಾಗಲೇ ಕಳೆದ ಕೆಲ ತಿಂಗಳಿನಿಂದಲೂ ಒಂದಲ್ಲ ಒಂದು ವಸ್ತುಗಳ ಬೆಲೆ ಏರಿಕೆಯಿಂದ ಕಂಗೆಟ್ಟಿರೋ ಜನ ಸಾಮಾನ್ಯರಿಗೆ  ಈಗ ಮತ್ತೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ.  ಅಷ್ಟಕ್ಕೂ ತರಕಾರಿ, ದಿನಸಿ ವಸ್ತುಗಳ ಈ ಪ್ರಮಾಣದ ಅಭಾವಕ್ಕೆ ಕಾರಣವೇನು…? 
* ರಾಜ್ಯದಲ್ಲಿ ಅನೇಕ ಕಡೆ ಮಳೆ ಅಭಾವದಿಂದ ಅಪಾರ ಪ್ರಮಾಣದ ಬೆಳೆ ನಷ್ಟವಾಗಿದೆ. 
* ಅಷ್ಟೇ ಅಲ್ಲದೆ, ನೆರೆಯ ರಾಜ್ಯಗಳಲ್ಲೂ ಇದೇ ಪರಿಸ್ಥಿತಿ ಎದುರಾಗಿರುವುದರಿಂದ ಅಗತ್ಯ ವಸ್ತುಗಳ ಪೂರೈಕೆಯಲ್ಲಿಯೂ ಇಳಿಕೆ ಕಂಡು ಬಂದಿದೆ. 
* ಕಳೆದ ಬಾರಿ ಅತಿವೃಷ್ಠಿ ಮತ್ತು ನೆಟೆ ರೋಗಕ್ಕೆ 70% ನಷ್ಟು ತೊಗರಿ ಬೆಳೆ ನಷ್ಟವಾಗಿತ್ತು.
* ಅತಿವೃಷ್ಟಿಯಿಂದ ಹಲಸಂದಿ, ಹುರುಳಿ ಬೇಳೆ ಕೂಡ ನಷ್ಟವಾಗಿದ್ದು ದರ ಏರಿಕೆ ಕಂಡಿದೆ.
ಈ ಬಾರಿ ಕೂಡ ಮುಂಗಾರು ರಾಜ್ಯದ ಹಲವೆಡೆ ಕೈ ಕೊಟ್ಟ ಹಿನ್ನೆಲೆ ಬೆಳೆ ನಷ್ಟವಾಗಿರೋದು ಈ ಪ್ರಮಾಣದ ಬೆಲೆ ಏರಿಕೆಗೆ ಕಾರಣವಾಗಿದೆ ಎಂದು ಹೇಳಲಾಗುತ್ತಿದೆ. 

ಬೇಳೆಕಾಳುಗಳು	ಹಳೆಯ ದರ (ರೂಪಾಯಿಗಳಲ್ಲಿ)	ಹೊಸ ದರ (ರೂಪಾಯಿಗಳಲ್ಲಿ)
ತೊಗರಿ ಬೇಳೆ	125	160
ಹೆಸರುಬೇಳೆ	74	105
ಅವರೆ ಬೇಳೆ	140	180
ಉದ್ದಿನ ಬೇಳೆ	100	135
ಜೀರಿಗೆ	186	600
ಹಲಸಂದಿ	100	120
ಹುರುಳಿ	60	105
ಹುಣಸೆಹಣ್ಣು	126	180
ರಾಜ್ಮಾ	99	135
ಮೆಣಸಿನ ಪುಡಿ	186	425
ದನಿಯಾ ಪೌಡರ್	150	218
ಮೆಣಸು	380	529
ಏಲಕ್ಕಿ	1150	1850
ಬ್ಯಾಡಗಿ ಮೆಣಸಿನಕಾಯಿ	330	850
ಗೋಧಿ ಹಿಟ್ಟು	26	32
ಮೈದಾ	28	36

ತರಕಾರಿಗಳು	ಕಳೆದ ವಾರದ ಬೆಲೆ(ರೂಪಾಯಿಗಳಲ್ಲಿ)	ಈ ವಾರದ ಬೆಲೆ (ರೂಪಾಯಿಗಳಲ್ಲಿ)
ಬೀನ್ಸ್	60	110
ಕ್ಯಾರೇಟ್	50	90
ಮೂಲಂಗಿ	25	49
ನುಗ್ಗೆಕಾಯಿ	80	100
ಬೀಟ್ ರೂಟ್	35	50
ಹಸಿಮೆಣಸಿನಕಾಯಿ	95	115
ಬೆಂಡೆಕಾಯಿ	30	54
ಬೆಳ್ಳುಳ್ಳಿ	145	170
ಟಮೋಟೊ	35	65
ಕರಿಬೇವು	50	80
ಕೊತ್ತಂಬರಿ ಸೊಪ್ಪು(ಕಂತೆ)	10	45
ನವಿಲು ಕೋಸು	35	70
ಶುಂಠಿ	120	200

ಹಣ್ಣುಗಳು	ಕಳೆದ ವಾರದ ಬೆಲೆ (ರೂಪಾಯಿಗಳಲ್ಲಿ)	ಈ ವಾರದ ಬೆಲೆ (ರೂಪಾಯಿಗಳಲ್ಲಿ)
ಸೇಬು	180	288
ಮೂಸಂಬಿ	70	114
ದಾಳಿಂಬೆ	180	278
ಅನಾನಸ್	40	60
ಸಪೋಟ	80	107
ಏಲಕ್ಕಿ ಬಾಳೆ	60	74

ಮದ್ಯ ಪ್ರಿಯರನ್ನೂ ಕಾಡ್ತಿದೆ ಬೆಲೆ ಏರಿಕೆ ಬಿಸಿ!
ಮದ್ಯ ಪ್ರಿಯರಿಗೂ ಕುಡಿಯೋ ಮುಂಚೇನೆ ಕಿಕ್ ಏರಿಸುತ್ತಿರೋ ಕೆಲ ಮದ್ಯಗಳ ದರ.
>> ಕಳೆದ 15 ದಿನಗಳಿಂದ ಬಿಯರ್ ಪ್ರಿಯರಿಗೆ ದರ ಏರಿಕೆ ಬರೆ.
>> ಕುಡಿಯೋ ಮುಂಚೆ ದರ ಕೇಳಿದ್ರೆನೆ ತಲೆ ಗಿರ್ ಗಿಟ್ಲೇ.
>> ಪ್ರತಿ ಬಿಯರ್ ಮೇಲೂ 10ರಿಂದ 20 ರೂ ಏರಿಕೆ.
>> ಇತ್ತ ಸರ್ಕಾರ ಸುಂಕ ಏರಿಕೆ ಮಾಡದೇ ಇದ್ದರೂ ಮದ್ಯ ಪ್ರಿಯರಿಗೆ ಶಾಕ್ ಕೊಟ್ಟಿರೋ ಬಿಯರ್ ಉತ್ಪಾದನೆ ಕಂಪನಿಗಳು.
>> ಇತ್ತ ಮತ್ತೆ ಹೊಸ ಬಜೆಟ್ ನಲ್ಲಿ ಅಬಕಾರಿ ಸುಂಕ ಹೆಚ್ಚಳದ ಭೀತಿ ಬೇರೆ.
>> ಸದ್ಯ ಕುಡಿದಾಗ ಕಿಕ್ ಏರಿದ್ರು, ಬಿಲ್ ಕೊಡುವಾಗಲೇ ಕಿಕ್ ಇಳಿಯೋ ಸ್ಥಿತಿಯಲ್ಲಿ ಮದ್ಯ ಪ್ರಿಯರು.

ಬಿಯರ್ ಗಳ ಹೆಸರು	ಹಳೆಯ ದರ (ರೂಪಾಯಿಗಳಲ್ಲಿ)	ಹೊಸ ದರ (ರೂಪಾಯಿಗಳಲ್ಲಿ)
ಬಡ್ ವೈಸರ್	198	220
ಕಾರ್ಲ್ಸ್ ಬರ್ಗ್	190	220
ಬ್ಲಾಕ್ ಫೋಟ್	135	155
ಟುಬರ್ಗ್	140	150
ಹೇನಿಕೇನ್	210	235
ಕೊರೋನಾ	220	235
ಕಿಂಗ್ ಫಿಶರ್	160	170
ಯುಬಿ ಪ್ರೀಮಿಯಂ	125	135
ಯುಬಿ ಸ್ಟ್ರಾಂಗ್	130	135
ಕಿಂಗ್ ಫಿಶರ್ ಅಲ್ಟ್ರಾ	190	220

ಅತ್ತ ಅಗತ್ಯ ವಸ್ತುಗಳ ಬೆಲೆ ಏರಿಕೆ ಬೆನ್ನಲ್ಲೆ ಹೊಟೇಲ್ ಮಾಲೀಕರಿಂದಲೂ ಶಾಕ್..!?
ವಿದ್ಯುತ್ ದರ, ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ಕಂಗೆಟ್ಟ ಹೊಟೇಲ್ ಉದ್ಯಮದಿಂದಲೂ ಜನಸಾಮಾನ್ಯನಿಗೆ ಬರೆ ಎಳೆಯುವ ನಿರೀಕ್ಷೆಯಿದೆ. ಸದ್ಯದಲ್ಲೇ ಹೊಟೇಲ್ ತಿಂಡಿ ತಿನಿಸುಗಳು ದುಬಾರಿಯಾಗುವ ಸಾಧ್ಯತೆ ಇದೆ. ವಿದ್ಯುತ್, ಅಕ್ಕಿ, ಕಾಳು, ಸೊಪ್ಪು, ತರಕಾರಿ ದರ ಏರಿಕೆ ಬೆನ್ನಲ್ಲೆ ಹೊಟೇಲ್ ಗಳಲ್ಲಿ ಬೆಲೆ ಏರಿಕೆ ಬಗ್ಗೆ ಬಿಸಿ ಬಿಸಿ ಚರ್ಚೆ ಆರಂಭವಾಗಿದೆ. ದರ ಏರಿಕೆಯ ಹೊಡೆತದಿಂದ ಉದ್ಯಮದ ಮೇಲೆ ಪರಿಣಾಮ ಬೀರಿದೆ ಎಂದು ಅಳಲು ತೋಡಿಕೊಂಡಿರುವ ಹೊಟೇಲ್ ಮಾಲೀಕರು, ಹೋಟೆಲ್ಗಳಲ್ಲಿ ಕಾಫಿ, ಟೀ, ತಿಂಡಿ ಬೆಲೆ ಏರಿಕೆಯ ಎಚ್ಚರಿಕೆ ಕೊಟ್ಟಿದ್ದು, ಅಗತ್ಯವಾಗಿ ನಾವು ಕೂಡ ದರ ಏರಿಕೆ ಮಾಡಲೇ ಬೇಕಾದ ಅನಿವಾರ್ಯತೆ ಎದುರಾಗಿದೆ ಎಂದು ತಿಳಿಸಿದ್ದಾರೆ. 

Source : https://zeenews.india.com/kannada/business/life-of-common-people-worsened-due-to-price-rise-grocery-fruits-vegetables-alcohol-price-heat-142212

Views: 0