Sports

UAE vs WI: ಬೌಂಡರಿ, ಸಿಕ್ಸರ್​ಗಳಿಂದಲೇ 72 ರನ್ ಚಚ್ಚಿದ ಕಿಂಗ್! ವಿಂಡೀಸ್​ಗೆ ಸುಲಭ ಜಯ

June 5, 2023
samagrasuddi

ಶಾರ್ಜಾದಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಯುಎಇ ತಂಡವನ್ನು 7 ವಿಕೆಟ್​ಗಳಿಂದ ಮಣಿಸಿದ ವೆಸ್ಟ್ ಇಂಡೀಸ್ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಸಾಧಿಸಿದೆ. ಚೊಚ್ಚಲ ಏಕದಿನ ಶತಕ ಸಿಡಿಸಿದ ಬ್ರೆಂಡನ್ ಕಿಂಗ್ ವೆಸ್ಟ್ ಇಂಡೀಸ್ ಗೆಲುವಿನ ರೂವಾರಿ ಎನಿಸಿಕೊಂಡರು.ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಯುಎಇ ತಂಡಕ್ಕೆ ಪೂರ್ಣ 50 ಓವರ್‌ಗಳನ್ನು ಆಡಲು ಸಾಧ್ಯವಾಗದೆ ಕೇವಲ 47.1 ಓವರ್‌ಗಳಲ್ಲೇ 202 ರನ್​ಗಳಿಗೆ ಆಲೌಟ್ ಆಯಿತು. ತಂಡದ ಅಲಿ ನಾಸರ್ ಗರಿಷ್ಠ 58 ರನ್ ಬಾರಿಸದರೆ, ಇವರನ್ನು ಹೊರತುಪಡಿಸಿ ವಿ.ಅರವಿಂದ್ 40 ರನ್​ಗಳ ಇನಿಂಗ್ಸ್ ಆಡಿದರು. ವೆಸ್ಟ್ ಇಂಡೀಸ್‌ ಪರ ಕೀಮೋ ಪೌಲ್ 3 ವಿಕೆಟ್ ಪಡೆದರು.ಇನ್ನು ಈ ಗುರಿ ಬೆನ್ನಟ್ಟಿದ ವಿಂಡೀಸ್ ಬ್ರೆಂಡನ್ ಕಿಂಗ್ ಅವರ ಶತಕ ಹಾಗೂ ಬ್ರೂಕ್ಸ್ ಅವರ 44 ರನ್​ಗಳ ನೆರವಿನಿಂದ ಕೇವಲ 3 ವಿಕೆಟ್ ಕಳೆದುಕೊಂಡು 36ನೇ ಓವರ್​ನಲ್ಲೇ ಗೆಲುವಿನ ದಡ ಸೇರಿತು. ಯುಎಇ ಪರ ಅಯಾನ್, ಜಹುರ್, ರೋಹನ್ ತಲಾ ಒಂದೊಂದು ವಿಕೆಟ್ ಪಡೆದರು.ಇನ್ನು ವಿಂಡೀಸ್ ಪರ ಚೊಚ್ಚಲ ಏಕದಿನ ಶತಕ ಬಾರಿಸಿದ ಕಿಂಗ್ ಆರಂಭಿಕರಾಗಿ ಕಣಕ್ಕಿಳಿದು, 140 ನಿಮಿಷಗಳ ಕಾಲ ಬ್ಯಾಟಿಂಗ್‌ ಮಾಡಿ 100 ರ ಸ್ಟ್ರೈಕ್ ರೇಟ್​ನಲ್ಲಿ 112 ರನ್ ಬಾರಿಸಿದರು. ತಮ್ಮ ಇನ್ನಿಂಗ್ಸ್​ನಲ್ಲಿ 112 ಎಸೆತಗಳನ್ನು ಎದುರಿಸಿದ ಕಿಂಗ್ 12 ಬೌಂಡರಿ ಮತ್ತು 4 ಸಿಕ್ಸರ್‌ ಕೂಡ ಸೇರಿಸಿದರು.ಇದು ಏಕದಿನ ಕ್ರಿಕೆಟ್‌ನಲ್ಲಿ ಬ್ರೆಂಡನ್ ಕಿಂಗ್ ಅವರ ಮೊದಲ ಶತಕವಾಗಿದೆ. ಇದಕ್ಕೂ ಮೊದಲು ಅವರು ಏಕದಿನ ಕ್ರಿಕೆಟ್​ನಲ್ಲಿ 4 ಅರ್ಧಶತಕಗಳನ್ನು ಬಾರಿಸಿದರು. ಈ ಶತಕ ಅವರ 23ನೇ ಏಕದಿನ ಪಂದ್ಯದಲ್ಲಿ ಬಂದಿತ್ತು. ಬ್ರೆಂಡನ್ ಕಿಂಗ್ ಅವರ ಶತಕದಿಂದಾಗಿ ವೆಸ್ಟ್ ಇಂಡೀಸ್ ಯುಎಇ ವಿರುದ್ಧದ ಪಂದ್ಯವನ್ನು 7 ವಿಕೆಟ್​ಗಳಿಂದ ಗೆದ್ದುಕೊಂಡಿತು.

source https://tv9kannada.com/photo-gallery/cricket-photos/uae-vs-wi-brandon-king-ton-sees-west-indies-cruise-to-victory-over-uae-in-first-odi-psr-594403.html

Leave a Reply

Your email address will not be published. Required fields are marked *