ಕ್ರೀಡಾ ವಿಭಾಗದಲ್ಲಿ ಅಸಾಧಾರಣ ಸಾಧನೆ ಮಾಡಿದ ಕ್ರೀಡಾಪಟುಗಳನ್ನು ಪ್ರೋತ್ಸಾಹಿಸಲು ಭಾರತೀಯ ರೈಲ್ವೇ ಇಲಾಖೆಯು ಕ್ರೀಡಾ ಕೋಟಾದಡಿ ಉದ್ಯೋಗಕ್ಕೆ ಅರ್ಜಿ ಆಹ್ವಾನಿಸಿದೆ. ಅಷ್ಟಕ್ಕೂ ಎಲ್ಲಿ ಅರ್ಜಿ ಸಲ್ಲಿಸಬೇಕು? ಉದ್ಯೋಗ ಪಡೆಯಲು ಅರ್ಹತೆಗಳೇನು? ಈ ಕುರಿತಾದ ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ ನೋಡಿ.
ರೈಲ್ವೆ ಕ್ರೀಡಾಪಟು ನೇಮಕಾತಿ
ಪೂರ್ವ ರೈಲ್ವೆ 60 ಕ್ರೀಡಾಪಟು ಹುದ್ದೆಗಳಿಗೆ ಆನ್‌ಲೈನ್ ಅರ್ಜಿಗಳನ್ನು ಆಹ್ವಾನಿಸಿದೆ. ಇದೇ 15.11.2024 ರಿಂದ 14.12.2024 ರವರೆಗೆ http://www.rrcer.org/ ನಲ್ಲಿ ಆನ್‌ಲೈನ್ ಮೂಲಕ ಅರ್ಹ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದಾಗಿದೆ. ಅರ್ಜಿದಾರರು ಉದ್ಯೋಗ ಅಧಿಸೂಚನೆಯನ್ನು ಎಚ್ಚರಿಕೆಯಿಂದ ಓದಬೇಕು ಎಂದು ಅರ್ಜಿಯಲ್ಲಿ ಸ್ಪಷ್ಟವಾಗಿ ತಿಳಿಸಿದೆ.
RRC ಪೂರ್ವ ರೈಲ್ವೆ ಗ್ರೂಪ್ C & D ನೇಮಕಾತಿ
ಗುಂಪು ‘C’, ಹಂತ-4/ಹಂತ-5 – ಪದವಿ ಅಥವಾ ಸಮಾನ. ಗುಂಪು ‘C’ ಹಂತ-2/ಹಂತ-3 – 12ನೇ ತರಗತಿ ಅಥವಾ ಸಮಾನ ಮತ್ತು ಐಟಿಐ ಅಥವಾ ಸಮಾನ. ಗುಂಪು ‘D’ ಹಂತ-1- 10ನೇ ತರಗತಿ ಅಥವಾ ಸಮಾನ ಅಥವಾ ಐಟಿಐ ಅಥವಾ ಸಮಾನ ವಿದ್ಯಾರ್ಹತೆಯನ್ನು ಹೊಂದಿರಬೇಕು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ರೈಲ್ವೆ ನೇಮಕಾತಿ 2024
01/04/2022 ರಿಂದ ಕ್ರೀಡಾ ಸಾಧನೆಗಳನ್ನು ಪರಿಗಣಿಸಲಾಗುತ್ತದೆ.
ವಯಸ್ಸಿನ ಮಿತಿ: ಕ್ರೀಡಾಪಟುಗಳು – ಕನಿಷ್ಠ 18 ವರ್ಷಗಳು ಮತ್ತು ಗರಿಷ್ಠ 25 ವರ್ಷಗಳು.
ಆಯ್ಕೆ ಪ್ರಕ್ರಿಯೆ: ಕ್ರೀಡಾ ಸಾಧನೆಗಳು, ಪ್ರಾವೀಣ್ಯತೆ, ದೈಹಿಕ ಸಾಮರ್ಥ್ಯ.
ಕ್ರೀಡಾ ಕೋಟಾ ಉದ್ಯೋಗಗಳು
ಅರ್ಜಿ ಶುಲ್ಕ: ಕೆಳಗೆ ತಿಳಿಸಲಾದವರನ್ನು ಹೊರತುಪಡಿಸಿ ಎಲ್ಲಾ ಅಭ್ಯರ್ಥಿಗಳಿಗೆ ರೂ. 500.
ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ, ಮಹಿಳೆಯರು, ಅಲ್ಪಸಂಖ್ಯಾತರು* ಮತ್ತು ಆರ್ಥಿಕವಾಗಿ ಹಿಂದುಳಿದ ವರ್ಗಗಳಿಗೆ* ರೂ. 250.
ಪೂರ್ವ ರೈಲ್ವೆ ವೆಬ್‌ಸೈಟ್‌ನಲ್ಲಿ (http://www.rrcer.org/) ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ.