ವಾಟ್ಸ್​ಆಯಪ್​​ ಡಬಲ್ ಟ್ಯಾಪ್ ಫೀಚರ್; ವಿಡಿಯೊ ಫಾರ್ವರ್ಡ್-ರಿವೈಂಡ್​ ಮಾಡುವುದಿನ್ನು ಸರಾಗ!​

ವಿಡಿಯೊಗಳನ್ನು ರಿವೈಂಡ್ ಅಥವಾ ಫಾರ್ವರ್ಡ್ ಮಾಡಲು ಅನುಕೂಲವಾಗುವ ಹೊಸ ಫೀಚರ್ ಅನ್ನು ವಾಟ್ಸ್​ಆಯಪ್ ಹೊರತರುತ್ತಿದೆ.​

ಬೆಂಗಳೂರು: ವಾಟ್ಸ್​ಆಯಪ್​​ನಲ್ಲಿ ವಿಡಿಯೋಗಳನ್ನು ಸರಾಗವಾಗಿ ಫಾರ್ವರ್ಡ್ ಅಥವಾ ರಿವೈಂಡ್ ಮಾಡುವ ಫೀಚರ್ ಶೀಘ್ರದಲ್ಲೇ ಲಭ್ಯವಾಗಲಿದೆ. ಯೂಟ್ಯೂಬ್​ನಲ್ಲಿ ವಿಡಿಯೋ ಫಾರ್ವರ್ಡ್​ ಅಥವಾ ರಿವೈಂಡ್ ಮಾಡುವ ರೀತಿಯಲ್ಲೇ ಇದು ಕೆಲಸ ಮಾಡಲಿದೆ.

ಅಂದರೆ ಇದು ಡಬಲ್ ಟ್ಯಾಪ್ ಮಾಡುವ ಫೀಚರ್ ಆಗಿರಲಿದೆ.

ವಿಡಿಯೋ ರಿವೈಂಡ್ ಮಾಡಲು ಸ್ಕ್ರೀನ್​ನ ಎಡಭಾಗದಲ್ಲಿ ಎರಡು ಬಾರಿ ಟ್ಯಾಪ್ ಮಾಡಬೇಕು. ಹಾಗೆಯೇ ಫಾರ್ವರ್ಡ್ ಮಾಡಲು ಸ್ಕ್ರೀನ್​ನ ಬಲಭಾಗದಲ್ಲಿ ಎರಡು ಬಾರಿ ಟ್ಯಾಪ್ ಮಾಡಬೇಕು. ಯೂಟ್ಯೂಬ್ ಅಥವಾ ನೆಟ್​ಫ್ಲಿಕ್ಸ್​ನಲ್ಲಿ ಇದೇ ರೀತಿಯ ವೈಶಿಷ್ಟ್ಯವನ್ನು ನೀವು ಬಳಸಿರುತ್ತೀರಿ. ಸದ್ಯ ವಾಟ್ಸ್​ ಆಯಪ್ ಕೂಡ ಅಂಥ ವೈಶಿಷ್ಟ್ಯವನ್ನು ನಿಮಗಾಗಿ ತರಲಿದೆ.

ಪ್ರಸ್ತುತ ಈ ಹೊಸ ವೈಶಿಷ್ಟ್ಯವು ಬೀಟಾ ಟೆಸ್ಟರ್​ಗಳಿಗೆ ಮಾತ್ರ ಲಭ್ಯವಿದೆ. ಮುಂದಿನ ಕೆಲಸ ವಾರಗಳಲ್ಲಿ ಇದು ಹೆಚ್ಚಿನ ಬಳಕೆದಾರರಿಗೆ ಸಿಗಲಿದೆ. ಅಲ್ಲದೆ, ಈ ವೈಶಿಷ್ಟ್ಯವನ್ನು ಬಳಸಲು, ನೀವು ಗೂಗಲ್ ಪ್ಲೇ ಸ್ಟೋರ್​ನಿಂದ ಇತ್ತೀಚಿನ ವಾಟ್ಸ್​ಆಯಪ್ ಬೀಟಾ ಅನ್ನು ಇನ್​ಸ್ಟಾಲ್ ಮಾಡಿಕೊಳ್ಳಬೇಕಾಗುತ್ತದೆ. ಸದ್ಯಕ್ಕೆ ವಾಟ್ಸ್​ಆಯಪ್ ವಿಡಿಯೋ ಪ್ಲೇ ಮಾಡಲು ಅಂತರ್​ನಿರ್ಮಿತ ವಿಡಿಯೋ ಪ್ಲೇಯರ್ ಅನ್ನು ಹೊಂದಿದೆ.

ಅಂದರೆ ನಿಮಗೆ ವಾಟ್ಸ್​ಆಯಪ್​ನಲ್ಲಿ ವಿಡಿಯೋಗಳು ಬಂದಾಗ ನೀವು ಅವನ್ನು ತಕ್ಷಣಕ್ಕೆ ಥರ್ಡ್​ ಪಾರ್ಟಿ ಆಯಪ್​ನಲ್ಲಿ ತೆರೆಯಲಾಗುವುದಿಲ್ಲ. ಅವು ಡಿಫಾಲ್ಟ್​ ಆಗಿ ವಾಟ್ಸ್​ಆಯಪ್​ನೊಳಗೆ ಇರುವ ವಿಡಿಯೋ ಪ್ಲೇಯರ್​ನಲ್ಲಿಯೇ ಓಪನ್ ಆಗುತ್ತವೆ.

ಆದರೆ ಈಗಿನ ವಿಡಿಯೋ ಪ್ಲೇಯರ್​ನಲ್ಲಿ ವಿಡಿಯೋದ ನಿರ್ದಿಷ್ಟ ಭಾಗವನ್ನು ಸರಿಸುವುದು ಒಂದಿಷ್ಟು ಸಮಸ್ಯಾತ್ಮಕವಾಗಿದೆ. ಏಕೆಂದರೆ ಪ್ರೊಗ್ರೆಸ್ ಬಾರ್ ಕಾಣಿಸಬೇಕಾದರೆ ನೀವು ಮೊದಲಿಗೆ ಸ್ಕ್ರೀನ್ ಮೇಲೆ ಟ್ಯಾಪ್ ಮಾಡಬೇಕಾಗುತ್ತದೆ. ಇದರ ನಂತರವೇ ನೀವು ವಿಡಿಯೋವನ್ನು ಹಿಂದೆ ಅಥವಾ ಮುಂದೆ ಸರಿಸಬಹುದು.

32 ಜನರೊಂದಿಗೆ ವಿಡಿಯೋ ಕರೆ ಫೀಚರ್: ಐಓಎಸ್​ ಬಳಕೆದಾರರಿಗಾಗಿ ವಾಟ್ಸ್​ಆಯಪ್ ಹೊಸ ವಿಡಿಯೋ ಫೀಚರ್ ಒಂದನ್ನು ಪರಿಚಯಿಸಿದೆ. ಈಗ ಐಫೋನ್ ವಾಟ್ಸ್​ಆಯಪ್ ಬಳಕೆದಾರರು ಏಕಕಾಲಕ್ಕೆ 32 ಜನರೊಂದಿಗೆ ಗ್ರೂಪ್ ವಿಡಿಯೋ ಕಾಲ್ ಮಾಡಬಹುದು. ಈ ಮುನ್ನ ಈ ಫೀಚರ್ 15 ಜನರಿಗೆ ಸೀಮಿತವಾಗಿತ್ತು.

ಆಯಂಡ್ರಾಯ್ಡ್​ ಬಳಕೆದಾರರಿಗೆ ಪಾಸ್ ಕೀ ಫೀಚರ್: ಲಾಗಿನ್ ಪ್ರಕ್ರಿಯೆಯನ್ನು ಸರಳಗೊಳಿಸುವ ಪ್ರಯತ್ನವಾಗಿ ವಾಟ್ಸ್​ಆಯಪ್ ಇತ್ತೀಚೆಗೆ ಆಂಡ್ರಾಯ್ಡ್ ಬಳಕೆದಾರರಿಗೆ ಪಾಸ್​ ಕೀ ಫೀಚರ್ ಆರಂಭಿಸಿದೆ. ಇದರರ್ಥ ಆಂಡ್ರಾಯ್ಡ್ ಮೊಬೈಲ್​ಗಳಲ್ಲಿ ಇನ್ನು ಮುಂದೆ ಪಾಸ್​ವರ್ಡ್​ಗಳ ಅಗತ್ಯವಿಲ್ಲದೆ ವಾಟ್ಸ್​ಆಯಪ್​ಗೆ ಲಾಗಿನ್ ಮಾಡಬಹುದು. ಬಳಕೆದಾರರು ಫೇಸ್ ಡಿಟೆಕ್ಷನ್, ಫಿಂಗರ್​ ಪ್ರಿಂಟ್ ಅಥವಾ ಪಿನ್ ಕೋಡ್ ಬಳಸಿ ತಮ್ಮ ಪಾಸ್​ಕೀಗಳನ್ನು ಅನ್ಲಾಕ್ ಮಾಡಬಹುದು.

Source : https://m.dailyhunt.in/news/india/kannada/etvbhar9348944527258-epaper-etvbhkn/vaats+aayap+dabal+tyaap+fichar+vidiyo+faarvard+rivaind+maaduvudinnu+saraaga+-newsid-n553209058?listname=newspaperLanding&index=33&topicIndex=0&mode=pwa&action=click

ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 

WhatsApp Group : https://chat.whatsapp.com/KnDIfiBURQ9G5sLEJLqshk

Facebook page: https://www.facebook.com/samagrasudii

Sharechat: https://sharechat.com/profile/edu514826335?d=n

Twitter: https://twitter.com/SuddiSamagra

Threads: https://www.threads.net/@samagrasuddi.co.in

Instagram: https://www.instagram.com/samagrasuddi.co.in/

Telegram: https://t.me/+E1ubNzdguQ5jN2Y1

Views: 0

Leave a Reply

Your email address will not be published. Required fields are marked *