Day Special: ನನ್ನ ಆರೋಗ್ಯ, ನನ್ನ ಹಕ್ಕು: ಹೆಚ್‌ಐವಿ ಕುರಿತಾಗಿ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಪ್ರತಿ ವರ್ಷ ಡಿಸೆಂಬರ್‌ 1ರಂದು ವಿಶ್ವ ಏಡ್ಸ್ ಜಾಗೃತಿ ದಿನವನ್ನು ಆಚರಿಸಲಾಗುತ್ತದೆ. ಅದೇ ರೀತಿ ಪ್ರಸಕ್ತ ವರ್ಷ “ನನ್ನ ಆರೋಗ್ಯ, ನನ್ನ ಹಕ್ಕು” ಎಂಬ ಧ್ಯೇಯವಾಕ್ಯದೊಂದಿಗೆ ಈ ದಿನವನ್ನು ಆಚರಿಸಲಾಗುತ್ತಿದೆ. ಇನ್ನು ಹೆಚ್‌ಐವಿ ಕುರಿತಾಗಿ ಜಾಗೃತಿ ಅತ್ಯಗತ್ಯವಾಗಿದ್ದು, ಅದಕ್ಕೆ ಇಲ್ಲಿದೆ ಪರಿಹಾರ!
ಹೆಚ್‌ಐವಿ (ಹ್ಯೂಮನ್ ಇಮ್ಯುನೊ ಡಿಫಿಷಿಯನ್ಸಿ ವೈರಸ್- Human immunodeficiency virus) ಕುರಿತಾಗಿ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಪ್ರತಿ ವರ್ಷ ಡಿಸೆಂಬರ್‌ 1ರಂದು (December 1) ವಿಶ್ವ ಏಡ್ಸ್ ಜಾಗೃತಿ (World AIDS Awareness) ದಿನವನ್ನು ಆಚರಿಸಲಾಗುತ್ತದೆ. ಅದೇ ರೀತಿ ಪ್ರಸಕ್ತ ವರ್ಷ ಸರಿಯಾದ ಮಾರ್ಗವನ್ನು ಅನುಸರಿಸೋಣ: ‘ನನ್ನ ಆರೋಗ್ಯ, ನನ್ನ ಹಕ್ಕುʼ (My health, my right) ಎಂಬ ಧ್ಯೇಯವಾಕ್ಯದೊಂದಿಗೆ ಈ ದಿನವನ್ನು ಆಚರಿಸಲಾಗುತ್ತಿದೆ. ಈ ಮೂಲಕ ಹೆಚ್‌ಐವಿ (HIV) ಕುರಿತಾಗಿ ಅರಿವು ಮೂಡಿಸುವ ಉದ್ದೇಶವನ್ನು ಹೊಂದಿದೆ.
ಸೂಕ್ತ ಸಮಯದಲ್ಲಿ ಹೆಚ್‌ವಿಐ ಸೋಂಕಿಗೆ ಚಿಕಿತ್ಸೆ ನೀಡದಿದ್ದರೆ ಏಡ್ಸ್ ಆಗುತ್ತದೆ
ಒಬ್ಬ ವ್ಯಕ್ತಿಯು ಹೆಚ್‌ಐವಿ ಸೋಂಕಿಗೆ ಒಳಗಾಗಿದ್ದರೆ ದೇಹದಲ್ಲಿ ಸೋಂಕಿನ ವಿರುದ್ಧ ಹೋರಾಡಲು ನೆರವಾಗುವ ಜೀವ ಕೋಶಗಳ ಮೇಲೆ ದಾಳಿ ಮಾಡುತ್ತದೆ. ಅದರಿಂದ ವ್ಯಕ್ತಿಯು ಇತರ ಕಾಯಿಲೆಗಳಿಗೆ ಬಹುಬೇಗನೆ ತುತ್ತಾಗುತ್ತಾನೆ. ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬರ ದೇಹಕ್ಕೆ ದ್ರವ ವಿನಿಮಯ ಮೂಲಕ, ಅಸುರಕ್ಷಿತ ಲೈಂಗಿಕತೆ ಅಥವಾ ಸೋಂಕಿತ ವ್ಯಕ್ತಿಗೆ ಬಳಸಲಾದ ಚುಚ್ಚುಮದ್ದು ವಿನಿಮಯದ ಮೂಲಕವೂ ಹರಡಬಹುದು. ಸೂಕ್ತ ಸಮಯದಲ್ಲಿ ಹೆಚ್‌ವಿಐ ಸೋಂಕಿಗೆ ಚಿಕಿತ್ಸೆ ನೀಡದಿದ್ದರೆ, ಅದು ಇಮ್ಯುನೊ ಡಿಫಿಷಿಯನ್ಸಿ ಸಿಂಡ್ರೋಮ್ (ಏಡ್ಸ್) ರೋಗಕ್ಕೆ ತಿರುಗುತ್ತದೆ.
ಒಂದರೊಂದಿಗೆ ಹಲವು ಸಮಸ್ಯೆಗಳು!
ಸೋಂಕಿತ ವ್ಯಕ್ತಿಯ ರೋಗಲಕ್ಷಣಗಳು ಒಬ್ಬರಿಂದ ಇನ್ನೊಬ್ಬರಿಗೆ ವಿಭಿನ್ನವಾಗಿರುತ್ತವೆ ಮತ್ತು ವೈರಲ್ ಸೋಂಕಿನ ಹಂತವನ್ನು ಅದು ಅವಲಂಬಿಸಿರುತ್ತದೆ. ವ್ಯಕ್ತಿಯು ಒಮ್ಮೆ ಸೋಂಕಿಗೆ ಒಳಗಾದ್ರೆ ಎರಡರಿಂದ ಮೂರು ವಾರದೊಳಗೆ ಮೂರನೇ ಎರಡರಷ್ಟು ಜನರು ಜ್ವರ, ಶೀತ, ದದ್ದು, ರಾತ್ರಿ ಬೆವರುವಿಕೆ, ಸ್ನಾಯು ನೋವು, ಗಂಟಲು ನೋವು, ಆಯಾಸ, ಸ್ನಾಯು ನೋವುಗಳು, ಊದಿಕೊಂಡ ದುಗ್ಧರಸ ಗ್ರಂಥಿಗಳು ಮತ್ತು ಬಾಯಿ ಹುಣ್ಣು ಮುಂತಾದ ಅನಾರೋಗ್ಯ ಸಮಸ್ಯೆಗಳನ್ನು ಹೊಂದುತ್ತಾನೆ.
ಏಡ್ಸ್‌ಗೆ ಸರಿಯಾದ ಚಿಕಿತ್ಸೆ ಇಲ್ಲ, ಆದ್ರೆ ವೈರಲ್ ಸೋಂಕಿನ ಪ್ರಭಾವವನ್ನು ಕಡಿಮೆ ಮಾಡಲು ಸಹಾಯ.
ಇಂದಿಗೂ ಏಡ್ಸ್ ಅನ್ನು ಸಂಪೂರ್ಣವಾಗಿ ಗುಣಪಡಿಸಲು ಯಾವುದೇ ಚಿಕಿತ್ಸೆ ಇಲ್ಲ. ಆದ್ರೆ ವೈರಲ್ ಸೋಂಕಿನ ಪ್ರಭಾವವನ್ನು ಕಡಿಮೆ ಮಾಡಲು ಸಹಾಯವಾಗುವ ಆಂಟಿರೆಟ್ರೋವೈರಲ್ ಥೆರಪಿ (ಎಆರ್‌ಟಿ) ನಂತಹ ಪರಿಣಾಮಕಾರಿ ಚಿಕಿತ್ಸೆಗಳು ಲಭ್ಯವಿದೆ. ಈ ಮೂಲಕ ರಕ್ತದಲ್ಲಿನ ಎಚ್ಐವಿ ಸೋಂಕಿನ ಪ್ರಮಾಣವನ್ನು ಕಡಿಮೆ ಮಾಡಲು ಇದು ಸಹಾಯ ಮಾಡುತ್ತದೆ. ಹೆಚ್‌ಐವಿ ಚಿಕಿತ್ಸೆಗೆ ಒಳಗಾದವರು ಆರೋಗ್ಯಯುತವಾಗಿ ದೀರ್ಘಕಾಲ ಬದುಕಬಲ್ಲರು ಮತ್ತು ಅವರೊಂದಿಗೆ ಲೈಂಗಿಕತೆಯಲ್ಲಿ ತೊಡಗಿಕೊಳ್ಳುವ ಹಾಗೂ ಹೆಚ್‌ಐವಿ ಇಲ್ಲದ ವ್ಯಕ್ತಿಗಳಿಗೆ ಹೆಚ್‌ಐವಿ ಸೋಂಕು ಹರಡುವುದಿಲ್ಲ. ಹೆಚ್‌ಐವಿ ಸೋಂಕಿತ ವ್ಯಕ್ತಿಗೆ ಚಿಕಿತ್ಸೆ ನೀಡದಿದ್ದರೆ ಅದು ಏಡ್ಸ್‌ಗೆ ತಿರುಗುತ್ತದೆ ಜೊತೆಗೆ ದೇಹದ ರೋಗನಿರೋಧಕ ಶಕ್ತಿಯ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ.
ಹೆಚ್‌ಐವಿಯಿಂದ ತಪ್ಪಿಸಿಕೊಳ್ಳಲು ಹಲವರೊಂದಿಗೆ ಲೈಂಗಿಕತೆ ಬೇಡ
ಹೆಚ್‌ಐವಿ ಸೋಂಕಿಗೆ ಒಳಗಾಗುವುದನ್ನು ತಪ್ಪಿಸಬೇಕೆಂದರೆ ಮೊದಲು ಹಲವರೊಂದಿಗೆ ಲೈಂಗಿಕತೆಯಲ್ಲಿ ತೊಡಗಿಕೊಳ್ಳುವುದನ್ನು ನಿಯಂತ್ರಿಸಬೇಕು ಜೊತೆಗೆ ಅಸುರಕ್ಷಿತ ಲೈಂಗಿಕತೆಯಲ್ಲಿ ತೊಡಗಿಕೊಳ್ಳದಿರುವುದು ಉತ್ತಮ. ಈ ರೀತಿಯ ಅಪಾಯವನ್ನು ತಡೆಗಟ್ಟಲು ಕಾಂಡೋಮ್‌ ಬಳಕೆ ಒಳಿತು. ಎರಡನೆಯದಾಗಿ ಜನರು ಔಷಧೀಯ ಚುಚ್ಚುಮದ್ದುಗಳನ್ನು ಬಳಸುವುದು ಹಾಗೂ ಉಪಕರಣಗಳನ್ನು ಇತರರೊಂದಿಗೆ ಹಂಚಿಕೊಳ್ಳಬಾರದು. ಒಂದು ವೇಳೆ ಗರ್ಭಿಣಿಯು ಹೆಚ್‌ಐವಿ ಸೋಂಕಿಗೆ ಒಳಗಾಗಿದ್ದರೆ, ವೈದ್ಯರು ಆಕೆಗೆ ಹೆಚ್‌ಐ ಔಷಧವನ್ನು ಶಿಫಾರಸ್ಸು ಮಾಡುತ್ತಾರೆ ಮತ್ತು ನವಜಾತ ಶಿಶುವಿಗೆ ಎಚ್ಐವಿ ಸೋಂಕು ಇರುವ ಸಾಧ್ಯತೆ ಶೇಕಡಾ 1 ಕ್ಕಿಂತ ಕಡಿಮೆ ಇರುತ್ತದೆ.
ಹೆಚ್‌ಐವಿ ಹರಡುವಿಕೆ ಬಗೆಗೆ ಇರುವ ತಪ್ಪುಕಲ್ಪನೆಗಳು ಹಾಗೂ ನಿಜಾಂಶವೇನು ?
ತಪ್ಪುಕಲ್ಪನೆ 1: ನೇರ ಸಂಪರ್ಕದಿಂದಲೂ ಹೆಚ್‌ಐವಿ ಹರಡಲಿದೆ !
ಸತ್ಯಾಂಶ – ಹೆಚ್‌ಐವಿ ಸೋಂಕು ನೇರ ಸಂಪರ್ಕದಿಂದ ಹರಡುವಂತದ್ದಲ್ಲ. ದೇಹದಲ್ಲಿನ ರಕ್ತ, ವೀರ್ಯ, ಯೋನಿ ದ್ರವ ಅಥವಾ ಎದೆ ಹಾಲಿನಂತಹ ದೇಹದ ದ್ರವಗಳ ವಿನಿಮಯದ ಮೂಲಕ ಹರಡುತ್ತದೆ.
ತಪ್ಪುಕಲ್ಪನೆ 2: ಸೊಳ್ಳೆಗಳಿಂದಲೂ ಹೆಚ್‌ಐವಿ ಸೋಂಕು ಹರಡಬಹುದು
ಸತ್ಯಾಂಶ: ವಾಹಕಗಳ ಮೂಲಕ ಈ ಸೋಂಕು ಹರಡುವಂತದ್ದಲ್ಲ. ಈ ವೈರಸ್ ಕೀಟಗಳಲ್ಲಿ ಉಳಿಯಲು ಸಾಧ್ಯವಿಲ್ಲ, ಹಾಗಾಗಿ ಸೊಳ್ಳೆಗಳು ಈ ವೈರಸ್ ಅನ್ನು ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬ ವ್ಯಕ್ತಿಗೆ ಹರಡಲು ಸಾಧ್ಯವಿಲ್ಲ.
ತಪ್ಪುಕಲ್ಪನೆ 3: ವ್ಯಕ್ತಿಯನ್ನು ನೋಡಿದ ಕೂಡಲೇ ಸೋಂಕು ಇದೆ ಎಂದು ತಿಳಿಯಬಹುದು.
ಸತ್ಯಾಂಶ: ಇಲ್ಲ, ವ್ಯಕ್ತಿಯನ್ನು ನೋಡಿದ ಕೂಡಲೇ ಸೋಂಕು ಇದೆ ಎಂದು ಹೇಳಲು ಆಗುವುದಿಲ್ಲ. ನಿಯಮಿತ ಪರೀಕ್ಷೆಗಳಿಂದ ಮಾತ್ರ ವೈರಲ್ ಸೋಂಕಿನ ಲಕ್ಷಣಗಳನ್ನು ಗುರುತಿಸಲು ಸಾಧ್ಯ.
ತಪ್ಪುಕಲ್ಪನೆ 4: ಕೆಲವು ವರ್ಗದವರು ಮಾತ್ರ ಈ ಸೋಂಕಿಗೆ ತುತ್ತಾಗುತ್ತಿದ್ದಾರೆ
ಸತ್ಯಾಂಶ: ಯಾವುದೇ ವರ್ಗ, ಲಿಂಗ, ಲೈಂಗಿಕ ದೃಷ್ಠಿಕೋನವಿಲ್ಲದೆ ಜನರು ಹೆಚ್‌ಐವಿ ಸೋಂಕಿಗೆ ಒಳಗಾಗುತ್ತಿದ್ದಾರೆ.
ಎಚ್ಐವಿ ತಡೆಗಟ್ಟುವಿಕೆಗೆ ಏನು ಮಾಡಬೇಕು ?
- ಕಾಂಡೋಮ್‌ಗಳ ಬಳಕೆ
- ಹೆಚ್‌ಐವಿ ವೈರಲ್ ಸೋಂಕಿಗೆ ಒಳಗಾಗುವುದನ್ನು ತಡೆಗಟ್ಟಲು ಎಚ್ಐವಿ ಇಲ್ಲದ ವ್ಯಕ್ತಿಗಳು ಪ್ರಿ-ಎಕ್ಸ್ಪೋಸರ್ ಪ್ರೊಫಿಲ್ಯಾಕ್ಸಿಸ್ (PrEP) ಔಷಧಿಯನ್ನು ಪರಿಗಣಿಸಿ.
- ನಿಯಮಿತ ಪರೀಕ್ಷೆಯನ್ನು ಮಾಡಿಸಿಕೊಳ್ಳುವುದು.