ಬೆಂಗಳೂರು: 2025ರಲ್ಲಿ ನಡೆಯಲಿರುವ ಮಹಿಳಾ ಪ್ರೀಮಿಯರ್ ಲೀಗ್ಗೆ (WPL) ಸಂಬಂಧಿಸಿದ ಕೆಲಸಗಳು ಈಗಾಗಲೇ ಆರಂಭವಾಗಿದ್ದು, ಅದರಂತೆ ಫ್ರಾಂಚೈಸಿಗಳು ಇಂದು (ನವೆಂಬರ್ 07) ರಿಟೇನ್ ಪಟ್ಟಿಯನ್ನು (Retention List) ಬಿಡುಗಡೆ ಮಾಡಿವೆ. ಹಾಲಿ ಚಾಂಪಿಯನ್ಸ್ ಆರ್ಸಿಬಿ (RCB) ಕೂಡ ರಿಟೇನ್ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ತಂಡದಿಂದ ಒಟ್ಟು 7 ಆಟಗಾರ್ತಿಯರಿಗೆ ಕೊಕ್ ನೀಡಿದೆ.
ಡಬ್ಲ್ಯುಪಿಎಲ್ನಲ್ಲಿ (WPL) ಮೆಗಾ ಹರಾಜು ಬದಲಿಗೆ ಮಿನಿ ಆಕ್ಷನ್ ಇರಲಿದೆ. ಹೀಗಾಗಿ ಫ್ರಾಂಚೈಸಿಗಳು ಗರಿಷ್ಠ ಆಟಗಾರ್ತಿಯರನ್ನು ತಮ್ಮಲ್ಲೇ ಉಳಿಸಿಕೊಂಡು, ಕೆಲವು ಆಟಗಾರ್ತಿಯರನ್ನು ತಂಡದಿಂದ ಕೈಬಿಡಬೇಕಾಗಿದೆ. ಹೀಗಾಗಿ ಹಾಲಿ ಚಾಂಪಿಯನ್ಸ್ ಆರ್ಸಿಬಿ (RCB) ತಂಡವು 14 ಆಟಗಾರ್ತಿಯರನ್ನು ಉಳಿಸಿಕೊಂಡಿದ್ದು, 7 ಆಟಗಾರ್ತಿಯರನ್ನು ತಂಡದಿಂದ ಕೈಬಿಟ್ಟಿದೆ.
ಅದರಂತೆ ತಂಡದಿಂದ ದಿಶಾ ಕಸತ್, ಇಂದ್ರಾಣಿ ರಾಯ್,ಶುಭಾ ಸತೀಶ್, ಶ್ರದ್ಧಾ ಪೋಕರ್ಕರ್, ಸಿಮ್ರಾನ್ ಬಹದ್ದೂರ್, ನಾಡಿನ್ ಡಿ ಕ್ಲರ್ಕ್, ಹೀದರ್ ನೈಟ್ ತಂಡದಿಂದ ಹೊರಬದ್ದಿರುವ ಆಟಗಾರ್ತಿಯರು. ಇದೀಗ ಆರ್ಸಿಬಿ ತಂಡದಿಂದ ಬಿಡುಗಡೆಯಾಗಿರುವವರ ಪೈಕಿ ಐವರು ಭಾರತೀಯ ಆಟಗಾರ್ತಿಯರು ಸೇರಿದ್ದರೆ, ಇನ್ನಿಬ್ಬರು ವಿದೇಶಿ ಪ್ಲೇಯರ್ಗಳು ಇದ್ದಾರೆ. 14 ಆಟಗಾರ್ತಿಯರನ್ನು ಉಳಿಸಿಕೊಂಡಿರುವ ಕಾರಣ ಮಿನಿ ಹರಾಜಿನಲ್ಲಿ ಕನಿಷ್ಠ 4 ಆಟಗಾರ್ತಿಯರನ್ನು ಖರೀದಿಸಬೇಕಾಗಿದ್ದು, ತಂಡದ ಪರ್ಸ್ನಲ್ಲಿ ಒಟ್ಟು 3.25 ಕೋಟಿ ರೂ. ಉಳಿದಿದೆ.
ರಿಟೇನ್ ಮಾಡಲಾಗಿರುವ ಆಟಗಾರ್ತಿಯರು
ಸ್ಮೃತಿ ಮಂಧಾನ (Captain), ರಿಚಾ ಘೋಷ್, ಎಲ್ಲಿಸ್ ಪೆರ್ರಿ, ಜಾರ್ಜಿಯಾ ವೇರ್‌ಹ್ಯಾಮ್, ಸೋಫಿ ಡಿವೈನ್, ರೇಣುಕಾ ಠಾಕೂರ್, ಆಶಾ ಶೋಬನಾ, ಶ್ರೇಯಾಂಕಾ ಪಾಟೀಲ್, ಏಕ್ತಾ ಬಿಶ್ತ್, ಎಸ್ ಮೇಘನಾ, ಡ್ಯಾನಿ ವ್ಯಾಟ್-ಹಾಡ್ಜ್ (Trading), ಕೇಟ್ ಕ್ರಾಸ್, ಕನಿಕಾ ಮೊಲಿನೆಕ್ಸ್, ಕನಿಕಾ ಅಹುಜಾ ರಿಟೇನ್ (Retention) ಮಾಡಲಾಗಿರುವ ಆಟಗಾರ್ತಿಯರು.
Source : https://www.vijayavani.net/wpl-2025-retention-rcbs-full-list-of-retained-and-released-players