ಶೆಫಾಲಿ ವರ್ಮಾ ಜಾಗೂ ಕನ್ನಡತಿ ನಿಕಿ ಪ್ರಸಾದ್ ಅವರ ತಾಳ್ಮೆಯ ಆಟದ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ವುಮೆನ್ಸ್ ಪ್ರೀಮಿಯರ್ ಲೀಗ್ನಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ 2 ವಿಕೆಟ್ಗಳ ರೋಚಕ ಜಯ ಸಾಧಿಸಿ 3ನೇ ಆವೃತ್ತಿಯ ಐಪಿಎಲ್ನಲ್ಲಿ ಶುಭಾರಂಭ ಮಾಡಿದೆ.
ಶೆಫಾಲಿ ವರ್ಮಾ ಹಾಗೂ ಕನ್ನಡತಿ ನಿಕಿ ಪ್ರಸಾದ್ ಅವರ ತಾಳ್ಮೆಯ ಆಟದ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ವುಮೆನ್ಸ್ ಪ್ರೀಮಿಯರ್ ಲೀಗ್ನಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ 2 ವಿಕೆಟ್ಗಳ ರೋಚಕ ಜಯ ಸಾಧಿಸಿ 3ನೇ ಆವೃತ್ತಿಯ ಐಪಿಎಲ್ನಲ್ಲಿ ಶುಭಾರಂಭ ಮಾಡಿದೆ. ಈ ಪಂದ್ಯದಲ್ಲಿ, ಮುಂಬೈ ಮೊದಲು ಬ್ಯಾಟಿಂಗ್ ಮಾಡಿ 164 ರನ್ ಗಳಿಸಿತು, ಉತ್ತರವಾಗಿ, ದೆಹಲಿ ಕೊನೆಯ ಎಸೆತದಲ್ಲಿ ಎರಡು ರನ್ ಗಳಿಸಿ 165 ರನ್ಗಳಿಸುವ ಮೂಲಕ 2 ವಿಕೆಟ್ಗಳ ಗೆಲುವು ಖಚಿತಪಡಿಸಿತು.
ಈ ಪಂದ್ಯವು ವಡೋದರಾದ ಕೋಟಂಬಿ ಕ್ರೀಡಾಂಗಣದಲ್ಲಿ ನಡೆದಿದ್ದು, ಮುಂಬೈ ಇಂಡಿಯನ್ಸ್ ಮೊದಲು ಬ್ಯಾಟ್ ಮಾಡಿತು. ಮುಂಬೈ ಪರ ನ್ಯಾಟ್ ಸಿವರ್ ಬ್ರಂಟ್ 59 ಎಸೆತಗಳಲ್ಲಿ 13 ಬೌಂಡರಿಗಳ ಸಹಿತ ಅಜೇಯ 80 ರನ್ ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ನಾಯಕಿ ಹರ್ಮನ್‌ಪ್ರೀತ್ ಕೌರ್ 22 ಎಸೆತಗಳಲ್ಲಿ 42 ರನ್ ಗಳಿಸಿ ಮುಂಬೈ ತಂಡ 164 ರನ್ಗಳ ಗುರಿ ತಲುಪಲು ನೆರವಾದರು. ಇವರಿಬ್ಬರನ್ನ ಹೊರೆತುಪಡಿಸಿದರೆ ಯಸ್ತಿಕಾ ಭಾಟಿಯಾ (11) ಮಾತ್ರ ಎರಡಂಕಿ ಮೊತ್ತ ದಾಟಿದರು. ಉಳಿದೆಲ್ಲಾ ಬ್ಯಾಟರ್ಗಳು ಎರಡಂಕಿಯ ಗಡಿಯನ್ನು ಮುಟ್ಟಲು ಸಹ ಸಾಧ್ಯವಾಗಲಿಲ್ಲ.
ದೆಹಲಿ ಕ್ಯಾಪಿಟಲ್ಸ್ ಪರ ಅನ್ನಾ ಸದರ್ಲ್ಯಾಂಡ್ 34ಕ್ಕೆ 3 ವಿಕೆಟ್ ಪಡೆದರೆ, ಶಿಖಾ ಪಾಂಡೆ 14ಕ್ಕೆ2 ವಿಕೆಟ್ ಪಡೆದರು. ಅಲಿಸ್ ಕ್ಯಾಪ್ಸೆ 25ಕ್ಕೆ 1, ಮಿನ್ನು ಮಣಿ 23ಕ್ಕೆ1 ವಿಕೆಟ್ ಪಡೆದರು.
165 ರನ್ಗಳ ಗುರಿ ಬೆನ್ನಟ್ಟಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಪವರ್ ಪ್ಲೇನಲ್ಲೇ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ನೀಡಿತು. ಶೆಫಾಲಿ ವರ್ಮಾ 18 ಎಸೆತಗಳಲ್ಲಿ 7 ಬೌಂಡರಿ, 2 ಸಿಕ್ಸರ್ ಸಹಿತ 43 ರನ್ಗಳಿಸಿ ಔಟ್ ಆದರು. ಇವರ ವಿಕೆಟ್ ಬೆನ್ನಲ್ಲೇ ನಾಯಕಿ ಮೆಗ್ ಲ್ಯಾನಿಂಗ್ 19 ಎಸೆತಗಳಲ್ಲಿ 15 ರನ್ಗಳಿಸಿ ಔಟ್ ಆದರು. ನಂತರ ಡೆಲ್ಲಿ ತಂಡ ದಿಢೀರ್ ಕುಸಿತ ಕಂಡಿತು. ಜೆಮಿಮಾ ರೋಡ್ರಿಗಸ್ 2, ಅನ್ನಾಬೆಲ್ ಸದರ್ಲೆಂಡ್ 10 ಎಸೆತಗಳಲ್ಲಿ 12 ರನ್ಗಳಿಸಿ ಔಟ್ ಆದರು.
ಅಲಿಸ್ ಕ್ಯಾಪ್ಸೆ ಹಾಗೂ ಕನ್ನಡತಿ ನಿಕಿ ಪ್ರಸಾದ್ 36 ಎಸೆತಗಳಲ್ಲಿ 33 ರನ್ಗಳಿಸಿ ಪಂದ್ಯದಲ್ಲಿ ಡೆಲ್ಲಿಯನ್ನ ಕಮ್ಬ್ಯಾಕ್ ಮಾಡುವಂತೆ ಮಾಡಿತು. ಕ್ಯಾಪ್ಸೆ ನಂತರ ಬಂದ ಐರ್ಲೆಂಡ್ ತಂಡದಲ್ಲಿ ಆಡುವ ವಿಕೆಟ್ ಕೀಪರ್ ಸಾರಾ ಜೆನ್ನಿಫರ್ ಬ್ರೈಸ್ 10 ಎಸೆತಗಳಲ್ಲಿ 20 ರನ್ ಸಿಡಿಸಿ ಪಂದ್ಯದ ಗತಿಯನ್ನೇ ಬದಲಾಯಿಸಿತು. ನಿಕಿ ಪ್ರಸಾದ್ ಜೊತೆಗೂಡಿ ಕೇವಲ 16 ಎಸೆತಗಳಲ್ಲಿ 31 ರನ್ಗಳ ಜೊತೆಯಾಟ ನೀಡಿದರು.
ಕೊನೆ 2 ಓವರ್ಗಳಲ್ಲಿ ಡೆಲ್ಲಿಗೆ ಗೆಲ್ಲಲು 21 ರನ್ಗಳ ಅಗತ್ಯವಿತ್ತು. 19ನೇ ಓವರ್ನಲ್ಲಿ ಮೊದಲ 3 ಎಸೆತಗಳಲ್ಲಿ ಕೇವಲ 3 ರನ್ ಬಂದಿತು. ಆದರೆ ಶಿಖಾ ಪಾಂಡೆ ರನ್ಔಟ್ ಆದರು. ನಂತರದ 3 ಎಸೆತಗಳಲ್ಲಿ ರಾಧ ಯಾದವ್ ಒಂದು ಸಿಕ್ಸರ್ ಸಹಿತ 8 ರನ್ ಸಿಡಿಸಿದರು. ಹಾಗಾಗಿ ಕೊನೆ ಓವರ್ನಲ್ಲಿ ಗೆಲ್ಲಲು ಡೆಲ್ಲಿ ತಂಡಕ್ಕೆ 10 ರನ್ಗಳ ಅವಶ್ಯಕತೆ ಇತ್ತು. ಮೊದಲ ಎಸೆತದಲ್ಲಿ ನಿಕಿ ಪ್ರಸಾದ್ ಬೌಂಡರಿ ಬಾರಿಸಿದರೆ, 2ನೇ ಎಸೆತದಲ್ಲಿ 2 ರನ್ ತೆಗೆದುಕೊಂಡರು. ಕೊನೆ 4 ಎಸೆತಗಳಲ್ಲಿ 4 ರನ್ ಅಗತ್ಯವಿತ್ತು. ನಂತರ 2 ಎಸೆತಗಳಲ್ಲಿ ತಲಾ 1 ರನ್ ಬಂದಿತು. 2 ಎಸೆತಗಳಲ್ಲಿ 2ರನ್ ಅಗತ್ಯವಿದ್ದಾಗ ನಿಕ್ ಕ್ಯಾಚ್ ಔಟ್ ಆದರು. ಕೊನೆ ಎಸೆತದಲ್ಲಿ ಗೆಲ್ಲಲು 2 ರನ್ ಅಗತ್ಯವಿತ್ತು. ಅರುಂದತಿ ರೆಡ್ಡಿ ಲಾಂಗ್ ಆಫ್ ಕಡೆ ಚೆಂಡನ್ನು ಬಾರಿಸಿ 2 ರನ್ ಕದಿಯುವಲ್ಲಿ ಯಶಸ್ವಿಯಾದರು.
ಮುಂಬೈ ಪರ ಹೇಲಿ ಮ್ಯಾಥ್ಯೂಸ್ 32ಕ್ಕೆ2, ಅಮೆಲಿಯಾ ಕೆರ್ 21ಕ್ಕೆ2, ಸಜೀವನ್ ಸಜನಾ 10ಕ್ಕೆ1, ನ್ಯಾಟ್ ಸೀವರ್ ಬ್ರಂಟ್ 38ಕ್ಕೆ1, ಶಬ್ನಿಮ್ ಇಸ್ಮಾಯಿಲ್ 18ಕ್ಕೆ1 ವಿಕೆಟ್ ಪಡೆದರು.
Views: 0