India vs Australia: ಟೀಮ್ ಇಂಡಿಯಾಗೆ ಸೋಲುಣಿಸಿ ನಂಬರ್ 1 ಸ್ಥಾನಕ್ಕೇರಿದ ಆಸ್ಟ್ರೇಲಿಯಾ

ICC ODI Team Rankings: ಚೆನ್ನೈನ ಎಂಎ ಚಿದಂಬರಂ (ಚೆಪಾಕ್) ಸ್ಟೇಡಿಯಂನಲ್ಲಿ ನಡೆದ ಏಕದಿನ ಸರಣಿಯ ನಿರ್ಣಾಯಕ ಪಂದ್ಯದಲ್ಲಿ ಟೀಮ್ ಇಂಡಿಯಾವನ್ನು 21 ರನ್​ಗಳಿಂದ ಬಗ್ಗು ಬಡಿದಿದೆ. ಈ ಗೆಲುವಿನೊಂದಿಗೆ 3 ಪಂದ್ಯಗಳ ಸರಣಿಯನ್ನು ಆಸ್ಟ್ರೇಲಿಯಾ 2-1 ಅಂತರದಿಂದ ಗೆದ್ದುಕೊಂಡಿದೆ. ವಿಶೇಷ ಎಂದರೆ ಈ ಸೋಲಿನ ಪರಿಣಾಮ ಏಕದಿನ ತಂಡಗಳ ಶ್ರೇಯಾಂಕ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ಕುಸಿತ ಕಂಡಿದೆ. ಅಂದರೆ ಭಾರತ ತಂಡವನ್ನು ಮಣಿಸಿ ಇದೀಗ ಆಸ್ಟ್ರೇಲಿಯಾ ತಂಡವು ಏಕದಿನ ತಂಡಗಳ ರ್‍ಯಾಂಕಿಂಗ್​ನಲ್ಲಿ ಅಗ್ರಸ್ಥಾನ ಅಲಂಕರಿಸಿದೆ.ಇಲ್ಲಿ ಉಭಯ ತಂಡಗಳ ಅಂಕಗಳು ಸಮವಾಗಿದ್ದರೂ, ಅಂತಿಮ ಪಂದ್ಯದಲ್ಲಿ ಭರ್ಜರಿ ಜಯ ಸಾಧಿಸಿರುವ ಸ್ಟೀವ್ ಸ್ಮಿತ್ ಪಡೆಯು ಅಗ್ರಸ್ಥಾನಕ್ಕೇರುವಲ್ಲಿ ಯಶಸ್ವಿಯಾಗಿದೆ. ಇದರೊಂದಿಗೆ ಏಕದಿನ ಹಾಗೂ ಟೆಸ್ಟ್​ ತಂಡಗಳ ರ್‍ಯಾಂಕಿಂಗ್​ನಲ್ಲಿ ಆಸ್ಟ್ರೇಲಿಯಾ ನಂಬರ್ 1 ತಂಡ ಎನಿಸಿಕೊಂಡಿದೆ. ಇನ್ನು ಟಿ20 ತಂಡಗಳ ಶ್ರೇಯಾಂಕದಲ್ಲಿ ಟೀಮ್ ಇಂಡಿಯಾ ಅಗ್ರಸ್ಥಾನದಲ್ಲಿದೆ. ಪ್ರಸ್ತುತ ಏಕದಿನ ತಂಡಗಳ ರ್‍ಯಾಂಕಿಂಗ್​ನಲ್ಲಿ ಟಾಪ್-10 ನಲ್ಲಿರುವ ತಂಡಗಳು ಈ ಕೆಳಗಿನಂತಿದೆ...1- ಆಸ್ಟ್ರೇಲಿಯಾ- 113 ಅಂಕಗಳು2- ಭಾರತ- 113 ಅಂಕಗಳು3- ನ್ಯೂಜಿಲೆಂಡ್- 111 ಅಂಕಗಳು4- ಇಂಗ್ಲೆಂಡ್- 111 ಅಂಕಗಳು5- ಪಾಕಿಸ್ತಾನ್- 106 ಅಂಕಗಳು6- ಸೌತ್ ಆಫ್ರಿಕಾ- 101 ಅಂಕಗಳು7- ಬಾಂಗ್ಲಾದೇಶ್- 95 ಅಂಕಗಳು8- ಶ್ರೀಲಂಕಾ- 88 ಅಂಕಗಳು9- ವೆಸ್ಟ್ ಇಂಡೀಸ್- 72 ಅಂಕಗಳು10- ಅಫ್ಘಾನಿಸ್ತಾನ್- 71 ಅಂಕಗಳು

source https://tv9kannada.com/photo-gallery/cricket-photos/icc-odi-team-rankings-australia-become-the-number-1-kannada-news-zp-au50-541005.html

Views: 0

Leave a Reply

Your email address will not be published. Required fields are marked *