Sports

IPL 2023: 7 ಪಂದ್ಯಗಳು 19 ರನ್​: ಇದು RCB ಬ್ಯಾಟ್ಸ್​ಮನ್​ಗಳ ವೈಫಲ್ಯದ ಕಥೆ..!

May 11, 2023
samagrasuddi

IPL 2023: ಐಪಿಎಲ್​ ಸೀಸನ್ 16 ರಲ್ಲಿ ಆರ್​ಸಿಬಿ ತಂಡವು ಒಟ್ಟು 11 ಪಂದ್ಯಗಳನ್ನು ಮುಗಿಸಿದೆ. ಈ ಹನ್ನೊಂದು ಪಂದ್ಯಗಳಲ್ಲಿ ಆರ್​ಸಿಬಿ ಗೆದ್ದಿರುವುದು ಕೇವಲ 5 ಪಂದ್ಯಗಳಲ್ಲಿ ಮಾತ್ರ. ಇನ್ನು 6 ಪಂದ್ಯಗಳ ಸೋಲಿಗೆ ಆರ್​ಸಿಬಿ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟರ್​ಗಳ ವೈಫಲ್ಯ ಕೂಡ ಒಂದು ಕಾರಣ.ಅಂದರೆ ಇಲ್ಲಿ ಆರ್​ಸಿಬಿ ತಂಡವು ಸಂಪೂರ್ಣವಾಗಿ ಮೂವರು ಬ್ಯಾಟರ್​ಗಳನ್ನು ಮಾತ್ರ ಅವಲಂಭಿಸಿದೆ. ಇದಕ್ಕೆ ಸಾಕ್ಷಿಯೇ ವಿರಾಟ್ ಕೊಹ್ಲಿ (420), ಫಾಫ್ ಡುಪ್ಲೆಸಿಸ್ (576) ಹಾಗೂ ಗ್ಲೆನ್ ಮ್ಯಾಕ್ಸ್​ವೆಲ್ (330) ರನ್​ ಕಲೆಹಾಕಿರುವುದು. ಅಚ್ಚರಿ ಎಂದರೆ ಈ ಮೂವರನ್ನು ಹೊರತುಪಡಿಸಿದರೆ ಆರ್​ಸಿಬಿ ತಂಡದ ಯಾವುದೇ ಬ್ಯಾಟ್ಸ್​ಮನ್ 150 ರನ್​ ಕೂಡ ಕಲೆಹಾಕಿಲ್ಲ.ಇಲ್ಲಿ ಮತ್ತೊಂದು ಇಂಟ್ರೆಸ್ಟಿಂಗ್ ಅಂಶ ಎಂದರೆ ಆರ್​ಸಿಬಿ ತಂಡದ 3ನೇ ಕ್ರಮಾಂಕದ ವೈಫಲ್ಯ. ಕಳೆದ 7 ಪಂದ್ಯಗಳಲ್ಲಿ ನಾಲ್ವರನ್ನು ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿಸಿದೆ. ಆದರೆ ಈ ಕ್ರಮಾಂಕದಲ್ಲಿ ಯಾರೊಬ್ಬರೂ ಕೂಡ ಮಿಂಚಲಿಲ್ಲ ಎಂಬುದೇ ಅಚ್ಚರಿ.ಕಳೆದ 7 ಪಂದ್ಯಗಳಲ್ಲಿನ ಆರ್​ಸಿಬಿ ತಂಡದ 3ನೇ ಕ್ರಮಾಂಕದ ಸ್ಕೋರ್​ ವಿವರಗಳನ್ನು ನೋಡುವುದಾದರೆ... 0 (ಮಹಿಪಾಲ್ ಲೋಮ್ರರ್), 0 (ಗ್ಲೆನ್ ಮ್ಯಾಕ್ಸ್​ವೆಲ್), 2 ರನ್ (ಶಹಬಾಝ್ ಅಹ್ಮದ್), 2 ರನ್ (ಶಹಬಾಝ್ ಅಹ್ಮದ್), 9 (ಅನೂಜ್ ರಾವತ್), 0 (ಗ್ಲೆನ್ ಮ್ಯಾಕ್ಸ್​ವೆಲ್), 6 (ಅನೂಜ್ ರಾವತ್)...ಅಂದರೆ ಏಳು ಪಂದ್ಯಗಳಲ್ಲಿ 3ನೇ ಕ್ರಮಾಂಕದಿಂದ ಮೂಡಿಬಂದ ಒಟ್ಟು ಸ್ಕೋರ್ ಕೇವಲ 19 ಮಾತ್ರ.ಆರಂಭಿಕರ ಬಳಿಕ ನಿರ್ಣಾಯಕ ಪಾತ್ರವಹಿಸುವ ಮೂರನೇ ಕ್ರಮಾಂಕದಲ್ಲೇ ಆರ್​ಸಿಬಿ ಸತತ ವೈಫಲ್ಯ ಅನುಭವಿಸಿದೆ. ಇದು ಕೂಡ ಆರ್​ಸಿಬಿ ಸೋಲಿಗೆ ಒಂದು ಕಾರಣ ಎನ್ನಬಹುದು. ಇನ್ನು ಆರ್​ಸಿಬಿ ಗೆಲುವಿನಲ್ಲಿ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​ಮನ್​ ಕೊಡಗೆ ಶೂನ್ಯ ಎನ್ನಬಹುದು.ಇದಾಗ್ಯೂ 5 ಪಂದ್ಯಗಳನ್ನು ಗೆದ್ದಿರುವ ಆರ್​ಸಿಬಿ ತಂಡವು ಮುಂದಿನ 3 ಪಂದ್ಯಗಳಲ್ಲಿ ಭರ್ಜರಿ ಜಯ ಸಾಧಿಸಿ ಪ್ಲೇಆಫ್ ಹಂತಕ್ಕೇರುವ ಲೆಕ್ಕಾಚಾರದಲ್ಲಿದೆ. ಈ ಲೆಕ್ಕಾಚಾರ ತಲೆಕೆಳಗಾಗಲಿದೆಯಾ ಎಂಬುದು ಇನ್ನು ಕೆಲವೇ ದಿನಗಳಲ್ಲಿ ಸ್ಪಷ್ಟವಾಗಲಿದೆ.RCB ತಂಡ ಹೀಗಿದೆ: ಫಾಫ್ ಡುಪ್ಲೆಸಿಸ್ (ನಾಯಕ), ವಿರಾಟ್ ಕೊಹ್ಲಿ, ಮೈಕೆಲ್ ಬ್ರೇಸ್​ವೆಲ್​, ದಿನೇಶ್ ಕಾರ್ತಿಕ್, ಅನೂಜ್ ರಾವತ್, ಫಿನ್ ಅಲೆನ್, ಜೋಶ್ ಹ್ಯಾಝಲ್​ವುಡ್​, ಮೊಹಮ್ಮದ್ ಸಿರಾಜ್, ಕರ್ಣ್​ ಶರ್ಮಾ, ಸಿದ್ಧಾರ್ಥ್​ ಕೌಲ್, ಹಿಮಾಂಶು ಶರ್ಮಾ, ರಜನ್ ಕುಮಾರ್, ಅವಿನಾಶ್ ಸಿಂಗ್, ಗ್ಲೆನ್ ಮ್ಯಾಕ್ಸ್​ವೆಲ್, ವನಿಂದು ಹಸರಂಗ, ಮಹಿಪಾಲ್ ಲೋಮ್ರರ್, ಶಹಬಾಝ್ ಅಹ್ಮದ್, ಹರ್ಷಲ್ ಪಟೇಲ್, ಆಕಾಶ್ ದೀಪ್, ಕೇದಾರ್ ಜಾಧವ್, ಸುಯಶ್ ಪ್ರಭುದೇಸಾಯಿ, ಮನೋಜ್ ಭಾಂಡಗೆ, ಸೋನು ಯಾದವ್, ವೇಯ್ನ್ ಪಾರ್ನೆಲ್, ವೈಶಾಕ್ ವಿಜಯಕುಮಾರ್.

source https://tv9kannada.com/photo-gallery/cricket-photos/ipl-2023-rcb-3rd-position-batters-in-last-seven-games-kannada-news-zp-575525.html

Leave a Reply

Your email address will not be published. Required fields are marked *