ನವದೆಹಲಿ: ಇದೇ ಮೊದಲ ಬಾರಿಗೆ ಭಾರತದ ನಟಿಯೊಬ್ಬರು ಪ್ರತಿಷ್ಠಿತ ಕ್ಯಾನಸ್‌ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.
77ನೇ ಕ್ಯಾನಸ್‌ ಫಿಲಂ ಫೆಸ್ಟಿವಲ್‌ನಲ್ಲಿ ನಟಿ ಅನಸೂಯ ಸೇನ್‌ಗುಪ್ತಾ ಉತ್ತಮ ನಟಿ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. “ದ ಶೇಮ್‌ಲೆಸ್‌’ ಸಿನಿಮಾಗಾಗಿ ಸೇನ್‌ಗುಪ್ತಾ ಈ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ವೇಶ್ಯಾಗೃಹದಿಂದ ಪೊಲೀಸ್‌ ಅಧಿಕಾರಿಯನ್ನು ಕೊಲೆ ಮಾಡಿ ಓಡಿಹೋಗುವ ಹೆಣ್ಣುಮಗಳ ಜೀವನ ಆಧರಿಸಿದ ಕಥೆಯನ್ನು ಈ ಸಿನಿಮಾ ಒಳಗೊಂಡಿದೆ. ಅಲ್ಲದೇ 48 ವರ್ಷಗಳ ಬಳಿಕ ಶ್ಯಾಮ್‌ ಬೆನಗಲ್‌ ಅವರ “ಮಂಥನ್‌’ ಈ ಬಾರಿ ಚಿತ್ರೋತ್ಸವದಲ್ಲಿ ವಿಶೇಷ ಪ್ರದರ್ಶನ ಪಡೆದುಕೊಂಡಿದೆ.