ಸದ್ಯ ನರೇಂದ್ರ ಮೋದಿ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರೋ ಕೊನೆಯ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡಕ್ಕೆ ಟೀಮ್ ಇಂಡಿಯಾ ಬಿಗ್ ಟಾರ್ಗೆಟ್ ಕೊಟ್ಟಿದೆ. ಬರೋಬ್ಬರಿ 357 ರನ್ಗಳ ಗುರಿಯನ್ನು ಇಂಗ್ಲೆಂಡ್ ಭಾರತ ಕ್ರಿಕೆಟ್ ತಂಡ ನೀಡಿದೆ.
ಟಾಸ್ ಸೋತರೂ ಫಸ್ಟ್ ಬ್ಯಾಟಿಂಗ್ ಮಾಡಿದ ಕ್ಯಾಪ್ಟನ್ ರೋಹಿತ್ ಶರ್ಮಾ ಕೇವಲ ಒಂದು ರನ್ಗೆ ವಿಕೆಟ್ ಒಪ್ಪಿಸಿದ್ರು. ರೋಹಿತ್ ವಿಕೆಟ್ ಬಿದ್ರೂ ಟೀಮ್ ಇಂಡಿಯಾ ಪರ ಗಿಲ್ ಅಬ್ಬರಿಸಿದರು. ಇವರು ಬರೋಬ್ಬರಿ 500 ದಿನಗಳ ನಂತರ ತಮ್ಮ ಏಕದಿನ ಶತಕ ಬಾರಿಸಿದ್ದಾರೆ. ಇಷ್ಟು ದಿನಗಳ ನಂತರ ಗಿಲ್ ತಮ್ಮ 7ನೇ ಶತಕ ಪೂರೈಸಿದ್ರು.
ಕೊಹ್ಲಿ, ಅಯ್ಯರ್ ಅಬ್ಬರ
ಕಳೆದ ಪಂದ್ಯದಲ್ಲಿ ಕಳಪೆ ಪ್ರದರ್ಶನ ನೀಡಿದ್ದ ವಿರಾಟ್ ಕೊಹ್ಲಿ ಇಂದಿನ ಪಂದ್ಯದಲ್ಲಿ ಮಿಂಚಿದರು. ತಾನು ಎದುರಿಸಿದ 55 ಬಾಲ್ನಲ್ಲಿ 1 ಭರ್ಜರಿ ಸಿಕ್ಸರ್, 7 ಫೋರ್ ಸಮೇತ 52 ರನ್ ಸಿಡಿಸಿದರು. ಇವರಿಗೆ ಸಾಥ್ ನೀಡಿದ ಶ್ರೇಯಸ್ ಅಯ್ಯರ್ ಅವರು, 64 ಬಾಲ್ನಲ್ಲಿ 2 ಸಿಕ್ಸರ್, 6 ಫೋರ್ ಸಮೇತ 78 ರನ್ ಬಾರಿಸಿದ್ರು.
ಕೆ.ಎಲ್ ರಾಹುಲ್ ಹೊಡಿಬಡಿ ಆಟ
ಇನ್ನು, 5ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಕೆ.ಎಲ್ ರಾಹುಲ್ ಹೊಡಿಬಟ ಆಟ ಆಡಿದರು. ಕೇವಲ 29 ಬಾಲ್ನಲ್ಲಿ 1 ಸಿಕ್ಸರ್, 3 ಫೋರ್ನೊಂದಿಗೆ 40 ರನ್ ಚಚ್ಚಿದ್ರು.
ಹಾರ್ದಿಕ್ ಪಾಂಡ್ಯ 17, ಅಕ್ಷರ್ ಪಟೇಲ್, ವಾಷಿಂಗ್ಟನ್ ಸುಂದರ್ 14, ಹರ್ಷಿತ್ ರಾಣಾ 13 ರನ್ ಗಳಿಸಿದ್ರು. ಈ ಮೂಲಕ ಟೀಮ್ ಇಂಡಿಯಾ 50 ಓವರ್ನಲ್ಲಿ 10 ವಿಕೆಟ್ ನಷ್ಟಕ್ಕೆ 356 ರನ್ ಕಲೆ ಹಾಕಿತ್ತು.
Source: https://newsfirstlive.com/team-india-big-target-england-team