MI W Vs GG W Eliminator – ಗುಜರಾತ್ ಜೈಂಟ್ಸ್ ತಂಡವನ್ನು 47 ರನ್ ಗಳಿಂದ ಸೋಲಿಸಿದ ಹರ್ಮನ್ ಪ್ರೀತ್ ಕೌರ್ ನೇತೃತ್ವದ ಮುಂಬಯಿ ಇಂಡಿಯನ್ಸ್ ಮಹಿಳಾ ಪ್ರೀಮಿಯರ್ ಲೀಗ್ ಫೈನಲ್ ಗೆ ಲಗ್ಗೆಯಿಟ್ಟಿದೆ. ಗುರುವಾರ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ಮುಂಬಯಿ ನಿಗದಿತ 20 ಓವರ್ ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 213 ರನ್ ಕಲೆಹಾಕಿತು. ಭಾರಿ ಮೊತ್ತವನ್ನು ಬೆಂಬತ್ತಿ ಹೊರಟ ಗುಜರಾತ್ 19.2 ಓವರ್ ಗಳಲ್ಲಿ 166 ರನ್ ಗಳಿಗೆ ಆಲೌಟ್ ಆಯಿತು.
ಹೇಲಿ ಮ್ಯಾಥ್ಯೂಸ್ ಅವರ ಆಲ್ ರೌಂಡ್ ಪ್ರದರ್ಶನದ ನೆರವಿನಿಂದ ಗುಜರಾತ್ ಜೈಂಟ್ಸ್ ತಂಡವನ್ನು 47 ರನ್ ಗಳಿಂದ ಬಗ್ಗುಬಡಿದ ಮುಂಬಯಿ ಇಂಡಿಯನ್ಸ್ ತಂಡ ಮಹಿಳಾ ಪ್ರೀಮಿಯರ್ ಲೀಗ್ ಟೂರ್ನಿಯ ಫೈನಲ್ ಪ್ರವೇಶಿಸಿದೆ. ಶನಿವಾರದಂದು ನಡೆಯುವ ಫೈನಲ್ ಪಂದ್ಯದಲ್ಲಿ ಅದು ದಿಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಎದುರಿಸಲಿದೆ.
ಗುರುವಾರ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿುಗ್ ಗೆ ಇಳಿಸಲ್ಪಟ್ಟ ಮುಂಬಯಿ ಇಂಡಿಯನ್ಸ್ ತಂಡ ನಿಗದಿತ 20 ಓವರ್ ಗಳಲ್ಲಿ ಕೇವಲ 4 ವಿಕೆಟ್ ಕಳೆದುಕೊಂಡು 213 ರನ್ ಗಳನ್ನು ಕಲೆ ಹಾಕಿತು. ದೊಡ್ಡ ಮೊತ್ತವನ್ನು ಬೆಂಬತ್ತಿ ಹೊರತ ಗುಜರಾತ್ ಜೈಂಟ್ಸ್ 19.2 ಓವರ್ ಗಳಲ್ಲಿ 166 ರನ್ ಗಳಿಗೆ ಸರ್ವಪತನ ಕಂಡಿತು. ಆರಂಭಕಾರ್ತಿ ಡೇನಿಯ್ ಗಿಬ್ಸನ್(34) ಮಧ್ಯಮ ಕ್ರಮಾಂಕದಲ್ಲಿ ಫೋಬಿ ಲಿಚ್ ಫೀಲ್ಡ್(31), ಭಾರತಿ ಫುಲ್ಮಲಿ(30) ಹೊರತುಪಡಿಸಿದರೆ ಬೇರಾರೂ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಲಿಲ್ಲ. ಮುಂಬಯಿ ಪರ ಹೇಲಿ ಮ್ಯಾಥ್ಯೂಸ್ 3 ಮತ್ತು ಅಮೇಲಿಯಾ ಕೆರ್ 2 ವಿಕೆಟ್ ಪಡೆದರು.
ಹೇಲಿ -ಬಂಟ್ ಶತಕದ ಜೊತೆಯಾಟ
ಇದಕ್ಕೂ ಮೊದಲು ಮುಂಬಯಿ ತಂಡ ವಿಕೆಟ್ ಕೀಪರ್ ಯಶ್ತಿಕಾ ಭಾಟಿಯಾ(15) ಅವರ ವಿಕೆಟ್ ಅನ್ನು ಬೇಗನೆ ಕಳೆದುಕೊಂಡರೂ ಹೇಲಿ ಮ್ಯಾಥ್ಯೂಸ್ ಮತ್ತು ನಾಟ್ ಸಿವಿರ್ ಬ್ರಂಟ್ ಎರಡನೇ ವಿಕೆಟ್ ಗೆ ಶತಕದ ಜೊತೆಯಾಟವಾಡಿದರು. ಕೇವಲ 50 ಎಸೆತಗಳಿಂದ 77 ರನ್ ಬಾರಿಸಿದ ಹೇಲಿ ಮ್ಯಾಥ್ಯೂಸ್ ಅವರು 17ನೇ ಓನರ್ ನಲ್ಲಿ ತಂಡದ ಮೊತ್ತ 159 ಆಗಿದ್ದಾಗ ಕಾಶ್ವಿ ಗೌತಮ್ ಅವರ ಎಸೆತದಲ್ಲಿ ಕೀಪರ್ ಮೂನಿಗೆ ಕ್ಯಾಚಿತ್ತು ಔಟಾದರು. ಆ ಬಳಿ ನಾಟ್ ಸಿವಿರ್ ಬ್ರಂಟ್ ಮತ್ತಿು ನಾಯಕಿ ಹರ್ಮನ್ ಪ್ರೀತ್ ಕೌರ್ ಅವರು ಮುಂಬಯಿ ಇನ್ನಿಂಗ್ಸ್ ಅನ್ನು ಬೆಳೆಸಿದರು. ತಂಡದ ಮೊತ್ತ 19ನೇ ಓವರ್ ನಲ್ಲಿ 193 ರನ್ ಗಳಾಗಿದ್ದಾಗ ಬ್ರಂಟ್ ವಿಕೆಟ್ ಪತನವಾಯಿತು. ಕೇವಲ 41 ಎಸತಗಳಿಂದ ಅವರು 10 ಬೌಂಡರಿ ಮತ್ತು 3 ಸಿಕ್ಸರ್ ಗಳಿದ್ದ 77 ರನ್ ಬಾರಿಸಿದರು.
ಹರ್ಮನ್ ಪ್ರೀತ್ ಕೌರ್ ಅವರು ಮತ್ತೊಂದು ತುದಿಯಲ್ಲಿ ಗುಡುಗುತ್ತಲೇ ಇದ್ದರು. ಕೇವಲ 12 ಎಸೆತಗಳಲ್ಲಿ 2 ಬೌಂಡರಿ ಮತ್ತು 4 ಸಿಕ್ಸರ್ ಗಳಿದ್ದ 36 ರನ್ ಬಾರಿಸಿದ ಅವರು ಇನ್ನಿಂಗ್ಸ್ ನ ಕೊನೆಯ ಎಸೆತದಲ್ಲಿ ರನೌಟ್ ಆದರು. ಗುಜರಾತ್ ಪರ ಡೇನಿಯಲ್ ಗಿಬ್ಸನ್ 2 ವಿಕೆಟ್ ಮತ್ತು ಕಾಶ್ವಿ ಗೌತಮ್ 1 ವಿಕೆಟ್ ಗಳಿಸಿದರು.
ಸಂಕ್ಷಿಪ್ತ ಸ್ಕೋರ್
- ಮುಂಬಯಿ ಇಂಡಿಯನ್ಸ್ 213/4, ಹೇಲಿ ಮ್ಯಾಥ್ಯೂಸ್ 77, ನಾಟ್ ಸಿವಿರ್ ಬ್ರಂಟ್ 77, ಹರ್ಮನ್ ಪ್ರೀತ್ ಕೌರ್ 36, ಡೇನಿಯಲ್ ಗಿಬ್ಸನ್ 40ಕ್ಕೆ 2, ಕಾಶ್ವಿ ಗೌತಮ್ 30ಕ್ಕೆ 1
- ಗುಜರಾತ್ ಜೈಂಟ್ಸ್ 166/10, ಡೇನಿಯಲ್ ಗಿಬ್ಸನ್ 34, ಲಿಚ್ ಫೀಲ್ಡ್ 31, ಭಾರತಿ ಫುಲ್ಮಲಿ 30, ಹೇಲಿ ಮ್ಯಾಥ್ಯೂಸ್ 31ಕ್ಕೆ 3, ಅಮೇಲಿಯಾ ಕೆರ್ 28ಕ್ಕೆ 2
Views: 0