ನಿಮಗೆ ಒಂದು ವೇಳೆ ಈಗಾಗಲೇ ಸಣ್ಣದಾಗಿ ನೆಗಡಿ ಕೆಮ್ಮು ಗಂಟಲು ನೋವು ಬಂದಿದ್ದರೆ ಅಥವಾ ಬರುವುದರ ಅನುಭವವಾಗುತ್ತಿದ್ದರೆ ಬೆಲ್ಲವನ್ನು ತುಳಸಿ, ಜೇನುತುಪ್ಪ ಇತ್ಯಾದಿಗಳ ಜೊತೆ ಮಿಕ್ಸ್ ಮಾಡಿ ಸೇವಿಸಿ.
ಈಗಾಗಲೇ ಮಳೆಗಾಲ ಕಳೆದು ಚಳಿಗಾಲ ನಡೆಯುತ್ತಿದೆ. ಈ ಸಂದರ್ಭದಲ್ಲಿ ಸಾಮಾನ್ಯವಾಗಿ ಸಣ್ಣ ನೆಗಡಿಯಿಂದ ಶುರುವಾಗಿ ತಲೆ ನೋವು, ಕೆಮ್ಮು, ಕಫ, ಜ್ವರ ಬರುವುದು ಸಾಮಾನ್ಯ. ಇಂತಹ ಸಂದರ್ಭದಲ್ಲಿ ಕೇವಲ ಮಾತ್ರೆಗಳ ಮೇಲೆ ಅವಲಂಬಿತರಾಗುವ ಬದಲು ನೈಸರ್ಗಿಕವಾಗಿ ನಮ್ಮ ಆರೋಗ್ಯವನ್ನು ಕಾಯಿಲೆಗಳು ಬರದಂತೆ ಹೇಗೆ ಕಾಪಾಡಿಕೊಳ್ಳಬೇಕು ಎಂಬುದರ ಬಗ್ಗೆ ಆಲೋಚಿಸುವುದು ಉತ್ತಮ.
ಆಯುರ್ವೇದದಲ್ಲಿ ಈ ನಿಟ್ಟಿನಲ್ಲಿ ಹಲವಾರು ಗಿಡಮೂಲಿಕೆಗಳು ಪ್ರಚಲಿತದಲ್ಲಿವೆ. ಅದರಲ್ಲಿ ಬೆಲ್ಲ ಕೂಡ ಒಂದು. ಬೆಲ್ಲ ತಿನ್ನುವುದರಿಂದ ಚಳಿಗಾಲದಲ್ಲಿ ನಮ್ಮ ದೇಹದ ತಾಪಮಾನ ಸ್ವಲ್ಪ ಹೆಚ್ಚಾಗುತ್ತದೆ. ಆದರೆ ಬೆಲ್ಲವನ್ನು ಇನ್ನಿತರ ಕೆಲವೊಂದು ಆರೋಗ್ಯಕರ ಆಹಾರ ಪದಾರ್ಥಗಳಲ್ಲಿ ಮಿಕ್ಸ್ ಮಾಡಿ ಸೇವಿಸುವುದರಿಂದ ಚಳಿಗಾಲದ ಅನೇಕ ಬಗೆಯ ಆರೋಗ್ಯ ಸಮಸ್ಯೆಗಳಿಂದ ರಕ್ಷಿಸಿಕೊಳ್ಳಬಹುದು.
- ಬೆಲ್ಲದ ಜೊತೆ ಜೇನು ತುಪ್ಪ ಮಿಕ್ಸ್ ಮಾಡಿ ಸೇವಿಸಿದರೆ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತದೆ ಮಾತ್ರವಲ್ಲದೆ ಜೇನು ತುಪ್ಪ ಮತ್ತು ಬೆಲ್ಲದಲ್ಲಿ ಕಂಡು ಬರುವ ಆಂಟಿ ಆಕ್ಸಿಡೆಂಟ್ ಗುಣಲಕ್ಷಣಗಳು ದೈಹಿಕ ಸದೃಢತೆಯನ್ನು ಉತ್ತಮಗೊಳಿಸುವುದರ ಜೊತೆಗೆ ರಕ್ತದಲ್ಲಿ ಹಿಮೋಗ್ಲೋಬಿನ್ ಪ್ರಮಾಣ ವನ್ನು ಹೆಚ್ಚಿಸುತ್ತದೆ.
- ಆಂಟಿ ಆಕ್ಸಿಡೆಂಟ್ ಅಂಶಗಳು ಹೆಚ್ಚಾಗಿರುವ ಇವುಗಳನ್ನು ಸೇವಿಸುವುದರಿಂದ ಒತ್ತಡ ಕೂಡ ಸಾಕಷ್ಟು ಕಡಿಮೆಯಾಗುತ್ತದೆ.
ತುಳಸಿ ಮತ್ತು ಬೆಲ್ಲವನ್ನು ಬಳಸಿ ಚಹಾ ತಯಾರು ಮಾಡಿ ಬೆಳಗಿನ ಸಮಯದಲ್ಲಿ ಖಾಲಿ ಹೊಟ್ಟೆಯಲ್ಲಿ ಕುಡಿಯುವುದರಿಂದ ನಮ್ಮ ರಕ್ತ ಶುದ್ಧೀಕರಣವಾಗುತ್ತದೆ ಮತ್ತು ದೇಹದಿಂದ ವಿಷಕಾರಿ ಅಂಶಗಳು ದೂರ ವಾಗುತ್ತವೆ. ತುಳಸಿ ಔಷಧೀಯ ಗುಣಗಳನ್ನು ಒಳಗೊಂಡಿರುವುದರಿಂದ ಇದು ನಮ್ಮ ದೇಹದ ರೋಗ ನಿರೋಧಕ ಶಕ್ತಿಯನ್ನು ಉತ್ತೇಜಿಸುತ್ತದೆ.
ಸಿಹಿ ಪದಾರ್ಥಗಳಲ್ಲಿ ಬೆಲ್ಲದ ಬಳಕೆ
- ಬೆಲ್ಲವನ್ನು ನೀವು ಚಳಿಗಾಲದಲ್ಲಿ ಸೇವಿಸಲು ಬಯಸುವ ಬಹುತೇಕ ಸಿಹಿ ಪದಾರ್ಥಗಳಲ್ಲಿ ಕೂಡ ಬಳಸಬಹುದು. ವಿವಿಧ ಬಗೆಯ ಪಾನೀಯಗಳಲ್ಲಿ ಬೆಲ್ಲವನ್ನು ಬಳಕೆ ಮಾಡುವುದರಿಂದ ಆರೋಗ್ಯಕ್ಕೆ ಹೆಚ್ಚಿನ ಲಾಭವಿದೆ.
- ಇದರಲ್ಲಿ ಅತ್ಯುತ್ತಮ ಪೌಷ್ಟಿಕಾಂಶಗಳು ಮತ್ತು ಆಂಟಿ ಆಕ್ಸಿ ಡೆಂಟ್ ಅಂಶಗಳು ಇರುವುದರಿಂದ ಮುಖ್ಯವಾಗಿ ಕಬ್ಬಿಣದ ಅಂಶ ನಮ್ಮ ದೇಹ ಸೇರುವುದ್ರಿಂದ ನಮ್ಮ ರಕ್ತದಲ್ಲಿ ಕಬ್ಬಿಣದ ಅಂಶದ ಕೊರತೆ ದೂರವಾ ಗುತ್ತದೆ ಮತ್ತು ರಕ್ತ ಶುದ್ಧೀಕರಣವಾಗುತ್ತದೆ. ಅಲ್ಲಿ ಬರುವಂತಹ ಅನೇಕ ಕಾಯಿಲೆಗಳು ನಮ್ಮಿಂದ ದೂರವೇ ಉಳಿಯುತ್ತವೆ.
- ತುಪ್ಪ
- ಆಯುರ್ವೇದದಲ್ಲಿ ತುಪ್ಪಕ್ಕೆ ಸಾಕಷ್ಟು ಒಳ್ಳೆಯ ಮಹತ್ವವಿದೆ. ತುಪ್ಪದ ಜೊತೆ ಬೆಲ್ಲವನ್ನು ಸೇರಿಸಿ ಸೇವಿಸುವುದರಿಂದ ನಮ್ಮ ದೇಹದ ಆರೋಗ್ಯಕ್ಕೆ ಕಂಡು ಬರುವ ಅನೇಕ ದೋಷಗಳು ದೂರ ವಾಗುತ್ತವೆ ಮತ್ತು ರೋಗ ನಿರೋಧಕ ಶಕ್ತಿ ನೈಸರ್ಗಿಕವಾಗಿ ಹೆಚ್ಚಾಗುತ್ತದೆ.
- ತುಪ್ಪ ಮತ್ತು ಬೆಲ್ಲ ಎರಡನ್ನು ಮಿಕ್ಸ್ ಮಾಡಿ ಸೇವಿಸಿ ನಿಮ್ಮ ಮೆಟ ಬಾಲಿಸಂ ಪ್ರಕ್ರಿಯೆಯನ್ನು ಉತ್ತೇಜಿಸಿಕೊಳ್ಳಬಹುದು ಮತ್ತು ಮಲ ಬದ್ಧತೆ ಸಮಸ್ಯೆಯಿಂದ ಮುಕ್ತಿ ಕಾಣಬಹುದು.
ಕಪ್ಪು ಕಾಳು ಮೆಣಸು
ಕಾಳು ಮೆಣಸಿನಲ್ಲಿ ರೋಗ ನಿರೋಧಕ ವ್ಯವಸ್ಥೆಗೆ ಅಗತ್ಯವಾಗಿ ಬೇಕಾದ ಅಂಶಗಳು ಅಡಗಿವೆ. ಇವುಗಳಲ್ಲಿ ಕಂಡು ಬರುವ ಅನೇಕ ಪೌಷ್ಟಿಕಾಂಶ ಗಳು ಚಳಿಗಾಲದಲ್ಲಿ ನಮ್ಮ ದೇಹದ ಆರೋಗ್ಯಕ್ಕೆ ಚೈತನ್ಯವನ್ನು ನೀಡು ವುದರ ಜೊತೆಗೆ ಕೆಮ್ಮು, ಕಫ ಇತ್ಯಾದಿ ಸಮಸ್ಯೆಗಳಿಗೆ ಔಷಧಿಗಳಾಗಿ ಕೂಡ ಕೆಲಸ ಮಾಡುತ್ತವೆ. ಬೆಲ್ಲವನ್ನು ಕಾಳು ಮೆಣಸಿನ ಜೊತೆ ಯಾವುದಾದರೂ ಒಂದು ಆಹಾರ ಪದಾರ್ಥದಲ್ಲಿ ಮಿಕ್ಸ್ ಮಾಡಿ ಸೇವಿಸುವುದರಿಂದ ಇದರ ಲಾಭಗಳನ್ನು ದುಪ್ಪಟ್ಟು ರೂಪದಲ್ಲಿ ಪಡೆಯಬಹುದು.
ಅರಿಶಿನ
- ನೀವು ಕುಡಿಯುವ ಹಾಲಿಗೆ ಅಥವಾ ಚಹಾಗೆ ಸಕ್ಕರೆ ಹಾಕುವ ಬದಲು ಬೆಲ್ಲವನ್ನು ಹಾಕಿ ಜೊತೆಗೆ ಸ್ವಲ್ಪ ಅರಿಶಿನ ಪುಡಿಯನ್ನು ಸೇರಿಸಿ ಕುಡಿಯುವ ಅಭ್ಯಾಸ ಇಟ್ಟುಕೊಂಡರೆ ನಿಮ್ಮ ದೇಹದ ಉರಿಯುತ ದೂರವಾಗುತ್ತದೆ ಮತ್ತು ತಾಪಮಾನ ನಿರ್ವಹಣೆ ಯಾಗುತ್ತದೆ.
- ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುವ ಬೆಲ್ಲ ನಿಮ್ಮ ಗಂಟಲು ನೋವಿನ ಸಮಸ್ಯೆಗೆ ರಾಮಬಾಣವಾಗಿ ಕೆಲಸ ಮಾಡುವುದರ ಜೊತೆಗೆ ಚಳಿಗಾಲದಲ್ಲಿ ಕಂಡುಬರುವ ಉಸಿರಾ ಟದ ಸಮಸ್ಯೆಯನ್ನು ದೂರ ಮಾಡಿ ನೀವು ಸೇವಿಸುವ ಆಹಾರ ದಲ್ಲಿ ಸಿಗುವಂತಹ ಪೌಷ್ಟಿಕಾಂಶಗಳನ್ನು ನಿಮ್ಮ ದೇಹ ಚೆನ್ನಾಗಿ ಹೀರಿಕೊಳ್ಳುವಂತೆ ಮಾಡುತ್ತದೆ.
ದಾಲ್ಚಿನ್ನಿ
- ಮಸಾಲೆ ಭರಿತ ಆಹಾರಗಳಲ್ಲಿ ಬಳಕೆಯಾಗುವ ದಾಲ್ಚಿನ್ನಿ ಸೌಮ್ಯವಾದ ರೂಪದಲ್ಲಿ ಸಿಹಿಯನ್ನು ಕೊಡುವುದರಿಂದ ಆಹಾರದ ರುಚಿ ಹೆಚ್ಚಾ ಗುತ್ತದೆ.
- ಆದರೆ ಇದರ ಜೊತೆಗೆ ಬೆಲ್ಲವನ್ನು ಸಹ ಬಳಸುವುದರಿಂದ ನಿಮ್ಮ ಆಹಾರ ಪದಾರ್ಥಗಳು ಅಥವಾ ಪಾನೀಯಗಳ ಸ್ವಾದ ಹೆಚ್ಚಾಗು ವುದರ ಜೊತೆಗೆ ಆರೋಗ್ಯದ ಲಾಭಗಳು ಸಹ ಅಪಾರವಾಗಿ ಸಿಗುತ್ತವೆ.
ಶುಂಠಿ
- ಶುಂಠಿ ಬಗ್ಗೆ ನಿಮಗೆ ಬೇರೆ ಹೇಳಬೇಕಾಗಿಲ್ಲ. ಏಕೆಂದರೆ ಇದು ಒಂದು ಔಷಧೀಯ ಗಿಡಮೂಲಿಕೆ. ಇದು ಸಹ ನಮ್ಮ ದೇಹದ ತಾಪಮಾನವನ್ನು ಚಳಿಗಾಲದಲ್ಲಿ ಒಳ್ಳೆಯ ರೀತಿಯಲ್ಲಿ ನಿರ್ವಹಣೆ ಮಾಡಿ ಕಾಯಿಲೆಗಳು ಹತ್ತಿರ ಸುಳಿಯದಂತೆ ನೋಡಿಕೊಳ್ಳುತ್ತದೆ.
- ಶುಂಠಿ ಚಹಾ ತಯಾರು ಮಾಡಿಕೊಂಡು ಕುಡಿಯುವ ಸಂದರ್ಭ ದಲ್ಲಿ ಜೊತೆಗೆ ಬೆಲ್ಲವನ್ನು ಸೇರಿಸಿ ಕುಡಿಯುವ ಅಭ್ಯಾಸ ಮಾಡಿ ಕೊಂಡರೆ ಇದರ ಶಕ್ತಿ ವರ್ಧಕ ಮತ್ತು ರೋಗ ನಿರೋಧಕ ಪ್ರಯೋಜನಗಳನ್ನು ನಿಮ್ಮದಾಗಿಸಿಕೊಳ್ಳಬಹುದು.
ನೆಲ್ಲಿಕಾಯಿ
- ಬೆಟ್ಟದ ನೆಲ್ಲಿಕಾಯಿ ತನ್ನಲ್ಲಿ ವಿಟಮಿನ್ ಸಿ ಪ್ರಮಾಣವನ್ನು ಅಪಾರವಾಗಿ ಹೊಂದಿದ್ದು, ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುವಲ್ಲಿ ನೆರವಾಗುತ್ತದೆ.
- ನೀವು ಹಸಿ ನೆಲ್ಲಿಕಾಯಿಯನ್ನು ಬೆಲ್ಲದ ಜೊತೆ ಸೇವನೆ ಮಾಡ ಬಹುದು ಅಥವಾ ನೆಲ್ಲಿಕಾಯಿಯನ್ನು ಪೇಸ್ಟ್ ತರಹ ಮಾಡಿ ಕೊಂಡು ಅದಕ್ಕೆ ಬೆಲ್ಲ ವನ್ನು ಮಿಕ್ಸ್ ಮಾಡಿ ಸವಿಯಬಹುದು. ಇವೆರಡರ ಸೇವನೆಯಿಂದ ಕೂಡ ಚಳಿಗಾಲದ ಕಾಯಿಲೆಗಳಿಂದ ನಿಮ್ಮನ್ನು ನೀವು ರಕ್ಷಿಸಿಕೊಳ್ಳಬಹುದು.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
WhatsApp Group : https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharechat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1