Sports

Faf Duplessis: ಡೆಲ್ಲಿ ವಿರುದ್ಧದ ಸೋಲಿನ ಬಳಿಕ ಬೇಸರದ ಮಾತುಗಳನ್ನಾಡಿದ ಆರ್​ಸಿಬಿ ನಾಯಕ ಫಾಫ್ ಡುಪ್ಲೆಸಿಸ್

May 7, 2023
samagrasuddi

ಐಪಿಎಲ್ 2023 ರಲ್ಲಿ ಶನಿವಾರ ನಡೆದ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಹೀನಾಯ ಪ್ರದರ್ಶನ ತೋರಿತು. ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಆರ್​ಸಿಬಿ ಕಳಪೆ ಬೌಲಿಂಗ್ ಪ್ರದರ್ಶಿಸಿದರೆ ವಾರ್ನರ್ ಪಡೆ 7 ವಿಕೆಟ್​ಗಳ ಅಮೋಘ ಗೆಲುವು ಕಂಡಿತು.ಪಂದ್ಯ ಮುಗಿದ ಬಳಿಕ ಮಾತನಾಡಿದ ಆರ್​​ಸಿಬಿ ನಾಯಕ ಫಾಫ್ ಡುಪ್ಲೆಸಿಸ್, ನಾವು ಕಲೆಹಾಕಿದ ರನ್ ಸಾಕಗಲಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ಈ ಪಂದ್ಯ ತುಂಬಾ ಕುತೂಹಲ ಕೆರಳಿಸಿತ್ತು. 185 ರನ್ ಗಳಿಸಿದರೆ ಅದು ಉತ್ತಮ ಮೊತ್ತ ಎಂದು ನಾನು ಅಂದುಕೊಂಡಿದ್ದೆ. ಆದರೆ, ಹಾಗಾಗಲಿಲ್ಲ ಎಂದು ಹೇಳಿದ್ದಾರೆ.ನಮ್ಮ ಸ್ಪಿನ್ನರ್​ಗಳ ಎಲ್ಲ ತಂತ್ರವನ್ನು ಇಬ್ಬನಿ ತಲೆಕೆಳಗಾಗಿಸಿತು. ಆದರೆ, ಡೆಲ್ಲಿ ಬ್ಯಾಟರ್​ಗಳ ಪ್ರದರ್ಶನಕ್ಕೆ ಕೊಡುಗೆ ಸಲ್ಲಬೇಕು. ಸ್ಪಿನ್ನರ್​ಗಳಿಗೆ ಅತ್ಯುತ್ತಮವಾಗಿ ಬ್ಯಾಟ್ ಬೀಸಿದರು. ಡ್ಯೂ ಇದ್ದ ಸಂದರ್ಭ ಸರಿಯಾದ ಜಾಗದಲ್ಲಿ ಚೆಂಡನ್ನು ಎಸೆಯ ಬೇಕು ಎಂಬ ಬಗ್ಗೆ ನಿಮಗೆ ತಿಳಿದಿರಬೇಕು - ಫಾಫ್ ಡುಪ್ಲೆಸಿಸ್.ನಾವು ಕೆಲವು ಕೆಟ್ಟ ಬಾಲ್​ಗಳನ್ನು ಎಸೆದಿದ್ದೇವೆ, ಕೆಲವು ತಪ್ಪುಗಳನ್ನು ಮಾಡಿದ್ದೇವೆ. ಕೊನೆಯ ಹಂತದ ವರೆಗೂ ಪಂದ್ಯವನ್ನು ಕೊಂಡೊಯ್ಯಲು ಸಾಧ್ಯವಾಗಲಿಲ್ಲ. 185 ಉತ್ತಮ ರನ್ ಎಂದು ಅಂದುಕೊಂಡಿದ್ದೆವು. ಆದರೆ, ಇದನ್ನು 200ರತ್ತ ಸಾಗಿಸಬೇಕಿತ್ತು. ಇಲ್ಲಿ ನಾವು ಎಡವಿದೆವು ಎಂಬುದು ಫಾಫ್ ಮಾತು.ಮ್ಯಾಕ್ಸ್​ವೆಲ್ ನಾಲ್ಕನೇ ಕ್ರಮಾಂಕದಲ್ಲಿ ಆಡುವ ಉತ್ತಮ ಬ್ಯಾಟರ್. ಆದರೆ, ಅವನು ಫಾರ್ಮ್​ನಲ್ಲಿದ್ದ ಕಾರಣ ಬೇಗನೆ ಮೂರನೇ ಕ್ರಮಾಂಕದಲ್ಲಿ ಕಳುಹಿಸಿದೆವು. ಅದು ಫೇಲ್ ಆಯಿತು. ಮಹಿಪಾಲ್ ಲುಮ್ರೂರ್ ಕಡೆಯಿಂದ ಅತ್ಯುತ್ತಮ ಆಟ ಬಂದಿದೆ ಎಂದು ಡುಪ್ಲೆಸಿಸ್ ಹೇಳಿದ್ದಾರೆ.ಸ್ಲೋ ಪಿಚ್ ಆಗಿದ್ದರಿಂದ ಬ್ಯಾಟಿಂಗ್ ಕಷ್ಟವಾಗುತ್ತಿತ್ತು. ಯಾವುದೇ ಪಂದ್ಯದಲ್ಲಿ ಮೊದಲ ಆರು ಓವರ್​ಗಳು ಮುಖ್ಯವಾಗುತ್ತದೆ. ಆರಂಭದಲ್ಲಿ ಉತ್ತಮ ಅಡಿಪಾಯ ಹಾಕಿದರೆ ಪಂದ್ಯದಲ್ಲಿ ನೀವು ಯಶಸ್ಸು ಗಳಿಸಬಹುದು - ಫಾಫ್ ಡುಪ್ಲೆಸಿಸ್.ಈ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಆರ್​ಸಿಬಿ 20 ಓವರ್​ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 181 ರನ್ ಕಲೆಹಾಕಿತು. ವಿರಾಟ್ ಕೊಹ್ಲಿ 46 ಎಸೆತಗಳಲ್ಲಿ 55 ರನ್, ಲುಮ್ರೂರ್ 29 ಎಸೆತಗಳಲ್ಲಿ ಅಜೇಯ 54 ಹಾಗೂ ಡುಪ್ಲೆಸಿಸ್ 32 ಎಸೆತಗಳಲ್ಲಿ 45 ರನ್ ಗಳಿಸಿದರು.ಟಾರ್ಗೆಟ್ ಬೆನ್ನಟ್ಟಿದ ಡೆಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆದ 16.4 ಓವರ್​ನಲ್ಲೇ 3 ವಿಕೆಟ್ ನಷ್ಟಕ್ಕೆ 187 ರನ್ ಸಿಡಿಸಿ ಗೆಲುವು ಕಂಡಿತು. ಪಿಲಿಪ್ ಸಾಲ್ಟ್ ಕೇವಲ 45 ಎಸೆತಗಳಲ್ಲಿ 8 ಫೋರ್, 6 ಸಿಕ್ಸರ್ ಸಿಡಿಸಿ 87 ರನ್ ಚಚ್ಚಿದರು. ರಿಲೀ ರುಸ್ಸೋ ಅಜೇಯ 35 ರನ್ ಗಳಿಸಿದರು.

source https://tv9kannada.com/photo-gallery/cricket-photos/faf-duplessis-in-the-post-match-presentation-after-dc-vs-rcb-match-he-said-i-thought-185-was-a-pretty-good-score-vb-572034.html

Leave a Reply

Your email address will not be published. Required fields are marked *