Hockey World Cup 2023: ಭಾರತದಲ್ಲಿ ಜನವರಿ 13 ರಿಂದ ಆರಂಭವಾಗಲಿರುವ ಎಫ್ಐಎಚ್ ಪುರುಷರ ಹಾಕಿ ವಿಶ್ವಕಪ್ಗಾಗಿ 18 ಸದಸ್ಯರ ಟೀಮ್ ಇಂಡಿಯಾವನ್ನು (India Squad) ಪ್ರಕಟಿಸಲಾಗಿದೆ. ಈ ತಂಡವನ್ನು ರಕ್ಷಣಾತ್ಮಕ ಆಟಗಾರ ಹರ್ಮನ್ಪ್ರೀತ್ ಸಿಂಗ್ ಮುನ್ನಡೆಸಲಿದ್ದು, ಉಪನಾಯಕರಾಗಿ ಅಮಿತ್ ರೋಹಿದಾಸ್ ಆಯ್ಕೆಯಾಗಿದ್ದಾರೆ. ಈ ಹಿಂದೆ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದ ಭಾರತ ತಂಡವನ್ನು ಮಿಡ್ಫೀಲ್ಡರ್ ಆಟಗಾರ ಮನ್ಪ್ರೀತ್ ಸಿಂಗ್ ಮುನ್ನಡೆಸಿದ್ದರು. ಇದೀಗ ನಾಯಕತ್ವ ಬದಲಾವಣೆಯೊಂದಿಗೆ ಭಾರತ ತಂಡ ವಿಶ್ವಕಪ್ನಲ್ಲಿ ಕಣಕ್ಕಿಳಿಯುತ್ತಿರುವುದು ವಿಶೇಷ.
ಇನ್ನು ತಂಡದ ಮುನ್ಪಡೆ ಆಟಗಾರರಾಗಿ ಮನ್ದೀಪ್ ಸಿಂಗ್, ಲಲಿತ್ ಕುಮಾರ್ ಉಪಾಧ್ಯಾಯ, ಅಭಿಷೇಕ್ ಹಾಗೂ ಸುಖಜೀತ್ ಆಯ್ಕೆಯಾಗಿದ್ದಾರೆ. ಹಾಗೆಯೇ ಗೋಲ್ ಕೀಪರ್ಗಳಾಗಿ ಕೃಷ್ಣ ಬಹದ್ದೂರ್ ಪಾಠಕ್ ಹಾಗೂ ಪಿಆರ್ ಶ್ರೀಜೇಶ್ ತಂಡದಲ್ಲಿದ್ದಾರೆ.
ರಕ್ಷಣಾತ್ಮಕ ವಿಭಾಗದಲ್ಲಿ ಭಾರತ ತಂಡವು ಬಲಿಷ್ಠವಾಗಿದ್ದು, ನಾಯಕ ಹರ್ಮನ್ ಪ್ರೀತ್ ಸಿಂಗ್, ಉಪನಾಯಕ ಅಮಿತ್ ರೋಹಿದಾಸ್ ಜೊತೆಗೆ ಜರ್ಮನ್ಪ್ರೀತ್ ಸಿಂಗ್ ಹಾಗೂ ಸುರೇಂದರ್ ಕುಮಾರ್ ಡಿಫೆಂಡರ್ಗಳಾಗಿ ಕಾಣಿಸಿಕೊಳ್ಳಲಿದ್ದಾರೆ. ಹಾಗೆಯೇ ಮಿಡ್ಫೀಲ್ಡರ್ಗಳಾಗಿ ಮನಪ್ರೀತ್ ಸಿಂಗ್ ಹಾಗೂ ಹಾರ್ದಿಕ್ ಸಿಂಗ್ ತಂಡದ ಬಲವನ್ನು ಮತ್ತಷ್ಟು ಹೆಚ್ಚಿಸಲಿದ್ದಾರೆ. ಹೀಗಾಗಿಯೇ ಈ ಬಾರಿ ವಿಶ್ವಕಪ್ ಗೆಲ್ಲುವ ವಿಶ್ವಾಸದಲ್ಲಿದೆ ಭಾರತ ತಂಡ.
ಹಾಕಿ ವಿಶ್ವಕಪ್ನಲ್ಲಿ ಭಾರತದ ಸಾಧನೆ:
ಹಾಕಿ ವಿಶ್ವಕಪ್ನಲ್ಲಿ ಭಾರತ ತಂಡವು ಮೂರು ಬಾರಿ ಪದಕಗಳನ್ನು ಗೆದ್ದುಕೊಂಡಿದೆ. 1971 ರಲ್ಲಿ ನಡೆದ ಮೊದಲ ಆವೃತ್ತಿಯಲ್ಲಿ ಕಂಚಿನ ಪದಕ ಗೆದ್ದ ಭಾರತ ತಂಡವು, 1973 ರಲ್ಲಿ ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿತ್ತು. ಹಾಗೆಯೇ 1975 ರಲ್ಲಿ ಜರ್ಮನಿಯಲ್ಲಿ ನಡೆದ ವಿಶ್ವಕಪ್ನಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದ ಭಾರತ ತಂಡವು ಆ ಬಳಿಕ ಪ್ರಶಸ್ತಿ ಗೆದ್ದಿಲ್ಲ. ಇದೀಗ ತವರಿನಲ್ಲೇ ಟೂರ್ನಿ ನಡೆಯುತ್ತಿರುವುದರಿಂದ ಭಾರತದ ಮೇಲಿನ ನಿರೀಕ್ಷೆ ಹೆಚ್ಚಿದೆ.
ಇದನ್ನೂ ಓದಿ: Team India: ಟೀಮ್ ಇಂಡಿಯಾ ಟಿ20 ತಂಡದಿಂದ 9 ಆಟಗಾರರು ಔಟ್..!
ಭಾರತ ತಂಡದ ವೇಳಾಪಟ್ಟಿ:
ಈ ಬಾರಿಯ ವಿಶ್ವಕಪ್ನಲ್ಲಿ ಭಾರತ ತಂಡವು ಪೂಲ್ ಡಿ ಯಲ್ಲಿ ಸ್ಥಾನ ಪಡೆದಿದ್ದು, ಇಂಗ್ಲೆಂಡ್, ಸ್ಪೇನ್ ಮತ್ತು ವೇಲ್ಸ್ ತಂಡಗಳ ವಿರುದ್ಧ ಭಾರತೀಯರು ಕಣಕ್ಕಿಳಿಯಲಿದ್ದಾರೆ.
- ಜನವರಿ 13: ಭಾರತ vs ಸ್ಪೇನ್ (ರಾತ್ರಿ 7 ಗಂಟೆಗೆ)
- ಜನವರಿ 15: ಭಾರತ vs ಇಂಗ್ಲೆಂಡ್ (ರಾತ್ರಿ 7 ಗಂಟೆಗೆ)
- ಜನವರಿ 19: ಭಾರತ vs ವೇಲ್ಸ್ (ಸಂಜೆ 7 ಗಂಟೆಗೆ)
ಭಾರತ ತಂಡ ಹೀಗಿದೆ:
ಗೋಲ್ ಕೀಪರ್ಗಳು:-
- ಕೃಷ್ಣ ಬಹದ್ದೂರ್ ಪಾಠಕ್
- ಪಿಆರ್ ಶ್ರೀಜೇಶ್
ರಕ್ಷಣಾತ್ಮಕ ಆಟಗಾರರು:-
- ಜರ್ಮನ್ಪ್ರೀತ್ ಸಿಂಗ್
- ಸುರೇಂದರ್ ಕುಮಾರ್
- ಹರ್ಮನ್ಪ್ರೀತ್ ಸಿಂಗ್ (ನಾಯಕ)
- ವರುಣ್ ಕುಮಾರ್
- ಅಮಿತ್ ರೋಹಿದಾಸ್ (ಉಪ ನಾಯಕ)
- ನಿಲಮ್ ಸಂಜೀಪ್
ಮಿಡ್ಫೀಲ್ಡರ್ಗಳು:-
- ಮನಪ್ರೀತ್ ಸಿಂಗ್
- ಹಾರ್ದಿಕ್ ಸಿಂಗ್
- ನೀಲಕಂಠ ಶರ್ಮ
- ಶಂಶೇರ್ ಸಿಂಗ್
- ವಿವೇಕ್ ಸಾಗರ್ ಪ್ರಸಾದ್
- ಆಕಾಶದೀಪ್ ಸಿಂಗ್
ಮುನ್ಪಡೆ ಆಟಗಾರರು:-
- ಮನದೀಪ್ ಸಿಂಗ್
- ಲಲಿತ್ ಕುಮಾರ್ ಉಪಾಧ್ಯಾಯ
- ಅಭಿಷೇಕ್
- ಸುಖಜೀತ್ ಸಿಂಗ್
ಪರ್ಯಾಯ ಆಟಗಾರರು:-
- ರಾಜಕುಮಾರ್ ಪಾಲ್
- ಜುಗರಾಜ್ ಸಿಂಗ್.