Health Tips: ವಯಸ್ಸಾದಂತೆ ದೃಷ್ಟಿ ದುರ್ಬಲವಾಗುವುದು ಸಾಮಾನ್ಯ. ಆದರೆ ಪ್ರತಿದಿನ ಒಂದು ಕಿತ್ತಳೆ ಹಣ್ಣು ತಿನ್ನುವುದು ಕಣ್ಣಿನ ಆರೋಗ್ಯವನ್ನು ಕಾಪಾಡುವಲ್ಲಿ ದೊಡ್ಡ ಪಾತ್ರವಹಿಸುತ್ತದೆ ಎನ್ನುವುದು ಸಂಶೋಧನೆಗಳ ಹೇಳಿಕೆ. ಕಿತ್ತಳೆಯಲ್ಲಿ ಇರುವ ಫ್ಲೇವನಾಯ್ಡ್‌ಗಳು ಮತ್ತು ಕ್ಯಾರೊಟಿನಾಯ್ಡ್‌ಗಳು ಕಣ್ಣಿನ ವಯೋಸಹಜ ಸಮಸ್ಯೆಗಳನ್ನು ತಡೆಗಟ್ಟಲು ಸಹಾಯಕ.
ಮ್ಯಾಕ್ಯುಲರ್ ಡಿಜೆನರೇಶನ್ ಅಪಾಯ 60% ಕಡಿಮೆ
15 ವರ್ಷಗಳ ಕಾಲ ನಡೆದ ಸಂಶೋಧನೆಯ ಪ್ರಕಾರ ಪ್ರತಿದಿನ ಒಂದು ಕಿತ್ತಳೆ ತಿನ್ನುವವರಲ್ಲಿ ಮ್ಯಾಕ್ಯುಲರ್ ಡಿಜೆನರೇಶನ್ ಎಂಬ ಕಣ್ಣಿನ ವಯಸ್ಸು ಸಂಬಂಧಿತ ರೋಗ ತಗುಲುವ ಸಂಭವ 60 ಪ್ರತಿಶತ ಕಡಿಮೆ. ಕಿತ್ತಳೆಯಲ್ಲಿರುವ ಫ್ಲೇವನಾಯ್ಡ್‌ಗಳು ದೃಷ್ಟಿ ದೋಷ ತಡೆಯುವ ಶಕ್ತಿಶಾಲಿ ಉತ್ಕರ್ಷಣ ನಿರೋಧಕಗಳು.
ವಿಟಮಿನ್ A ಮತ್ತು ಕ್ಯಾರೊಟಿನಾಯ್ಡ್‌ಗಳು – ಕಣ್ಣಿನ ಪೊರೆಯನ್ನು ರಕ್ಷಣೆ
ಕಿತ್ತಳೆಯಲ್ಲಿರುವ ವಿಟಮಿನ್ A ಕಣ್ಣಿನ ಲೋಳೆಯ ಪೊರೆಯನ್ನು ಆರೋಗ್ಯಕರವಾಗಿಡುತ್ತದೆ. ಹಣ್ಣು ರಸವನ್ನು ನಿಯಮಿತವಾಗಿ ಸೇವಿಸುವುದು ಕಣ್ಣಿನ ನರಗಳಿಗೆ ಆಗುವ ಹಾನಿಯನ್ನು ತಡೆಯುವಲ್ಲಿ ಸಹಕಾರಿ.
ಕುರುಡತನ ತಡೆ – ಕಿತ್ತಳೆ ರಸದ ಪಾತ್ರ
ವಯಸ್ಸಾದಂತೆ ನರಹಾನಿಯಿಂದ ಉಂಟಾಗುವ ಕುರುಡತನವನ್ನು ಕಿತ್ತಳೆ ರಸ ನಿಯಮಿತ ಸೇವನೆ ತಡೆಗಟ್ಟಲು ಸಹಾಯ ಮಾಡುತ್ತದೆ ಎಂದು ಅಧ್ಯಯನಗಳು ಸೂಚಿಸುತ್ತವೆ.
ದೇಹ ಸಮಗ್ರ ಆರೋಗ್ಯಕ್ಕೂ ಕಿತ್ತಳೆ ಪ್ರಯೋಜನ
ವಿಟಮಿನ್ B6: ಹಿಮೋಗ್ಲೋಬಿನ್ ಹೆಚ್ಚಿಸುತ್ತದೆ
ಹೆಸ್ಪೆರಿಡಿನ್: ರಕ್ತದೊತ್ತಡ ನಿಯಂತ್ರಿಸುತ್ತದೆ
ಪಾಲಿಥೋಕ್ಸಿಲೇಟೆಡ್ ಫ್ಲೇವೋನ್ಸ್: ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡುತ್ತದೆ
ಕಿತ್ತಳೆಯು ಕಣ್ಣುಗಳಷ್ಟೇ ಅಲ್ಲದೆ ದೇಹದ ಒಟ್ಟಾರೆ ಆರೋಗ್ಯಕ್ಕೂ ಮಹತ್ವದ ಪ್ರಯೋಜನ ನೀಡುವ ಹಣ್ಣು.
ಸೂಚನೆ: ಈ ಮಾಹಿತಿ ಸಾಮಾನ್ಯ ಹಾಗೂ ಮನೆಮದ್ದುಗಳ ಆಧಾರದ ಮೇಲಿದೆ. ಯಾವುದೇ ಬದಲಾವಣೆಗಳನ್ನು ಅಳವಡಿಸಿಕೊಳ್ಳುವ ಮುನ್ನ ವೈದ್ಯರ ಸಲಹೆ ಪಡೆಯುವುದು ಅಗತ್ಯ.
Views: 9