ಸರ್ಕಾರಿ ಉದ್ಯೋಗವನ್ನು ಆಹಾರ ಸುರಕ್ಷತೆ ಹಾಗೂ ವಿಜ್ಞಾನ ಕ್ಷೇತ್ರದಲ್ಲಿ ಬಯಸುವ ಅಭ್ಯರ್ಥಿಗಳಿಗೆ ಉತ್ತಮ ಅವಕಾಶ ಲಭ್ಯವಾಗಿದೆ. ಭಾರತೀಯ ಆಹಾರ ಸುರಕ್ಷತೆ ಮತ್ತು ಮಾನದಂಡಗಳ ಪ್ರಾಧಿಕಾರ (FSSAI) ಆಹಾರ ವಿಶ್ಲೇಷಕ (Food Analyst) ಹುದ್ದೆಗಳ ನೇಮಕಾತಿಗಾಗಿ ಅರ್ಜಿಗಳನ್ನು ಆಹ್ವಾನಿಸಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಜನವರಿ 22ರೊಳಗೆ ಅಧಿಕೃತ ವೆಬ್ಸೈಟ್ fssai.gov.in ಮೂಲಕ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು.
ಆಹಾರ ವಿಶ್ಲೇಷಣೆ, ರಸಾಯನಶಾಸ್ತ್ರ ಮತ್ತು ವೈಜ್ಞಾನಿಕ ಕ್ಷೇತ್ರಗಳಲ್ಲಿ ವಿದ್ಯಾರ್ಹತೆ ಹಾಗೂ ಅನುಭವ ಹೊಂದಿರುವ ಅಭ್ಯರ್ಥಿಗಳಿಗೆ ಇದು ಕೇಂದ್ರ ಸರ್ಕಾರದಡಿ ವೃತ್ತಿಜೀವನ ನಿರ್ಮಿಸಲು ಉತ್ತಮ ಅವಕಾಶವಾಗಿದೆ.
ಶೈಕ್ಷಣಿಕ ಅರ್ಹತೆ
ಆಹಾರ ವಿಶ್ಲೇಷಕ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಕೆಳಗಿನ ವಿಷಯಗಳಲ್ಲಿ ಯಾವುದಾದರೂ ಒಂದರಲ್ಲಿ ಪದವಿ / ಸ್ನಾತಕೋತ್ತರ / ಪಿಎಚ್ಡಿ ಹೊಂದಿರಬೇಕು:
- ರಸಾಯನಶಾಸ್ತ್ರ
- ಡೈರಿ ರಸಾಯನಶಾಸ್ತ್ರ
- ಸೂಕ್ಷ್ಮ ಜೀವವಿಜ್ಞಾನ
- ಆಹಾರ ತಂತ್ರಜ್ಞಾನ
- ಆಹಾರ ಸುರಕ್ಷತೆ
- ಕೃಷಿ ವಿಜ್ಞಾನ
- ಜೀವರಸಾಯನಶಾಸ್ತ್ರ
(ಒಟ್ಟು 14 ಮಾನ್ಯತೆ ಪಡೆದ ವಿಷಯಗಳು)
ಇದಕ್ಕೂ ಹೊರತಾಗಿ, Institute of Chemists of India ನ ಆಹಾರ ವಿಶ್ಲೇಷಕ ವಿಭಾಗ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಅಭ್ಯರ್ಥಿಗಳು ಸಹ ಅರ್ಜಿ ಸಲ್ಲಿಸಬಹುದು.
ಅಭ್ಯರ್ಥಿಗಳು ಆಹಾರ ವಿಶ್ಲೇಷಣೆಯಲ್ಲಿ ಕನಿಷ್ಠ 3 ವರ್ಷಗಳ ಅನುಭವ ಹೊಂದಿರಬೇಕು.
ಅರ್ಜಿ ಶುಲ್ಕ
- ಕಂಪ್ಯೂಟರ್ ಆಧಾರಿತ ಪರೀಕ್ಷೆ ಮತ್ತು ಪ್ರಾಯೋಗಿಕ ಪರೀಕ್ಷೆಗೆ
- ರೂ. 2,500 ರಿಂದ ರೂ. 5,000 ವರೆಗೆ ಶುಲ್ಕ
- ಶುಲ್ಕವನ್ನು ಆನ್ಲೈನ್ನಲ್ಲಿ ಪಾವತಿಸಬೇಕು
- ಒಮ್ಮೆ ಪಾವತಿಸಿದ ಶುಲ್ಕ ಮರುಪಾವತಿ ಇರುವುದಿಲ್ಲ
ಆಯ್ಕೆ ಪ್ರಕ್ರಿಯೆ
FSSAI ಆಹಾರ ವಿಶ್ಲೇಷಕರ ನೇಮಕಾತಿ ಎರಡು ಹಂತಗಳಲ್ಲಿ ನಡೆಯುತ್ತದೆ:
- ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT)
- ಆಹಾರ ರಸಾಯನಶಾಸ್ತ್ರ
- ಸೂಕ್ಷ್ಮ ಜೀವವಿಜ್ಞಾನ
- ಆಹಾರ ಸುರಕ್ಷತೆ ಮತ್ತು ಸಂಬಂಧಿತ ವಿಷಯಗಳು
- ಪ್ರಾಯೋಗಿಕ ಪರೀಕ್ಷೆ (Laboratory Test)
ಈ ಎರಡು ಹಂತಗಳಲ್ಲಿ ಪಡೆದ ಅಂಕಗಳ ಆಧಾರದ ಮೇಲೆ ಅಂತಿಮ ಮೆರಿಟ್ ಪಟ್ಟಿಯನ್ನು ಸಿದ್ಧಪಡಿಸಿ ಆಯ್ಕೆ ಮಾಡಲಾಗುತ್ತದೆ.
ಅರ್ಜಿ ಸಲ್ಲಿಸುವ ವಿಧಾನ
- ಮೊದಲು ಅಧಿಕೃತ ವೆಬ್ಸೈಟ್ fssai.gov.in ಗೆಭೇಟಿ ನೀಡಿ
- ಆಹಾರ ವಿಶ್ಲೇಷಕ ನೇಮಕಾತಿ ಲಿಂಕ್ ಕ್ಲಿಕ್ ಮಾಡಿ
- ಹೊಸದಾಗಿ ನೋಂದಣಿ ಮಾಡಿ ಲಾಗಿನ್ ಐಡಿ ರಚಿಸಿ
- ಅರ್ಜಿ ನಮೂನೆಯನ್ನು ಎಚ್ಚರಿಕೆಯಿಂದ ಭರ್ತಿ ಮಾಡಿ
- ಅಗತ್ಯ ಅರ್ಜಿ ಶುಲ್ಕವನ್ನು ಪಾವತಿಸಿ
- ಅರ್ಜಿಯನ್ನು ಸಲ್ಲಿಸಿ ಪ್ರಿಂಟ್ ಕಾಪಿ ಉಳಿಸಿಕೊಳ್ಳಿ
Views: 38