ಚಿತ್ರದುರ್ಗ | ದಿನಾಂಕ: 14-01-2026
ವಿದ್ಯಾ ವಿಕಾಸ ವಿದ್ಯಾ ಸಂಸ್ಥೆಯಲ್ಲಿ “ಸಂಕ್ರಾಂತಿ ಹಬ್ಬ”ವನ್ನು ಬಹಳ ವಿಜೃಂಭಣೆಯಿAದ ಆಚರಿಸಲಾಯಿತು. “ಸಂಕ್ರಾಂತಿಯ ಸುಗ್ಗಿ ಸಂಭ್ರಮ – 2026”
ಸಂಸ್ಥೆಯ ಐಸಿಎಸ್ಸಿ ವಿಭಾಗದ 1ರಿಂದ 4ನೇ ತರಗತಿಯ ವಿದ್ಯಾರ್ಥಿಗಳು ಆಕರ್ಷಕ ಸಾಂಪ್ರದಾಯಿಕ ಉಡುಪುಗಳಲ್ಲಿ ಸಂಕ್ರಾಂತಿ ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದರು. ಮಕ್ಕಳ ಸಂಭ್ರಮ, ಹಳ್ಳಿಯ ಸೊಗಡು ಹಾಗೂ ಸಂಪ್ರದಾಯಗಳ ಮೆರವಣಿಗೆಯೊಂದಿಗೆ ಸಂಕ್ರಾಂತಿ ಸಂಭ್ರಮ ಕಾರ್ಯಕ್ರಮವು ಮನಮೋಹಕವಾಗಿ ನಡೆಯಿತು.
ಗೋಪೂಜೆ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ
ಕಾರ್ಯಕ್ರಮವನ್ನು ಚಿತ್ರದುರ್ಗದ ರೋಟರಿಯನ್ ಆಗಿರುವ ಶ್ರೀಮತಿ ಗಾಯಿತ್ರಿ ಶಿವರಾಂ ಅವರು, ಸಂಸ್ಥೆಯ ಕಾರ್ಯದರ್ಶಿಗಳಾದ ಶ್ರೀ ಬಿ. ವಿಜಯ ಕುಮಾರ್, ನಿರ್ದೇಶಕರಾದ ಶ್ರೀಮತಿ ಸುನೀತಾ ವಿಜಯ ಕುಮಾರ್ ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾದ ಶ್ರೀ ಎಸ್.ಎಂ. ಪೃಥ್ವೀಶ ಅವರೊಂದಿಗೆ ಸೇರಿ ಗೋಪೂಜೆ ನೆರವೇರಿಸುವ ಮೂಲಕ ಉದ್ಘಾಟಿಸಿದರು.
ರಾಶಿಪೂಜೆ – ಹಳ್ಳಿಯ ಸಂಪ್ರದಾಯದ ಅನುರಣನ
ಗ್ರಾಮೀಣ ಪ್ರದೇಶಗಳಲ್ಲಿ ರೈತರು ಹೊಲದಲ್ಲಿ ಧವಸ-ಧಾನ್ಯಗಳ ರಾಶಿ ಮಾಡಿ ಪೂಜೆ ಮಾಡುವ ಸಂಪ್ರದಾಯದಂತೆ ಇಲ್ಲಿ ಕೂಡ ಕಾಳುಗಳ ರಾಶಿ ಮಾಡಿ ರಾಶಿಪೂಜೆ ನೆರವೇರಿಸಲಾಯಿತು. ಇದರಿಂದ ಮಕ್ಕಳಿಗೆ ಹಬ್ಬದ ಸಾಂಸ್ಕೃತಿಕ ಮಹತ್ವವನ್ನು ಪರಿಚಯಿಸಲಾಯಿತು.
ಮಕ್ಕಳಿಂದ ಹಳ್ಳಿಯ ಸೊಗಡಿನ ಪ್ರದರ್ಶನ
ವಿವಿಧ ತರಗತಿಯ ಮಕ್ಕಳು
- ಸಿಹಿ ಪೊಂಗಲ್ ತಯಾರಿಸುವುದು
- ಕಾಳುಗಳನ್ನು ಹಸನು ಮಾಡುವುದು
- ಬೀಸೋ ಕಲ್ಲಿನಲ್ಲಿ ಬೀಸುವುದು
- ರಂಗೋಲಿ ಬಿಡಿಸುವುದು
ಹೀಗೆ ಅನೇಕ ಹಳ್ಳಿಯ ಸೊಗಡನ್ನು ಬಿಂಬಿಸುವ ಚಟುವಟಿಕೆಗಳನ್ನು ಪ್ರದರ್ಶಿಸಿದರು. ಪೋಷಕರು ಈ ಎಲ್ಲ ದೃಶ್ಯಗಳನ್ನು ನೋಡಿ ಕಣ್ತುಂಬಿಕೊಂಡರು.
ಸಂಕ್ರಾಂತಿ ಮಹತ್ವದ ಕುರಿತು ಅತಿಥಿಗಳ ಮಾತು
ಮುಖ್ಯ ಅತಿಥಿಯಾಗಿದ್ದ ಶ್ರೀಮತಿ ಗಾಯಿತ್ರಿ ಶಿವರಾಂ ಮಾತನಾಡಿ,
“ಸಂಕ್ರಾಂತಿ ಹಬ್ಬವನ್ನು ದೇಶದ ವಿವಿಧ ರಾಜ್ಯಗಳಲ್ಲಿ ವಿಭಿನ್ನ ರೀತಿಯಲ್ಲಿ ಆಚರಿಸಲಾಗುತ್ತದೆ. ಅದರಲ್ಲೂ ಕರ್ನಾಟಕದಲ್ಲಿ ಸಂಕ್ರಾಂತಿ ಅತೀ ವಿಶೇಷ. ಪುಟಾಣಿ ಹೆಣ್ಣು ಮಕ್ಕಳು ಬಣ್ಣಬಣ್ಣದ ಉಡುಗೆ ಧರಿಸಿ ‘ಎಳ್ಳು-ಬೆಲ್ಲ ತಿಂದು, ಒಳ್ಳೊಳ್ಳೆ ಮಾತಾಡಿ’ ಎಂದು ಸಂಭ್ರಮಿಸುವುದು ನಮ್ಮ ಸಂಸ್ಕೃತಿಯ ಸೌಂದರ್ಯ” ಎಂದು ತಿಳಿಸಿದರು.
ಸಂಸ್ಥೆಯ ಕಾರ್ಯದರ್ಶಿ ಶ್ರೀ ಬಿ. ವಿಜಯ ಕುಮಾರ್ ಮಾತನಾಡಿ,
“ಮಕ್ಕಳು ಸಂಭ್ರಮದಿಂದ ಸಂಕ್ರಾಂತಿಯನ್ನು ಆಚರಿಸುತ್ತಿರುವುದನ್ನು ನೋಡುವುದೇ ಒಂದು ಅಪಾರ ಆನಂದ” ಎಂದರು.
ಮಕ್ಕಳ ಅಂಗಡಿಗಳು – ಪುಟ್ಟ ವ್ಯಾಪಾರಿಗಳ ಸಂಭ್ರಮ
ಕಾರ್ಯಕ್ರಮದ ನಂತರ ವೇದಿಕೆಯ ಬಲಭಾಗದಲ್ಲಿ ಮಕ್ಕಳು ತಮ್ಮ ತಮ್ಮ ಅಂಗಡಿಗಳಲ್ಲಿ ಕುಳಿತು ಸಿಹಿ ತಿಂಡಿಗಳು ಹಾಗೂ ಇತರ ವಸ್ತುಗಳನ್ನು ಮಾರಾಟ ಮಾಡಿದರು. ಶಿಕ್ಷಕರು ಮತ್ತು ಪೋಷಕರು ಮಕ್ಕಳ ಅಂಗಡಿಗಳಲ್ಲಿ ಖರೀದಿ ಮಾಡಿ ಸಂತೋಷಪಟ್ಟರು.
ಗಾಳಿಪಟ ಹಾರಾಟ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮ
ಸಂಕ್ರಾಂತಿಯ ಅಂಗವಾಗಿ ಮಕ್ಕಳು ಗಾಳಿಪಟ ಹಾರಿಸುವ ದೃಶ್ಯ ಎಲ್ಲರ ಗಮನ ಸೆಳೆಯಿತು.
ಅನಂತರ 1ರಿಂದ 4ನೇ ತರಗತಿಯ ಮಕ್ಕಳು ಜಾನಪದ ಸೊಗಡನ್ನು ಬಿಂಬಿಸುವ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಪ್ರದರ್ಶಿಸಿದರು.
ರಂಗೋಲಿ ಸ್ಪರ್ಧೆ – ವಿಜೇತರಿಗೆ ಬಹುಮಾನ
ಸಂಕ್ರಾಂತಿ ಸಂಭ್ರಮದ ಅಂಗವಾಗಿ ಆಯೋಜಿಸಿದ್ದ ರಂಗೋಲಿ ಸ್ಪರ್ಧೆಯಲ್ಲಿ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.
ಕಾರ್ಯಕ್ರಮ ನಿರ್ವಹಣೆ
ಕುಮಾರಿ ಶ್ರಾವ್ಯ ಪ್ರಾರ್ಥನೆ ಸಲ್ಲಿಸಿದರು.
ಶ್ರೇಯಾ ಮತ್ತು ಮಯೂಕ್ ನಿರೂಪಿಸಿದರು.
ಆರ್ನ ಸ್ವಾಗತಿಸಿದರು.
ಸಾಯಿ ಸಮಸ್ಥಿತ ವಂದಿಸಿದರು.
ಉಪಸ್ಥಿತಿ: ಕಾರ್ಯಕ್ರಮದಲ್ಲಿ ಸಂಸ್ಥೆಯ ಆಡಳಿತ ಮಂಡಳಿಯ ಸದಸ್ಯರು, ಐಸಿಎಸ್ಇ ಪ್ರಾಚಾರ್ಯರಾದ ಬಸವರಾಜಯ್ಯ.ಪಿ, ಮುಖ್ಯ ಶಿಕ್ಷಕರಾದ ಶ್ರೀ ಎನ್.ಜಿ. ತಿಪ್ಪೇಸ್ವಾಮಿ, ಎಲ್ಲಾ ಶಿಕ್ಷಕ ಹಾಗೂ ಶಿಕ್ಷಕೇತರ ಸಿಬ್ಬಂದಿ, ವಿದ್ಯಾರ್ಥಿಗಳು ಮತ್ತು ಪೋಷಕರು ಭಾಗವಹಿಸಿದ್ದರು.