ಯಾವ ಸಂದರ್ಭದಲ್ಲಿ ರಕ್ತದ ಒತ್ತಡದಲ್ಲಿ ಏರಿಕೆಯಾಗಿ ತೊಂದರೆ ಕಾಣಿಸುತ್ತದೆ ಅದನ್ನು ಅಧಿಕ ರಕ್ತದ ಒತ್ತಡ ಎಂದು ಕರೆಯಬಹುದು. ಸಾಮಾನ್ಯವಾಗಿ ಯಾವುದೇ ವ್ಯಕ್ತಿಗೆ ರಕ್ತದ ಒತ್ತಡ ಏರಿಕೆ ಅಥವಾ ಇಳಿಕೆ ಆಗುತ್ತಲೇ ಇರುತ್ತದೆ. ಅದರಲ್ಲೂಬೇಸಿಗೆಯಲ್ಲಿ ರಕ್ತದೊತ್ತಡವು ಅಧಿಕವಾದರೆ, ಆಗ ಅದರ ಕೆಲವು ಲಕ್ಷಣಗಳು ಕಾಣಿಸಿಕೊಳ್ಳುವುದು. ಅದು ಗುರುತಿಸುವುದು ಅತೀ ಅಗತ್ಯ. ಈ ಲೇಖನದಲ್ಲಿ ಯಾವೆಲ್ಲಾ ಲಕ್ಷಣಗಳು ಬೇಸಿಗೆಯಲ್ಲಿ ರಕ್ತದೊತ್ತಡ ಅಧಿಕವಾಗಿದೆ ಎನ್ನುವುದನ್ನು ಸೂಚಿಸುತ್ತದೆ ಎಂದು ತಿಳಿಸಿಕೊಡಲಿದೆ.
ಮನುಷ್ಯನಿಗೆ ರಕ್ತದೊತ್ತಡ ಯಾವಾಗಲೂ ನಾರ್ಮಲ್ ಆಗಿರಬೇಕು. ಒಂದು ವೇಳೆ ಇದರಲ್ಲಿ ವ್ಯತ್ಯಾಸವಾದರೆ ಅದರ ನೇರ ಪರಿಣಾಮ ಹೃದಯದ ಮೇಲೆ ಉಂಟಾಗುತ್ತದೆ. ಒಂದು ವೇಳೆ ರಕ್ತದೊತ್ತಡದಲ್ಲಿ ಏರುಪೇರಾದರೆ ರಕ್ತನಾಳಗಳಲ್ಲಿ ರಕ್ತ ಸಂಚಾರ ಸರಿಯಾಗಿ ನಡೆಯುವುದಿಲ್ಲ! ಕೊನೆಗೆ ಇದೇ ಕಾರಣದಿಂದಾಗಿ ಹೃದಯದ ಮೇಲೆ ಹೆಚ್ಚಿನ ಒತ್ತಡ ಉಂಟಾಗಿ ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.
ಮನುಷ್ಯನಿಗೆ ರಕ್ತದೊತ್ತಡ 120/80 ಎಂದು ಹೇಳಲಾಗುತ್ತದೆ. ಇದಕ್ಕಿಂತ ಹೆಚ್ಚು ಕಡಿಮೆ ಆದರೆ ಅದನ್ನು ಅಧಿಕ ರಕ್ತದೊತ್ತಡ ಅಥವಾ ಕಡಿಮೆ ರಕ್ತದೊತ್ತಡ ಎಂದು ಕರೆಯಲಾಗುತ್ತದೆ. ಹೀಗಾಗಿ ಮನುಷ್ಯನ ರಕ್ತ ದೊತ್ತಡವನ್ನು ಯಾವಾಗಲೂ ನಾರ್ಮಲ್ ಆಗಿ ಇಟ್ಟುಕೊಳ್ಳಬೇಕು. ಇದಕ್ಕಾಗಿ ವೈದ್ಯರ ಬಳಿ ಪರೀಕ್ಷೆ ಮಾಡಿಸಿಕೊಂಡು, ಆರೋಗ್ಯಕಾರಿ ಜೀವನ ಶೈಲಿಯನ್ನು ಅನುಸರಿಸಬೇಕು.
ಮಯೋ ಕ್ಲಿನಿಕ್ ನವರು ಹೇಳುವ ಪ್ರಕಾರ
- ಇಂದಿನ ದಿನಗಳಲ್ಲಿ ಕಂಡು ಬರುವ ಒತ್ತಡದ ಜೀವನಶೈಲಿ, ಅನಾರೋಗ್ಯ ಕಾರಿ ಆಹಾರಪದ್ಧತಿ ಹಾಗೂ ಜೀವನ ಪದ್ಧತಿಯ ಬದಲಾವಣೆ ಹೀಗೆ ಹಲವು ಕಾರಣಗಳಿಂದ ಅಧಿಕ ರಕ್ತದೊತ್ತಡ ಸಮಸ್ಯೆ ಸಣ್ಣವಯಸ್ಸಿನಲ್ಲಿಯೇ ಹೆಚ್ಚಿನವರಲ್ಲಿ ಕಾಣಿಸಿಕೊಳ್ಳುತ್ತಿದೆ.
- ಈ ಕಾಯಿಲೆ ಆರಂಭದಲ್ಲಿ ಯಾವುದೇ ರೀತಿಯ ಗಂಭೀರ ರೋಗಲಕ್ಷಣಗಳನ್ನು ತೋರಿಸದ ಈ ರಕ್ತದೊತ್ತಡ ಸಮಸ್ಯೆಯು ದಿನಕಳೆದಂತೆ ಕಣ್ಣು ಮಂಜಾಗುವುದು, ತಲೆ ಸುತ್ತುವಿಕೆ, ಎದೆ ನೋವು, ಉಸಿರಾಟದ ಸಮಸ್ಯೆಯನ್ನು ತಂದೊಡ್ಡುತ್ತದೆ.
- ಅದರಲ್ಲೂ ಬೇಸಿಗೆಯಲ್ಲಿ ರಕ್ತದೊತ್ತಡ ನಿಯಂತ್ರಣದ ಬಗ್ಗೆ ಮಯೋ ಕ್ಲಿನಿಕ್ ನವರು ಮಾತನಾಡಿದ್ದಾರೆ. ಅಧಿಕ ತಾಪಮಾನ ಮತ್ತು ಉಷ್ಣತೆಯಿಂದಾಗಿ ಹೃದಯ ಸಂಬಂಧಿ ಕಾಯಿಲೆ ಇರುವವರಲ್ಲಿ ಅಧಿಕ ರಕ್ತದೊತ್ತಡವು ಕಾಣಿಸಿಕೊಳ್ಳುವುದು. ದೇಹವು ಬೇಸಿಗೆಯಲ್ಲಿ ತಂಪಾಗಿ ಇರಲು ಪ್ರಯತ್ನಿಸುವುದು. ಇದಕ್ಕಾಗಿ ಅದು ದೇಹದಲ್ಲಿ ರಕ್ತದ ಸರಬರಾಜನ್ನು ಹೆಚ್ಚಿಸುವುದು. ಇದಕ್ಕಾಗಿ ಹೃದಯವು ಹೆಚ್ಚು ಕೆಲಸ ಮಾಡಬೇಕಾಗುತ್ತದೆ.
- ಆದರೆ ತಾಪಮಾನವು 45 ಡಿಗ್ರಿಯಿಂದ 50 ಡಿಗ್ರಿ ತನಕ ಇದ್ದರೆ ಆಗ ನಮ್ಮ ದೇಹದ ಉಷ್ಣತೆ ಕೂಡ ಹೆಚ್ಚಾಗುವುದು. ಹೀಗಾಗಿ ಉಷ್ಣತೆ ಕಡಿಮೆ ಮಾಡಲು ಹೃದಯವು ಇನ್ನಷ್ಟು ರಕ್ತವನ್ನು ಪಂಪ್ ಮಾಡುವುದು. ಇದರಿಂದ ಹೃದಯ ಬಡಿತವು ಸಾಮಾನ್ಯಕ್ಕಿಂತಲೂ ಹೆಚ್ಚು ಬಡಿಯುವುದು. ಇದರ ಪರಿಣಾಮವಾಗಿ ರಕ್ತದೊತ್ತಡವು ಹೆಚ್ಚಾಗುವುದು.
ಹೃದಯ ಜೋರಾಗಿ ಬಡಿದು ಕೊಳ್ಳಲು ಪ್ರಾರಂಭವಾಗುವುದು!
ಯಾವಾಗ ರಕ್ತದಲ್ಲಿ ಏರುಪೇರು ಉಂಟಾಗುತ್ತದೆಯೋ ಅಂತಹ ಸಂದರ್ಭ ದಲ್ಲಿ ನಮ್ಮ ಹೃದಯ ತನ್ನ ಕಾರ್ಯ ಚಟುವಟಿಕೆ ಮುಂದುವ ರಿಸಲು ಕಷ್ಟಪಡುತ್ತದೆ. ಇದಕ್ಕಾಗಿ ನಮ್ಮ ಹೃದಯ ಹೆಚ್ಚಿನ ಬಲದಿಂದ ತನ್ನ ಕೆಲಸಕಾರ್ಯವನ್ನು ಮುಂದುವರೆಸಬೇಕಾಗುತ್ತದೆ. ಆದರೆ ಹೃದಯಕ್ಕೆ ಸಂಪರ್ಕಿಸುವ ಹಲವಾರು ರಕ್ತನಾಳಗಳು ತುಂಬಾನೇ ಸೂಕ್ಷ್ಮವಾಗಿದ್ದು, ಒಂದು ವೇಳೆ ಹೃದಯ ಜೋರಾಗಿ ಬಡಿದು ಕೊಳ್ಳಲು ಪ್ರಾರಂಭಿಸಿದರೆ, ರಕ್ತನಾಳಗಳು ಹಾನಿಗೊಳ್ಳುತ್ತವೆ.
ಮಾನಸಿಕ ಗೊಂದಲ ಶುರುವಾಗಿ ಬಿಡುತ್ತದೆ
ಒಂದು ವೇಳೆ ರಕ್ತದ ಒತ್ತಡ ಮಿತಿಮೀರಿ ಹೋದರೆ,ಅದು ಮೆದುಳಿನ ಮೇಲೆ ಪ್ರಭಾವ ಬೀರುತ್ತದೆ! ಇದರಿಂದ ಮಾನಸಿಕವಾಗಿ ಸಾಕಷ್ಟು ಬದಲಾವಣೆ ಗಳು ಉಂಟಾಗುತ್ತವೆ, ಇದರಲ್ಲಿ ಮಾನಸಿಕ ಗೊಂದಲ ಕೂಡ ಒಂದು. ಮಾನಸಿಕ ಗೊಂದಲದಲ್ಲಿ ಇರುವ ವ್ಯಕ್ತಿಗಳು ಜೀವನದಲ್ಲಿ ಯಾವುದೇ ಒಂದು ಒಳ್ಳೆಯ ನಿರ್ಧಾರಗಳನ್ನು ತೆಗೆದು ಕೊಳ್ಳಲು ಸಾಧ್ಯವಾಗುವುದಿಲ್ಲ.
ಅತಿಯಾಗಿ ಬೆವರುವುದು ಅಥವಾ ಬೆವರದೆ ಇರುವುದು
ಅಧಿಕ ರಕ್ತದೊತ್ತಡ ಸಮಸ್ಯೆಯು ಇದ್ದರೆ ಆಗ ಅತಿಯಾಗಿ ಬೆವರುವಿಕೆ ಉಂಟಾಗಬಹುದು. ಇನ್ನೊಂದು ಲಕ್ಷಣವೆಂದರೆ ತುಂಬಾ ಉಷ್ಣ ವಾತಾವರಣವಿದ್ದರೂ ಬೆವರದೆ ಇರಬಹುದು.
ನಿಶ್ಯಕ್ತಿ ಕಾಣಿಸಿಕೊಳ್ಳುವುದು
ದೀರ್ಘಕಾಲಿಕ ಅಧಿಕ ರಕ್ತದೊತ್ತಡ ಸಮಸ್ಯೆಯು ನಿಶ್ಯಕ್ತಿ ಉಂಟು ಮಾಡ ಬಹುದು. ಇದರಿಂದ ದೇಹದ ಶಕ್ತಿ ಮತ್ತು ತ್ರಾಣ ಕಡಿಮೆ ಆಗುವುದು. ಹೃದಯವು ರಕ್ತವನ್ನು ಪಂಪ್ ಮಾಡಲು ಹೆಚ್ಚು ಶ್ರಮ ವಹಿಸುವ ಕಾರಣ ನಿಶ್ಯಕ್ತಿ ಕಂಡುಬರುವುದು.
ಬೆಳಗ್ಗೆ ತಲೆನೋವು ಅಥವಾ ತಲೆಸುತ್ತು ಕಂಡು ಬರುವುದು
ಅಧಿಕ ರಕ್ತದೊತ್ತಡದ ಸಮಸ್ಯೆ ಜಾಸ್ತಿಯಾಗಿ ಬಿಟ್ಟರೆ, ಕೆಲವರಿಗೆ ಬೆಳಗಿನ ಸಮಯದಲ್ಲಿ ತೀವ್ರವಾಗಿ ತಲೆ ನೋವು ಕಾಣಿಸಿಕೊಳ್ಳುತ್ತದೆ! ಇನ್ನು ಕೆಲವರಿಗೆ ಮಧ್ಯಾಹ್ನ ಅಥವಾ ಸಂಜೆಯ ಸಮಯದಲ್ಲಿ ತಲೆನೋವು ಬರುವಂತೆ ಮಾಡಬಹುದು. ಅದರಲ್ಲೂ ಬೇಸಿಗೆಯಲ್ಲಿ ಪ್ರತಿದಿನವೂ ಹೀಗೆ ಇದ್ದರೆ, ಯಾವುದೇ ಕಾರಣಕ್ಕೂ ತಮ್ಮ ಆರೋಗ್ಯದ ಬಗ್ಗೆ ನಿರ್ಲಕ್ಷತೆ ವಹಿಸಬಾರದು. ಸಾಧ್ಯವಾದಷ್ಟು ಬೇಗನೇ ವೈದ್ಯರನ್ನು ಕಂಡು ಪರಿಹಾರವನ್ನು ಕಂಡುಕೊಳ್ಳಬೇಕು.
ಎದೆನೋವು ಕಾಣಿಸಿಕೊಳ್ಳುವುದು
ರಕ್ತದೊತ್ತಡದಲ್ಲಿ ಏರುಪೇರಾದರೆ, ಹೃದಯ ಮತ್ತು ರಕ್ತನಾಳಗಳ ಮೇಲೆ ಹೆಚ್ಚಿನ ಒತ್ತಡ ಬೀಳುವುದು .ಇದರಿಂದಾಗಿ ಎದೆನೋವು, ಬಿಗಿತ್ವ ಮತ್ತು ಅಸ್ವಸ್ಥತೆ ಉಂಟಾಗುವ ಸಾಧ್ಯತೆ ಹೆಚ್ಚಿರುತ್ತದೆ.
ಕಣ್ಣಿನಲ್ಲಿ ರಕ್ತದ ಕಲೆಗಳು
ಅಧಿಕ ರಕ್ತದೊತ್ತಡದಿಂದಾಗಿ ಕಣ್ಣಿನಲ್ಲಿ ಕೆಂಪು ಕಲೆಗಳು ಕಾಣಿಸಿಕೊಳ್ಳ ಬಹುದು. ಕಣ್ಣಿನ ಬಿಳಿ ಭಾಗದಲ್ಲಿ ಕೆಂಪು ಅಥವಾ ನೇರಳೆ ಬಣ್ಣದ ರಕ್ತನಾಳಗಳು ಕೂಡ ಕಾಣಿಸಿಕೊಳ್ಳಬಹುದು. ಅಧಿಕ ರಕ್ತದೊತ್ತಡದಿಂದ ರಕ್ತನಾಳಗಳಿಗೆ ಹಾನಿಯಾದ ಸಂದರ್ಭದಲ್ಲಿ ಅಥವಾ ದುರ್ಬಲಗೊಂಡಾಗ ಹೀಗೆ ಕಾಣಿಸುವುದು.
ಕೈ ಮತ್ತು ಕಾಲುಗಳಲ್ಲಿ ಊತ
ದೇಹದಲ್ಲಿ ರಕ್ತದೊತ್ತಡ ಹೆಚ್ಚಾದಾಗ, ಕಾಲು ಹಾಗೂ ಪಾದಗಳಲ್ಲಿ ಊತ ಕಾಣಿಸಿಕೊಳ್ಳುತ್ತದೆ! ಇದಕ್ಕೆ ಪ್ರಮುಖ ಕಾರಣವೇನೆಂದ್ರೆ ರಕ್ತನಾಳಗಳ ಒಳಗಿರುವ ಸೂಕ್ಷ್ಮ ಅಂಗಾಂಶಗಳು ಹಾನಿಗೆ ಒಳಗಾಗುವುದರಿಂದ, ಹಾಗೂ ಸರಿಯಾಗಿ ರಕ್ತಪರಿಚಲನೆ ಆಗದೇ ಇರುವುದರಿಂದ ಈ ರೀತಿಯ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುವುದು! ಸಕ್ಕರೆಕಾಯಿಲೆಯಿಂದ ಬಳಲುತ್ತಿರುವ ವರಿಗೂ ಕೂಡ ಇದೇ ರೀತಿಯ ಪರಿಸ್ಥಿತಿ ಉಂಟಾಗುವುದು.