Neck Pain Causes: ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್‌ಫೋನ್, ಲ್ಯಾಪ್‌ಟಾಪ್ ಮತ್ತು ಪಿಸಿಯನ್ನು ಗಂಟೆಗಟ್ಟಲೆ ಬಳಸುವುದನ್ನು ತಪ್ಪಿಸಲು ಸಾಧ್ಯವಾಗದ ಸ್ಥಿತಿಯಿದೆ. ಹೀಗೆ ದೀರ್ಘಕಾಲಿಕವಾಗಿ ಬಳಸುತ್ತಾ ಹೋದರೆ ಕೆಲವೊಮ್ಮೆ ಕುತ್ತಿಗೆ ನೋವು, ಬೆನ್ನು ನೋವು ಕಾಣಿಸಿಕೊಳ್ಳುತ್ತದೆ. ಆದರೆ, ನಾವು ಕುತ್ತಿಗೆಯನ್ನು ಸರಿಯಾದ ಸ್ಥಾನದಲ್ಲಿ ಇರಿಸದಿದ್ದಾಗ ಮಾತ್ರ ಇಂತಹ ಸಮಸ್ಯೆಗಳು ಉದ್ಭವಿಸುತ್ತವೆ ಎಂದು ವೈದ್ಯರು ತಿಳಿಸುತ್ತಾರೆ. ಈ ಸ್ಟೋರಿಯಲ್ಲಿ ಕತ್ತನ್ನು ಸರಿಯಾಗಿ ಇರಿಸಿಕೊಳ್ಳುವುದು ಹೇಗೆ? ಉತ್ತಮ ಕ್ರಮದಲ್ಲಿ ಕುಳಿತುಕೊಳ್ಳುವುದು ಹೇಗೆ? ಮಲಗುವುದು ಹೇಗೆ ಎಂಬುದರ ಬಗ್ಗೆ ವೈದ್ಯರು ಏನು ಹೇಳುತ್ತಾರೆಂದು ಅರಿತುಕೊಳ್ಳೋಣ.

Neck Pain Causes: ಗಂಟೆಗಟ್ಟಲೆ ಫೋನ್​ನಲ್ಲಿ ಮಾತನಾಡುವವರಿಗೆ, ಕಂಪ್ಯೂಟರ್, ಲ್ಯಾಪ್ ಟಾಪ್ ಹೆಚ್ಚು ಬಳಸುವವರಿಗೆ ಕುತ್ತಿಗೆ ನೋವು ಬರುತ್ತದೆ ಎಂದು ಖ್ಯಾತ ವೈದ್ಯರಾದ ಹಾಗೂ ಬೆನ್ನುಮೂಳೆಯ ಶಸ್ತ್ರಚಿಕಿತ್ಸಕ ಜಿ.ವಿ.ಪಿ. ಸುಬ್ಬಯ್ಯ ಹೇಳುತ್ತಾರೆ. ನೀವು ದಿನನಿತ್ಯ ಮಾಡುವ ಎಲ್ಲಾ ಅಸಡ್ಡೆ ಕಾರ್ಯಗಳು ನಿಮ್ಮ ಕುತ್ತಿಗೆಯ ಮೇಲೆ ಹೆಚ್ಚಿನ ಹೊರೆ ಬೀಳುವಂತೆ ಮಾಡುತ್ತದೆ. ಇದು ಕುತ್ತಿಗೆ ನೋವಿಗೆ ಕಾರಣವಾಗುತ್ತದೆ ಎಂದು ವೈದ್ಯರು ತಿಳಿಸುತ್ತಾರೆ. ಒಂದೇ ಕಡೆ ಕುಳಿತು ಕತ್ತು ಅಲಗಾಡಿಸದಂತೆ ದೀರ್ಘಕಾಲದವರೆಗೆ ಕುಳಿತರೆ ಸಾಮಾನ್ಯ ನೋವು ಕಾಣಿಸುತ್ತದೆ ಎನ್ನುತ್ತಾರೆ ತಜ್ಞರು.

ಕೀಲುಗಳಲ್ಲಿ ಊತ (ಸಂಧಿವಾತ) ಮತ್ತು ಕಶೇರುಖಂಡಗಳ ನಡುವಿನ ಡಿಸ್ಕ್​ಗಳ ತೊಂದರೆ ಸೇರಿದಂತೆ ಮುಂತಾದ ಸಮಸ್ಯೆಗಳಿವೆ. ಕಳಪೆ ಭಂಗಿ ಅಥವಾ ಸ್ನಾಯುವಿನ ಶಕ್ತಿ ಕಡಿಮೆಯಾಗುವುದು, ಒತ್ತಡ, ನಿದ್ರೆಯ ಕೊರತೆ ಮುಂತಾದ ವಿಷಯಗಳು ಕುತ್ತಿಗೆ ನೋವನ್ನು ಹೆಚ್ಚಿಸಬಹುದು. ಅದಕ್ಕಾಗಿಯೇ ಕುತ್ತಿಗೆ ನೋವನ್ನು ಲಘುವಾಗಿ ಪರಿಗಣಿಸಬಾರದು ಎಂದು ಹೇಳಲಾಗುತ್ತದೆ. ಆದರೆ, ಕೆಲವು ಮುನ್ನೆಚ್ಚರಿಕೆಗಳಿಂದ ಕುತ್ತಿಗೆ ನೋವನ್ನು ನಿವಾರಿಸಬಹುದು. ಈ ಹಿನ್ನೆಲೆಯಲ್ಲಿ ವಹಿಸಬೇಕಾದ ಮುನ್ನೆಚ್ಚರಿಕೆ ಕ್ರಮಗಳೇನು ಎಂಬುದನ್ನು ಇದೀಗ ತಿಳಿದುಕೊಳ್ಳೋಣ.

ವೈದ್ಯರ ಸಲಹೇಗಳೇನು?:

• ಒಂದೇ ಭಂಗಿಯಲ್ಲಿ ಹೆಚ್ಚು ಹೊತ್ತು ಕುಳಿತುಕೊಳ್ಳದಂತೆ ನೋಡಿಕೊಳ್ಳಲು ವೈದ್ಯರು ತಿಳಿಸುತ್ತಾರೆ. ಗಂಟೆಗಟ್ಟಲೆ ಕುಳಿತುಕೊಳ್ಳಬಾರದು ಮತ್ತು ಆಗೊಮ್ಮೆ ಈಗೊಮ್ಮೆ ಎದ್ದು ನಾಲ್ಕು ಹೆಜ್ಜೆ ನಡೆದಾಡಬೇಕು ಎಂದು ಸಲಹೆ ನೀಡುತ್ತಾರೆ.
• ಕುರ್ಚಿಗಳು ಮತ್ತು ಮೇಜುಗಳು ನಿಮ್ಮ ಕುತ್ತಿಗೆಗೆ ಸೂಕ್ತವಾಗಿವೆ ಎಂದು ಖಚಿತಪಡಿಸಿಕೊಳ್ಳಬೇಕಾಗುತ್ತದೆ. ಕಂಪ್ಯೂಟರ್ ಮಾನಿಟರ್‌ನ ಮೇಲ್ಭಾಗವು ಕಣ್ಣಿನ ಮಟ್ಟದಲ್ಲಿದೆ ಎಂದು ಖಚಿತಪಡಿಸಿಕೊಳ್ಳಲು ವೈದ್ಯರು ಶಿಫಾರಸು ಮಾಡುತ್ತಾರೆ.
• ಕೆಲವರು ಫೋನ್‌ನಲ್ಲಿ ಹ್ಯಾಂಡ್ಸ್- ಫ್ರೀ ವೈಶಿಷ್ಟ್ಯವನ್ನು ಬಳಸಲು ಬಯಸುತ್ತಾರೆ. ಮತ್ತು ಹೆಡ್‌ಸೆಟ್ ಅನ್ನು ಸಹ ಧರಿಸುತ್ತಾರೆ. ಮಡಿಲಲ್ಲಿ ಇಡುವುದಕ್ಕಿಂತ ದಿಂಬಿನ ಮೇಲೆ ಇಟ್ಟರೆ ಕುತ್ತಿಗೆಯ ಮೇಲೆ ಪರಿಣಾಮ ಬೀರದಂತೆ 45 ಡಿಗ್ರಿ ಕೋನದಲ್ಲಿ ವಾಲುತ್ತದೆ ಎನ್ನುತ್ತಾರೆ ವೈದ್ಯರು.
• ಕನ್ನಡಕವನ್ನು ಧರಿಸುವ ಜನರು ತಮ್ಮ ದೃಷ್ಟಿಯನ್ನು ಕಾಲಕಾಲಕ್ಕೆ ಸರಿಪಡಿಸಬೇಕು. ಇಲ್ಲದಿದ್ದರೆ, ಸ್ಪಷ್ಟವಾಗಿ ನೋಡಲು ನಿಮ್ಮ ತಲೆಯನ್ನು ಹಿಂದಕ್ಕೆ ತಿರುಗಿಸಬೇಕಾಗುತ್ತದೆ.
• ಮಲಗುವಾಗ ದಿಂಬು ತುಂಬಾ ಎತ್ತರದಲ್ಲಿದ್ದರೆ ಕತ್ತಿನ ಚಲನೆಯ ಮೇಲೆ ಪರಿಣಾಮ ಬೀರುತ್ತದೆ ಎನ್ನುತ್ತಾರೆ ವೈದ್ಯರು. ಆದ್ದರಿಂದ ದಿಂಬು ಕುತ್ತಿಗೆಗೆ ಸಮನಾಗಿರುವಂತೆ ಖಚಿತಪಡಿಸಿಕೊಳ್ಳಲು ಸೂಚಿಸಲಾಗುತ್ತದೆ. ನಿದ್ರೆಯ ಸಮಸ್ಯೆಗಳು ಸ್ನಾಯು ಮತ್ತು ಮೂಳೆ ನೋವಿನಂತಹ ವಿವಿಧ ಕಾಯಿಲೆಗಳಿಗೆ ಕಾರಣವಾಗಬಹುದು.
• ಭಾರವಾದ ವಸ್ತುಗಳನ್ನು ಹಿಡುದು ಚಲಿಸುವಾಗ ಕುತ್ತಿಗೆ ಮತ್ತು ಬೆನ್ನಿನ ಮೇಲೆ ಎಷ್ಟು ಭಾರ ಹಾಕುತ್ತಾರೆ ಎಂಬುದನ್ನು ಗಮನಿಸಬೇಕು ಮತ್ತು ಅಗತ್ಯವಿದ್ದರೆ ಇತರರ ಸಹಾಯವನ್ನು ತೆಗೆದುಕೊಳ್ಳಬೇಕು ಎಂದು ವೈದ್ಯರು ಹೇಳುತ್ತಾರೆ.

ಸಾಮಾನ್ಯವಾಗಿ ಕುತ್ತಿಗೆ ನೋವಿಗೆ ಹೆದರುವಂಥದ್ದೇನೂ ಇಲ್ಲ. ಆದರೆ, ಭುಜ ಮತ್ತು ದೇಹದ ಕೆಳಗಿನ ಭಾಗಗಳಿಗೆ ನೋವು ಹರಡದಂತೆ ಎಚ್ಚರ ವಹಿಸಲು ವೈದ್ಯರು ಬಯಸುತ್ತಾರೆ. ತೋಳು ಅಥವಾ ಕಾಲುಗಳಲ್ಲಿ ದೌರ್ಬಲ್ಯ ಅಥವಾ ಮರಗಟ್ಟುವಿಕೆ ಕಂಡುಬಂದರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸಲು ಸೂಚಿಸಲಾಗುತ್ತದೆ. ಕುತ್ತಿಗೆ ನೋವಿನ ಜೊತೆಗೆ ತೂಕ ನಷ್ಟ ಮತ್ತು ಜ್ವರವನ್ನು ನಿರ್ಲಕ್ಷಿಸಬೇಡಿ ಎಂದು ವೈದ್ಯರು ಎಚ್ಚರಿಸುತ್ತಾರೆ.

ಓದುಗರಿಗೆ ಮುಖ್ಯ ಸೂಚನೆ: ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳುವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ನಿಮಗೆ ನೀಡಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣತರ ಸಲಹೆಯನ್ನು ತೆಗೆದುಕೊಳ್ಳುವುದು ಉತ್ತಮ.

Source : https://www.etvbharat.com/kn/!health/neck-pain-symptoms-neck-pain-treatment-methods-kas24092105700