ಥೈರಾಯ್ಡ್ ಬಂದ್ರೆ ಕೆಲವರು ತೂಕ ವಿಪರೀತ ಕಡಿಮೆಯಾಗುತ್ತದೆ. ಇನ್ನೂ ಕೆಲವರಲ್ಲಿ ತೂಕ ವಿಪರೀತ ಹೆಚ್ಚಾಗುತ್ತದೆ ಎನ್ನುವುದನ್ನು ನೀವು ಕೇಳಿರುವಿರಿ. ಹಾಗಾದ್ರೆ ಈ ತೂಕವನ್ನು ಇಳಿಸುವ ಥೈರಾಯ್ಡ್ ಯಾವುದು ತಿಳಿಯೋಣ.
ಇತ್ತೀಚಿನ ದಿನಗಳಲ್ಲಿ ಥೈರಾಯ್ಡ್ ಸಮಸ್ಯೆಯೂ ಹೆಚ್ಚುತ್ತಲಿದೆ. ಇದಕ್ಕೆ ಅನಿಯಮಿತ ಆಹಾರ ಪದ್ಧತಿ, ಒತ್ತಡ ಮತ್ತು ದೈಹಿಕ ಚಟುವಟಿಕೆಯ ಕೊರತೆಯಿಂದಾಗಿ ಹಾರ್ಮೋನುಗಳ ಸಮಸ್ಯೆಗಳು ಹೆಚ್ಚುತ್ತಿವೆ. ಅಂತಹ ಹಾರ್ಮೋನ್‌ ಸಮಸ್ಯೆಗಳಲ್ಲಿ ಥೈರಾಯ್ಡ್ ಕೂಡಾ ಒಂದು. ಥೈರಾಯ್ಡ್ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಪ್ರತಿ ವರ್ಷ ಮೇ 25 ರಂದು ವಿಶ್ವ ಥೈರಾಯ್ಡ್ ದಿನವನ್ನು ಆಚರಿಸಲಾಗುತ್ತದೆ. ಥೈರಾಯ್ಡ್ ನಮ್ಮ ಗಂಟಲಿನಲ್ಲಿರುವ ಒಂದು ಸಣ್ಣ ಗ್ರಂಥಿಯಾಗಿದ್ದು ಅದು ದೇಹದ ಚಯಾಪಚಯ ಕ್ರಿಯೆಯನ್ನು ನಿಯಂತ್ರಿಸುತ್ತದೆ. ಈ ಗ್ರಂಥಿಯು ಸರಿಯಾಗಿ ಕಾರ್ಯನಿರ್ವಹಿಸದಿದ್ದಾಗ, ದೇಹದಲ್ಲಿ ಹಾರ್ಮೋನುಗಳ ಅಸಮತೋಲನ ಉಂಟಾಗುತ್ತದೆ.
ಹೈಪರ್ ಹಾಗೂ ಹೈಫೋಥೈರಾಯ್ಡ್
ಥೈರಾಯ್ಡ್‌ನಲ್ಲಿ ಎರಡು ವಿಧಗಳಿವೆ. ಒಂದು ಹೈಪರ್ ಥೈರಾಯಿಡ್‌ ಇನ್ನೋಂದು ಹೈಪೋಥೈರಾಯಿಡ್. ಥೈರಾಯ್ಡ್ ತೂಕ, ಮನಸ್ಥಿತಿ, ಜೀರ್ಣಕ್ರಿಯೆ ಮತ್ತು ಹೃದಯ ಬಡಿತದಂತಹ ಹಲವು ಅಂಶಗಳ ಮೇಲೆ ಪರಿಣಾಮ ಬೀರುತ್ತದೆ. ಇವುಗಳಲ್ಲಿ ಒಂದು ಥೈರಾಯ್ಡ್‌ನಲ್ಲಿ ತೂಕ ಹೆಚ್ಚಾದರೆ ಇನ್ನೊಂದು ಥೈರಾಯ್ಡ್‌ನಲ್ಲಿ ತೂಕ ಇಳಿಯುತ್ತದೆ. ಆದರೆ ಯಾವುದರಲ್ಲಿ ತೂಕ ಹೆಚ್ಚಾಗೋದು ಹಾಗೂ ತೂಕ ಇಳಿಯೋದು ಎನ್ನುವುದರ ಬಗ್ಗೆ ಸರಿಯಾದ ಮಾಹಿತಿ ಬಹುತೇಕರಿಗಿಲ್ಲ.
ತೂಕ ಇಳಿಕೆಗೆ ಕಾರಣವಾಗುವ ಥೈರಾಯ್ಡ್
ಹೈಪರ್ ಥೈರಾಯ್ಡಿಸಮ್ ತೂಕ ಇಳಿಕೆಗೆ ಕಾರಣವಾಗುವ ಥೈರಾಯ್ಡ್. ಇದರಲ್ಲಿ ವ್ಯಕ್ತಿಯ ತೂಕ ಇಳಿಯಲಾರಂಭಿಸುತ್ತದೆ. ನಿಮ್ಮ ಥೈರಾಯ್ಡ್ ಗ್ರಂಥಿಯು ಅಧಿಕ ಪ್ರಮಾಣದಲ್ಲಿ ಥೈರಾಯ್ಡ್ ಹಾರ್ಮೋನುಗಳನ್ನು (T3 ಮತ್ತು T4) ಉತ್ಪಾದಿಸಿದಾಗ ಹೈಪರ್ ಥೈರಾಯ್ಡಿಸಮ್ ಸಂಭವಿಸುತ್ತದೆ.
ಈ ಸ್ಥಿತಿಯಲ್ಲಿ, ನಿಮ್ಮ ದೇಹದ ಚಯಾಪಚಯ ಕ್ರಿಯೆ ತುಂಬಾ ವೇಗವಾಗುತ್ತದೆ. ಇದರರ್ಥ ನೀವು ಸಾಮಾನ್ಯ ಅಥವಾ ಕಡಿಮೆ ಪ್ರಮಾಣದ ಆಹಾರವನ್ನು ಸೇವಿಸಿದರೂ ಸಹ ದೇಹವು ಹೆಚ್ಚಿನ ಕ್ಯಾಲೊರಿಗಳನ್ನು ಸುಡುತ್ತದೆ. ಹೈಪರ್ ಥೈರಾಯ್ಡಿಸಮ್ ನಲ್ಲಿ ಗ್ರಂಥಿಯು ಹೆಚ್ಚು ಸಕ್ರಿಯವಾಗುತ್ತದೆ. ಇದು ದೇಹದ ಹಲವು ವ್ಯವಸ್ಥೆಗಳ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಹಲವು ರೀತಿಯ ಲಕ್ಷಣಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ.
ಹೈಪರ್ ಥೈರಾಯ್ಡಿಸಮ್ ನ ಲಕ್ಷಣಗಳು
ತೂಕ ನಷ್ಟವು ಈ ರೋಗದ ಪ್ರಮುಖ ಲಕ್ಷಣವಾಗಿದೆ. ಆದರೆ ಇದರ ಹೊರತಾಗಿ ಇನ್ನೂ ಅನೇಕ ಲಕ್ಷಣಗಳಿವೆ. ಉದಾಹರಣೆಗೆ ತ್ವರಿತ ಹೃದಯ ಬಡಿತ, ಹೆದರಿಕೆ, ಕಿರಿಕಿರಿ ಮತ್ತು ಆತಂಕ, ಕೈಗಳು ನಡುಗುವುದು, ಬೆವರುವುದು, ನಿದ್ರಾಹೀನತೆ ಅಥವಾ ಚಡಪಡಿಕೆ, ಆಯಾಸ ಮತ್ತು ದೌರ್ಬಲ್ಯ, ಕೂದಲು ಉದುರುವುದು, ಅನಿಯಮಿತ ಮುಟ್ಟಿನ ಸಮಸ್ಯೆ. ಈ ಯಾವುದೇ ಲಕ್ಷಣಗಳು ನಿಮಗೆ ಕಂಡುಬಂದರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಮುಖ್ಯ.
ಹೈಪರ್ ಥೈರಾಯ್ಡಿಸಮ್‌ಗೆ ಕಾರಣವೇನು?
ಇದೊಂದು ಸ್ವಯಂ ನಿರೋಧಕ ಕಾಯಿಲೆಯಾಗಿದ್ದು, ಇದರಲ್ಲಿ ದೇಹದ ರೋಗನಿರೋಧಕ ಶಕ್ತಿ ತಪ್ಪಾಗಿ ಥೈರಾಯ್ಡ್ ಗ್ರಂಥಿಯನ್ನು ಅತಿಯಾಗಿ ಸಕ್ರಿಯಗೊಳಿಸುತ್ತದೆ.
ಥೈರಾಯ್ಡ್ ಗ್ರಂಥಿಯ ಊತವು ಹಾರ್ಮೋನುಗಳ ಅಸಮತೋಲನಕ್ಕೆ ಕಾರಣವಾಗಬಹುದು.
ಥೈರಾಯ್ಡ್ ಗ್ರಂಥಿಯಲ್ಲಿ ಉಂಡೆಗಳು ರೂಪುಗೊಳ್ಳಲು ಪ್ರಾರಂಭಿಸುತ್ತವೆ, ಇದು ಹಾರ್ಮೋನುಗಳನ್ನು ಅಧಿಕವಾಗಿ ಉತ್ಪಾದಿಸುತ್ತದೆ.
ಹೈಪರ್ ಥೈರಾಯ್ಡಿಸಮ್ ಅನ್ನು ತಪ್ಪಿಸಲು ಏನು ಮಾಡಬೇಕು
ಹೈಪರ್ ಥೈರಾಯ್ಡಿಸಮ್ ಅನ್ನು ತಪ್ಪಿಸಲು ಜೀವಸತ್ವಗಳು ಮತ್ತು ಖನಿಜಗಳು ಸಮೃದ್ಧವಾಗಿರುವ ಆಹಾರವನ್ನು ಸೇವಿಸುವುದು ಮುಖ್ಯ. ಏಕೆಂದರೆ ತೂಕ ಇಳಿಕೆಯು ಪೌಷ್ಟಿಕಾಂಶದ ಕೊರತೆಗೆ ಕಾರಣವಾಗಬಹುದು.
ಪ್ರೋಟೀನ್ ಭರಿತ ಆಹಾರವನ್ನು ತೆಗೆದುಕೊಳ್ಳಿ, ಪ್ರೋಟೀನ್ ಸ್ನಾಯುಗಳನ್ನು ಆರೋಗ್ಯಕರವಾಗಿಸುತ್ತದೆ, ಆದ್ದರಿಂದ ಮೊಟ್ಟೆ, ಬೇಳೆ, ಕೋಳಿ ಇತ್ಯಾದಿಗಳನ್ನು ಸೇರಿಸಿ.
ನಿಯಮಿತವಾಗಿ ವ್ಯಾಯಾಮ ಮಾಡಿ, ಲಘು ವ್ಯಾಯಾಮವು ಚಯಾಪಚಯ ಕ್ರಿಯೆಯನ್ನು ಸಮತೋಲನಗೊಳಿಸಲು ಸಹಾಯ ಮಾಡುತ್ತದೆ.
ಒತ್ತಡ ಕಡಿಮೆ ಮಾಡಿ, ಯೋಗ ಮತ್ತು ಧ್ಯಾನವು ಹಾರ್ಮೋನುಗಳನ್ನು ಸಮತೋಲನದಲ್ಲಿಡುತ್ತದೆ.
ವೈದ್ಯರನ್ನು ಸಂಪರ್ಕಿಸಿ, ತೂಕ ಹೆಚ್ಚಿಸಲು ಪ್ರಯತ್ನಿಸಬೇಡಿ.
Vijayakarnataka