Sports

IPL 2023: ಕೈಲ್ ಜೇಮಿಸನ್ ಬದಲು ಚೆನ್ನೈ ತಂಡ ಸೇರಿದ ದಕ್ಷಿಣ ಆಫ್ರಿಕಾದ ದೈತ್ಯ ದೇಹಿ ಬೌಲರ್..!

March 20, 2023
samagrasuddi

ಮಾರ್ಚ್ 31 ರಿಂದ ಪ್ರಾರಂಭವಾಗುವ ಐಪಿಎಲ್​ಗೆ ಸಿದ್ಧತೆಗಳು ಬರದಿಂದ ಸಾಗಿದ್ದು, ಈಗಾಗಲೇ ಎಲ್ಲಾ ಫ್ರಾಂಚೈಸಿಗಳು ಅಭ್ಯಾಸ ಆರಂಭಿಸಿವೆ. ಈ ನಡುವೆ ಗಾಯಗೊಂಡ ಆಟಗಾರರ ಬದಲಿ ಆಯ್ಕೆಯ ಪ್ರಕ್ರಿಯೆಯೂ ನಡೆಯುತ್ತಿದ್ದು, ಸಿಎಸ್​ಕೆ ತಂಡ ಕೂಡ ಬದಲಿ ಆಟಗಾರನಾಗಿ ದಕ್ಷಿಣ ಆಫ್ರಿಕಾದ ಬೌಲರ್​ಗೆ ಮಣೆ ಹಾಕಿದೆ.ವಾಸ್ತವವಾಗಿ ಐಪಿಎಲ್ ಆರಂಭಕ್ಕೂ ಮುನ್ನ ನ್ಯೂಜಿಲೆಂಡ್ ತಂಡದ ಬೌಲರ್ ಕೈಲ್ ಜೇಮಿಸನ್ ಇಂಜುರಿಯಿಂದಾಗಿ ಸಿಎಸ್​ಕೆ ತಂಡದಿಂದ ಹೊರಗುಳಿದಿದ್ದರು. ಹೀಗಾಗಿ ಅವರ ಬದಲಿ ಆಟಗಾರನಿಗಾಗಿ ಹುಡುಕುತ್ತಿದ್ದ ಚೆನ್ನೈ ತಂಡ ದಕ್ಷಿಣ ಆಫ್ರಿಕಾದ ವೇಗಿ ಸಿಸಂಡಾ ಮಗಾಲಾ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿದೆ.ಗಾಯದ ಕಾರಣ ಪಂದ್ಯಾವಳಿಯಿಂದ ಹೊರಗುಳಿದಿರುವ ಜೇಮಿಸನ್ ಅವರನ್ನು ಮಿನಿ ಹಾರಜಿನಲ್ಲಿ 1 ಕೋಟಿಗೆ ಸಿಎಸ್​ಕೆ ಖರೀದಿಸಿತ್ತು. ಆದರೆ ಅವರ ಬದಲಿ ಆಟಗಾರನಾಗಿ ಬಂದಿರುವ ಮಗಾಲಾ ಅವರನ್ನು ಮೂಲ ಬೆಲೆ 50 ಲಕ್ಷ ರೂಗಳಿಗೆ ತಂಡಕ್ಕೆ ಸೇರಿಸಿಕೊಂಡಿರುವುದಾಗಿ ಫ್ರಾಂಚೈಸಿ ಹೇಳಿಕೊಂಡಿದೆ.ಇನ್ನು ಸಿಸಂಡಾ ಮಗಾಲಾ ಆಟದ ಅತ್ಯಂತ ಕಡಿಮೆ ಸ್ವರೂಪದಲ್ಲಿ ಅಪಾರ ಅನುಭವವನ್ನು ಹೊಂದಿದ್ದು, ದಕ್ಷಿಣ ಆಫ್ರಿಕಾ ಪರ ಕೇವಲ 4 ಟಿ30 ಪಂದ್ಯಗಳನ್ನು ಆಡಿದ್ದಾರೆ. ಆದರೆ ಮಗಾಲಾ ದೇಶೀಯ ಟಿ20 ಪಂದ್ಯಗಳಲ್ಲಿ ನಿಯಮಿತವಾಗಿ ವಿಕೆಟ್-ಟೇಕರ್ ಎಂಬ ಖ್ಯಾತಿಯನ್ನು ಹೊಂದಿದ್ದಾರೆ. ಸಿಎಸ್​ಕೆ ತಂಡ ಈ ಆವೃತ್ತಿಯ ಮೊದಲ ಪಂದ್ಯವನ್ನು ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ವಿರುದ್ಧ ಅಹಮದಾಬಾದ್‌ನಲ್ಲಿ ಆಡಲಿದೆ. ಆದರೆ ಪಂದ್ಯಾವಳಿಯ ಪ್ರಾರಂಭದ ಪಂದ್ಯಗಳಿಗೆ ಮಗಾಲಾ ಲಭ್ಯವಾಗುವುದು ಅನುಮಾನವಾಗಿದೆ. ಏಕೆಂದರೆ ಆ ಸಮಯದಲ್ಲಿ ಆಫ್ರಿಕಾ ತಂಡ ನೆದರ್​ಲೆಂಡ್ಸ್ ವಿರುದ್ಧ ಏಕದಿನ ಸರಣಿ ಆಡಲಿದೆ.

source https://tv9kannada.com/photo-gallery/cricket-photos/ipl-2023-chennai-super-kings-sign-magala-as-injured-jamiesons-replacement-psr-au14-539541.html

Views: 0

Leave a Reply

Your email address will not be published. Required fields are marked *