Sports

BCCI Men’s Contracts: ಟೀಮ್ ಇಂಡಿಯಾಗೆ 451 ಕೋಟಿ ನೀಡಿದ ಬಿಸಿಸಿಐ: ಅತೀ ಹೆಚ್ಚು ಮೊತ್ತ ಪಡೆದ ಆಟಗಾರ ಯಾರು ಗೊತ್ತಾ?

March 27, 2023
samagrasuddi

ಭಾರತೀಯ ಕ್ರಿಕೆಟ್ ಮಂಡಳಿ (ಬಿಸಿಸಿಐ) ಆಟಗಾರರ ಹೊಸ ಗುತ್ತಿಗೆ ಒಪ್ಪಂದ ಪಟ್ಟಿಯನ್ನು ಪ್ರಕಟಿಸಿದೆ. 2022-23ರ ಕೇಂದ್ರೀಯ ಗುತ್ತಿಗೆ ಒಪ್ಪಂದ ಪಟ್ಟಿಯಲ್ಲಿ ಒಟ್ಟು 26 ಆಟಗಾರರು ಸ್ಥಾನ ಪಡೆದಿದ್ದಾರೆ. ಇವರಲ್ಲಿ ನಾಲ್ವರು ಆಟಗಾರರು ಉನ್ನತ ದರ್ಜೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಒಪ್ಪಂದದಂತೆ A+ ಗ್ರೇಡ್​ನಲ್ಲಿ ಕಾಣಿಸಿಗೊಂಡಿರುವ ಆಟಗಾರರು ವಾರ್ಷಿಕವಾಗಿ ಬರೋಬ್ಬರಿ 7 ಕೋಟಿ ಪಡೆಯಲಿದ್ದಾರೆ. ಈ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಜಸ್​ಪ್ರೀತ್ ಬುಮ್ರಾ ಹಾಗೂ ರವೀಂದ್ರ ಜಡೇಜಾ ಕಾಣಿಸಿಕೊಂಡಿದ್ದಾರೆ. ಇನ್ನು ಕಳೆದ ವರ್ಷ A+ ಗ್ರೇಡ್​ನಲ್ಲಿದ್ದ ಕೆಎಲ್ ರಾಹುಲ್ ಅವರನ್ನು ಈ ಪಟ್ಟಿಯಿಂದ ಕೈ ಬಿಡಲಾಗಿದ್ದು, ಜಡೇಜಾ ಅವರನ್ನು ಆಯ್ಕೆ ಮಾಡಲಾಗಿದೆ.ಇನ್ನು A ಗ್ರೇಡ್​ನಲ್ಲಿ ಒಟ್ಟು 5 ಆಟಗಾರರು ಸ್ಥಾನ ಪಡೆದಿದ್ದು, ಹಾರ್ದಿಕ್ ಪಾಂಡ್ಯ, ರವಿಚಂದ್ರನ್ ಅಶ್ವಿನ್, ಮೊಹಮ್ಮದ್ ಶಮಿ, ರಿಷಭ್ ಪಂತ್, ಅಕ್ಷರ್ ಪಟೇಲ್ ವಾರ್ಷಿಕವಾಗಿ ತಲಾ 5 ಕೋಟಿ ರೂ. ಪಡೆಯಲಿದ್ದಾರೆ.ಹಾಗೆಯೇ B ಗ್ರೇಡ್​ನಲ್ಲಿ ಚೇತೇಶ್ವರ್ ಪೂಜಾರ, ಕೆಎಲ್ ರಾಹುಲ್, ಶ್ರೇಯಸ್ ಅಯ್ಯರ್, ಮೊಹಮ್ಮದ್ ಸಿರಾಜ್, ಸೂರ್ಯಕುಮಾರ್ ಯಾದವ್, ಶುಭ್​ಮನ್ ಗಿಲ್​ಗೆ ವರ್ಷಕ್ಕೆ ತಲಾ 3 ಕೋಟಿ ರೂ. ಸಿಗಲಿದೆ.ಇನ್ನು C ಗ್ರೇಡ್​ನಲ್ಲಿ ಉಮೇಶ್ ಯಾದವ್, ಶಿಖರ್ ಧವನ್, ಶಾರ್ದೂಲ್ ಠಾಕೂರ್, ಇಶಾನ್ ಕಿಶನ್, ದೀಪಕ್ ಹೂಡಾ, ಯುಜ್ವೇಂದ್ರ ಚಹಲ್, ಕುಲ್ದೀಪ್ ಯಾದವ್, ವಾಷಿಂಗ್ಟನ್ ಸುಂದರ್, ಸಂಜು ಸ್ಯಾಮ್ಸನ್, ಅರ್ಷದೀಪ್ ಸಿಂಗ್, ಕೆಎಸ್ ಭರತ್ ಕಾಣಿಸಿಕೊಂಡಿದ್ದು, ಇವರಿಗೆ ವಾರ್ಷಿಕವಾಗಿ ತಲಾ 1 ಕೋಟಿ ರೂ. ನೀಡಲಿದೆ.ಭಾರತೀಯ ಕ್ರಿಕೆಟ್ ಮಂಡಳಿ ಕಳೆದ 5 ವರ್ಷಗಳಿಂದ ಆಟಗಾರರಿಗೆ ಕೋಟಿ ಮೊತ್ತವನ್ನೇ ನೀಡುತ್ತಾ ಬಂದಿದೆ. ಅದರಂತೆ ಕಳೆದ ಐದು ವರ್ಷಗಳಲ್ಲಿ ಬಿಸಿಸಿಐ ಆಟಗಾರರಿಗೆ ಒಟ್ಟು 451 ಕೋಟಿ ರೂ. ನೀಡಿದೆ. 2022-23ರಲ್ಲಿ 26 ಆಟಗಾರರಿಗೆ ಒಟ್ಟು 82 ಕೋಟಿ ರೂ. ನೀಡಿದ್ದರೆ, 2021-22ರಲ್ಲಿ 27 ಆಟಗಾರರಿಗೆ 79 ಕೋಟಿ ನೀಡಲಾಗಿತ್ತು. ಇನ್ನು 2020-21ರಲ್ಲಿ 28 ಆಟಗಾರರಿಗೆ 96 ಕೋಟಿ ರೂ. ಹಾಗೂ 2019-20ರಲ್ಲಿ 27 ಆಟಗಾರರಿಗೆ 99 ಕೋಟಿ ನೀಡಿತ್ತು. ಹಾಗೆಯೇ 2018-19ರಲ್ಲಿ 25 ಆಟಗಾರರಿಗೆ 95 ಕೋಟಿ ನೀಡಲಾಗಿದೆ. ಅಂದರೆ, 5 ವರ್ಷಗಳಲ್ಲಿ ಬಿಸಿಸಿಐ ಆಟಗಾರರಿಗೆ ಸಂಭಾವನೆಯಾಗಿ ಒಟ್ಟು 451 ಕೋಟಿ ರೂ. ನೀಡಿದೆ.ಈ ಅವಧಿಯಲ್ಲಿ ಅತೀ ಹೆಚ್ಚು ಮೊತ್ತ ಪಡೆದಿರುವುದು ಮೂವರು ಆಟಗಾರರು. ಅಂದರೆ ಕಳೆದ ಐದು ವರ್ಷಗಳಿಂದ A+ ಗ್ರೇಡ್​ನಲ್ಲಿ ಕಾಣಿಸಿಕೊಂಡಿರುವ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಮತ್ತು ಜಸ್ಪ್ರೀತ್ ಬುಮ್ರಾ ತಲಾ 35 ಕೋಟಿ ರೂ. ಪಡೆದಿದ್ದಾರೆ.

source https://tv9kannada.com/photo-gallery/cricket-photos/bcci-mens-contracts-bcci-distributed-451-crores-for-team-india-in-last-5-years-zp-au50-544028.html

Leave a Reply

Your email address will not be published. Required fields are marked *