Sports

IPL 2023: ಅತೀ ಹೆಚ್ಚು ಸಿಕ್ಸ್ ಬಾರಿಸಿದ ಐಪಿಎಲ್ ತಂಡ ಯಾವುದು ಗೊತ್ತಾ?

March 29, 2023
samagrasuddi

IPL 2023: ವಿಶ್ವದ ಶ್ರೀಮಂತ ಕ್ರಿಕೆಟ್ ಟೂರ್ನಿ ಐಪಿಎಲ್ ಸೀಸನ್ 16 ಕ್ಕೆ ಮಾರ್ಚ್ 31 ರಂದು ಚಾಲನೆ ಸಿಗಲಿದೆ. ಅಹಮದಾಬಾದ್​ನಲ್ಲಿ ನಡೆಯಲಿರುವ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ ಕಣಕ್ಕಿಳಿಯಲಿದೆ. ಈ ಬಾರಿ ಭಾರತದಲ್ಲೇ ಎಲ್ಲಾ ಪಂದ್ಯಗಳು ನಡೆಯಲಿದ್ದು, ಹೀಗಾಗಿ ಭಾರತೀಯ ಆಟಗಾರರಿಂದ ಒಂದಷ್ಟು ದಾಖಲೆಗಳು ನಿರೀಕ್ಷಿಸಬಹುದು.ಅದರಲ್ಲೂ ಬ್ಯಾಟಿಂಗ್​ಗೆ ಸಹಕಾರಿಯಾಗಿರುವ ಕೆಲ ಮೈದಾನದಲ್ಲಿ ಸಿಕ್ಸ್​ಗಳ ಸುರಿಮಳೆಯನ್ನು ನಿರೀಕ್ಷಿಸಬಹುದಾಗಿದೆ. ಹೀಗೆ ಐಪಿಎಲ್​ನಲ್ಲಿ ಕೆಲ ತಂಡಗಳು ಸಿಕ್ಸ್​ಗಳ ಸುರಿಮಳೆ ಸುರಿಸಿದ ಇತಿಹಾಸವನ್ನು ಹೊಂದಿದೆ. ಸ್ಪೋಟಕ ಬ್ಯಾಟಿಂಗ್ ಮೂಲಕ ಐಪಿಎಲ್​ನಲ್ಲಿ ಅತ್ಯಧಿಕ ಸಿಕ್ಸ್ ಸಿಡಿಸಿದ ತಂಡಗಳ ಪಟ್ಟಿ ಈ ಕೆಳಗಿನಂತಿದೆ...1- ಮುಂಬೈ ಇಂಡಿಯನ್ಸ್: ಐಪಿಎಲ್​ನಲ್ಲಿ ಅತ್ಯಧಿಕ ಸಿಕ್ಸ್ ಬಾರಿಸಿದ ತಂಡ ಎಂಬ ದಾಖಲೆ ಮುಂಬೈ ಇಂಡಿಯನ್ಸ್ ಹೆಸರಿನಲ್ಲಿದೆ. 231 ಪಂದ್ಯಗಳನ್ನಾಡಿರುವ ಮುಂಬೈ ಇಂಡಿಯನ್ಸ್​ ತಂಡದ ಆಟಗಾರರಿಂದ ಇದುವರೆಗೆ 1408 ಸಿಕ್ಸ್​ಗಳು ಮೂಡಿಬಂದಿವೆ.2- ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ಈ ಪಟ್ಟಿಯಲ್ಲಿ ಆರ್​ಸಿಬಿ ತಂಡವು 2ನೇ ಸ್ಥಾನದಲ್ಲಿದೆ. 227 ಪಂದ್ಯಗಳನ್ನಾಡಿರುವ ಆರ್​ಸಿಬಿ ಕಡೆಯಿಂದ ಒಟ್ಟು 1377 ಸಿಕ್ಸ್​ಗಳು ಮೂಡಿಬಂದಿವೆ.3- ಪಂಜಾಬ್ ಕಿಂಗ್ಸ್​: ಐಪಿಎಲ್​ನಲ್ಲಿ 218 ಪಂದ್ಯಗಳನ್ನಾಡಿರುವ ಪಂಜಾಬ್ ಕಿಂಗ್ಸ್ ಆಟಗಾರರಿಂದ ಒಟ್ಟು 1276 ಸಿಕ್ಸ್​ಗಳು ಸಿಡಿದಿವೆ.4- ಚೆನ್ನೈ ಸೂಪರ್ ಕಿಂಗ್ಸ್​: ಸಿಎಸ್​ಕೆ ತಂಡವು ಐಪಿಎಲ್​ನಲ್ಲಿ ಒಟ್ಟು 209 ಪಂದ್ಯಗಳನ್ನಾಡಿದ್ದು, ಈ ವೇಳೆ 1268 ಸಿಕ್ಸ್​ಗಳು ಮೂಡಿಬಂದಿವೆ.5- ಕೊಲ್ಕತ್ತಾ ನೈಟ್​ ರೈಡರ್ಸ್: ಐಪಿಎಲ್​ನಲ್ಲಿ 223 ಪಂದ್ಯಗಳನ್ನಾಡಿರುವ ಕೆಕೆಆರ್ ತಂಡದ ಆಟಗಾರರು ಒಟ್ಟು 1226 ಸಿಕ್ಸ್​ಗಳನ್ನು ಬಾರಿಸಿದ್ದಾರೆ.6- ಡೆಲ್ಲಿ ಕ್ಯಾಪಿಟಲ್ಸ್: ಐಪಿಎಲ್​ನಲ್ಲಿ 224 ಪಂದ್ಯಗಳನ್ನಾಡಿರುವ ಡೆಲ್ಲಿ ಕ್ಯಾಪಿಟಲ್ಸ್ ಆಟಗಾರರ ಕಡೆಯಿಂದ 1147 ಸಿಕ್ಸ್​ಗಳು ಮೂಡಿಬಂದಿವೆ.7- ರಾಜಸ್ಥಾನ್ ರಾಯಲ್ಸ್: ರಾಜಸ್ಥಾನ್ ತಂಡವು ಇದುವರೆಗೆ 192 ಪಂದ್ಯಗಳನ್ನು ಆಡಿದ್ದು, ಈ ವೇಳೆ ಒಟ್ಟು 1011 ಸಿಕ್ಸ್​ಗಳನ್ನು ಬಾರಿಸಿದ್ದಾರೆ.8- ಸನ್​ರೈಸರ್ಸ್ ಹೈದರಾಬಾದ್: 152 ಐಪಿಎಲ್​ ಪಂದ್ಯಗಳನ್ನಾಡಿರುವ ಎಸ್​ಆರ್​ಹೆಚ್ ಆಟಗಾರರಿಂದ ಮೂಡಿಬಂದಿರುವುದು 777 ಸಿಕ್ಸ್​ಗಳು.9- ಲಕ್ನೋ ಸೂಪರ್ ಜೈಂಟ್ಸ್​: ಕಳೆದ ಸೀಸನ್​ನಿಂದ ಐಪಿಎಲ್ ಅಭಿಯಾನ ಆರಂಭಿಸಿರುವ ಲಕ್ನೋ ಸೂಪರ್ ಜೈಂಟ್ಸ್​ ಆಟಗಾರರು 15 ಪಂದ್ಯಗಳಲ್ಲಿ ಒಟ್ಟು 115 ಸಿಕ್ಸ್ ಸಿಡಿಸಿದ್ದಾರೆ.10- ಗುಜರಾತ್ ಟೈಟಾನ್ಸ್: ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ತಂಡವು ಐಪಿಎಲ್​ನಲ್ಲಿ 16 ಪಂದ್ಯಗಳನ್ನು ಆಡಿದ್ದು, ಈ ವೇಳೆ ಒಟ್ಟು 79 ಸಿಕ್ಸ್​ಗಳನ್ನು ಬಾರಿಸಿದ್ದಾರೆ.

source https://tv9kannada.com/photo-gallery/cricket-photos/ipl-2023-most-sixes-by-teams-in-ipl-kannada-news-zp-au50-545340.html

Views: 0

Leave a Reply

Your email address will not be published. Required fields are marked *