Sports

IPL 2023 Final CSK vs GT: DLS ನಿಯಮ ಅನ್ವಯಿಸಿದರೆ CSK ಎಷ್ಟು ರನ್​ಗಳಿಸಬೇಕು? ಇಲ್ಲಿದೆ ಮಾಹಿತಿ

May 29, 2023
samagrasuddi

IPL 2023 Final CSK vs GT: ಐಪಿಎಲ್​ ಫೈನಲ್ ಪಂದ್ಯಕ್ಕೆ ಮತ್ತೆ ಭೀತಿ ಎದುರಾಗಿದೆ. ಭಾನುವಾರ ನಡೆಯಬೇಕಿದ್ದ ಗುಜರಾತ್ ಟೈಟಾನ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ನಡುವಣ ಪಂದ್ಯವನ್ನು ಮಳೆಯ ಕಾರಣ ಸೋಮವಾರಕ್ಕೆ ಮುಂದೂಡಲಾಗಿತ್ತು.ಇಂದು ಸಂಜೆ 7.30 ಕ್ಕೆ ಆರಂಭವಾದ ಪಂದ್ಯದಲ್ಲಿ ಟಾಸ್ ಗೆದ್ದ ಸಿಎಸ್​ಕೆ ತಂಡವು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿದೆ. ಅದರಂತೆ ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ ಟೈಟಾನ್ಸ್ ತಂಡಕ್ಕೆ ಶುಭ್​ಮನ್ ಗಿಲ್ (39) - ವೃದ್ಧಿಮಾನ್ ಸಾಹ (54) ಉತ್ತಮ ಆರಂಭ ಒದಗಿಸಿದ್ದರು.ಆ ಬಳಿಕ ಬಂದ ಸಾಯಿ ಸುದರ್ಶನ್ ಕೇವಲ 47 ಎಸೆತಗಳಲ್ಲಿ 6 ಭರ್ಜರಿ ಸಿಕ್ಸ್ ಹಾಗೂ 8 ಫೋರ್​ನೊಂದಿಗೆ 96 ರನ್ ಚಚ್ಚಿದರು. ಪರಿಣಾಮ ಗುಜರಾತ್ ಟೈಟಾನ್ಸ್ ತಂಡವು ನಿಗದಿತ 20 ಓವರ್​ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 214 ರನ್​ ಕಲೆಹಾಕಿದೆ.ಇದೀಗ ಸಿಎಸ್​ಕೆ ತಂಡದ ಬ್ಯಾಟಿಂಗ್ ಶುರುವಾಗಿದ್ದು, ಈ ವೇಳೆ ಮಳೆ ಎದುರಾಗಿದೆ. ಹೀಗಾಗಿ ಪಂದ್ಯವನ್ನು ತಾತ್ಕಾಲಿಕ ಸ್ಥಗಿತಗೊಳಿಸಲಾಗಿದೆ. ಸದ್ಯ ಮೊದಲ ಓವರ್​ನ 3 ಎಸೆತಗಳಲ್ಲಿ 4 ರನ್​ ಕಲೆಹಾಕಿರುವ ಸಿಎಸ್​ಕೆಗೆ ಗೆಲ್ಲಲು ಇನ್ನು 211 ರನ್​ಗಳ ಅವಶ್ಯಕತೆಯಿದೆ.ಒಂದು ವೇಳೆ ಡಕ್​ವರ್ತ್ ಲೂಯಿಸ್ ನಿಯಮವನ್ನು ಅನ್ವಯಿಸಿ ಓವರ್​ಗಳ ಕಡಿತ ಮಾಡಿದರೆ ಸಿಎಸ್​ಕೆ ತಂಡದ ಟಾರ್ಗೆಟ್ ಬದಲಾಗಲಿದೆ. ಇಲ್ಲಿ 5 ಓವರ್​ಗಳ ಪಂದ್ಯ ನಡೆಸಿದರೆ ಸಿಎಸ್​ಕೆ 66 ರನ್​ ಕಲೆಹಾಕಬೇಕಾಗುತ್ತದೆ. ಹಾಗೆಯೇ 10 ಓವರ್​ಗಳ ಪಂದ್ಯವನ್ನು ನಡೆಸಿದರೆ ಸಿಎಸ್​ಕೆ 123 ರನ್​ಗಳಿಸಬೇಕಾಗುತ್ತದೆ. ಇನ್ನು ಡಕ್​ವರ್ತ್ ಲೂಯಿಸ್ ನಿಯಮದ ಪ್ರಕಾರ 15 ಓವರ್​ ಪಂದ್ಯವನ್ನು ನಡೆಸಿದರೆ ಸಿಎಸ್​ಕೆ ಮುಂದೆ 171 ರನ್​ಗಳ ಗುರಿ ಇರಲಿದೆ.

source https://tv9kannada.com/photo-gallery/cricket-photos/ipl-2023-final-dls-targets-for-csk-if-match-is-shortened-kannada-news-zp-589810.html

Leave a Reply

Your email address will not be published. Required fields are marked *