Aaloo Tikki Recipe: ಸಂಜೆಯ ಸ್ಯ್ನಾಕ್ಸ್ ಸಮಯಕ್ಕೆ ಮನೆಯಲ್ಲಿಯೇ ತಯಾರಿಸಿ ಗರಿಗರಿಯಾದ ಆಲೂ ಟಿಕ್ಕಿ

ಹೆಚ್ಚಿನವರು ಆಲೂಗಡ್ಡೆ ಬೋಂಡಾ, ಆಲೂ ಕಟ್ಲೆಟ್, ಆಲೂ ಟಿಕ್ಕಿ ಇತ್ಯಾದಿ ಗರಿಗರಿ ತಿಂಡಿಗಳನ್ನು ಬಹಳ ಇಷ್ಟಪಟ್ಟು ತಿನ್ನುತ್ತಾರೆ. ಆದರೆ ಹೊರಗಡೆ ಲಭ್ಯವಿರುವ ಇಂತಹ ತಿಂಡಿಗಳು ಆರೋಗ್ಯಕ್ಕೆ ಅಷ್ಟೇನೂ ಒಳ್ಳೆಯದಲ್ಲ. ಹಾಗಿರುವಾಗ ನಿಮಗೆ ಆಲೂ ಟಿಕ್ಕಿ ತಿನ್ನುವ ಬಯಕೆಯಾದರೆ ಸಂಜೆ ಚಹಾ ಸಮಯದಲ್ಲಿ ಮನೆಯಲ್ಲಿಯೇ ಆರೋಗ್ಯಕರ ರೀತಿಯಲ್ಲಿ ಆಲೂ ಟಿಕ್ಕಿಯನ್ನು ತಯಾರಿಸಬಹುದು. ಆಲೂ ಟಿಕ್ಕಿಯನ್ನು ತಯಾರಿಸುವ ಸುಲಭ ಪಾಕವಿಧಾನದ ಮಾಹಿತಿ ಇಲ್ಲಿದೆ.

ಸಂಜೆ ಕಾಫಿ ಅಥವಾ ಚಹಾದೊಂದಿದೆ ಗರಿಗರಿಯಾದ ಮಸಾಲೆಯುಕ್ತ ತಿನಿಸು ಇದ್ದರೇನೇ ಖುಷಿ. ಕೆಲವರು ಹಸಿವನ್ನು ನೀಗಿಸಲು ಸಂಜೆ ಹೊತ್ತಿನಲ್ಲಿ ಬೀದಿ ಬದಿಯ ಆಹಾರಗಳನ್ನು ಹೆಚ್ಚಾಗಿ ಸೇವನೆ ಮಾಡುತ್ತಾರೆ. ಆದರೆ ಈ ರೀತಿಯ ಜಂಕ್ ಫುಡ್ ಸೇವನೆಯು ಆರೋಗ್ಯಕ್ಕೆ ಅಷ್ಟೇನು ಒಳ್ಳೆಯದಲ್ಲ. ಇದರ ನಿಯಮಿತ ಸೇವನೆಯು ಬೊಜ್ಜು ಹೆಚ್ಚಾಗಲು, ಕೊಲೆಸ್ಟ್ರಾಲ್ ಹೆಚ್ಚಾಗಲು ಕಾರಣವಾಗಬಹುದು. ಆದ್ದರಿಂದ ನೀವು ಸಂಜೆಯ ಲಘು ಆಹಾರಕ್ಕಾಗಿ  ಆರೋಗ್ಯಕರ ಆಯ್ಕೆಯನ್ನು ಆರಿಸಿಕೊಳ್ಳುವುದು ಮುಖ್ಯ. ಬೀದಿಬದಿಯಲ್ಲಿ ಎಣ್ಣೆಯಲ್ಲಿ ಕರಿದ ಭಜ್ಜಿ, ಬೋಂಡಾ, ಪಕೋಡಾ, ಸಮೋಸಾ ಇತ್ಯಾದಿ ತಿನಿಸುಗಳನ್ನು ತಿನ್ನುವ ಬದಲು ನೀವು ಮನೆಯಲ್ಲಿಯೇ ಸುಲಭವಾಗಿ ಆರೋಗ್ಯಕರ ಸ್ನ್ಯಾಕ್ ರೆಸಿಪಿ ಮಾಡಬಹುದು. ಸಂಜೆ ಒಂದು ಕಪ್ ಚಹಾದೊಂದಿಗೆ ಗರಿಗರಿ ಸ್ಯ್ನಾಕ್ ತಿನ್ನಲು ಬಯಸಿದರೆ ಕಡಿಮೆ ಎಣ್ಣೆಯನ್ನು ಬಳಸಿ ಆಲೂ ಟಿಕ್ಕಿ ತಯಾರಿಸಿಬಹುದು.

ಆಲೂ ಟಿಕ್ಕಿ ತಯಾರಿಸುವ ಸುಲಭ ವಿಧಾನ:

ಆಲೂ ಟಿಕ್ಕಿ ಮಾಡಲು ಬೇಕಾಗುವ ಸಾಮಾಗ್ರಿಗಳು:

• ಆಲೂಗಡ್ಡೆ – 4 ಮಧ್ಯಮ ಗಾತ್ರದ್ದು
• ಹಸಿ ಮೆಣಸಿನಕಾಯಿ – 2 ರಿಂದ 3
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – 1 ಟೀಸ್ಪೂನ್
• ಕೊತ್ತಂಬರಿ ಪುಡಿ – 1 ಟೀಸ್ಪೂನ್
• ಜೀರಿಗೆ ಪುಡಿ – ½ ಟೀಸ್ಪೂನ್
• ಅರಶಿನ ಪುಡಿ – ¼ ಟೀಸ್ಪೂನ್
• ಗರಂ ಮಸಾಲಾ – ¼ ಟೀಸ್ಪೂನ್
• ರುಚಿಗೆ ತಕ್ಕಷ್ಟು ಉಪ್ಪು
•  ಸ್ವಲ್ಪ ಕೊತ್ತಂಬರಿ ಸೊಪ್ಪು
• ಎಣ್ಣೆ

ಆಲೂ ಟಿಕ್ಕಿ ತಯಾರಿಸುವ ಸುಲಭ ವಿಧಾನ:

• ಆಲೂ ಟಿಕ್ಕಿ ತಯಾರಿಸಲು ಮೊದಲಿಗೆ 4 ಮಧ್ಯಮ ಗಾತ್ರದ ಆಲೂಗಡ್ಡೆಯನ್ನು ತೆಗೆದುಕೊಂಡು, ಅದನ್ನು ಚೆನ್ನಾಗಿ ತೊಳೆದುಕೊಂಡು ಒಂದು ಪಾತ್ರೆಯಲ್ಲಿ ಅದನ್ನು ಬೇಯಿಸಿಕೊಳ್ಳಿ.
• ಆಲೂಗಡ್ಡೆ ಬೆಂದ ಬಳಿಕ ಅದನ್ನು ತಣ್ಣಗಾಗಲು ಬಿಡಿ, ಅದು ತಣ್ಣಗಾದ ಬಳಿಕ ಆಲೂಗಡ್ಡೆ ಸಿಪ್ಪೆ ಸುಳಿದು ಚೆನ್ನಾಗಿ ಮ್ಯಾಶ್ ಮಾಡಿಕೊಳ್ಳಿ.
• ನಂತರ ಒಂದು ಪಾತ್ರೆಯನ್ನು ತೆಗೆದುಕೊಂಡು ಅದಕ್ಕೆ ಮ್ಯಾಶ್ ಮಾಡಿದ ಆಲೂಗಡ್ಡೆ, ಸಣ್ಣಗೆ ಹೆಚ್ಚಿದ ಹಸಿಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಧನಿಯಾ ಪುಡಿ, ಜೀರಿಗೆ ಪುಡಿ, ಅರಶಿನ ಪುಡಿ, ಗರಂ ಮಸಾಲಾ ಹಾಕಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪನ್ನು ಕೂಡಾ ಸೇರಿಸಿ ಎಲ್ಲವನ್ನು ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
• ನಂತರ ಈ ಮಿಶ್ರಣದಿಂದ ಸಣ್ಣ ಸಣ್ಣ ಕಟ್ಲೆಟ್ ತಯಾರಿಸಿ, ಬಳಿಕ ಅದನ್ನು ಎಣ್ಣೆಯಲ್ಲಿ ಫ್ರೈ ಮಾಡಿದರೆ ಗರಿಗರಿಯಾದ ಆಲೂ ಟಿಕ್ಕಿ ಸವಿಯಲು ಸಿದ್ಧ.

Source : https://tv9kannada.com/lifestyle/homemade-crispy-aaloo-tikki-for-evening-snack-time-lifestyle-news-mda-704431.html

ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 

WhatsApp Group : https://chat.whatsapp.com/KnDIfiBURQ9G5sLEJLqshk

Facebook page: https://www.facebook.com/samagrasudii

Sharechat: https://sharechat.com/profile/edu514826335?d=n

Twitter: https://twitter.com/SuddiSamagra

Threads: https://www.threads.net/@samagrasuddi.co.in

Instagram: https://www.instagram.com/samagrasuddi.co.in/

Telegram: https://t.me/+E1ubNzdguQ5jN2Y1