📍 ಸ್ಥಳ: ಬೊಮ್ಮನಹಳ್ಳಿ, ಭೀಮಸಮುದ್ರ ಸಮೀಪ
📅 ದಿನಾಂಕ: 2025 ಜುಲೈ 8, ಮಂಗಳವಾರ
ವರದಿ ಮತ್ತು ಪೋಟೋ ವೇದಮೂರ್ತಿ ಭೀಮ ಸಮುದ್ರ
ಭೀಮಸಮುದ್ರ ಬಳಿಯ ಬೊಮ್ಮನಹಳ್ಳಿ ಗ್ರಾಮದಲ್ಲಿ ಪ್ರತಿ ವರ್ಷಾಚರಣೆಯಂತೆ ಈ ವರ್ಷವೂ ಮೊಹರಂ ಹಬ್ಬವನ್ನು ಅತ್ಯಂತ ಭಕ್ತಿಭಾವದಿಂದ ಹಾಗೂ ಸಂಭ್ರಮದಿಂದ ಆಚರಿಸಲಾಯಿತು. ಹಿಂದೂ-ಮುಸ್ಲಿಂ ಭಾವೈಕ್ಯದ ಸ್ಪಷ್ಟ ಉದಾಹರಣೆ ಯಾಗಿ ಈ ಹಬ್ಬವು ಪರಿಚಿತವಾಗಿದೆ.
🔥 ಕೆಂಡದ ಗುಂಡಿಗೆ ಹರಕೆ – ಭಕ್ತರ ಧೈರ್ಯ ಪ್ರದರ್ಶನ
ಹಬ್ಬದ ಪ್ರಮುಖ ಆಕರ್ಷಣೆಯಾದ ಕೆಂಡದ ಗುಂಡಿಗೆ ಹರಕೆ ಆಚರಣೆ ಸೋಮವಾರ ಸಂಜೆ ನಡೆಯಿತು. ಗ್ರಾಮದ ಭಕ್ತರು ಸುಮಾರು 15 ರಿಂದ 20 ಟ್ಯಾಕ್ಟಿಗಳಲ್ಲಿ ಕಟ್ಟಿಗೆಯನ್ನು ತಂದು ಬಡಿದರು. ಅನಂತರ, ಮಂಗಳವಾರ ಬೆಳಗಿನ ಜಾವ 5.00 ಗಂಟೆಗೆ ಕೆಂಡ ತುಳಿಯುವ ಕಾರ್ಯಕ್ರಮ ನಡೆಯಿತು. ಸುಮಾರು 500-600 ಭಕ್ತರು ಕೆಂಡದ ಮೇಲೆ ನಡೆದು ಹರಕೆ ಸಲ್ಲಿಸಿದರು.
👧 ಹೆಣ್ಣು ಮಕ್ಕಳ ಉಪವಾಸ ಹಾಗೂ ಕಸ್ತೂರಿ ರೂಪದ ಕೆಂಡ ಪ್ರದಕ್ಷಿಣೆ
ಸೋಮವಾರ ಬೆಳಗ್ಗೆ ದೇವರ ದರ್ಶನದ ನಂತರ, ಹೆಣ್ಣು ಮಕ್ಕಳು ಬೆಳಗ್ಗೆಯಿಂದ ಉಪವಾಸದಿಂದಿದ್ದು, ದುಗ್ಗಳ ತಾಯಿಯ ರೂಪದಲ್ಲಿ ಕೆಂಡವನ್ನು ಹೊತ್ತು ಪ್ರದಕ್ಷಿಣೆ ಮಾಡಿದರು. ಈ ಆಚರಣೆ, ದೇವಿ ಭಕ್ತಿಯ ಶ್ರದ್ಧಾ ಮತ್ತು ಶಕ್ತಿಯ ಪ್ರತೀಕವಾಗಿ ಅನಿಸಿತು.
🎁 ಹರಕೆ ಸಮರ್ಪಣೆ ಮತ್ತು ಪೂಜೆ
ಕೆಂಡ ತುಳಿದ ನಂತರ ಭಕ್ತಾದಿಗಳು ಬೆಲ್ಲ, ಸಕ್ಕರೆ, ಹೂವಿನ ಹಾರವನ್ನು ದೇವರಿಗೆ ಅರ್ಪಿಸಿ ಹರಕೆ ಸಲ್ಲಿಸಿದರು. ಇದು ದೇವತೆಯ ಅನುಗ್ರಹಕ್ಕೆ ಕೃತಜ್ಞತೆಯ ಸೂಚನೆಯಾಗಿತ್ತು.
🗣️ ಗ್ರಾಮ ಪಂಚಾಯಿತಿ ಸದಸ್ಯ ಮಂಜುನಾಥ ಅವರ ಮಾತುಗಳು:
“ನಮ್ಮ ಗ್ರಾಮದಲ್ಲಿ ಹಿಂದಿನ ಕಾಲದಿಂದಲೂ ಈ ಪದ್ಧತಿ ನಡೆಯುತ್ತಾ ಬಂದಿದೆ. ಹಿಂದೆ ಎತ್ತಿನ ಗಾಡಿಗಳಲ್ಲಿ ಕಟ್ಟಿಗೆಯನ್ನೆತ್ತಿ ತಂದು ಕೆಂಡದ ಗುಂಡಿಗೆ ಹಾಕುತ್ತಿದ್ದರು. ಜಾತಿ-ಮತ ಭೇದವಿಲ್ಲದೇ ಮೊಹರಂ ಹಬ್ಬವನ್ನು ಇಲ್ಲಿ ಆಚರಿಸುತ್ತೇವೆ. ಮದುವೆಯಾದ ಹೆಣ್ಣು ಮಕ್ಕಳು ಕೂಡ ಹಬ್ಬಕ್ಕಾಗಿ ತಮ್ಮ ಊರಿಗೆ ಬರುತ್ತಾರೆ. ಹೈದರಾಬಾದ್, ಆಂಧ್ರ, ಬೆಂಗಳೂರು, ಶಿವಮೊಗ್ಗ, ಚಿತ್ರದುರ್ಗ, ಬಳ್ಳಾರಿ ಸೇರಿದಂತೆ ಹಲವೆಡೆಗಳಿಂದ ಭಕ್ತರು ಆಗಮಿಸುತ್ತಾರೆ.”