ಒಂದೇ ಹೋಟೆಲ್​ನಲ್ಲಿ ಒಟ್ಟಿಗೆ ಕಾಣಿಸಿಕೊಂಡ ಸಾರಾ- ಶುಭ್​ಮನ್; ಗಿಲ್ ಮಾಡಿದ ಪೋಸ್ಟ್ ಸಖತ್ ವೈರಲ್

ಟೀಂ ಇಂಡಿಯಾದ ಯಂಗ್ ಸೆನ್ಸೇಶನ್ ಶುಭ್‌ಮನ್ ಗಿಲ್ (Shubman Gill) ಕ್ರಿಕೆಟ್ ಹೊರತಾಗಿ ತಮ್ಮ ವೈಯಕ್ತಿಕ ಜೀವನದಿಂದಲೂ ಸದಾ ಸುದ್ದಿಯಲ್ಲಿರುತ್ತಾರೆ. ಕ್ರಿಕೆಟ್ ಹೊರತಾಗಿ ಪ್ರೀತಿ ಪ್ರೇಮ ವಿಚಾರದಲ್ಲಿ ಈ ಯುವ ಕ್ರಿಕೆಟಿಗನ ಹೆಸರು ಸೋಶಿಯಲ್ ಮೀಡಿಯಾದಲ್ಲಿ ಸದಾ ಹರಿದಾಡುತ್ತಿರುತ್ತದೆ. ಕೆಲವು ದಿನಗಳಿಂದ ಶುಭ್​ಮನ್ ಗಿಲ್ ಅವರ ಹೆಸರು ಸಾರಾ ಅಲಿ ಖಾನ್ (Sara Ali Khan) ಅವರೊಂದಿಗೆ ತಳುಕು ಹಾಕಿಕೊಂಡಿತ್ತು. ಆದರೆ ಇದೀಗ ಶುಭಮನ್ ಗಿಲ್ ಯಾರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬುದು ಸ್ಪಷ್ಟವಾಗಿದೆ. ವಾಸ್ತವವಾಗಿ, ಇತ್ತೀಚೆಗೆ, ಪ್ರೇಮಿಗಳ ದಿನದಂದು ಗಿಲ್ ಇನ್​ಸ್ಟಾಗ್ರಾಮ್​ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. ಹಾಗೆಯೇ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ (Sara Tendulkar) ಕೂಡ ಕೆಲವು ದಿನಗಳ ಹಿಂದೆ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದರು. ಈ ಇಬ್ಬರ ಪೋಸ್ಟ್ ಬಳಿಕ ಸೋಶಿಯಲ್ ಮೀಡಿಯಾದಲ್ಲಿ ಹೊಸ ಚರ್ಚೆಯೊಂದು ಹುಟ್ಟಿಕೊಂಡಿದ್ದು, ಸಾರಾ ತೆಂಡೂಲ್ಕರ್ ಜೊತೆ ಗಿಲ್ ಡೇಟಿಂಗ್ ಮಾಡುತ್ತಿದ್ದಾರಾ ಎಂಬ ಚರ್ಚೆ ಶುರುವಾಗಿದೆ.

ಗಿಲ್ ಪೋಸ್ಟ್​ನಲ್ಲಿ ಏನಿದೆ?

ವಾಸ್ತವವಾಗಿ ಗಿಲ್ ತಮ್ಮ ಫೋಟೋವೊಂದನ್ನು Instagram ನಲ್ಲಿ ಹಂಚಿಕೊಂಡಿದ್ದಾರೆ. ಅದರಲ್ಲಿ ಅವರು ರೆಸ್ಟೋರೆಂಟ್ ಅಥವಾ ಕೆಫೆಯಲ್ಲಿ ಕುಳಿತಿರುವುದನ್ನು ಕಾಣಬಹುದಾಗಿದೆ. ಇದರಲ್ಲಿ ಗಿಲ್ ಕಾಫಿ ಹಿರುತ್ತಿರುವುದನ್ನು ಕಾಣಬಹುದಾಗಿದೆ. ಈ ಫೋಟೋವನ್ನು ಹಂಚಿಕೊಂಡಿರುವ ಗಿಲ್,  ‘ಹಾಗಾದರೆ ಇಂದು ಯಾವ ದಿನ?’ ಎಂಬ ಶೀರ್ಷಿಕೆಯಲ್ಲಿ ಬರೆದುಕೊಂಡಿದ್ದಾರೆ.

 

View this post on Instagram

 

A post shared by Ꮪhubman Gill (@shubmangill)

ಸಾರಾ ತೆಂಡೂಲ್ಕರ್ ಪೋಸ್ಟ್​ನಲ್ಲಿ ಏನಿದೆ?

ಕೆಲವು ತಿಂಗಳ ಹಿಂದೆ ಅಂದರೆ ಜುಲೈ 2021 ರಲ್ಲಿ ಸಾರಾ ತೆಂಡೂಲ್ಕರ್ ಸಹ ಫೋಟೋವನ್ನು ಹಂಚಿಕೊಂಡಿದ್ದು, ‘ಹೇ ಸಿರಿ, ನನ್ನ ಊಟ ಎಲ್ಲಿದೆ?’ ಎಂದು ಶೀರ್ಷಿಕೆಯಲ್ಲಿ ಬರೆದುಕೊಂಡಿದ್ದರು. ಆದರೆ ಸಾರಾ ಮತ್ತು ಶುಭ್‌ಮನ್‌ ಹಂಚಿಕೊಂಡಿರುವ ಫೋಟೋವನ್ನು ಗಮನಿಸಿದರೆ, ಈ ಫೋಟೋಗಳಲ್ಲಿ ಕಂಡುಬರುವ ಹಿನ್ನೆಲೆ ಚಿತ್ರ ಒಂದೇ ಆಗಿದೆ. ಈಗ ಈ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿರುವ ಫೋಟೋವನ್ನು ನೋಡಿದ ಅಭಿಮಾನಿಗಳು ಸಾರಾ ತೆಂಡೂಲ್ಕರ್ ಮತ್ತು ಗಿಲ್ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಊಹಿಸಲಾರಂಭಿಸಿದ್ದಾರೆ.

 

View this post on Instagram

 

A post shared by Sara Tendulkar (@saratendulkar)

ಸಾರಾ ಅಲಿ ಖಾನ್ ಜೊತೆಗೆ ಗಿಲ್ ಹೆಸರು

ವಾಸ್ತವವಾಗಿ ಶುಭ್‌ಮನ್ ಗಿಲ್ ಅವರ ಹೆಸರೂ ಸಾರಾ ತೆಂಡೂಲ್ಕರ್ ಜೊತೆಗೆ, ಸಾರಾ ಅಲಿ ಖಾನ್ ಅವರೊಂದಿಗೂ ತಳುಕು ಹಾಕಿಕೊಂಡಿದೆ. ಈ ಹಿಂದೆ ಶುಭಮನ್ ಗಿಲ್ ಫೀಲ್ಡಿಂಗ್ ಮಾಡುವ ವೇಳೆ ಅಭಿಮಾನಿಗಳು ಸಾರಾ-ಸಾರಾ ಎಂದು ಕೂಗಿದ್ದರು. ಇದಕ್ಕೂ ಮೊದಲು, ಶುಭಮನ್ ಗಿಲ್ ಅವರು ಸೋನಮ್ ಬಾಜ್ವಾ ಅವರ ಟಾಕ್ ಶೋಗೆ ಬಂದಿದ್ದರು. ಆ ವೇಳೆ ಬಾಲಿವುಡ್‌ನ ಫಿಟೆಸ್ಟ್ ನಟಿ ಯಾರು ಎಂದು ಶುಭ್​ಮನ್ ಬಳಿ ಕೇಳಿದಾಗ, ಅದಕ್ಕೆ ಗಿಲ್, ಸಾರಾ ಅಲಿ ಖಾನ್ ಎಂದಿದ್ದರು. ಇಲ್ಲಿಂದಲೇ ಅವರು ಸಾರಾ ಅಲಿ ಖಾನ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರಾ ಎಂಬ ಗುಸುಗುಸು ಕೇಳಲಾರಂಭಿಸಿತ್ತು.

ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

source https://tv9kannada.com/sports/cricket-news/shubman-gill-and-sara-tendulkar-social-media-post-went-viral-on-valentines-day-psr-au14-520494.html